رغما عني
المحتويات
قولت اطلع استنى بالبلكونة لحد مايمشوا والغرفتين على بلكونة واحدة
دخلت البلكونة كانت مظلمة واستخبيت ورا الشجروعملت فوني صامت وطلعت الفون اصور سيلفي لنفسي وانا مستخبية عشان افاجئه
وبدون مااقصد صوتهم كان عالي والب سمعته خلاني اټشل مكاني من الصدمة وطبعا الفون كان بيسجل فيديو الحوار الاتي
انطوان طبعا بيتكلم انجليزي واكتر من لغة ولكن الاغلب بحديثه مع المصريين اللغة الإنجليزية
كان بيقول اظن كدة انا نفذت المطلوب مني
طارق بصراحة اه
صلاح تمام كدة احنا عملنا عملية إلهاء وتشتيت عن الي حصل
طارق انت دماغك جبارة
انطوان فعلا والا ماكونتش هاتوصل للمكان دة
صلاح ياجماعة الذكاء انك تبان غبي ومحدش ينوقع منك شيء وانت تكون عامل كل شيء
ضحك ثلاثتهم
طارق طيب قولي بقى بصراحة لو اختارت انطوان كنت هتعمل ايه
صلاح كنت قټلته وقټلتها زينة دي بتاعتي انا تربيتي ولولا انها شافتك ياغبي يقصد طارق مكنتش طلبتها للجواز دلوقتي
طبعا انا كنت ناوي بس عالاقل نخلص العملية الكبيرة الجاية
انطوان يعني انت بتحبها بجد مش بتبعد تفكيرها عن القټل الي حصل
طارق انت متعرفش حاجة ياانطوان دة بيعشقها دة بعت جاب مراتي من روسيا خاف لزينة تعجب بيا
صلاح دي بنتي انا ماقدرش اتخيل غيري يبصلها حتى انت عارف انا اتخلصت من كام حد حسيت بس انهم لفتوا نظرها
انطوان عامة من مكالمتها مع طارق واضح انها اختارتك
طارق مبروك ياعريس وشها حلو عليك تحل محل عمك الله يرحمه كزعيم للمنظمة وتتجوز حب عمرك وتلبس چريمة القټل لواحد مدمن وترميله السلاح في بيته وتبلغ عنه
صلاح ضحك وقال هنا في مخ وكفاية بقى وطي صوتك وخلينا في المهم
العملية الجاية بشهر العسل تمام
انطوان زعيم فعلا وهاتخبي الحاجة فين
صلاح فستان زينة طبعا
اتفقنا ياجماعة وبلغ الرجالة الي في المخزن يخيطوها كويس ببطانة الفستان مش عاوزين ننكشف
خلصوا كلامهم ومشيوا وانا
باترعش من الخۏف والړعب والصدمة
البلكونة بتاعة العيادة كان فيها سلم خلف العمارة بيوصل للجنينة صلاح تعمد يعمل السلم دة عشان ينزل الجنينة بسهولة لما يحب يقعد لوحده
نزلت من السلم على الجنينة ومنها للشارع الخلفي للشركة
ماشية تايهة ومش عارفة اعمل إيه
اروح فين انكلم مع مين انا لو فكرت احكي لبابا وطبعا بابا هاياخدني ونبعد ساعتها هايجيبونا وهايقتلونا او هايبلغ البوليس وقتها هايقتلوه وممكن يخطفوني وېقتلوني لا دة اكيد اخرة الحوار دة قتل لو حسوا اني عرفت حاجة
اعمل إيه
انا لازم اتصرف بعقل وحكمة
بابا ماينفعش يحس اني اعرف
انا دوخت وحسيت اني محتاجة اعيط واصړخ
مليش حد اروحله او احكيله
دول عصابة وانا اتورطت بس ڠصب عني
روحت ووشي اصفر وشكلي باين عليه اني مړعوپة مهما حاولت اخبي
الحمد لله اني روحن قبل بابا عالبيت لسة قدامه ساعة قبل مايرجع ودخلت عالسرير مثلت اني نايمة
فوني كان بيرن لقيته صلاح
ماردتش عليه
حسيت ان بابا رجع غمضت عنيا دخل لقاني نايمة مارداش يصحيني
