بعد لما ابوهم مات والدكتور قال انه مات طبيعي الكفن كشف السر…

حسن.
لا يابيه وليد اخونا الصغير بيكون بايت معاه بس في الليله دي وليد اصلا كان مع أصحابه في رحله وكان مسافر قبلها بيوم ومكنش موجود في البيت
وكيل
النيابة
يعني انتو سبت ابوكم وطلعتو كل واحده شقته وصحيتو
الصبح لاقيتوه مات طيب ياحسن احنا هتبعت نجيب زوجتك اللي شافت والدك وهو متوفي
حسن
ومالو يافندم ابعتو هاتوتها
وكيل النيابة
طيب اتفضل انت ياحسن
وبعدها دخل فوزي وحقق معاه وخرج وبعدين 9وليد اللي كان عمال يعيط ومش مبطل عياط ووكيل النيابة قاله
اهدي يا وليد ربنا يرحمة اهدي كده وقولي انت كنت فين بقا
وليد
كنت في البيت يابيه ماهما لسه جايبيني من البيت
وكيل النيابه.
لا انا اقصد يوم وفاه ابوك كنت فين مش انت اللي بتبات معاه في الشقه ولا ابوكم بيبات لوحده
وليد
لا يافندم انا فعلا اللي ببات معاه وكنت نايم وبعدين مرات اخويا الصبح لقيتها بتصوت وبتقول ان ابويا مات
وكيل النيابه بص له بخبث وقاله
يعني مكنتش في رحلة زي ما حسن اخوك بيقول وكنت نايم مع ابوك في الشقه
وليد ارتبك وقاله
اااا ايوه ايوه يا بيه انا فعلا كنت مع اصحابي في رحلة وقبلها بيوم انا بس من الصدمة وانا مش قادر اتكلم وناسي كل حاجة
وكيل النيابه فضل باصص له وبعدها قاله
طيب اتفضل انت يا وليد
وبعت للظابط وقاله
لنت هتتحفظ عليهم في الحبس لحد لما اعرف في ايه عشان وليد وقع بلسانة بحاجة كده ولا اعرفها
و خلو التلاتة الحبس ووليد قالهم
ياريتني مكنت سمعت كلامكم ياريتني انا عايز اخرج من هنا خرجوني من هنا
فوزي
اكتم ياااض اكتم خالص لحسن اخلص عليك دلوقتي سكتة ياحسن هيودينا في داهيه الواد ده
حسن
بس يا وليد بطل اللي انت بتقولو ده
وليد
يا حسن انا عايز اخرج من هنا ياحسن خرجوني بدال ما اقول على كل حاجة انا مش عايز افضل هنا اناااا وفي الوقت ده انهار وليد
راح عليه فوزي وحط ايده على بوقة وقاله
ماتخرس يالااا انت بتستهبل ولا ايه بطل الكلام ده
وليد
انا مش هسكت يا فوزي وهاقول على كل حاجة انا مش عايزة افضل هنا مش كفايه اشتركت معاكم وانا اصلا مكنتش عايز كده مكنتش يحصل ده كله انتو السبب
حسن
أخرس بقاااا انت شكلك مش ناوي تجيبها لبر
وفي الوقت ده دخل عليهم العسكري وهما بيتخانقو مع بعض وقالهم
تعالو معايا وكيل النيابة عايزكم
وراحو مع العسكري ووكيل النيابة قالهم
في ايه انتو عاملين مشاكل مع بعض في الحجز ليه يا فوزي انت وحسن ووليد
وليد
ياباشا انا عندي معلومات عايز اقولها
فوزي
الواد شارب حاجة ياباشا وابويا كان علطول بيتخانق معاه عشان كده سيبك منه ياباشا
وليد
يافوزي انت كداب يافوزي كدااااب انت مش عايزني اتكلم عشان كده عايز تسكتني
وكيل النيابة
هتتكلم تقول ايه يا وليد قول انا سامعك
فوزي
ياباشا الواد ده ااااا
..وكيل النيابة
اسكت يافوزي بدال ما انزلك الحجز دلوقتي حالا اسكت
