رغما عني
المحتويات
اجنبي ياللا
مش انا الي تلعب معايا وتسرقني خبيت الفلوس فين
الراجل بتوسل انا طول عمري راجلك وبشتغل معاكم من سنين عمري مامديت ايدي على حاجة انا مااخدتش حاجة وماسرقتكش ياباشا
طارق اداله ضهره وبعدها لف وضربه بالمسډس على وشه
ساعتها فوني رن وهما انتبهوا رجعت لورا ورميت المحفظة عالارض وعملت اني بادور عليها وباعلي صوتي عشان ابان طبيعية
قولت بصوت عالي يوووه هي فين
لقيت طارق ورايا بيقولي بتعملي ايه
اټخضيت وقولتله خضتني يابشمهندس
نسيت محفظتي ورجعت المشوار تاني
قالي بشك ماحستش بيكي
قولتله ملقتش حد من الامن تحت طلعت على طول
اهي المحفظة ووطيت جبتها
قولتله وانا بحاول اخفي توتري انت ايه هاتبات هنا وسايب المودام لوحدها
ضحك وكان واضح انه صدقني معايا ناس صحابي ياللا يافقر عالبيت
تليفوني رن تاني رظيت ايه يابابا انا حاية اهو معلش نسيت محفظتي بالشركة ورجعت جبتها وحوار كدة مش هاتأخر حاضر
سلام
سلام يابشمهندس
طارق سلام يامصيبة
ونزلت وانا باتشاهد
اعصابي سايبة ومش مصدقة الي شوفته يارب مايقتلوه
اعمل ايه ياربي
ايوة اتصل بصلاح وهو يتصرف
مكملتش الفكرة لقيت صلاح بيتصل رديت عليه وقولتله لازم اشوفك
صلاح وحشتك طبعا
لا خالص بس لو ينفع دلوقتي ياريت
صلاح قدامي ساعتين انا في العيادة وعندي حالات كتير
خلاص تمام لما تخلص كلمني
وقفلت معاه وانا محتارة اعمل ايه ولا ماعملش حاجة
روحت ودماغي مشتتة اتطمنت على بابا وحضرت الاكل وانا سرحانة بابا لاحظ وسألني مالي طمنته اني كويسة
دخلت اوضتي وانا خاېفة لقيت اتصال من صلاح
قررت احكيله وبعد ماحكيتله قالي بهدوء انا عارف الحوار دة متقلقيش
بجد طب ايه فهمني
ياستي دة بيشتغل مع عمي من زمان في الحسابات ولما عني ماټ هو استقال ولما طارق مسك الشركة وراجع الحسابات اكتشف فلوس ناقصة وانه الشخص دة اختلسها
عمل الفيلم دة عشان يخوفه ويرجع الفلوس
ااااااه فهمت يعني مفيش قتل
لا لا خالص هو احنا عصابة ولاايه
طمنتني
المهم خلي بالك من نفسك
وانت كمان باي
قفلت معاه وانا مرتاحه
بس الظاهر مش هارتاح كتير لاني تاني يوم لقيت
يتبع
الفصل الخامس
ول ما صحيت اتطمنت على صحة بابا ولقيته الحمد لله زي الفل
فطرنا ونزلت وصلت الشركة لقيت الدنيا مقلوبة وعربيات شرطة قدام الشركة
وفي بوليس واقف
برةوجوة الشركة سألت الامن في إيه الي بيحصل
لقيت ظابط بيقولي حضرتك مين
رد فرد الامن استاذة زينة سكرتيرة المدير
قولتله في إيه
قالي اتفضلي معايا لوسمحتي
قولتله في إيه حد يفهمني
طلع معايا الاسانسير وقالي انتي متعرفيش ان قي چريمة قتل حصلت
ايه مين وازاي
موظف حسابات لقوه مقتول في الشارع قريب من الشركة
قولت في عقلي يلهوي قتلوا الراجل
بمجرد ماوصلنا المكتب لقيت طارق جري عليا وقالي متقلقيش هما بيراجعو الكاميرات وبيحققو مع الكل
مين الي اټقتل يابشمهندس
طارق بيقولو موظف سابق بالحسابات هنا
الظابط اتدخل وطلب مني ارافقه للمكتب
وطارق متوتر جدا بس ابتسم وقالي متقلقيش دة إجراء روتيني
المهم دخلت للظابط فضل يسألني كتير عن معرفتي بالقنيل وانا شوفته مرتين بحياتي وطبعا انكرت اني شوفته امبارح
يتبع
الفصل السادس
صلاح زينة انا بحبك وعاوز اتجوزك
.
