رواية حكاية يارا كاملة بقلم الكاتبة المبدعة رهف حصريآ
المحتويات
تاكل معاهم
هو دا بقي في حد يقاوم الاكل
منة ضحكت وبصت لمريم
طول عمرك تموتي في الاكل
ضحكو كلهم
طيب يابنات هسيبكم انا وانزل اشوف جدكم لو محتاج حاجه
الليلة عدت علي خير ماهر اكل ونام وكمان سما والبنات اكلوا وناموا مع بعض في نفس الاوضة
تانى يوم
رايح فين ياماهر
هروح المستشفى ياجدي
لسة بدري ياحبيبي خليك نفطروا سوا ونروح مع خالك
لا ارتاح انت انا هروح لوحدي ولو فاقت هديكم خبر
سما نزلت على السلالم جري
ماهر.. ماهر استني انا جاية معاك
خليكي ياسما انا هتطمن عليها وجاي
لا ماليش دعوه انا عايزة اشوف يارا.. انت قولتلي هتاخدني معاك النهارده
جدو رد عليه
خودها معاك يا ابني برد نارها وانا شويه وهاجيلك انا وخالك
طيب البسي وانا مستنيكي برا
عدي 10دقايق سما لبست ونزلت وخرجت لماهر
يلا انا جاهزة
طيب يلا بينا.
_______________
في المستشفي
ماهر وسما وصلوا وطلعوا علي طول علي العناية
علي طول
انت جاي هنا ليه!
الشاب اللي خبطني زين كان وصل قبل ماهر وكان واقف برا مستني الدكتور علشان يسألوا عن حالتي
انا جيت اتطمن عليها
واتطمنت! يلا امشي بقي
ماهر كان لسة هيتخانق معاه بس فجأة الدكتور طلع وقطع حديثهم واتكلم
يارا.!!
........ يتبع
يارا أختك فاقت.. اتفضل لو حابب تشوفها
ماهر سمع الدكتور وهو بيقول فاقت الابتسامة اترسمت علي وشه تلقائيا ومسك سما جنبه والفرحة مكانتش سيعاه
يارا فاقت ياسما يارا بخير
زين كان واقف وهو كمان اتبسط بالخبر قرب من ماهر
الحمدلله على سلامتها
ماهر اتجاهله واخد سما ومشي ورا الدكتور
داخل العناية
ريحة الادوية وصوت الاجهزة مكانش احسن حاجه
منظر يجيب ضيق تنفس كدا لوحده
انا كنت نايمة علي السرير ولابسة ماسك الاكسجين ومفتحة عنيا وباصة للسقف بحاول استوعب انا فين وايه اللي حصلي ماهر دخل هو وسما وكانو مبسوطين لما شافوني
ماهر قرب مني
ألف حمد وشكر ليك يارب.. الحمدلله
انتي كويسه يا يارا
ماكنتش قادرة اتكلم كنت بغمض عيني وافتحها بمعني اني كويسه
سما قربت هيا كمان وبتعيط
وحشتيني يا يارا.. انا خوفت قوي عليكي الحمدلله انك بخير
ماهر
قلقتينا عليكي يا يارا.. انتي مش عارفه انا كنت حاسس بايه الحمدلله يارب انك بخير ياقلب اخوكي
سما
هي هترجع معانا دلوقتي صح
الدكتور
للأسف ماينفعش هي محتاجه تقعد يوم كمان تحت المراقبة وبعدين هكتبلها علي خروج
سما قربت مني ومسكت ايدي
خلاص انا هقعد معاها انا مش عايزة اسيبها لوحدها هنا
ماهر قرب من سما وحط ايده على كتافها
خلاص ياسما لازم نسمع كلام الدكتور.. كلها يوم ويارا هترجع معانا
كنت سمعاهم ومش قادره اتكلم دموعي نزلت علي خدي بس كنت مبسوطه بشوفتهم وبحمد ربنا في سري اني بخير
زين كان واقف برا علي الباب وكان بيبص علينا من القزاز
الدكتور
بعد اذنكم لازم تطلعوا دلوقتي ماينفعش تفضلوا في العنايه اكتر من كدا ممكن تيجو بليل في معاد الزيارة التانيه
ماهر هز راسه وبعدين قرب مني
مسك ايدي
انا همشي دلوقتي وهجيلك تاني كوني بخير ماشي
غمضت عنيا وفتحتها وانا بهز راسي وهو فهم عليا
وبعدين سما قربت مني هيا كمان وطبطت عليا وانا نايمه
اوعي تسبيني يا يارا.. انا بحبك قوي
ماهر اخد سما وطلعوا برا بس زين اتخبي علشان ماهر لو شافه مكانش هيسمحله يدخل
اقعدي هنا ياسما هعمل مكالمة اطمن جدي وجاي
في الوقت دا زين رجع ودخل وسما شافته بس متكلمتش
باس جوة العنايه باس
دكتوره ممكن أدخل!
