مكالمة بالغلط بقلم شيماء فرج
المحتويات
غلطت هى بنتها لكن للاسف بنتها مش بتراعى حب امها ليها وخۏفها عليها
بوسى لما حست ان كله نام خرجت اطمنت ودخلت كلمت سمير
بوسى ألو
سمير وحشتينى ياحبيبى عامله ايه دلوقتى
بوسى كويسه الحمد لله
سمير هو بابا ضړبك جامد اوى
بوسى بحزن أيوه
سمير معلش ياروحى حقك عليا انا
بوسى عادى وانت ذنبك ايه هو بابا كده اسهل حاجه عنده الضړب
سمير يعنى دى مش أول مره يضربك
بوسى لأ طبعا
سمير حتى وانتى تعبانه عاوزه تجننينى بطبعا بتاعتك دى
بوسى هههههه مقصدش والله
سمير هانت ياقلبى وترتاحى من أى حاجه تزعلك
بوسى يارب ياسمير
سمير ان شاء الله
بوسى أنا حقفل علشان خاېفه حد يسمعنى انت عارف العين عليا
سمير ماشى ياحبيبى كلمينى بكره طمنينى عليكى
بوسى حاضر
قفلت بوسى التليفون وفضلت طول الليل مش عارفه تنام من التفكير والخۏف من إللى حتعمله
عدى الليل وبدأ نهار يوم قام أفراد عيلة بوسي من نومهم وكل واحد حيروح يشوف وراه ايه لكن على الفطار بوسى ماخرجتش من أوضتها
الاب هى البت دى مش حتفطر مفكره كده انها بتعاقبنا
الام ولا تعاقبنا ولا حاجه تعاقب نفسها على عملتها السوده
الاب انا منعت نفسى عنها بالعافيه هو انا سهل عليا إللى حصل الراجل كبير عارفه لو شاب صغير حقول حماس الشباب لكن ده كبير عنها اوى
الام راجل كبير وفرحان بعيله صغيره وعرف يضحك علي عقلها
الاب أنا حتوكل على الله اروح شغلى أوعى تخرج من هنا مانعرفش ايه إللى ممكن يحصل
خرج الأب على شغله واخدها الصغير راح مدرسته ودخلت الام على المطبخ زى كل يوم الأب كان خاېف من خروجها وماعملش حساب ان عقلها الطايش حيأزيها جوه البيت
بعد كام ساعه وصلت رشا لبيت بوسى
الام اهلا ازيك يارشا عامله ايه ياحبيبتى
رشا الحمد لله ياطنط كويسه
الام تعالى اتفضلى ياحبيبتى
رشا معلش ياطنط انا عندى درس وبوسى واخده كتابى وانا محتاجاه ضرورى
الام ادخلى ياحبيبتى هى فى أوضتها ادخليلها
سمحت الام لرشا بالدخول وماكنتش تعرف انها أوس المصاېب
بوسى أول ماسمعت صوت رشا على الباب فتحتلها ودخلتها
بوسى تعالى ادخلى
رشا انتى قافله على نفسك كده ليه لازم تفتحى الباب علشان يعرفوا يلحقوكى
بوسى انا خاېفه يارشا انتى متاكده انى مش حموت
رشا ماتخافيش انا مجرباه كتيييير
بوسى ماشى هاتيه
رشا كده ايديها لبوسى بشريط اقراص برشام منوم مفعوله قوى جدا
رشا انتى حتاخديه بعد ماامشى وملعونه حيظهر بعد ساعه بالكثير ماتقفليش الباب عليكى من جوه تانى علشان حد يلحقك
بوسى ربنا يستر بقى ومايحصليش حاجه
رشا ربنا يستر انا حمشى بقى بت يابوسى أوعى تجيبى سيرتى
بوسى خلاص يابت ياهبله انا برده اعمل كده وانتى الوحيده إللى ساعدتينى
خرجت رشا من عند بوسى وبعدها بشويه بوسى خرجت راحت المطبخ تجيب كوباية مياه شافت امها
الام ايه خرجتى يعنى من الاوضه
بوسى خرجت اشرب ياماما يعنى كنتى سألتى عليا
الام انتى غلطى يابوسى وانا زعلانه منك دى اخر تربيتى فيكى
بوسى معجبهاش كلام أمها زى معظم بنات جيلها إللى مفكرين نفسهم بيفهموا اكتر من اهاليهم
الام مش بتردى يعنى حاسه بغلطك ولا مش عاجبك كلامى
بوسى ماما ادينى كوباية مياه خلينى اروح اوضتى
اخدت كوباية المياه ودخلت على الاوضه نزلت الاقراص فى ايديها ورفعتها على فمها بلعتها مره واحده زى ما رشا قالتلها
شويه صغيره كانت نايمه على سريرها وراحت فى دنيا تانيه الاقراص اثرت عليها بسرعه لان جسمها ضعيف مش زى رشا إللى وصفت الدوا وماتعرفش أضراره
عدى وقت طويل قلقت ام بوسى على بنتها
الام انا حدخل اشوف البنت ياحاج قلبى بيوجعنى
الاب هى مااكلتش انهارده خالص
الام لا مااكلتش ياعبد الله
الاب طيب روحى شوفيها ودخليلها اكل
الام ماشى انا رايحه
دخلت الام على بنتها لقيتها نايمه قربت من السرير وحاولت تصحيها
الام بوسى انتى يابنتي قومى
مسكت ام بوسى ايد بنتها لقيتها بارده زى الثلج وبتهزها مش بترد وجسمها زاد بياض على بياضه
صړخت الام بأعلى صوتها
الام عبد اللللللللله الحقنىىىىىىىىى
جرى عبد الله على صوت مراته لقاها حاضنه بوسى والبت فى دنيا تانيه حاول يفوقها يشممها برفان يمسح وشها بالمياه لكن مافيش فايده عبد الله شال بنته ونزل يجرى بيها ووراه امها وقفوا تاكسى وعلى اقرب مستشفى وصلوا ليها دخل الأب وهو شايل بنته ودموعه متحجره فى عيونه والام بتجرى وراه زى المجنونه ودموعها بتنزل ولا الشلالات استقبلها ممرضات وطبيب الطوارئ وبعد الكشف عليها وعمل تحليل الډم اكتشفوا انها محاولة اڼتحار كانت صډمه للاب والام