مش بتردي ليه
انت فاجئتني
طب ايه رأيك
محتاجة وقت افكر
زينة بعد كل السنين دي صداقة وعشرة مش قادرة تحددي موقفك دلوقتي
انت قولتها بنفسك اهو صداقة وانا مش هاقدر اقول رأيي الا لما افكر متقبلاك زوج ولا لأ
طيب عمرك مافكرتي فيا بأي شكل غير صديق بس
بصراحة لأ
عالعموم حقك تفكري طبعا بس اسأليني قبل ماتقرري اي سؤال بيدور في دماغك
قاطعته زينة وقالت صلاح صلاح اهدا عليا انت عارفني ماقدرش اخد قرار مصيري في دقيقة
اه طبعا عندك حق
ممكن تروحني لو سمحت
طيب ممكن
وناولني شنطة هدايا كبيرة
ايه دة رشوة
ضحك لا ياستي لما تفتحتيها هاتعرفي قيمتك عندي
ابتسمت وقولتله بكل الاحوال ياصلاح انت عارف غلاوتك وقيمتك عندي فاهمني
فاهمك يعني لو لاقدر الله رفضتيني احنا برضه صحاب
اكيد بس انا فعلا مش عارفة اقرر حالا وليا طلب عندك
انت تؤمري
منتقابلش ولاتتصل بيا لحد مااقرر
امرك لو احتجتيني كلميني
وصلني ومشي
طلعت البيت لقيت بابا بيحضر الاكل
دخلت خضيته في المطبخ
ايه ياحاج ياشقي
اتخض وقالي حرام عليكي
طمني عليك ياجميل
الحمد لله ياحبيبتي لما قللت الدهون في الاكل وبقيت اتحرك انزل السلم بدل الاسانسير وبالشغل باقوم بدل القعدة عالدرج طول اليوم حسيت ان صحتي اتحسنت الحمد لله
طمنتني
ياللا عالاكل
اكلت يابابا بس هاقعد معاك عشان عاوزاك
خير اتغديتي فين ومع مين
هاحكيلك كل حاجة
وبعد مااتغدا عملتله شاي وحكيتله كل الي حصل ماعدا الي شوفته
ايه يابابا ماردتش عليا خالص ولابكلمة واحدة
شوفي ياحبيبتي بالنسبة للشغل دي مشاكلهم ملناش دعوة الحق هايبان مهما حصل
اما بالنسبة لصلاح دة قرارك انتي
ولكن يابابا انا عاوزة اعرف رأيك
لو انتي عاوزة رأيي فانا اتمنيته يكون جوزك مش هالاقي احسن منه انا عارف اصله واخلاقه انا واثق منها والا مكنتش سمحتلك تكوني على صداقة معاه طبعا دة غير اني واثق منك ومن تربيتي ليكي
بس قرارك انتي واحساسك اسألي نفسك تقدري تتخيليه زوج بتحبيه صديق بس ولا جواكي في اعجاب كراجل ممكن ترتبطي بيه
طب تقدري تشوفيه مع واحدة تانية
تقدري ولا لأ المهم عندي سعادتك ورضاكي
قومت قبلت جبينه ربنا مايحرمني منك
دخلت اوضتي وقررت افتح الهدية بس قولت لنفسي لأ مش دلوقتي
تاني يوم كان الجمعة إجازة قومت قررت انزل اغير تسريحة شعري ولونه واتمشى كدة
خلصت جالي فون من طارق
غريبة دي
رديت الو ازيك يابشمهندس
الحمد لله يازينة طمنيني عليكي
بخيرالحمد لله
تقدري تجيلي دلوقتي الشركة
ليه خير
محتاجلك تجهزيلي ورق مهم
حاضر مفيش مشكلة
اتصلت ببابا بلغته وروحت الشركة
لقيت طارق ومراته الأجنبية وبعض النوظفين من الحسابات والشئون القانونية وفي عملاء اعرفهم موجودين وفي بعض الرجال الأجانب