اتفضل بس قدامك 5 دقايق بس علشان ماينفعش تفضل جوة هنا
متشكر يادكتور
قرب من السرير وهو باصص في عنيا وانا معرفش هو مين ولا حتي عارفه أسأله
الحمدلله على سلامتك...انا مش هطول عليكي
انا بس كان كل همي اني أتأكد انك بخير والحمدلله
شكلك أحسن
كنت مستغربة هو مين وليه عايز يتأكد اني هو مهتم ليه اصلا بس برضو معنديش القدرة للكلام ولا الحركة
انا هرجع تانى بكرا أشوفك واتمني تكوني في احسن حال
الدكتور
يلا لو سمحت سيب المريضة ترتاح شويه
زين خرج بس المفاجأة بقي ان ماهر كان لسة برضو ولمحه وهو خارج من العناية
انت كنت جوة بتعمل ايه هو انا مش قولتلك تمشي
ممكن تهدي انا كنت بتطمن علي سلامتها انا مش هأذيها
علي أساس انك مأذيتهاش!
ماهر هو انت ليه مصمم تشوفني مجرم وعدو ليك
علشان انت بالفعل كدا مجرم
طيب انا مش هتكلم ولا اجادلك في حاجه لاني عارف ظروفك بس بلاش التسرع في الحكم دا
بقولك ايه امشي من قدامي انا مش ناقص.. امشي
زين سكت ومشي بالفعل وماهر اخد سما وطلعوا علي البيت
بيت الجد
جدو كان مستني ماهر في الصاله لان ماهر كلمه وقاله انه يستني بليل ويروحوا تانى المستشفى سوا
ماهر وصل وطلب من سما تطلع للبنات فوق ودخل هو لجدو
السلام عليكم ورحمة الله وبركاته ياجدي
وعليكم السلام ورحمة الله وبركاته ياحبيبي.. تعالي ياماهر
اه ياجدي.. ماكنتش متوقع ان كل دا يحصل او ما اوصل هنا انا تعبان قوي
مشيئة الله وحكمته ياحبيبي.. الحمدلله على كل شيء انتو بخير ويارا كمان بخير
ودا كل اللي انا عاوزه
ونعم بالله.. بس ياجدي انت ماقولتليش مين زين دا وتعرفوه منين
زين يبقي صاحب معتز قوي بقالهم اكتر من 5 سنين اصحاب.... شاب كويس ومحترم ماشوفناش منه غير كل خير
ماهر قعد وهو متضايق ولسه مش مقتنع بكلام جدو عن زين
ماهر
يعني انت شايف يا جدي ان اللي عمله زين دا عادي! دا كان ممكن يارا تموت!
أنا مش بقول عادي يا ماهر.. بس بقولك إن ربنا ستر وزين بنفسه وقف وساعد وماهربش. دا يثبت إنه عنده ضمير وانه
ماهر مسك راسه بإيده ونفسه تقيل
أنا مش قادر أبلع وجوده حوالينا يا جدي.. مش قادر أتقبله.