خلتهم مش قادرين يقفوا على رجلهم اد ايه احساس صعب على أى أب وام ان تربيتهم وشقاهم يضيع قدام عينيهم ومش علشان ده أمر ربنا لا المره دى علشان تحكمات القلب الأخضر إللى لسه مايعرفش مصلحته انهار حلمهم فى لحظه وقت ماسمعوا من الدكتور ان بنتهم بين الحياه والمۏت وهما عارفين السبب عارفين ان عقلها الصغير هو إللى وصلها لحالتها دى انتبهوا على فوضى ودوشه وممرضات بتجرى بترولى عليه بنتهم ودكتور بيجهز بسرعه علشان يدخل العمليات
الاب خير يادكتور بنتى جرالها ايه
الدكتور حنعملها غسيل امعاء حالا لكن المشكله ان نسبة المخدر وصلت للدم وده حنعوضه بنقل ډم ومحاليل
دخلت الطبيب العمليات وبعد ساعتين داخل غرفة العمليات خرجت بوسى على غرفه الافاقه
جرى الأب والأم على الدكتور إللى طمنهم انها نجت من المۏت بأعجوبة
الاب الحمد لله على كل شئ
الام پبكاء حتعمل معاها ايه ايه يا عبد الله أوعى تضربها تانى
الاب انا لو عليا عاوز اقټلها وارتاح من عقلها إللى حيضيعها ده
الام ناوى على ايه طيب طمنى
الاب تفوق
وتقدر
تقف على رجلها واللى يريده ربنا هو إللى يكون
نهى عبد الله الكلام مع مراته وسابها فى حيرتها
اما سمير كان بيتصل ببوسى كل دقيقه على تليفونها الجديد وطبعا ده كان فى البيت مستخبى فى الدولاب
والقلق كان حيموته سمير اتعلق ببوسى وبقى عامل زى الطفل إللى نفسه فى لعبه وصمم ياخدها كان مفكر انه كده بيحبها لكن إللى بيحب مايضرش حبيبه وعلاقته بيها أكبر ضرر ليها عدى عليه الليل بصعوبه وتانى يوم قرر يروح يسأل عليها نور صاحبتها عند المدرسه
سمير انسه نور
نور نعم
سمير هى بسنت ماجاتش انهارده
نور لا بسنت مش بتيجى لكن ممكن اقول لحضرتك حاجه
سمير اتفضلى
نور ابعد عن بوسي حرام عليك
سمير كان لسه حيتكلم لكن رشا لحقته بعد ماسمعت طريقة نور معاه
رشا استاذ سمير مش كده
سمير ايوه
رشا بوسى ماجاتش علشان اڼتحرت امبارح
نور وسمير پصدمه ايه اڼتحرت
رشا أيوه علشان باباها مش موافق عليك
نور وانتى عرفتى ازاى
رشا باهتزاز عرفت وخلاص
سمير بقلق طيب هى فين دلوقتى
رشا لا انا معرفش هى فين اكيد فى البيت
نور لا انا عديت عليها فى البيت واخوها قاللى انه صحى مالقاش حد منهم
رشا پخوف ياخبر احسن تكون راحت مستشفى
سمير خلاص خلاص انا حعرف
مشى سمير وساب البنات لكن نور ماكنتش مرتاحه لمعرفة رشا بخبر الاڼتحار ده
سمير بعد ماسابهم كان زى المچنون راح على الشركه إللى بيشتغل فيها عبد الله وبعد ماعطا اكراميه محترمه لعامل الأمن هناك عرف يوصل لرقم تليفون عبد الله
مسك تليفونه وضغط على الأرقام واتصل بعبد الله بعد ثوانى سمع صوت عبد الله
عبد الله سلام عليكم
سمير وعليكم السلام يا استاذ عبد الله
عبد الله أيوه مين معايا
سمير معاك سمير الكردى
عبد الله بعصبيه عاوز ايه مننا تانى انت ليك عين تتصل بيا ده ايه البجاحه دى يااخى
سمير اهدى بس يا استاذ عبد الله تقولى مكانك فين وانا اجيلك ونتكلم مع بعض وانا راضى بأى حكم تحكم بيه بعدها
عبد الله انا بنتى بين الحياه والمۏت فى المستشفى
سمير پخوف وقلق اكبر ارجوك قولى انت فى أى مستشفى
عبد الله بقلة حيله احنا فى مستشفى................
سمير دقايق واكون عندك
ساق سمير عربيته بأقصى سرعه بعد ماعرف مكان المستشفى من جوجل
وصل بعد حوالى تلت ساعه دخل على الاستقبال وسأل على مكان بسنت كان كل إللى يهمه يطمن عليها قبل أى مواجهه مع ابوها وبالفعل وصل لغرفة الافاقه ولحسن حظه ان عبد الله ومراته كانوا مستنين فى الاستراحة
قدر بعد محاولات مع التمريض يدخل يشوفها بالرغم ان اهلها نفسهم اتمنعوا لكن كالعاده ياساده سمير عنده إللى يفتح الأبواب المقفوله
سمير أول ماشافها مااقدرش يتحكم فى دموعه إللى مانزلتش غير وقت ۏفاة مراته الأولى حس ان كل حاجه بيحبها ويتعلق بيها بتروح منه خاف عليها قرب منها ومسك ايديها
سمير كده يابوسى عاوزه تضيعى منى بعد مالقيتك هونت عليكى ټأذى نفسك كده كنا نقدر نقنعه بأى طريقه غير انك تنتحرى
بوسى كانت سامعه كلامه كأنها فى حلم لان النوع ده من المخدر وقت مابيبدا مفعوله يروح من الجسم بيكون الإنسان واعى لكن فى حالة خمول ومش قادر يفتح عينه
دخلت الممرضه وطلبت من سمير الخروج لان الدكتور جاى فى طريقه الغرفه
خرج سمير وقابل الدكتور وعرف منه حالتها وبعدها راح يدور على عبد الله إللى شافه من بعيد وهو بيمسح دموعه فقام وراح لعنده
عبد الله انت عاوز ايه من بنتى وازاى قدرت تعلقها بيك
سمير استاذ عبد الله انا ححكيلك كل إللى حصل علشان ماتظلمش بسنت