طارق عرفهم بيا وعرفني بيهم انهم ان شاء الله هايكونو الشركاء الاجانب وفيهم واحد اسمه انطوان دة المدير وابن عم مراته لانه هايتوسع ويعمل فرع للشركةفى المانيا ابتسمت وباركتلهم وبعدها اتوجهنا لمكتبي وطلب مني اطبعله شغل وملفات
حضرتله طلباته ودخلت المكتب في نفس لحظة خروج انطوان فخبطنا في بعض والورق وقع مني
ابتسم واعتذر ولم كل الورق من الارض
وهو بيناولني الورق بصلي بنظرة إعجاب جريئة جدا حسيت وشي احمر من الخجل
اتضايقت وسيبته ومشيت دخلت لطارق وحضرت معاهم الميتينج كنت باساعد طارق كالعادة وانطوان انضملنا وكان طول الوقت بيبصلي ويكلموه وهو سرحان
طارق اخد باله وقاله ركز معانا
قاله هاحاول
وانا متجاهلاه تماما لحد ماخلصنا ووقعوا على عقود الشراكة واتفقوا على تأسيس مكتب لانطوان طوال فترة وجوده هنا
انطوان قال بالمناسبة دي بكرة هانعمل احتفال بكرة لكل الموظفين
طارق قاله لا دة واجب عليا
استأذنتهم ومشيت طارق قالي تعبتك بس انتي فعلا اساسي معانا لانك مجتهدة وأهل ثقة
ردت مراته وجميلة جدا كمان
ابتسمت وقولتلها انتي الاجمل
وسألت طارق وصلت لايه بموضوع القتيل
انتي متعرفيش انهم لقوا القاټل خلاص
بجد طب كويس مين بقى
القتيل كان مقامر وعليه مبالغ وكان مختلس وواحد من الدائنين تربصله وقټله
الحمد لله ان الموضوع ده خلص
انا هامشي
انطوان انا هاوصلك
لا مافيش
داعي
لا انا مصر برة ضلمة وماينفعش
اوك لاقرب طريق
طول الطريق مش بابصله لحد ماقال انا اسف
علي ايه
نظراتي بس ڠصب عني
مش فاهمة
انتي جميلة
شكرا بس نظراتك جريئة ومايصحش
ليه
حرام
حرام نقول للجميل انت جميل
اه والنظرة حرام مش من حقك
اوك انا اسف اني ضايقتك
اعتذار مقبول نزلني هنا
نزلت وركبت تاكسي لحد البيت
روحت وكل مااجي افتح هدية صلاح ماعرفش
أمنع نفسي ومش عارفة حتى افكر
وتاني يوم روحت الشغل وكان يوم حافل والحمد لله ماشوفتش انطوان دة خالص جهزت كل حاجة للحفلة كان ميعادها بالليل
روحت ارتحت وجهزت نفسي لبست فستان اسود في فضي وعليه من فوق بالطو فرو وفردت شعري وحطيت ميكب رقيق كان شكلي ملفت اوي ونزلت
وصلت الحفلة قبل الجميع انا وطارق ومراته كنت باشرف على كل حاجة
لحد مالكل وصل حتى انطوان وكان بيتحاشى انه يبصلي وطارق القى كلمة على الموظفين
انا مش عارف اعبر عن سعادتي بالشراكة وانا هاستكمل مسيرة والدي ومحتاج لكل التيم يساعدوني بالتطوير لذلك قرر يرقي بعض الموظفين المميزين وعلى رأسهم زينة قررت ترقيتها لمديرة مكتبي
كنت بشرب عصير واتفاجئت باسمي كنت هاشرق
الكل كان بيهنيني وبيثني عليا واني استاهل ابتسمت بخجل
وبعد ماطارق خلص طلب من انطوان يلقي كلمة
وهو كمان اعرب عن سعادته
وبدأ الاحتفال
لقيت انطوان قرب مني وبيطلب مني نرقص
وقبل مااجاوب لقيت الي بيقول وهو بيشدني اسف طلبت منها قبلك
انت
يتبع.