يا ماهر يا حبيبي الغضب هيعمي عينك.. سيبها على ربنا والزمن هو اللي هيثبتلك مين يستاهل ثقتك ومين لا.
ماهر سكت وهو بيهز راسه لكن جواه لسه في رفض لوجود زين
______________
في المستشفى بليل
ماهر وجدو وسما وخالوا جم بليل بصوا عليا وكنت نايمة فا جدو وماهر وخالو خرجوا وسما فضلت جنبي
لما صحيت لقيت سما قاعدة جنبي حكتلي علي كل حاجه وحاولت تسليني وتضحكني بأي حاجه تخفف بيها الجو رغم إني لسه مش قادرة اتكلم
سما
بصيلي كدا بعينيكي بس.. قوليلي إنك سامعاني وحشاني ضحكتك يا يارا.
عيوني دمعت لكن المرة دي ابتسمت ابتسامة صغيرة
وفجأة الباب اتفتح وزين دخل بس المرة دي كان ماسك ورد
سما اتفاجئت بوجوده وقالت بصوت متوتر
انت تاني!
زين
أنا عارف إن وجودي مش مريح ليكي ولا لأخوكي.. بس أنا مش جاي أضايق حد. أنا جاي أعتذر.. وأتطمن عليها
بص عليا بإبتسامة حزينة
أنا غلطت حتى لو كان حادث غصب عني.. بس هفضل حاسس بالذنب دا طول عمري لو انتي مسامحتنيش
اتأثرت بكلامه رغم إني مش عارفة حاجة
ولا عارفة ايه اللي حصلي بس عيني لمعت لما بصيت للورد اللي في إيده اول مره حد يجيبلي ورد وانا بحب الورد جدا
سما
خلاص لو سمحت سيبها ترتاح.. كفاية عليها اللي هي فيه.
زين هز راسه وهو بيبص عليا مرة أخيرة وحط الورد على الكومود اللي جنبي وقالي
سلامتك يا يارا..
طلع من الأوضة بهدوء وفي اللحظة دي ماهر دخل وشاف الورد على الترابيزة عينه ولعت غضب
ماهر
هو دخل تاني! سما.. هو دخل هنا تاني!
سما اتوترت ومردتش بسرعة وانا غمضت عيني
ما انا مش عايزة لا خناق ولا مشاكل
ماهر بص لسما بعصبية
أنا مش قولت محدش يدخلوا هنا! إيه اللي جابه تاني!
سما حاولت تهديه واتكلمت بصوت واطي
ماهر بالله عليك اهدى.. هو ماعملش حاجة دخل خمس دقايق وقال كلمتين ومشي.
ماهر اتعصب اكتر وصوته علي
كلمتين! كلمتين يا سما! دا السبب إن يارا مرمية على السرير! انت إزاي سمحتي له يدخل أصلا!
دموعي نزلت غصب عني و مش قادرة اتحرك قلبي وجعني من صوته العالي.
وسما دموعها نزلت هي كمان وصوتها كان باين عليه الخوف
أنا دخلته علشان هو ندمان واعتذر اكتر من مره ويارا الحمدلله بخير
ماهر اتنفس بسرعة من كتر العصبية وقرب من الباب وكأنه هيطلع يدور على زين لكني حاولت اتكلم أوقفه واتكلمت بصوت مبحوح ضعيف جدا يكاد يكون مسموع
ماهر.. كفاية.
ماهر وقف مكانه وعيونه برقت لما سمع صوتي
وسما شهقت من الفرحة
يارا! انتي اتكلمتي!!
ماهر لف بسرعة ناحيتي وقرب من السرير و مسك إيدي بقوة وعينه دمعت رغم عصبيته
الحمدلله.. الحمدلله يارب.. انتي نطقتي ياقلب أخوكي.