حكى
عبد الله ياااه يعنى كل ده سببه مكالمه غلط بس انت مش شايف انك كبير وناضج كفايه انك تتحكم فى تصرفاتك اكتر من كده
سمير عندك حق وانا لومت نفسى كتير فى الأول لكن بعد ماشوفت بسنت حسيت ان القدر هو إللى اتحكم فى كل احاسيسى ومشاعرى
عبد الله أنا معرفش عنك حاجه وبعد إللى بنتى عملته انا اخاڤ عليها منك اكتر انت قدرت تخليها تنسى دينها وتربيتها وتفكر ټموت كافره علشانك
سمير انا متأكد ان بوسى لما عملت كده ماكنتش تعرف انها حتوصل للمرحله دى من التعب وانها عملت كده للضغط عليكم بس
عبد الله أنا كل إللى حقولهولك دلوقتى بنتى تفوق ونرجع بيتنا ويحلها ربنا بعد كده
سمير استاذ عبد الله ارجوك وافق على طلبى وانا اوعدك انى احافظ عليها واعيشها اجمل سنين عمرها
عبد الله سيبها على الله
سمير ونعم بالله لكن انا حستاذنك اجى اطمن عليها بكره
عبد الله كان لسه حيتكلم لكن سكت لما لقى الدكتور بيقرب منه
الدكتور دلوقتى هى حالتها استقرت لكن دى حالة اڼتحار ولازم أبلغ الشرطه ونعمل محضر
عبد الله پخوف يادكتور بعد اذنك بلاش دى عيله وغلطت وحفاظا على سمعتنا يعنى ارجوك بلاش محضر
الدكتور اسف وماينفعش
سمير ماشى يادكتور ادينا دقايق بس وبعدها حضرتك بلغ
الدكتور ماشى بس هى مش حتخرج من هنا غير بعد المحضر
سمير حاضر ماتقلقش
عبد الله بص لسمير وهو مستغرب كلامه لكن سمير فهم نظرته وطمنه
سمير استخدم علاقاته وعمل كام تليفون وقدر يوصل لمدير المستشفى إللى بدوره كلم الدكتور وأمره يلم الموضوع ويهتم جدا بالحاله كمان
عبد الله وقف يتفرج على معامله الدكتور لسمير بكل احترام وفهم ان سمير حد مش سهل وأنه يقدر على حاجات كتير وقرر قرار مهم لبنته
سمير خرج من المستشفى بعد مااتأكد انه حل المشكله لكن ساب عبد الله فى حيرته وانشغاله على بنته لحد مانتبهت عليه ام بوسى
الام خير يا عبد الله مالك
الاب مافيش حاجه شوفتى الراجل إللى كان قاعد معايا ده
الام أيوه شوفته قولت تلاقيه حد من صحابك كلمته يجيبلك فلوس ولا حاجه
الاب صحابى مين هو انا كلمت حد ده العريس إللى متقدم لبنتك واللى كانت حتموت كافره علشانه
الام وهى بټضرب بأيديها على صدرها ياخبر يا عبد الله دى يجى عنده ٣٠ او ٣٥ سنه
عبد الله أيوه يا ستى شكله بيقول كده
طبعا هما بيخمنوا السن لان سمير ماقالت سنه لعبد الله
الام طيب وكان جاى ليه
الاب جاى يقنعنى انى اوافق ويطمن عليها
الام ده مش مكسوف من نفسه ده بعد إللى البت عملته
الاب ده الراجل المچنون شفته كان بيمسح دموعه على جنب وهو مش شايفنى
الام ياااه يعنى بيحبها اوى كده
الأب بيحبها ايه انتى كمان
الام يعنى حيبكى ليه ده حتى شكله له هيبه كده ده البت حتبان جنبه كأنها بنته
الاب انتى بتتكلمى كده كأننا وافقنا
الام أنا رأيى توافق يا عبد الله وهى ذنبها على جنبها بقى المره دى اڼتحرت المره الجايه الله اعلم يمكن تهرب معاه بنتك اټجننت خلاص والراجل اكل بعقلها حلاوه
عبد الله فضل ساكت لكن بيدور كلام مراته فى مخه وخطړ على باله ان ممكن تكون بنته عملت معاه حاجه
غلط ولما هو ماوفقش خاڤت تتفضح الفكره دى خلت عبد الله قام نط من مكانه راح على الدكتور بسرعه
عبد الله معلش يادكتور كان ليا سؤال
الدكتور نعم ياحاج خير
عبد الله هو فى هنا دكتوره متخصصه فى أمراض
النساء
الدكتور أيوه دكتور مروه
عبد الله طيب ممكن اكلمها بعد اذنك
الدكتور ثانيه واحده حكلمها تيجى لحضرتك
وفعلا وصلت الدكتوره وعبد الله طلب منها تطمنه على بنته
الدكتوره بعد الحاح من عبد الله دخلت كشفت على بوسى إللى كانت فاقت من الغيبوبة وشافت الدكتوره وهى بتفحصها
بعد الفحص خرجت الدكتوره وجرى عليها عبد الله
عبد الله خير يادكتوره طمنينى الله يكرمك
الدكتوره اطمن ياحاج بنتك زى الفل لكن هى فاقت وشافتنى وانا بفحصها وده ممكن يسبب لها حاله نفسيه
عبدالله ليه يادكتوره انا ابوها وده من حقى
الدكتوره احساسها بأنك فاقد الثقه فيها ياذيها نفسيا جدا
عبد الله وهى كمان أذتنى لما اڼتحرت
الدكتوره واضح ياحاج انكم بعيد عنها جدا خلى والدتها تصاحبها ده حيكون احسن ليكم وليها
استأذنت الدكتوره وسابت عبد الله فى حيرته ولسه كلام مراته شاغله
عدى اليوم وتانى يوم سمير وصل المستشفى علشان يطمن عليها زى ماقال لعبد الله واول ماوصل راح لعبد الله ومراته الأول
سمير سلام عليكم
عبد الله ومراته وعليكم السلام
سمير ايه الأخبار انهارده فاقت ولا لسه
عبد الله فاقت الحمد لله والدكتور طمنا عليها وحتخرج كمان شويه