مانمتش من التفكير وتاني يوم ماروحتش الشغل مثلت على بابا اني بردانة وتعبانة حتى طارق مش قادرة ارد عليه واعتذر
من كتر السهر والتفكير فعلا حسيت اني تعبانة مش بامثل
استسلمت للنوم وفوقت على حركة بالاوضة
لقيت بابا ومعاه صلاح بيكشف عليا
قومت مخضۏضة وصړخت
بابا جري حضڼي وقالي متقلقيش صلاح كان عاوز يتطمن مني قرارك ايه وانا قولتله بس طبعا بلغته انك تعبانة جه يكشف ويتطمن عليكي
صلاح كان بيبتسم ببراءة وقالي يعني تفرحيني فرحة عمري وتزعليني بنفس التوقيت
وقعد جنبي وقبل ايدي وقالي سيبيني اكمل كشف عليكي
كل دة وانا بابصله ومړعوپة ومش باتكلم
وبعد ماكشف عليا بوجود باباقال اجهاد بس وارهاق محتاجة راحة
وطلع إبرة وقبل مااعترض كان
سلامتك يازينة حياتي
قولتله الله يسلمك انا عاوزةانام
قال اه طبعا تصبحي على خير انا هاقول لطارق وهاخدلك اجازة
طلع هو وبابا وسمعاهم بيدعوا اخف بسرعة غشان يحددوا ميعاد الفرح
صړخت صړخة مكتومة ليه كدة يابابا ورطتني
خلاص يعني مش هاقدر ارجع عن قراري
وفضلت افكر
لحد ماهداني تفكيري لخطة وقررت اعملها
ايه هي خطتها ياترى
يتبع.
الفصل التاسع
وقررت بعد تفكير اني انقذ خطتي
عشان احمي بابا واحمي نفسي منهم
صحيت الصبح
ولبست ملابس ملفتة وجهزت نفسي وقفت امام المرٱة باختصار لا اقاوم ودة المطلوب
ماينفعش نحارب الحقارة الا بالدن اءة
بابا اول ماشافني استغرب قالي ايه طمنيني
متقلقش ياحاج كنت محتاجة راحة بس
الحمد لله بس برضه لوحاسة
بتعب بلاش تنزلي و ارتاحي
لا انا زي الفل المهم مش عاوزاك تخاف عليا ركز على صحتك انت اغلى من نفسي عليا
وقبلت رأسه
حبيبتي شدي حيلك عاوزين نحدد الفرح
ان شاء الله انا هاتغدا مع صلاح وهنتكلم في التفاصيل متقلقش
طبعا جزء من خطتي ان الخطوبة تتم حتى لاأثير الشكوك نزلت واتجهت للشركة وانا جوايا خوف وقلق انا شغالة مع عصابة
جمدت قلبي ودخلت سلمت عالجميع ودخلت اشتغل قبل ماطارق يوصل
اندمجت بممارسة عملي لحد ماوصل طارق كان معاه فون اول ماشافني شاورلي احصله عالمكتب
وقفت دقيقة اتمالك فيها اعصابي ودخلت وانا بابتسم
حمد الله على سلامتك ياقمر
الله يسلمك يابشمهندس
لا لو التعب بيحلي كدة اتعبي كتير
انا حلوة طول عمري ومن يومي بس التواصع بقى
دة شيء اكيد نسيت اباركلك
على ايه
ياسلام يعتي مش عارفة على خطوبتك من صلاح
مثلت اني زعلانة وقلتله اه الله يبارك فيك
مالك زعلانة ليه
مفيش
لا اقعدي كدة وقوليلي لو صلاح مزعلك هاجيبلك حقك
بصيت له وانا مركزة في عينيه وقولتله بدلع ياريته زيك
اتوتر وقالي قصدك ايه
صلاح مش بيقول كلام حلو مبيعرفش يحسسني بجمالي
اعلمهولك دة يبقى عبيط ومحتاج دروس بفن التعامل مع الجمال
ابتسمت ياريت عاوزاه شبهك وحطيت ايديا بخفة على الكرافتة بتاعته وقولتله محتاجة تتظبط وتعمدت اني اقرب منه واحس بتوتره
وفعلا من انفاسه فهمت اني اثرت عليه وبعدها
مثلت اني اتوترت وقولت ااانا نسيت اجيب الملفات