بصيت ليه وعنيا باين عليها التعب بس ابتسمت ابتسامة صغيرة وقولتله
كفاية.. متزعقش.
سما كانت فرحانة جدا ومش مصدقة إني ابتديت اتكلم ومسكت إيدي التانيه
الحمدلله يا يارا.. وحشتيني ووحشني صوتك
ماهر تنهد بقوة وهو بيبص في عيني وصوته بقى أهدى
خلاص.. مش هزعق. أهم حاجة انك بخير.
برا العناية
زين كان واقف بعيد سامع صوت ماهر جوة وابتسم لما سمع إني اتكلمت وهمس لنفسه
الحمدلله.. يا رب تقوم بالسلامة.
______________
في المستشفى تاني يوم
الصبح بدري سما كانت قاعدة جنبي وماسكة إيدي مبسوطة إني بقيت انطق ولو بكلمة وبعد لحظات الدكتور دخل يتطمن وابتسم
الدكتور
الحمدلله يا آنسة يارا صوتك بيرجع واحدة واحدة.. دا معناه إن حالتك بتتحسن. محتاجين نكمل يومين ملاحظة بس ولو حابة تخرجي النهارده مافيش مشكله بس الاحسن تفضلي
سما فرحت
شايفة يا يارا ممكن تخرجي النهارده معانا
ابتسمت ابتسامة خفيفة وهمست بصوت واطي و متقطع
الحمد.. لله.
_______________
في الكوريدور
ماهر كان واقف مع جدو وبيتكلموا في موضوع زين
ماهر
جدي أنا مش مرتاح لوجود زين دا دخل في حياتنا فجأة كدا وكمان انا مش عايزه يقرب من يارا
يا ابني مش كل حاجة بالغصب. الراجل واضح إنه ندمان وعايز يثبت حسن نيته.
بس وجوده حوالينا مش مريحني.. أنا خايف يقرب من يارا.
يا حبيبي البنت لسه خارجة من موت.. خلي تركيزك في راحتها مش في زين.
ماهر سكت و تنهد وهو بيحاول يسيطر على أعصابه.
_________________
داخل العناية بعد ساعة
ماهر دخل ومعاه جدو وهما بيبتسموا
يارا انا مش هقدر اتحمل اسيبك يومين كمان هنا انا هاخدك البيت ونهتم بيكي هناك
فرحت بكلامه لاني مش بحب المستشفيات ولا ريحتها شاورتله بايدي يقرب مني علشان اكلمه
ولما بقي جنبي اتكلمت بنفس نبرة الصوت المبحوح
طلعني من هنا
مسك ايدي وطبطب عليها بايده التانيه
حاضر ياحبيبتي هروح اكلم الدكتور واقوله يكتبلك علي خروج
ماهر خرج وجدو قرب مني وقعد علي الكرسي اللي جنب السرير وسما وقفت جنبه
بتدلعي علينا ولا ايه يا يارا.. عايزة تعرفي معزتك عندنا ولا ايه!! مش هتعرفي لان معزتك وغلاوتك تفوق معرفتك وخيالك ... انتي غالية عندنا قوي يابنت الغالية واخواتك الاتنين دول كانو هيموتو من زعلهم وقهرهم عليكي
حطيت ايدي علي ايده واتكلمت
وحشتنى ياجدو.. ووحشني كلامك
قومي انتي بس من الرقدة دي وانا هصدعك كلام
انا بقالي سنين ماحكيتلكيش ولا قعدت معاكي
هتحكيلي عن طفولتي وتحكيلي قصص
وعن طفولت العيلة كلها دا خالك رياض نفسه عنده طفولة متشردة
سما ضحكت وانا ابتسمت وجدو ضحك وهو
سما
وهتحكيلي عن طفولتي ياجدو
انتي بالذات ياسما اللي طفولتك متتحكيش كنتي شقية قوي
لا ياجدو انا مش شقية
شقية ولا مش شقية يا يارا