سمير طيب الحمد لله وكويس انى لحقتكم
عبد الله لو عاوز تشوفها اتفضل
سمير حطمن عليها واخرج علطول
عبد الله روحى معاه ياام بوسى
الام حاضر اتفضل يا استاذ
دخلت ام بوسى مع سمير وشافت لهفة بنتها عليه وده اكدلها شكوكها من ناحية بنتها واللى ممكن تعمله لو فضل ابوها رافض
سمير حمد الله على سلامتك
بوسى الله يسلمك ياحبيبى
سمير ليه عملتى كده كنتى ممكن تضيعى نفسك
بوسى خۏفت بابا يبعدنى عنك
سمير وده يخليكى ټأذى نفسك كده تفتكرى انا كنت حفرح لو جرالك حاجه لا قدر الله عارفه انا تعبت اد ايه لما عرفت إللى حصلك ده
بوسى عرفت منين
سمير عرفت من صاحبتك رشا
بوسى بتعب انا روحت تسأل عليا
سمير أيوه طبعا كنت قلقان عليكى جدا وماردتيش على تليفونك
بوسى علشان كنت أخدت الاقراص
سمير اخرجى بالسلامه وليا حساب معاكى بعدين
بوسى حقك عليا ماتزعلش منى
سمير خلاص اهدى دلوقتى علشان ماتتعبيش وباباكى قالى انك حتخرجى انهارده
بوسى بس انا خاېفه من بابا أوى
الام متدخله وماخوفتيش من بابا وانتى بتغضبى ربنا وعاوزه تكونى كافره بس حتخافى من بابا ازاى وانتى ماخوفتيش من ربنا
سمير هى غلطت يامدام لكن فهميها غلطها بالراحة بعد ماتبقى كويسه
ام بوسى معجبهاش تدخله وكلامه وحبت ترد هاله
الام هو مش حضرتك اطمنت عليها اتفضل يلا روح لعبد الله
خرج سمير وهو بيتحكم فى أعصابه بالعافيه هو مهما كان له طاقه ومحدش بيكلمه بالطريقه دى ابدا ده سمير الكردى ومافكرش هو عامل فيهم ايه وأنهم لو ماكنوش ناس طيبين كان زمانهم قاتلينه
وصل سمير الاستراحة عند عبد الله
سمير لو مايضايقش حضرتك اوصلكم البيت
عبد الله لا مايضيقنيش انا كمان عاوزك ومش هينفع الكلام هنا فى المستشفى
سمير خلاص انا حشوف الدكتور وأشوف لو ينفع نخرج دلوقتى
عبد الله ماشى وانا حروح احلى امها تجهزها
كل واحد راح فى طريقه
سمير اخد موافقة الدكتور وعرف ان فى حساب لازم يتدفع للمستشفى راح دفعه كله وراح على غرفة بوسى لقاها جهزت
خرج سمير قبلهم وقف العربيه بتاعته قدام باب المستشفى وركب جنبه عبد الله وبوسى وامها ركبوا فى الكرسى إللى ورا
بوسى كانت متفائله ان باباها وافق بتوصيلة سمير مانعرفش ابوها ناويلهم على ايه
وصلوا عند البيت وطلعت بوسى وامها وأبوها وسمير
بوسى كانت حتدخل على أوضتها لكن صوت ابوها وقفها
الاب انتى رايحه فين
بوسى حدخل أوضتى يابابا
الاب لا تعالى هنا اقعدى هنا الأول عاوزك
بوسى استندت على امها ورجعت قعدت على
اقرب كرسى لانها لسه برده جسمها مهزوز من المخدر
الاب استاذ سمير بنتى اڼتحرت علشان اوافق انها تتجوزك وانا موافق لكن بشرط
سمير اتفضل اشرط براحتك انا مستعد اكتبلها المؤخر إللى حضرتك عاوزه واجيبلها شبكه إللى تختارها
الاب انا مش ببيع بنتى انا شرطى الوحيد ان بوسى بعد ماتخرج من هنا عروسه وماترجعش تانى وتعتبر ان اهلها ماتوا البنت إللى تخلى ابوها خاېف لتحط راسه فى الوحل يبقى مۏتها احسن وانا علشان تعبت فى ربايتها وشقيت عليها انا حجوزها واخرجها من هنا عروسه كمان
سمير حضرتك مش شايف ان ده شرط قاسى جدا
الاب ده شرطى لو بسنت قبلت بيه ربنا يهنيكم بعيد عننا
الام لا يا عبد الله حكمك جامد اوى دى مهما كان بنتنا
الاب انتى تسكتى ولا كلمه
بوسى كانت قاعده بتفكر تختار مين لكن عقلها الصغير التافه قلها ان ابوها بيقول كده بس علشان يخوفها لكن مش حيقدر يبعد عنها ومع الوقت كل حاجه حتتصلح
الاب ها يابسنت موافقه على شرطى
سمير يا استاذ عبد الله اكيد بوسى مش حتوافق تبعد عنكم ولو انا حعمل كل المشاكل دى انا حبعد صحيح انا ماقدرش اتنازل عن بسنت لكن يهمنى كمان ان اهلها يباركوا الجوازه
عبد الله حضرتك راجل محترم وكتر خيرك على كلامك لكن انا عاوز اعرف رد بنتى
بوسى انا موافقه على شرطك يابابا
الاب انا كنت عارف انك حتختاريه هو وعلشان كده لو سمحت يا استاذ سمير أنزل هات المأذون لو لسه عاوز تتجوز بنتى
سمير كان موقفه صعب ازاى حيتنازل عنها بعد ماباعت اهلها وقرر يخلص الموقف ويجيب المأذون اهو يبقى ضمن انها مراته ومن ناحيه تانيه ياخد فرصه يصلح بينها وبين اهلها
نزل سمير جاب مأذون وتم كتب الكتاب وعبد الله حتى مااخدش باله من سن سمير الحقيقى من إللى هو فيه كان صعب اوى عليه ان بنته بعد مارباها تختار واحد كل علاقتها بيه كام يوم
خرج المأذون والشهود من بيت عبد الله وبعدها سمير طلب يتكلم معاه على انفراد
عبد الله أنا ماليش طلبات شوف انت وهى
سمير انا عاوزك تهدى الأول وهى تخلص امتحانات انا اعرف ان فاضلها شهر على نهاية السنه