الفصل السابع
انت
صلاح بدون مايستنى رد من انطوان شدني عشان نرقص
قولتله انت جيت منين
المهم اني جيت ولا مش مبسوطة انك شوفتيني
شوية وانطوان كان بيرقص مع واحدة وعنيه علينا
قلت لصلاح طب ابعد متقربش كدة انا ماحبش حد يقرب مني
ضحك اوي
ايه الي بيضحك
اصلي افتكرت يوم ماباباكي تعب
ايه الي بيضحك باليوم دة
مانفهمنيش غلط انتي مش بتحبي حد يلمسك تحت اي ظرف ومع ذلك عيطتي ونمتي في حضڼي
انا ياكداب
اه بس مكنتيش في وعيك
طيب ماهو انت رديت على روحك
بطلي عند
بطل غلاسة
مبروك الترقية
الله يبارك فيك
مش شايفة انك متجاهلاني تماما حتى رسايلي عالواتس مش بتفتحيها وانا مش فاهم
بصراحة مافكرتش ولاهديتك حتى فتحتها
ليه كدة
مش عارفة
طب ممكن نخرج نتكلم برة في هدوء
انا باشرىف عالحفلة مينفعش أمشي
انا هاقول لطارق
وسابني وراح لطارق يكلمه فجأة لقيت انطوان الي كان عمال يراقبنا ساب البنت و جه قرب مني وبيقولي
ممكن بقى افهم ازاي حد يسيب الجمال دة ويمشي
ابتسمت وقولتله ركز مع حد تاني غيري
لقيت كذا بنت بيبصوا على انطوان وبيضحكوا وبيحاولوا يلفتوا نظره
عندهم حق هو وسيم بشكل مش طبيعي طول بعضلات بشعر اسود ناعم عيون لبني زي لون السما وملامح وجه تليق بنجم سينمائي غير الاناقة والبريفيوم الي يجنن ورغم كل دة مالفتش نظري
قولتله ماانت عندك بنات يانا اهو مركزبن معاك
بصراحة مش قادر ولا واحدة منهم لفتت نظري
يعني ايه
معجب بيكي
انت شوفتني من يومين
من اول نظرة
ارجوك كفاية
رافضاني ليه ايه الي مش عاجبك فيا
جرائتك
طيب انا كدة ماتجرأتش خالص
قصدك ايه
دخل صلاح بدون مايبص لانطوان اصلا وقال ياللا بينا يازينة
ومشينا سوا وانطوان واقف مدلوق عليه جردل تلج
ركبنا العربية قولتله هانروح فين
ممكن افهم الأجنبي دة ماله ومالك
صلاح دة قريب مرات طارق وشريك اجنبي
عارف كل دة عاوز ايه منك
معرفش
زينة ماتعصبنيش لو مضايقك قولي
لا خالص كلامه عادي
بس تصرفاته ونظراته لأ
خلاص كبر دماغك منه
ارجوكي يازينة انا مش عاوز حد يبصلك حتى
بتضحكي
شكلك حلو وانت متنرفز هاتوديني فين
ابتسم وقالي هانروح مكان هادي نقدر نتكلم فيه
وروحنا كافيه هادي وبدأ يتكلم انا عاوز افهم من امتى بقيتي شخصية مترددة
من ساعة ماالموضوع بقى متعلق بمستقبلي
انتي خاېفة
قصدك ايه هخاف من إيه
تسيبي والدك لوحده مثلا
صلاح انا عاوزة امشي
زينة انا مش هاخليكي تبعدي عن بابا هانسكن جنبه
صلاح انا
انتي إيه في حد
صلاح محتاجة افكر سيبني براحتي
صدقيني راحتك معايا مفيش حد هايفهمك ويحبك قدي
انا عارف اني مش وسيم زي انطوان ولاغني زي طارق
بس صدقيني هاسعدك بكل مااملك
صلاح بتقول ايه انا .