سما بصتلي وهي بتغمزلي
لا ياجدو سما
كلام جدو ووجوده جنبي خفف عليا الوجع وفكرني بأيام ما كنت صغيرة وبأيام ما كانت ماما موجوده كانت احلي ايام من يوم ما ماما ماتت وبطلت اروح لجدو وحياتنا بقت باهتة بس دلوقتي حاسة ان الحياة احلوت من تاني ووجود العيلة حواليا هون عليا حاجات كتيره قوي
ماهر جه ومعاه اذن بالخروج
ها جاهزة ياقمر نروح البيت.. العيلة كلها بإنتظارك
انا كنت متشوقة قوي اشوف خالي ومراته واولادهم وبيت جدو اللي مدخلتهوش بقالي سنين
الشوارع والجو هناك كل حاجه وحشتني حاسة ان حياتي هتتعدل بوجودي وسطهم
رديت بإبتسامة وصوت هادي
جاهزة
رتبنا كل حاجه وماهر اتصل بخالو يجي بالعربية
وماهر سندني وسما سندت جدو ونزلنا تحت في الاستراحة نستني خالوا
بس وانا قاعده في الاستراحة لمحت زين واقف بعيد وكإنه مستني يشوفني وانا خارجة ويتطمن بس هو مشافنيش... خالو رياض وصل بالعربية وطلعنا برا
خالو
الحمدلله على سلامتك يا يارا ربنا يعافيكي يارب
وانا صغيره كان خالو رياض دايما قريب مني زي مابيقولوا كدا كان ابويا التاني بس لاني بقالي كتير لا شوفته ولا كلمته غير في التليفون كنت محتاجه لسه شويه وقت علشان اتعود علي وجوده تانى
ركبنا العربية وطلعنا علي البيت
_
بيت الجد
كل اللي في البيت كانو في انتظاري مرات خالي ومعتز ومريم ومنة وخالتي لما عرفت بوجودنا هي كمان جات وأولادها مصطفي قد ماهر وملك قدي بس متجوزة وريم اصغر من سما بسنة
وصلنا البيت شكل الشوارع والاطفال اللي بتلعب في الرملة والشجر منظر جميل انا كنت مفتقداه قوي ... العربيه وقفت عند باب البيت
وماهر سندني ونزلني وخالو نزل وسند جدو وسما
جرت ومسكت ايدي التانيه وسندتني مع ماهر
مرات خالي
الحمدلله على سلامتك ياحبيبتي نورتي البيت والله
معتز
الحمدلله على سلامتك يارا
مريم ومنة
الحمدلله على سلامتك يايورا وحشتينا قوي
خالتي
حبيبة قلبي الف الحمدلله على سلامتك ياحبيبتي
ربنا يشفيكي ويعافيكي يارب
مصطفي
الحمدلله على سلامتك
ملك
نورتي يا يارا الحمدلله على سلامتك ياحبيبتي
ريم
الحمدلله على سلامتك يا يارا
الكل رحب بيا وانا كنت لسة علي الباب كنت تعبانه قوي وحاسة بدوخة مركزتش مع حد
جدو
خلاص بقي يا ولاد سيبوها ترتاح لسة معاكم ايام كتير تتكلمو فيها ... خوديها ياسماح علي اوضتها
حاضر يابابا
دخلت مع مرات خالي الاوضه اللي كانت جنب اوضة جدو الاوضه اللي قضيت فيها معظم طفولتي
بصيت للاوضة وعيني دمعت لسة زي ماهي متغيرتش قعدت علي السرير وانا سرحانة في الذكريات
طيب يا يارا ياحبيبتي ارتاحي ونامي شويه
ولو احتاجتي حاجه نادي عليا كدا كدا كلنا قاعدين برا ماشي ياحبيبتي
هزيت راسي بالايجاب ورجعت نفسي لورا ومددت جسمي علي السرير وماحسيتش بنفسي نمت من التعب