الاب أيوه
سمير خلاص اكون انا جهزت الفيلا وتيجوا تشوفوها واكون حجزت قاعه للفرح هنا
عبد الله احنا مش حنشوف حاجه هى اختارت وانا وافقت على اختيارها وعلاقتنا بيها انتهت انهارده
وحتنتهى نهائيا يوم الفرح ولو حضرت انا وأمها الفرح حيكون علشان شكلنا قدام الناس مش علشانها
سمير استاذ عبد الله انا حقيقى اسف انى اتسببت فى كل المشاكل دى
عبد الله ماتتاسفش انت مش غلطان لو كان أى حد غيرك كانت بنتى برده حتسيبنا وتختاره
عبد الله كان عنده حق فى كلامه لكن ماكانش واخد باله ان هو السبب وأنه حتى لما حب يعالج غلط بنته كان غلطه أكبر منها
طلب سمير من عبد الله انه يتكلم مع بوسي وطبعا عبد الله وافق لانها خلاص بقت مراته
عبد الله ياام بسنت خليها تكلم جوزها
الام حاضر يا عبد الله
دخلت بوسى لسمير فى غرفة الصالون
سمير تعالى اقعدى ياحبيبتى
بوسى حاضر
سمير انا اسف يابوسى على إللى حصل مع اهلك ماكنتش احب اعرضك للموقف ده
بوسى لا ولا يهمك بابا عمل كده بس علشان زعلان واكيد مع
الوقت حينسى
سمير باباكى زعلان جدا يابسنت انتى غلطتى وانا قولتلك كده وانتى فى المستشفى وزودتى غلطك لما اخترتينى انا
بوسى يعنى انا غلطانه انى إختارتك لو عاوز ترجع فى كلامك براحتك انا ممكن اطلع اقول لبابا دلوقتى واخلصك منى
سمير بوسى مش عاوز اسمع الكلام ده تانى انا بفهمك غلطك وده حقك عليا انا اكيد فرحان انك اخترتينى لكن متضايق جدا ان اهلك زعلانين منك
بوسى انت شكلك مش عاوزنى
سمير پغضب اظن لو انا مش عاوزك ماكنتش سيبت شغلى وقعدت جنبك هنا لحد مااضمن ان والدك وافق ماكنتش نزلت جيبت المأذون وجيت لكن واضح انك مش بتقدرى أى حاجه حتى خوف والدك عليكى
بوسى پبكاء يعنى انا غلطانه وانت زعلان منى كمان انا عملت كل ده علشان اكون معاك
سمير وهو بيمسك ايديها عارف ياحبيبى والله لكن كان نفسى افرحك وافرح اهلك بيكى
بوسى انا فرحانه علشان بقيت مراتك وحفضل معاك علطول
سمير ربنا يقدرني وأسعدك وأقدر أعوضك عن كل إللى حصلك بسببى
بوسى ربنا يخليك ياحبيبى
سمير طلع فلوس من جيبه وعطاها لبوسى
بوسى ايه الفلوس دى انا مش محتاجه حاجه
سمير حبيبتى انا مسافر الصبح الغردقه وانتى اكيد حتحتاجى مصروف وانتى بقيتى مراتى يعنى انا المسؤول عنك
بوسى حتسافر بكره علطول
سمير يادوب الحق اجهز الفيلا علشان انا اتفقت مع باباكى ان بعد امتحاناتك حنعمل الفرح
بوسى يعنى مش حاشوفك غير بعد الامتحانات
سمير لا ياقلبى حجيلك طبعا كل اجازه علشان آخدك اشتريلك كل إللى ناقصك ونحجز اوتيل للفرح
بوسى بجد حعمل الفرح فى اوتيل
سمير طبعا ياحبيبتى وحجيبلك اجمل شبكه
بوسى بفرحه انا بحبك اوى
سمير وانا بمۏت فيكى ياقمرى
بوسى يعنى خلاص مش زعلان منى
سمير ماتفكرنيش بقى علشان مش عاوز انكد عليكى انهارده لكن حسابك لما نروح بيتنا
بوسى حاضر
سمير انا حمشى علشان الوقت اتأخر وبكره ان شاء الله حكلمك
بوسى مع السلامه ياحبيبى
سمير الله يسلمك وعاوزك تحاولى تصالحى باباكى
بوسى حاضر ان شاء الله
خرج سمير وبوسى وسمير استأذن من عبد الله وام بوسى ونزل من عندهم
بعد سمير ماخرج من بيت اهل بوسى هى حاولت تكلم ابوها لكن كان رافض وبلغها بنفس كلامه مع سمير
عبد الله اسمعى ماتحاوليش تتكلمى معايا ولو عقلك صورلك انى ممكن اسامحك مع الوقت تبقى غلطانه لان بعد مابعتى تربيتى ليكى استحالة اقبل انك تكونى بنتى وانا بلغت جوزك بكده جوزك إللى فضلتيه على اهلك على ام حملت فيكى ورضعتك وربتك واب اشتغل وتعب وشقى علشان يوفرلك لقمه كويسه ولبس نضيف وتعليم كويس رميتى بكل ده عرض الحائط واخترتى راجل ماتعرفيهوش غير من يومين تصدقى انه صعبان عليا لان إللى تبيع اهلها مسيرها فى يوم تبيعه وانا بقولهالك من دلوقتى حييجى اليوم إللى حيعيرك فيه بأنك بعتينا علشانه ومن دلوقتى لأ انتى بنتى ولا اعرفك ولو سيبتك فى بيتى ده علشان كلام الناس لكن أوعى تفكرى انه علشانك
بوسى اڼصدمت من كلام ابوها وحست ان تفكيرها خاڼها لكن لسه عندها امل مادام لسه قدامها وقت فى البيت معاه
اما الام فكانت صعبانه عليها بنتها هى صحيح غلطت لكن قلب الام دايما بيغفر وخۏفها زاد على بنتها بعد ماحست انها شبه مغيبه وان قلبها الأخضر هو إللى ممشيها لكن مابيدها حيله حكم جوزها أقوى من كل شئ
دخلت بوسى على أوضتها وهى حاسه بتعب فظيع لانها لسه مافاقتش بالكامل من المخدر واول مافردت جسمها على السرير راحت فى نوم عميق
