تلات شهور
المحتويات
عشان أطمن عليكي.
لكن ليلى لم تعد تثق في كلماته. قامت واتصلت بصديقة قديمة كانت تعمل سكرتيرة لوالد كريم السيوفي الكبير قبل وفاته.
في كافيه هادئ يطل على بحر إسكندرية، جلست ليلى أمام مديحة.
مديحة بقلق يا ليلى، الموضوع ده قديم واندفن بموت السيوفي الكبير. ليه بتنبشي فيه دلوقتي؟
ليلى بدموع محبوسة عشان ولادي يا مديحة. عشان كريم بيحاول يرجعني بوش الملاك، ورانيا بتقول إن فيه سر. قوليلي الحقيقة.. كريم طلقني ليه؟
مديحة تنهدت وأخرجت من حقيبتها ورقة مطوية، تبدو كأنها تقرير طبي قديم
كريم مكنش عايز يطلقك يا ليلى. كريم كان بيموت فيكي. بس والده، الله يرحمه، اكتشف حاجة في أوراق عيلتك.. والدك الله يرحمه مكنش مجرد موظف بسيط في الشركة.
ليلى بذهول يعني إيه؟
مديحة والدك كان شريك بنسبة صغيرة، والسيوفي الكبير استولى على نصيبه بالتزوير. لما أنتي وكريم اتجوزتوا، السيوفي الكبير خاف إنك تعرفي الحقيقة وتطالبي بحقك في الورث.. فهدد كريم. قاله يا تطلقها وتختفي من حياتها، يا هسجن أبوها بتهمة اختلاس قديمة هو لفقها له.
ليلى شعرت وكأن صخرة سقطت على رأسها يعني كريم طلقني عشان يحمي بابا من السجن؟ مديحة مش بس كده.. التقرير الطبي ده يخص كريم. كريم وقتها عمل تحاليل ووالده زورها وقاله إنه عقيم ومبيخلفش، عشان يقنعه إن جوازه منك ملوش مستقبل ولازم ينهيه. كريم عاش سنين فاكر إنه مبيخلفش.. لحد ما شاف ولادك في القاعة.
عادت ليلى للمنزل وهي تترنح. كانت الحقيقة مرة كالعلقم. كريم كان ضحية مثلها، لكنه اختار الهروب بدلاً من المواجهة. اختار أن يكسر قلبها ليحمي والدها، وعاش مخدوعاً بوهم العقم.
فجأة، وجدت كريم يقف أمام باب شقتها. كان يبدو عليه الإرهاق الشديد.
كريم ليلى.. أنا عرفت إنك قابلتي مديحة.
ليلى نظرت إليه بنظرة ممزوجة بالشفقة والغضب ليه يا كريم؟ ليه مقلتليش؟ ليه سيبتني أفتكر إنك بعتني عشان واحدة تانية؟
كريم بدموع حقيقية كنت هقولك إيه؟ إن أبويا حرامي؟ ولا إن أبوكي مهدد بالسجن بسببي؟ كنت فاكر إني بحميكي.. ولما صدقت إني مش هخلف، قلت بلاش أظلمك معايا وأربطك براجل عقيم وحياته مهددة. رانيا كانت ستار عشان تكرهيني وتنسيني بسرعة.
خطا كريم خطوة نحوها أنا عرفت الحقيقة النهاردة بس لما واجهت المحامي القديم بتاع والدي. أنا مكنتش عقيم يا ليلى.. والدي هو اللي قتل فرحتنا.
ليلى صرخت والدك مات يا كريم! بس الوجع لسه عايش! الثلاث سنين اللي عشتهم في فقر وتعب ودموع مين يعوضني عنهم؟ الثلاث سنين اللي ولادك كبروا فيهم وهما فاكرين إن أبوهم ميت.. مين يرجعهم؟
كريم انحنى على ركبتيه أمامها، في مشهد لم يتخيله أحد ل كريم السيوفي
أنا مش عايز تعويض.. أنا عايز غفران. اضربيني.. ادبحيني.. بس بلاش تحرميني من الساعتين اللي فاضلين في عمري وأنا شايفهم قدامي.
في تلك اللحظة، فتح آدم باب الشقة، ونظر لكريم الواقف على ركبتيه. مشى الطفل ببطء ووضع يده الصغيرة على كتف كريم وقال ببراءة
أنت بتعيط ليه؟ مامي قالت إن الراجل مش بيعيط.
كريم احتضن آدم وانفجر في بكاء هز أركان المكان. ليلى كانت تراقب المشهد، وقلبها يتصارع فيه حب قديم مع جرح لا يندمل.
لكن هدوء اللحظة انقطع برنين هاتف كريم. كان المتحدث هو مدير أمن شركته بصوت مذعور
كريم بيه! رانيا هربت وهي بتتنقل للمستشفى بعد ما ادعت الإعياء.. ومعاها ورقة بتقول إنها هتحرق قلب ليلى بجد المرة دي.. وهي دلوقتي متجهة لمدرسة الولاد!