_________________
في الصالة
كانو قاعدين كلهم مع ماهر وسما وبيتكلمو
مصطفى الحمدلله على سلامتها ياماهر ايه اللي حصل يا ابني وليه ماعندناش علم انكم جايين البلد
والله لحد دلوقتي مش عارف كل حاجه حصلت فجأة.. كانت بتجري تعدي الطريق خبطتها عربية
بصراحه ياماهر هي كدا غلطانه ازاي تجري علي طريق سريع زي دا من غير ماتبص يمين وشمال
مش عارف من فرحتها كانت عايزة تفاجأ جدي
االحمدلله ان ربنا ستر وانها بخير دلوقتي
الحمدلله
مريم
يعني يوم مانتجمع نتجمع ويارا تعبانه علي السرير كدا
مرات خالي
إن شاء الله تقوم وتبقي احسن من الاول كمان
ملك
إن شاء الله... دا انا عندي حاجات كتيره قوي نفسي أحكيهالها
مريم
هي القاهرة حلوة قوي كدا ياماهر علشان ترفضوا تعيشوا هنا
ماهر
اللي مقعدنا في القاهرة هو بيتنا يارا اللي اقنعتني نفضل فيه انتي عارفه يارا مرتبطة قوي بيه بسبب الذكريات اللي فيه
ملك
يعني انتو مش هتطولوا هنا!
ماهر
لا هو شهر او اتنين بالكتير
معتز
طيب والله كويس اهو علي الاقل نشبع منكم
ريم
ايوه انا عايزة اقضي وقت مع سما ويارا وحشوني قوي
سما
طيب انا هقوم أشوف يارا
ملك
وانا هاجي معاكي
خالو
وانا هقوم اروح الشغل لو حد احتاج حاجه يكلمني
معتز
خودي في طريقك يابابا هروح لزين.. تيجي معايا ياماهر
ماهر اتعصب من سيرة زين والغضب هيثور من عينيه بس اتجاهل كلام معتز علشان جدو قاعد ومعتز لسة مايعرفش ان زين السبب
ماهر
انا هطلع اريح شويه مش قادر
طيب ياولاد
كل واحد يروح يرتاح شويه ونتجمع تاني بليل تكون يارا فاقت
________________
بليل الساعة 10PM
الجو في البيت كان هاديو ريحة الأكل طالعة من المطبخ وأصوات خافتة طالعة من الصالة و العيلة كلها قررت تدخل تطمن عليا.
الباب خبط خبطه خفيفة وسما صحيتني من النوم بهدوء.
سما
يارا.. العيلة كلها علي الباب عايزين يتطمنوا عليكي.
ابتسمت ابتسامة ضعيفة وقلت بصوت مبحوح
دخليهم
دخل جدو الأول وورا منه خالو رياض ومراته ومريم ومنة ومصطفى وملك وريم.. الكل وشه منور بالفرحة إنهم شايفني بخير
جدو قرب وقعد جنبي علي السرير و ماسك إيدي
الحمد الله على سلامتك يا بنتي.. وجودك وسطنا رجع الروح للبيت والله
عيني دمعت وبصتله حسيت إني طفلة صغيرة تاني في وجوده
مريم
يا حبيبة قلبي.. وحشتينا قوي. أول ما تخفي خالص مش هسيبك ولا ثانية.
منة
بلاش تعيطي بقي.. دي ليلة حلوة لازم نفرح فيها إنك بخير.
مصطفى وهو بيهزر
أنا عايز أعرف مين اللي هيتحمل
الكل ضحك ومريم رفعت حاجبها له بهزار وانا ابتسمت ابتسامة صغيرة.
ريم قربت مني بحماس
يلا قومي بقى بسرعة.. عندي حكايات كتير لازم أحكيهالك.
ملك
استني لما تفوق الأول يا ريم.. سيبيها ترتاح شوية.