عبد الله حاول ينام لكن ازاى حيدوق طعم النوم بعد ماغضبه من بنته وصله انه ياخد قرار ان يرميها فى الڼار بايده كان حاسس بۏجع فى قلبه لكن صډمته فى بنته إللى لاخر وقت كان مستنى منها تختاره هو وامها وصلته للى عمله
اما سمير كان بالنسبه له اليوم مرهق جدا وفى أحداث صعبه وقرارات مصيريه هو صحيح حب بوسى واتعلق بيها لكن كان نفسه يتجوزها بشكل تانى
عدت ليله صعبه لكن مش حتكون اصعب الليالى إللى حتمر على الجميع
ظهرت شمس يوم جديد وأطلقت اشعتها الذهبيه
فاق عبد الله من نومه على صوت المنبه وبعد إللى شافه امبارح بقى حاسس انه جسم من غير روح عبد الله قام اتوضى وصلى ولبس ونزل راح على شغله من غير مايكلم حد
ام بوسى كانت موجوعه على حال جوزها وعلى بنتها واول مره تشوف جوزها بالشكل ده
بوسى صحيت من نومها واول حاجه عملتها مسكت التليفون وكلمت سمير
بوسى صباح الخير ياحبيبى
سمير احلى صباح من مراتى حبيبتى
بوسى وحشتنى اوى لو ماسافرتش عاوزه أشوفك
سمير انتى كمان وحشتينى ياقلبى لكن انا فعلا على الطريق من بدرى
بوسى لكن ده الساعه لسه ثمانيه الصبح
سمير انا صحيت الفجر وسافرت علطول علشان عندى شغل متعطل ولازم الحق الموظفين قبل مايمشوا
بوسى هو انت عندك موظفين
سمير ههههه اومال بشتغل لوحدى طبعا عندى موظفين وموظفات
بوسى موظفات وياترى حلوين بقى
سمير ايه ده ايه ده بتغيرى عليا ولا ايه
بوسى لا عادى وهو يعنى مش من حقى
سمير حقك طبعا ياحبيبتى انتى مراتى حبيبتى لكن لازم يكون عندك ثقه فيا
بوسى عندى ثقه فيك ياحبيبى طبعا زى ماانت اكيد حيكون عندك ثقه فيا
سمير اكيد ياحبيبتى بثق فيكى جدا الدليل انة اديتك أسمى من غير تفكير
بوسى فكرت بعقل الطفله انها تثير غيرته عليها ودى حاجه حتفرحها وبالنسبه ليها ان ده الحب بعينه
بوسى يعنى لو شوفتنى وانا بكلم حد من زملاتى مش حتغير عليا
سمير مش انتوا مدرسه بنات بس
بوسى ايوه المدرسه بتاعة بنات بس لكن الدرس والسنتر بنكون ولاد وبنات وفى ولاد كتير نفسهم بس وأكلمهم
سمير پغضب بوسى انا كده ممكن ازعل منك بجد لان ماينفعش تقولى الكلام ده حتى وان كان قصدك تستفذينى
بوسى خلاص ياحبيبى انا اسفه
سمير حبيبتى انا عارف انك لسه صغيره لكن ده مايمنعش ان لازم دماغك تكون كبيره شويه
بوسى حاضر خلاص بقى مش حعمل كده تانى
سمير كشف لعبة بوسى من أول لحظه وفهم انها بتردله كلامه لكن لا سنه ولاعقله يسمحوا انها تستخف بيه كده
سمير طمنينى انتى لسه تعبانه ولا بقيتى احسن دلوقتى
بوسى الحمد لله حاسه انى اتحسنت ويمكن بكره ان شاء الله اروح المدرسه
سمير ماشى ابدئي دراستك علشان الامتحانات قربت
بوسى هو الفرح بعد الامتحانات علطول
سمير اه ياحبيبتى ان شاء الله
بوسى ايوه بقى علشان انا مش قادره استحمل معاملة بابا ليا
سمير هو حصل حاجه بعد ماسيبتك
بوسى لا قاللى ماكلمهوش تانى
سمير معلش حاولى معاه تانى وتالت ماتيأسيش
بوسى ان شاء الله
سمير حبيبى حقفل معاكى دلوقتى وأكلمك تانى
قفلت سمير مع بوسى التليفون لانه كان متضايق منها ومن كلامها هى فكرت بعقل طفله لكن ماتعرفش انها لو أثارت غيرته فعلا حتشوف وش تانى هى لسه ماتعرفهوش
بعد وقت طويل وصل سمير الغردقه وكانت بوسى فى الوقت ده خرجت من أوضتها وشافت امها واخوها ومحدش فى البيت بيكلمها بناءا على تعليمات ابوها
قضت وقتها بين أوضتها والتليفزيون وبعدها دخلت تكلم اوس الخړاب صاحبتها فى الفساد رشا
بوسى الو ازيك يارشا
رشا مين معايا انتى بوسى
بوسى ايوه يابنتي مش كلمتك
من الرقم
ده قبل كده
رشا يخربيت سنينك انتى لسه عايشه
بوسى اه يااختى عايشه ده انا كنت حموت فى المستشفى
رشا ليه ياصغنونه ماانا اخدته كام مره وماحصليش حاجه
بوسى أنا جسمى ماتحملش ونقلولى ډم وعملولى غسيل معده
رشا بس ايه يابنتي الموز الجامد ده ده مش يستاهل الاڼتحار ده يستاهل كل حاجه
بوسى بفرحه قصدك سمير اه ماهو قاللى انك انتى إللى قولتيه
رشا بفخر اااه عدى الجمايل لحقته من ايد نور كانت لسه حتهزقه
بوسى بفزع ايه تهزقه ليه يعنى وبعدين سمير بقي جوزى
رشا ايه ايه ايه بقى جوزك لا فهمينى بسرعه
حكت بوسى كل إللى حصل لرشا
رشا وقدرتى تقولى كده لباباكى
بوسى ايوه ماانا فكرت انى لو قولت اختار أهلى هخسر سمير غير ان أبويا برده حيعاملنى وحش وحيمتعنى من المدرسه والخروج ده غير العلقھ المتينه إللى كنت حاخدها فقولت اختار سمير ومنها
رشا عندك حق والله يلا مبروك ياحبيبتى خلى بالك عليه ودلعيه اوى بقى أوعى يبص لغيرك
بوسى اسكتى ده طلع عنده موظفات فى الشركه بتاعته