وسكت فوزي وكمل كلامه مع وليد وقاله
ها يا وليد عايز تقولي ايه عن القضية
وليد
عايز اقول ان احنا اللي قتلنا ابونا انا وفوزي وحسن ياباشا
حسن
الواد ده كدااااب ياباشا متصدقوش الله يخربيتك يا وليد انت ايه ياجدع منك لله
وكيل النيابه
بااااس منك ليه ايييه ياعسكري انت ياعسكري
العسكري
تمام يافندم
وكيل النيابة
خود الاتنين دول وديهم الحجز وسيب لي وليد
وفعلا اخد فوزي وحسن وقال لوليد
كمل يا وليد انا سامعك هااا احكي لي بقا عملتو ايه في ابوكم
وليد
ابويا كان عايز يتجوز وكان مصمم انه يجيب لنا واحده في البيت يعني عشان تخدمة وكده وفي يوم قال لنا
فلاش باك
الاب
انا قررت اتجوز ياحسن انت وفوزي وانا مش باخد الأذن منكم لا انا بس بعرفكم اني هجيب واحده هنا وتبقى مراتي
وليد
هتجيبها فين يا بابا وبعدين انت عارف انا بحب اخد راحتي في شقتي هنا هتجيب لي بقا واحده غريبة ادخل واخرج ازاى انا وهي موجوده
الاب
ماهو انت مش هاتقعد معانا هنا في الشقه لما اتجوز يا وليد انت هتطلع في شقتك اللي فوق هو انت مش ليك شقه فوق
وليد
اااه بس دي عايزة تتوضب واهو يكون احسن برضو انا اصلا عايز اعيش لوحدي
فوزي
طيب ياحاج انت عايز تتجوز ليه ما هي مراتي ومرات حسن بيخدموك انت بقا عايز تتجوز ليه
الاب
انا عايزة واحده صغيرة في السن اتجوزها وتدلعني يا فوزي ولا مليش نفس ادلع وبعدين انا هخلي المهر بتاعها يكون البيت ده هكتبه باسمها
حسن اتعصب وقاله
نعممم بيت ايه ده اللي تكتبه باسمها ليه أن شاء الله البيت يتكتب باسمها انت عايز واحده غريبة تيجي في يوم ترميني انا واخواتي في الشارع انت باين عليك كبرت وخرفت
الاب
انا خرفت ياحسن انت بتقول لابوك الكلام ده
فوزي
ايوه يابا انت فعلا كبرت وخرفت بيت ايه ده اللي عايز تكتبة لواحده غريبة الله اعلم هتجبيها منين هو احنا مش ولادك ولا ايه
الاب
لا يافوزي انتو ولادي بس انا هعمل كده عشان الاقي عروسة ترضي بيا علطول وانا متأكد انه مفيش واحده هتوافق بيا غير بكده
فوزي
يبقا بلاها جواز من أصله واعقل كده وبلاش التفكير ده كله الا البيت اللي اوينا احنا وولادنا
حسن
ايوه صح كده زي ما قالك فوزي بلاها جواز يابا
الاب
لا انا هتجوز غصب عنكم وهجيب العروسة تقعد معايا هنا وهنفذ اللي في دماغي
حسن
يابا بلاش الكلام الفارغ بتاعك ده الناس لو سمعتك وانت بتقول كده هتقول عليك عقلك خف صدقني
الاب
الناس ملهاش حاجة عندي يا حسن وانا حر وعلى رأي المثل من حكم في ماله ما ظلم ولا ايه
فوزي
لا بس متجيش على حقنا يابا والكلام اللي بتقوله ده ميدخلش عقل حد ابدا اصلا فبلاش البيت يابا وشوف حاجة تانية
الاب
خلاص يبقا نقسم البلد نصين انا هخلي كل واحد قاعد في شقتة وتبقا باسمة وباقي البيت هتكبة باسم العروسة وبكده يكون الوضع عادي
حسن
لا برضو يابا مش هينفع البيت ده معمول لينا انا واخواتي يعني بعد عمرا طول ومحدش هايجي يشاركنا فيه انت سامع يابا
الاب