مرات خالو سلمت عليا بحرارة
البيت نور بوجودك والله يايارا
اللحظة دي حسيت بدفا عائلي كنت مفتقداه من زمان.. الجو كله مليان حب وأمان وحنية مش طبيعية
خالو رياض
خلاص يا جماعة.. كفاية عليها. يارا لسه تعبانة نطلع نتعشي احنا بقي ونسيبها ترتاح
سما بصتلي وقالت
تحبي تاكلي دلوقتي
هزيت دماغي وانا بغمض عنيا
لا.. أنا هنام شوية.
سما ابتسمت وقالت
ماشي يا حبيبتي بس لو احتاجتي أي حاجة نادي عليا.
الكل خرج للصالة وأنا فضلت لوحدي في الأوضة. سمعت أصوات ضحكهم و كلامهم مع بعض برا ودموعي نزلت غصب عني.. مش من وجع الموقف ولا من التعب لكن من الإحساس اللي رجعلي
إن ليا بيت وعيلة.. وإني لسه عايشة وسطهم.
بعد ما العيلة خلصت العشا وقاعدين في الصالة جرس الباب رن وماهر قام بسرعه يفتح بس اتفاجأ من وجود زين علي الباب
ماهر اتكلم بحدة وعصبية وهو بيشاور عليه
إنت جاي هنا تعمل إيه مش كفاية اللي حصل!
أنا جاي أشوف معتز.. وأسلم على العيلة.. مش أكتر
ماهر شد نفسه وزادت عصبيته وصوته علي شوية
لا... مش هتدخل!
زين فضل ثابت مكانه عينيه فيها إصرار انه يدخل
العيلة كلها حاولت تقنع ماهر يسيبه ومعتز قاله انه جاي يعتذر ويتطمن عليا ويعتذر مني بس ماهر برضو رافض وجوده
صحيت على صوتهم ساعتها قررت اطلع اوقف الحرب اللي شغالة برا دي وانهيها
ماهر.. سيبه يدخل.
ماهر اتصدم لما لقاني خرجت لاني تعبانه جدا والحركة الكتير ممنوعة بس انا مش قادره اتحمل
يارا!! إنتي خرجتي ليه ارجعي الاوضه يا يارا
مشيت براحه لحد ماقربت منه وحاولت أسيطر علي الموقف وسما جريت عليا سندتني.
أنا كويسة ياماهر.. دخله
زين عينيه لمعت لما شافني خطى خطوة لجوه بس لسه واقف منتظر رد ماهر.
ماهر بقي بيقز علي سنانة وبيبصلي
يارا ادخلي جوة مش وقته.
صممت علي كلامي واتكلمت بحزم
لأ يا ماهر وقته.. أنا اللي بطلب منك.
ماهر بصلي لحظة متردد ومتعصب وبعدين تنهد ورجع على جنب وهو متضايق وزين دخل وعنيه عليا
اتكلمت بصوت هادي بس اوضح من الاول حاولت اعلي صوتي ووجهة الكلام لزين
أنا عارفة إنك السبب في اللي حصلي وفي حالتي دي.. بس برضه عارفة إن الغلط مش عليك لوحدك. أنا كمان غلطت لما جريت فجأة.
العيلة كلها كانت عنيها عليا وماهر كان بيبصلي باستغراب كملت كلامي ووجهته لماهر
سامحه يا ماهر.. أهم حاجة إني بخير ودلوقتي وسطكم سامحه ياحبيبي مافيش داعي انك تعادي حد او تتخانق وهو اعتذر قبل كدا وانا قبلت اعتذاره .