وقومت باڠراء غير متعمد عارفة انه دلوقتي بيفكر في كلامي وهايبدأ ينشغل دة راجل اولا وأخيرا مفتاح اغلب الرجال واحد وقلوبهم فارغة كعيونهم
دخلت بالملفات لقيته سرحان سيبتها عالمكتب وخرجت
شوية وصلاح بعتلي عالواتس وبدأت أكلمه بتقل وبرود
لقيته جه وجايب معاه فطاري المفضل ووردة اتجاهلته وكنت باشتغل عالكمبيوتر ومش بابصله متجاهلاه
وبيقولي مالك بتكلميني ليه كدة عالواتس
مفيش ورايا شغل
طب افطري الاول
لما اخلص
تمام بس اعملي حسابك هانتغدا سوا
ماردتش عليه سابني ودخل لطارق
قربت من باب المكتب باحاول اسمع كلامهم
وكما توقعت
طارق صباح الخير مالك مقفل ليه كدة
سيبني والنبي انا على اخري
في إيه
زينة معرفش متغيرة اول مرة تعاملني كدة
ازاي انت زعلتها
بالعكس انا لولا عارف اخلاقها كنت قولت بحياتها حد تاني
طارق اتوتر وقاله تلاقيها لسة تعبانة متقلقش البنات كدة
هرموناتها وتقلباتها طبيعي جدا بس انت وراها بالحنية والكلام الحلو
انا تعبان بقالي فترة بسببها وبسبب صدها ليا لما طلبت ايدها ولولا الي حصل كانت هاترفضني
طب مايمكن مش بتحبك او قلقانة من فكرة ارتباطها بصديق عمرها
صلاح بعصبيةلا هي بتحبني بس مش حاسة ومش هاتحس الا في بيتي وفي حضڼي لما تعرف اني مش شايف غيرها ومستعد اعمل اي حاجة عشانها
طب اهدا كدة خدها غديها برة بعد الشغل
حصل انا هاقوم اشوف شغلي سلام
سلام
رجعت مكتبي وانا مبسوطة بالنتيجة ورجعت اشتغل
لقيت صلاح قدامي جاب
قولتله ماينفعش كدة لو حد دخل
قالي يولع اي حد
ومسك ايديا وقبلها برقة وقالي مش احنا صحاب
اه
طيب مالك لو زعلتك عرفيني اكيد بدون قصد
لا مش زعلانة
اثبتيلي
ازاي
ابتسمي
لا
مش هامشي الا لما تبتسمي
بطل برود
وادي قعدة خلي طارق يرفدك
ابتسمت اهو مبسوط
حط ايديه على شعري وقالي ابتسامتك اهم من اي حاجة انا ماشي ونتقابل بعد الشغل
ابتسمت فعلا من رقته خسارتك ياصلاح بس ماينفعش اضعف واصدق مشاعر انسان بلا مشاعر ولاقلب
خلص اليوم وطارق طول اليوم بيفكر ومش بمود للشغل
صلاح كان مستنيني بعيادته عشان نخرج سوا
نزلت لقيت السكرتيرة لسة موجودة وبتقولي معاه حالة بغرفة الكشف هو دكتور باطنة بس شهادة حق شاطر جدا
قعدت استناه لحد ماخلص شافني ابتسم وطلب من السكرتيرة تمشي
قالي جاهزة
اها ياللا بينا
ولسة هانمشي طلب مني استنى دقيقة ودخل مكتبه ورجع بسرعه جايب معاه بوكس هدايا صغير
وقال ياللا بينا
نزلنا وروحنا مطعم من اختياره وطلبنا الغدا وعصير لحد ماالغدا يجهز
قالي بهدوء زينة انا عاوزك النهاردة تسأليني واسألك عن اي حاجة بدماغك انا كتاب مفتوح موافقة
اوك
انا هابدأ انتي موافقة عليا صارحيني
ليه السؤال دة
شايفك متغيرة بقالك فترة من ساعة مافاتحتك بالجواز
لازم اتلخبط واتغير وافكر
يعني موافقة زي ماوالدك بلغني
ايوة
انا هاخليكي اسعد واحدة بالعالم عارفة انا دخلت شغل مع طارق وانطوان وكسبت واحتمال افتح مستشفى قريب انا وطارق
وشك حلو عليا
مبروك طيب ممكن اسألك انا وترد بصراحة
طبعا
هل في اي سر بحياتك انا ماعرفهوش
بصراحة يازينة
ياترى هايقول ولا
يتبع.