ليلى صرخت المدرسة! ياسين ولارا لسه هناك في حصة النشاط!
انطلق كريم وليلى كالبرق، والقدر يجهز لهما صداماً أخيراً.. صداماً سيتحدد فيه من سيعيش ومن سيموت تحت رماد الماضي للمذيد من القصص الكامله تابعو صفحه رومانى مكرم الكاتب_رومانى_مكرم
حكايات روماني مكرم تقدم الجزء السابع من رد القدر
كانت السيارة تطوي الأرض طويلاً، وكريم يتخطى السيارات بجنون، يده على المقود ويده الأخرى تقبض على يد ليلى التي كانت ترتعش كعصفور بلله المطر. صمتها كان صراخاً مكتوماً، وعيناها معلقتان بالطريق وكأنها تحاول سحب المدرسة نحوها بقوة إرادتها.
كريم بصوت يحاول طمأنتها هنوصل يا ليلى.. رانيا منتهية، هي بس بتحاول تخوفنا. الشرطة وراها في كل مكان.
ليلى بمرارة اللي زي رانيا لما بيخسروا كل حاجة بيبقوا زي الوحوش الجريحة.. ميهمهمش يجرالهم إيه، المهم يحرقوا اللي حواليهم. ولادي يا كريم.. لو حصلهم حاجة مش هسامح نفسي ولا هسامحك.
وصلوا إلى باب المدرسة، وكانت الأجواء هادئة بشكل مريب. نزل كريم وليلى وجريا نحو مكتب الأمن.
كريم بصراخ ياسين وكريم ولارا السيوفي فين؟
موظف الأمن بذهول يا فندم لسه طالعين مع المس ميرفت عشان يركبوا الباص بتاع الرحلة الاختيارية للنادي.
في تلك اللحظة، رن هاتف ليلى.. كان رقماً دولياً مخفياً.
أجابت بصوت يرتجف ألو؟
جاءها صوت رانيا الضحوك، ضحكة مشروخة تسكنها الهزيمة والجنون
شايفاكي يا ليلى.. شايفة اللهفة في عينيكي. حلوة البدلة السودة على ولادك.. تليق جداً على يوم الوداع.
ليلى صرخت رانيا! خدي أي حاجة! خدي فلوس كريم.. خدي حياتي أنا.. بس سيبي العيال!
رانيا فلوس كريم خلاص مابقتش تلزمني.. أنا ضيعت مستقبلي واسمي وأهلي عشان خاطر واحد
نظرت ليلى للأمام، رأت باص المدرسة يبدأ في التحرك ببطء نحو البوابة. وفي نفس اللحظة، لمحت رانيا تقف على سطح مبنى مواجه للمدرسة، وهي تمسك بجهاز تحكم صغير في يدها.
كريم خطف الهاتف من ليلى رانيا! أنتي عايزة إيه؟ أنا هتنازل عن كل القضايا.. هسفرك بره.. بس ارمي اللي في إيدك!
رانيا بصرخة جنونية عايزاك تحس باللي حسيته لما دخلت ليلى القاعة وكسرتني قدام الدنيا! عايزة أشوفك وأنت بتدور على حتة من آدم وسط الركام!
تحرك الباص ليصبح تماماً تحت المبنى الذي تقف فوقه رانيا. فجأة، ومن العدم، اندفعت سيارة دفع رباعي سوداء صدمت الباص من الجانب بقوة، مما أجبره على التوقف تماماً تحت تندة خشبية ضخمة.
كريم استغل انشغال رانيا بالمنظر، وجرى نحو المبنى بأقصى سرعة، بينما ليلى جرت نحو الباص وهي تصرخ بأسماء أطفالها. على السطح، كان كريم قد وصل خلف رانيا تماماً. كانت تهم بالضغط على الزر، لكنه انقض عليها كالصقر.
اشتبك الاثنان في صراع عنيف. رانيا كانت تقاتل بشراسة من لا يملك شيئاً ليخسره، حاولت دفعه نحو الحافة وهي تصرخ هنموت كلنا يا كريم! مفيش حد هياخدك مني!
في الأسفل، كانت ليلى قد وصلت لباب الباص الذي انحشرت ضلفته بسبب التصادم. بدأت تضرب الزجاج بيديها العاريتين حتى سالت منها الدماء. ياسين كان يبكي بالداخل ولارا تصرخ، بينما آدم كان يحدق في أمه بعينيه الرماديتين الهادئتين، وكأنه يمنحها القوة.
فجأة، انفتح الباب الخلفي للباص بقوة، وخرجت المشرفة وهي تحمل الأطفال واحداً تلو الآخر. احتضنتهم ليلى بجنون وهي تبتعد بهم عن الباص والمبنى.