ماهر أخد نفس طويل وبص لزين بغيظ
انا هسامح علشان يارا سامحتك بس انما برضو هتفضل في نظري الشخص اللي كان هيقتلها
زين بصلي بنظرة امتنان وبص للعيلة كلها وقرب
من جدو
اتمني انت كمان تكون مسامح ياجدي
اتمني كلكم تكونوا ماسمحين انا اسف بجد
جدو حط ايده علي كتفه
مسامحين يا ابني.. حصل خير ياجماعة المهم اننا مع بعض وبخير
زين قرب مني وعيونه فيها الاسف
انا اسف مرة تانيه.. والحمدلله علي سلامتك
هزيت راسي وانا ببص علي ماهر
الله يسلمك
ولفيت وشي وسيبتهم ودخلت اوضتي تاني مع سما لاني مقدرتش اقعد معاهم من التعب
لما دخلت اوضتي سمعتهم كلهم بيتكلموا وبيضحكوا برا فرحت ان الحمدلله خلاص مافيش خناق ولا مشاكل تاني ودعيت ان الكام يوم اللي هقضيهم هنا يعدوا علي خير ويكونو افضل ايامي
_______
بعد مرور شهر
الحمدلله خفيت وبقيت احسن من الاول بكتير
العيشة هنا وسط الاهل والاحباب لوحدها كفيلة تخلي الواحد بخير وكمان في كذا حاجه حصلت في الشهر اللي فات هتعرفوها بعدين
يلا يا يارا هنتأخر كدا
جاية يامريم ثواني
هقولكم احنا رايحين فين احنا رايحين نجيب فستان للعروسة.. بس مين العروسه هتعرفوا بعدين
_________________
بقلمي
Rahaf
البارت الرابع
يلا يا يارا هنتأخر كدا
جاية يامريم ثواني
هقولكم احنا رايحين فين احنا رايحين نجيب فستان للعروسة.. بس مين العروسه هتعرفوا بعدين
أنا مش عارف انتو البنات بتاخدوا كل الوقت دا في اللبس ليه بقالكم ساعتين بتقولولي خلصنا
ياماهر ياحبيبي We are just girls عادي يعني
طيب ما انتو زي القمر بتقفوا بالساعات قدام المراية ليه هتزيدوا حلاوة مثلا
عليك نور.. هو دا هنزيد حلاوة
يعني انتو تزيدوا حلاوة وانا يجيلي السكر
يارا تعالي بسرعه في شاب حليوة هنا بيعاكسني
طيب والله قمر وانتي مكسوفة كدا.. ياختي كوتي
إلحقيني يا يارا
ماهر وأخيرا قرر يفرحني بيه ويفرح العيلة ويتجوز وطبعا مش محتاجه اقول مين العروسه مافيش غيرها مريومة العسل والنهاردة هنجيب فستان الخطوبه
الخطوبه باقي عليها 3ايام ومافيش وقت نضيعه يلا بينا
انا جيت اهو.. خف شويه ياماهر البت مش حمل المعاكسات دي
انا معملتش حاجه انا بقول انها قمر وسكر وعسل ومزة وبس
لا والله.. هو كدا ماقولتش حاجه يا يارا دا بقاله اكتر من نص ساعه بيعاكسني مش مراعي اني بتكسف
لا ويارا كمان قمر 14 ايه دا يا اخواتي عايش في وسط مصنع حلويات انتو حلوين كدا ليه
مريم كانت لابسة فستان لاڤندر بسيط وانا كنت لابسة نفس الفستان بس لون بيرجندي كنا جايبينهم سوا تشوفنا تقول تؤم
ماهر اتلم وراعي اننا بنات وبنتكسف فين الحياء يارجل
انتي اختي وهي خطيبتي مش حد غريب يعني
سيبوني ابوح باللي
ماهر انت مش قولت اننا متأخرين!
نسيت الدنيا لما شوفتكم
يارا اخوكي محتاج يروح لدكتور حالته صعبة
لو انتي اللي هتعالجيني مافيش مانع
لا مش انا يا ماهر انا هناديلك معتز هو اللي يعالجك
هيجي ويقولك هو كمان محتاج دكتور
يامعتز تعالي شوف ماهر بيقولي ايه
خلاص بقي ياماهر.. خلاص يامريم يلا شوفوا هنروح في ايه
يابنتي معتز هيوصلنا بيجيب ماما من فوق بس
معتز نزل
متابعة القراءة