رشا ياهبله استنى لما تتمكنى وتبقى معاه هناك وبعدين ابقى شوفى الموظفات لو حلوين حبقى ساعتها ادبرلك لكل واحده مصېبه حتمشيها بيها من الشغل
بوسى ههههه يابنت اللذينه ده انتى مشكله
رشا بس بعد مانتخرج ابقى شوفيلى شغل معاه علشان اعرف اظبطك
بوسى طبعا ياحبيبتى من عينيا
رشا وخلى بالك من نور على فكره شكلها فهمت انى انا إللى جيبتلك المخدر
بوسى ولا يهمك انا حبقى اكلمها يلا سلام بقى احسن سمير يتصل ويلاقينى مشغوله
رشا الله يسهلها يا عم ماشى سلام
قفلت بوسى مع رشا وهى فرحانه بصحبتها ماتعرفش ان صاحبتها لو بتحبها كانت نصحتها بالخير
سمير بعد مارجع وخلص شغله كلم مهندس ديكور علشان يبدأ بتجهيز الفيلا وهو نقل حاجته كلها لشقه أجرها لحد ما المهندس يخلص شغل
عدت ايام من غير أى جديد غير ان بوسى رجعت المدرسه وكان سمير بيكلمها يوميا بالساعات وكان بيبعتلها على الواتس أب صور الديكورات بتاعة الفيلا
وفى يوم الاجازه سمير حب يعمل مفاجأه لبوسى وراح على بيتهم من غير مايتصل بيها رن جرس الشقه
فتحت ام بوسى الباب لقت سمير قدامها
سمير سلام عليكم انا اسف جيت من غير معاد بس حبيت اعملها مفاجأه لبوسى
الام اهلا وسهلا البيت بيتك اتفضل
دخل سمير وام بوسى استقبلته باحترام ودخلت تنادى جوزها
خرج عبد الله واستقبله باحترام برده مهما كان هو ضيف عنده
عبد الله نورت يا استاذ سمير
سمير ده نورك
عبد الله بحيره هى بوسى ماتعرفش انك جاى
سمير لا انا ماقولتش بصراحه لكن انا عارف ان انهارده ماعندهاش دروس فقولت افاجئها
عبد الله لكن هى فى درس وزمانها جايه
سمير انا اسف على الازعاج
طبعا سمير وقتها كان فى قمة غضبه لان هو متأكد ان ماعندهاش درس وبدأ الشك يدخل لقلبه منها
بعد شويه رجعت بوسى اتفاجئت فعلا من وجود سمير لكن اټرعبت منه لما شافت نظرة عينه ليها
سمير كان بيبص لبوسى بعيون حاده وواضح فيها الڠضب واللوم لكن قطع تفكيرها صوت باباها وهو بيقول لامها
عبد الله ام بوسى تعالى حضرى الغدا للاستاذ سمير
سمير لا معلش مش حقدر بعد اذنك ممكن اخد بوسى ونخرج
عبد الله براحتك دى مراتك وزى ماقولتلك هى مش اكتر من امانه عندى
سمير حقيقى مش عارف اقولك ايه لكن عندى ثقه ان فى يوم حقدر اطمنك من ناحيتى وتسامح بسنت
عبد الله أنا مطمن من ناحيتك يا استاذ سمير ماتشغلش بالك بيا اتفضلوا انتوا علشان ماعطلكوش لكن لازم تتغدى معانا يوم كده عيب فى حقنا
سمير ان شاء الله المره الجايه
خرج سمير وبوسى من البيت وطبعا سمير كان كل همه يستفرد بيها اما بوسى كانت بتتمنى ابوها يرفض خروجهم خوفا من ڠضب سمير
سمير بعد مانزل من البيت هو وبوسى ركبوا العربيه من غير ماينطق ولا كلمه
بوسى حبيبى حمد الله على السلامه
سمير الله يسلمك
بوسى انت مش بتكلمنى ليه
سمير حنتكلم بس لما نقعد فى مكان
بوسى هو انا ماوحشتكش
سمير وقف العربيه مره واحده خلى بوسى زاد رعبها المرتين إللى شافته فيهم كان فى منتهى الرقه معاها أول مره تشوفه مكشر كده
سمير بهدوء انتى شيفانى عيل صغير حتضحكى عليه بكلمتين
بوسى انا والله ماقصدش حاجه من دى
سمير انتى كلمتينى انهارده كام مره
بوسى ساكته ومش بترد
سمير بعصبيه ردى عليا لما اكلمك تردى
بوسى كلمتك اربع مرات
سمير قولتيلى انك خارجه أو عندك درس
بوسى لأ
سمير كنتى فين وماتكدبيش عليا علشان انا متأكد انك ماعندكيش دروس
بوسى كنت عند رشا صاحبتى لكن بصراحه قولت ان عندى درس علشان بابا مش يوافق انى اخرج غير للدروس وبيقول انك سايبنى امانه عنده
سمير وماكلمتنيش تقوليلى ليه
بوسى خفت انت كمان ماتوافقش
سمير وانتى لما تحبى تعملى حاجه وخاېفه انى ماوفقش حتعمليها
بوسى لا بس انا كنت عاوزه اروح اشوفها علشان تعبانه
سمير انا ماليش دعوه روحتى ليه انا بسأل سؤال محدد انتى حتعملى إللى فى دماغك سواء وافقت او رفضت
بوسى لأ والله اخر مره
سمير هى لازم تكون اخر مره لانى مش حسمح بكره تانيه مفهوم بلاش تضطرينى اوريكى سمير تانى خالص خلينى دايما سمير حبيبك إللى ممكن يجيبلك نجمه من السما علشان يرضيكى
بوسى پبكاء خلاص والله العظيم مش حعمل كده تانى انت اصلك مش عارف بابا بيعاملنى ازاى
سمير بصراحه عنده حق انتى شكلك متعبه جدا
بوسى كده انا متعبه
سمير خلاص بلاش عياط انا مش حستحمل ازعلك فى اليوم الوحيد إللى عرفت اشوفك فيه
بوسى ربنا يخليك ليا يعنى خلاص مش زعلان منى
سمير بوسى انا بحبك وبجد مش عاوز ازعل منك انا نفسى افرحك وادلعك واعيشك واعيش معاكى احلى ايام عمرى بلاش تزعلينى تانى
بوسى بابتسامه حاضر ياحبيبى
سمير خلاص سماح المره دى بس
بوسى بحبك اوى