في تلك اللحظة، سُمع صوت ارتطام قوي.. ثم صمت.
نظرت ليلى للخلف بذهول. رانيا كانت ملقاة على الأرض، غارقة في دمائها بعد أن اختل توازنها وسقطت من فوق السطح أثناء صراعها مع كريم. أما كريم، فكان يقف على الحافة، ينظر للأسفل بوجه شاحب، وعيناه معلقتان بليلى والأطفال.
نزل كريم من المبنى بخطوات ثقيلة، وجد ليلى جالسة على الرصيف، تضم الأطفال الثلاثة إلى صدرها وكأنها تريد إدخالهم في ضلعها.
اقترب منها، جثا على ركبتيه أمامها للمرة الثانية، لكن هذه المرة لم يقل شيئاً. مد يده المرتجفة ومسح الدم عن يد ليلى الجريحة.
ليلى نظرت إليه، وكانت الدموع تتساقط بغزارة خلصت يا كريم؟ الكابوس ده خلص؟
كريم بمرارة رانيا ماتت يا ليلى.. وماتت معاها كل الأسرار. مفيش حد هيهددنا تاني.
قام كريم وحمل لارا وياسين، بينما أمسكت ليلى بيد آدم. مشوا نحو السيارة
بعد يومين، في قصر السيوفي بالمنصورة.. القصر الذي أصر كريم أن تعود إليه ليلى ليس كزوجة حتى الآن، بل كمالكة له بموجب العقود التي سجلها باسمها.
ليلى كانت تقف في الشرفة الكبيرة المطلة على الحديقة، حين جاء كريم ووقف بجانبها.
كريم الولاد ناموا.. آدم سأل عليكي قبل ما ينام.
ليلى كريم.. أنا محتاجة وقت. مش قادرة أنسى إننا كنا بنموت بكرة، ولا قادرة أنسى الثلاث سنين اللي فاتوا.
كريم خدي وقتك كله.. أنا مش مستعجل. يكفيني إني بقيت بنام وأنا عارف إنكم تحت سقف واحد معايا. أنا بدأت إجراءات استرداد حق والدك في الشركة، والاسم هينزل رسمي مجموعة السيوفي وشريكه.
ليلى ابتسمت بمرارة اسم بابا هيرجع.. بس هو مش موجود عشان يشوفه. كريم قبض على يدها برفق بس ولاده وأحفاده موجودين.. وده اللي يهمه.
وفجأة، رن جرس الباب. دخل الخادم وهو يحمل صندوقاً خشبياً قديماً، مغلفاً بورق مهترئ.
الخادم يا كريم بيه.. الصندوق ده وصل من مكتب المحامي الخاص بوالدك.. وقال إن الوصية كانت بتقول يتفتح في حالة واحدة بس.. لو ليلى رجعت القصر.
نظرت ليلى لكريم بوجل، وفتحا الصندوق معاً. كانت الصدمة الحقيقية تنتظرهما بالداخل.. أوراق وصور قديمة لم يكن يتخيلها بشر، ورسالة من السيوفي الكبير كتبها قبل وفاته بأيام، تعترف ب سر أكبر من التزوير ومن الطلاق.. سر سيقلب موازين العائلة من جديد.
تسمرت يد ليلى وهي تمسك بطرف الرسالة، بينما كان كريم يشعر ببرودة تسري في جسده. الصندوق لم يكن يحتوي على أوراق مالية أو عقود جافة، بل كان يفيض بصور قديمة بالأبيض والأسود، وصورة واحدة ملونة تجمع بين والد ليلى ووالد كريم وهما في ريعان الشباب، يضحكان بصدق لم يره كريم في وجه أبيه قط.
فتح كريم الرسالة المكتوبة بخط يد والده المرتعش، وبدأ يقرأ بصوت خافت يملؤه الذهول
ابني كريم.. إذا كنت تقرأ هذه الكلمات، فهذا يعني أن ليلى قد عادت، وأن قلبي الذي تحجر لسنوات قد هُزم أمام قدرك. كنت تظن أنني أبعدتها عنك طمعاً في مال أو خوفاً من تزوير، لكن الحقيقة أبعد من ذلك بكثير. ليلى ليست مجرد ابنة شريك.. ليلى هي ابنة العهد.
توقفت أنفاس ليلى وهي تسمع الكلمات. ابنة العهد؟ يعني إيه يا كريم؟
أكمل كريم القراءة والورقة تهتز في يده
والد ليلى لم يكن شريكاً لي فقط، بل كان هو من أنقذ عائلة السيوفي من إفلاس محقق قبل ثلاثين عاماً، ودفع ثمن ذلك سنوات من عمره في قضية لفقها له أعداء الشركة ليحمي اسمي أنا. لقد أقسمت له وقتها أن أمانة حياته ستكون في عنقي،
متابعة القراءة