الفصل العاشر
بصراحة يازينة اه في حاجات مخبيها عنك
ايه هي
هاتعرفيها قريب بس صدقيني هاتفرحك
متأكد انها هاتفرحني
طبعا
هانشوف ياصلاح
شوفي بقى ياست البنات انا هاجي معاكي لبابا ونخلص كل الاتفاقات فلو في حاجة انتي عاوزة تقوليها صارحيني انا جاي عشان اسمعك وتسمعيني
قولتله اه عندي شوية حاجات لاوم نتفق عليها الأول طبعا
قصدك اوامر
مش هاتفرق بس انا مبسوطة بطموحات وبانك دخلت شغل وبتكسب منه انا عاوزة اكمل في شغلي دة اولا ثانيا اكون قريبة من بابا ثالثا لو بالصدفة عرفت انك خبيت عليا حاجة عقاپي هايكون نهايتنا سوا
انا مقدرش اخبي عنك حاجة
انا لسة مخلصتش انت عارفني باحب الصراحة هاتلف وتدور وتكدب وتخبي اي حاجة حتى لو صغيرة هاتتعب معايا وعقاپي هايكون وحش وهايدمرك
خلصتي
اه كدة خلصت
اوك الشغل ماشي بس معايا انا لما نفنح المستشفى ابقي امسكي ادارتها ثانيا دي مختلفناش عليها ثالثاانا مقدرش اخبي وصدقيني لو في أي حاجة مش قايلك عنها زي شغل او غيره دة عشان ماشغلكيش معايا ومع الوقت كل حاجة هاتعرفيها
خلاص كدة اتفقنا
اتفقنا
خلصنا الغدا واتوجهنا للبيت وصلاح قعد مع بابا واتفقوا على كل التفاصيل
صلاح قال كدة فاضل نحدد ميعاد الخطوبة بإذن الله بعد اسبوع
قولتله بعد اذنك يابابا لا طبعا
بابا اسيبكم تتفاهموا عالموضوع دة واقوم اعملكم قهوة
صلاح ليه يازينة انا عاوز الفرح بعد شهر
لا لسة هاتشوف قاعة ونجيب الفستان وحجز الميكب ارتيست كل دة مش في يوم
طيب نخليه خطوبة وجواز
لأ ليه اخر كلام عندي خطوبة بعد شهر جواز بعد ٦ شهور
زينة كتير احنا مش لسة بنتعرف ولاانا مستني الجهاز
انا هارتاح كدة
زينة ارجوكي
دة اخر كلام
احضرنا ياعمي
بابا سمع الي حصل وقالي حبيبتي فرحيني بيكي انا مش ضامن عمري
بعد الشړ عليك
طيب عشان خاطري نقسم البلد الخطوبة بعد اسبوعين والزفاف بعد ٣ شهور
صلاح انا موافق
أمري لله مقدرش اكسرلك كلمة
قلت لنفسي انا كنت بحاول اكسب وقت اه يابابا كل مرة تبوظلي الدنيا
تاني يوم روحت الشغل لقيت طارق موجود
قولتله مالك يابشمهندس
مفيش انا نمت هنا
ليه
متخانق مع مراتي
ليه كدة
بتغير وقرفتني صح المصري ملهوش الا مصرية
طلبت فطار وفطرنا سوا كنت باتعمد اقرب منه بس بحذر واتكلم معاه عن حياته واهتم بتفاصيله كل يوم اكتر من الي قبله لحد مااتعلق بيا بدأت اتجاهله مرة واقرب منه مرة لما جننته
يوم اجازتي صلاح صمم اننا ننزل انا وهو وبابا لانه محضرلنا مفاجئة
صلاح اخدني انا وبابا ولسة هاننزل قالي لأ المفاجئة فوق
الي هو ازاي
استغربت انا وبابا وطلعنا معاه
لاخر دور فتح الشقة وقال اشتريتلك الشقة دي دوبلكس
وطلع عقد من جيبه وقالي هدية جوازنا كتبتها باسمك
بابا مصډوم وانا كمان
بابا قاله كتير ياحبيبي كدة
صلاح مفيش حاجة كتير على زينة
قولتله هي دي المفاجئة
قالي نصها بس
اتقرجوا عالشقة الأول
اتفرجنا طبعا جميلة وناقصها شوية توضيبات بسيطة
ونزلنا معاه لحد الشارع ولقيته بيديني البوكس الصغير الي كان معاه امبارح