قاطعني انا عارف حقيقة نفسي بس انا واثق انك مش هاترتاحي غير معايا انا الأمان بالنسبالك انتي محتاجة علاقة وشخصية زي والدك كدة وانا هاكون والدك واخوكي وصاحبك وحبيبك
انا مش لاقية كلام اقوله
وانا مش هضغط عليكي وهاسيبك تفكري وهاستنى ردك ياللا عشان اروحك
وصلني طول الطريق محدش فينا نطق بكلمة واحدة
وقبل ماانزل قالي خلي بالك من نفسك
طلعت البيت سامعة صوت حد مع بابا اول مافتحت الباب لقيت بابا بيقولي انتي جيتي تعالي ياحبيبتي
دخلت لقيت انطوان وطارق مع بابا
انتوا بتعملوا ايه هنا
بابا متقلقيش
طارق قام هو وانطوان وقال بابا هايفهمك احنا هنستأذن
ومشيوا وانا بقمة استغرابي
في ايه ياحاج
في انك مش هاتعدي السنادي الا وانتي ماشية من هنا
قصدك ايه
صلاح يجيلي النهاردة يطلب ايدك
ودلوقتي الاجنبي دة طالب إيدك
ايه حكايتك
انطوان عاوز يتجوزني
اه تخيلي عنده حق بنتي قمر
انا نقصاه دة كمان
والله يابنتي طارق مديرك بيقول انه متربي معاه وضامن أخلاقه وانه اشهر اسلامه من سنتين وأنه معجب بيكي ولما عرف اخلاقك طلب يتجوزك على طول
بابا انا داخلة انام وافصل
ماشي ياست مارلين مونرو
ماشي ياحاج بقينا بنقلش اهو
ربنا يسعدك ياحبيبتي واشوفك عروسة قبل مااموت
بس بقى الكلام دة
عاوز اتطمن عليكي واشوف عيالك
سيبها على الله ياحبيبي
ودخلت وانا مش عارفة اعمل إيه
قررت افتح هدية صلاح
وكانت الصدمة
يتبع
الفصل الثامن
اول مافتحت الهدية لقيت البوم صور من يوم ماعرفت صلاح كل صورة اتصورناها في اي مناسبة او لأي سبب
من وانا صغيرة في اعياد ميلادي
وانا في ثانوي بلبس المدرسة وانا في الجامعة لما كان بيوصلني وبطلب منه يصورني حتى صور الي كان بيغفلني فيها وفي صور لينا سوا في غيد ميلاده او يوم تخرجه
كل دة متجمع في البوم ازاي قدر يجمع تاريخ صداقتنا سوا في البوم
كنت باتفرج وانا بابتسم على الذكريات وايام الطفولة والمراهقة
خلصت الالبوم لقيت جزمة من جيمي تشو
دي الجزمة الي وريته صورتها من شهرين واني هاتجنن عليها ونفسي لما اتخطب البسها بس طبعا براند وبمبلغ وقدره
ولقيت خاتم يااااه للدرجادي ياصلاح مهتم بيا في مرة كان بيفرجني على كتالوج خواتم الماظ وطلب مني اختار على ذوقي خاتم لانه هايهادي بيه واحدة قريبته واخترت الخاتم دة وقولتله لو هاتجوز في يوم اتمنى اتخطب بخاتم الماظ زي دة
واخيرا ايفون الي كان نفسي اشتريه لان فوني اتخدش من فترة وكسلت اصلحه وقولتله ان نفسي اجيب ايفون بس عامل ٢٠ الف
انا عنيا دمعت من السعادة ومن إحساسي بانه بيحبني بجد
يغور انطوان بوسامته مقابل إنسان بيحبني بالشكل دة والحياة معاه هاتكون مليانة حب ودفء و أمان
سرحت شوية وانا بافكر صلاح هو الإنسان الي يستاهلني فعلا
تاني يوم قررت اخد اجازة وانزل افاجئه اروحله العيادة بميعاد اغلاقها وابلغه بموافقتي
اتصلت بطارق وقولتله اني تعبانة شوية
طارق ولا عشان انطوان
لا صدقني خالص فعلا مرهقة
سلامتك محتاجة دكتور
لا انا اخدت مسكن وهارتاح
طيب إيه رأيك بموضوع انطوان
بصراحة
ياريت
مش موافقة
ليه دة هايتجنن عليكي
غيره سبق
قصدك ان في حد تاني بحياتك
اه
ماشي ربنا يسعدك
شكرا لتفهمك بلغه بطريقتك واعتذرله
اوك
وقفلت معاه وجهزت نفسي و
قولت لبابا اني رايحة اشتري شوية حاجات نقصاني بالميكب وكدة
قالي شكلك فرحانة واخدتي قرارك
بصراحة اه
إحساسي بيقولي صلاح صح
اه ياحاج ياشقي ايوة اخترت صلاح بيحبني وباحس معاه بالأمان وهايخليني جنبك ودة كفاية
بابا الفرحة كانت باينة عليه قالي
لا اتقل ياحاج لما هو يتصل طبعا
بابا نزل على شغله وانا نزلت وراه واتوجهت لعيادة صلاح
قررت افاجئه طلعت بالراحة من البوابة الخلفية الي بتوصل للبلكونة بتاعة العيادة
دخلت باتسحب لقيته مجتمع مع طارق وانطوان
طبعا ماكانش ينفع ادخل
قررت استخبى دخلت غرفة الكشف المجاورة لمكتبه
بس
متابعة القراءة