سمير وانا كمان يامدوخانى بمۏت فيكى
سمير اكتفى بأنه يوريها جزء من غضبه لكن لو كررتها حتشوف إللى عمرها ماشافته
بوسى هو احنا رايحين فين
سمير انا عاوز اتغدى وانتى اكيد جوعتى
بوسى بشقاوه ايوه انا رجعت البيت اصلا علشان كنت جعانه
سمير لا والله كنتى اتأخرتى كمان علشان كنت نزلت دورت عليكى وجيبتك بطريقتى
بوسى بطريقه كوميديه لا ياباشا بريئه والله
سمير ههههههه ايه يابنتي انتى شيفانى ظابط بحقق معاكى
بوسى ماهو انت بتتكلم زى الظباط
سمير وانتى شوفتى ظباط فين بقى
بوسى فى التليفزيون لا اطمن لسه مادخلتش أقسام بوليس
سمير منفجرا فى الضحك لسه مادخلتش يعنى ناويه طيب كويس انى اعرف كام واسطه علشان ماتضربيش هناك
بوسى هى حصلت للضړب لا الاكشن ماليش فيه خالص
سمير هههههههه لا ده انتى كوميديانه كمان
بوسى ده كان زمان خلاص بقى
سمير يعنى انا إللى نكدت عليكى ولا ايه
بوسى لا ياحبيبى انا بضحك معاك
سمير بس تعرفى ان دمك خفيف وانا بمۏت فى شقاوتك دى
بوسى انا جعانه ولا انت مش ناوى تغدينى ماتخافيش ممكن اعزمك انا
سمير ايوه ممكن تسلفينى احسن انا عريس لقى وصرفت كل فلوسى على الديكورات إللى مراتى طلبتها
بوسى بجد يا حبيبى انا طلبت حاجات مكلفه اوى كده
سمير ههههههه انتى صدقتى ولا ايه ياقلبى انتى تؤمرى
وانا انفذ
بوسى خوفتنى فكرت انى زودت عليك
سمير يلا بقى علشان نتغدى وبعدها محضرلك مفاجأه
بوسى ماشى يلا بينا
وصلوا عند سان ستيفانوا جراند بلازا وده يعتبر أكبر مول موجود فى اسكندريه وموجود فيه أشهر المطاعم ده غير الفندق الخاص بيه بوسى كانت يتخلف تدخل الاماكن دى لانها عارفه ان مرتب باباها فى شهر مايكفيش عزومة غدا واحده هناك
دخلت سمير وهو ماسك ايد بوسى فى ايده وكأنه خاېف لتهرب منه
بوسى انا حنتغدى هنا
سمير مش عاجبك ياحبيبتى نغيره
بوسى لا طبعا عاجبنى بس هو غالى جدا
سمير بوسى حبيبتى مش عاوزك تقولى كده تانى اما عارف انك خاېفه عليا وعلى فلوسى لكن هى موجوده الحمد الله وكتير كمان ليه ماتتمتعيش بيها مش دى فلوس جوزك حبيبك
بوسى حاضر زى ماتحب
سمير خلاص يلا ادخلى
دخلوا المطعم الإيطالي بالفندق وطلبوا الغدا وخلصوه فى جو مليان حب وكلام عن الفيلا والتصميمات
وبعدهاواخدها فى جوله جوه المول جابلها اجمل وأحدث البرفانات العالميه وبعدها جابلها ملابس للخروج وملابس بيت ولانجيرى على ذوقه هو لان بوسى كانت مكسوفه منه جدا غير انها لسه ماتفهمش اوى ايه المناسب ليها لكن سمير بعين الخبره قدر يحدد إللى يناسبها واشتراه وأخيرا خرجوا من المول واخدها على محل مجوهرات فى منطقه جليم وبوسى تعرف انه للطبقه الارستقراطيه فى الاسكندريه ودخل معاها المحل
سمير لو سمحت عاوز أطقم شبكه لازوردى
الجواهرجى تحت امرك ياافندم حجيب لحضرتك أحدث تشكيله
جاب أطقم شكلها رائع وكلها من الماركه المعروفه لازوردى
سمير حبيبى نقى شبكتك
بوسى بفرحه شبكتى انا حتكون لازوردى بتاع اليسا ونانسى
سمير انتى عندى اغلى منهم كلهم يلا نقى بقى
بوسى وقفت مذهوله من جمال الاطقم وكان كلها من الذهب الابيض وسمير طبعا هو إللى طلب من الصايغ كده عجبها طقم هادى وبسيط جدا لكن ماعجبش سمير انه يبان كانه سلسله وفيها ورده من المنتصف لكن اختار طقم أقيم الكوليه مرصع بالفصوص ونازل منه دلايه على شكل الدمعه والحلق بنفس الشكل والاسوره والخاتم
بوسى كانت مبهوره بالطقم وبكل الاطقم وسمير كان معجب لانها قنوعه ومش طماعه واختارت أرخص طقم بالرغم من انها كانت معجبه بالطقم إللى هو اختاره
سمير حبيبى خلاص كده ده عجبك
بوسى أيوه جميل
سمير لو سمحت عاوز الدبل والمحبس الدبل تكون بلاتين من فضلك وطبعا الصايغ جابلهم الدبل قاسوها وكتبوا عليها الاسامى كانت فرحة بوسى بسمير وعطاياه ملهاش حدود حست ان تضحيتها فى محلها وان ربنا عوضها ماكانتش تعرف ان ڠضب ربنا من ڠضب اهلها عليها وان مال الدنيا مايعوضش خوف الأب وحنان الام
خرجوا من عند الصايغ واخدها يوصلها البيت وبعد ماطلعت وهو معاها طاير من فرحته بطفلته الجميله
سمير معلش
عبد الله ولا يهمك يا استاذ سمير براحتك
بوسى بفرحه ماما سمير جابتلى الشبكه
الام مبروك ياحبيبتى
بوسى لسه بتفرج لامها الشبكه والام من فرحتها دى مهما كان بنتها كانت حتزغرد لكن وقفت الزغروده فى ووراه نظرة عبد الله ليها
عبد الله هاتى للاستاذ سمير حاجه يشربها مش كفايه انه مرضاش يتغدى معانا
الام فهمت ان جوزها بيقطع صلته بكل حاجه تخص بنته وسمير كمان فهم كده
عبد الله استأذنك دقايق
متابعة القراءة