وبيقولي افتحيه فتحته لقيته مفتاح عربية
قالي شغليه
دوست عليه لقيت عربية جديدة احدث موديل متغلفة بشريط احمر
بابا قاله كفاية مفاجئات انت ورثت مين يابني وجبت كل دة منين
قاله بقالي فترة باشتغل مع طارق
بابا عالعموم ربنا يسعدكم مبروك ياحبيبتي
قولتله الله يبارك فيك شكرا ياصلاح
صلاح بعد اذنك ياعمي هنتفسح بالعربية وهاخد زينة تختار الشبكة اتفضل معانا
بابا لا وصلوني لحد المحل وروحو انتوا
ركبت معاه وانا سرحانة انت بتغريني بكل دة ليه حب لا دة حب امتلاك يعني انت عملت كدة عشاني ياصلاح برضه مش مقتنعة كان يقدر يكسب بطريق حلال بس للاسف خسارة ياصلاح ياترى انت بتتاجر في إيه
فوقت من سرحاني على صوته ايه ياجميل سرحانة قي ايه
ولاحاجة
طب ياللا نختار الشبكة المحل اهو
نزلنا واخترنا شبكة الماظ قيمة. جدا
واتعشينا وروحنا
كل يوم كنا بنخرج نختار قاعة الافراح ومرة العفش ومرة ديكورات الشقة
وانا مصممة انزل الشغل عشان اشاغل طارق الي بقى متعلق بيا جدا بس بدون مايصرح ووجود صلاح في الصورة هايجننه
كنت بانفذ اڼتقامي بدون ماحد يحس وباجمع اكبر قدر من المعلومات عنهم وساعدني بكدة شغلي مع طارق
بالنسبالهم كانوا بيشتغلوا بثقة ان محدش يعرف عنهم حاجة
بس دة كان الهدوء الذي يسبق العاصفة
واتخطبنا انا وصلاح بفرح أسطوري
وقبل ماالخطوبة ما تخلص بدقايق حصل مالايخطر على بالهم
يتبع
الفصل الحادي عشر
بعد مالبسني الشبكة واحتفلنا ورقصنا وسط سعادة الجميع ماعدا طارق كل مامراته تشده عشان يرقصوا يرفض
كل الي كان فارق معايا السعادة الي شايفاها في عيون بابا كانت كفيلة تسعدني وتنسيني كل حاجة
وقبل انتهاء الفرح لقينا هرج بالقاعة البوليس دخل والظابط بيسأل على صلاح وطارق
صلاح وطارق اتحركوا مع الظابط تحت انظار الجميع لحد برة القاعة شوية ورجعوا صلاح للمدعوين قال مافيش حاجة سوء تفاهم مش اكتر
وجه قعد جنبي بيبتسم بس متوتر قولتله في ايه
متشغليش بالك سوء تفاهم
لأ وشك بيقول في حاجة هاتخبي عليا
حبيبتي متشغليش بالك
خلص الفرح وطارق كان مصمم يعزمنا على العشا احنا ال هو ومراته وانا وصلاح
وبالفعل بابا روح مع بعض
الجيران في عربيتي
وقبل مانتحرك طارق اخد صلاح على جنب وكان منفعل فصوته كان عالي وانا باتظاهر اني باتصور سيلفي بس سامعاهم
صلاح عاجبك كدة بسبب تصرفاتك الغير محسوبة ولولا معارفي كان زماننا راكبين البوكس
طارق انا هتجنن مين الي بلغ علينا
صلاح مش مهم وابقى راجع على رجالتك
طارق يمكن زينة
صلاح وطي صوتك وبعدين هي نست الحوار دة
ياللا بينا وبكرة نخلص من الحوار دة ونهدا شوية كلمت المحامين
طارق اه طبعا
طارق ودانا واحة على طريق مصر اسكندرية وطول الطريق يبصلي بالمراية
اتعشينا وسهرنا وهما طبعآ قلقانين وباين عليهم
روحت وانا اسعد واحدة بالكون مش بسبب الخطوبة بسبب اني بلغت برقم مجهول بانهم قتلوا موظف الحسابات والظابط حاول يعرف انا مين كنت مغيره صوتي لراجل ببرنامج تغيير الأصوات
قولتله اني هاتواصل معاه لأن في
متابعة القراءة
