رواية كاملة بقلم حنين عبد الرحيم حنون
كده..... ليه كده يا اسر....
انا عملتلك ايه بس انا حبيتك
ليه كده يا اسر
انا ماليش حظ في الدنيا خالص ولا مع عايلتي و حتى الشخص اللي بدات احبه واثق فيه عمل فيا كده
ليه يا ربي ليه!!
جاء صوت من وراها بيقول
ماسمهاش ليه يا ربي اسمها الحمد لله على كل شيء اسمها ان ربنا دائما بيخترلنا الافضل والاحسن
بتبص لمصدر الصوت لقيت ريان...
ريان ده اللي هو كان معاها في الكورس وطلب منها يصور
الورق قبل كدة
قمر انت.....
ريان راح قعد جنبها وطلع منديل وقال
خذي امسحي دموعك......
خدت منه المنديل وقالت
شكرا
وراحت قايمة ولسه ماشيه....
ريان من فضلك يا قمر ممكن تستني عايزة اتكلم معاكي شوية...
قمر من فضلك يا ريان انا مش عايزة اتكلم مع حد علشان خاطري سيبني.....
ريان انا معنديش اخوات على فكرة ممكن تبقي اختي وصدقيني هيبقي شرف ليا .....
قمر اكيد انت اخويا.....
ريان طب بما اني اخوكي فانا عمري ما اسمح اني اشوف اختي في الحالة دي فمن فضلك ممكن تقعدي نتكلم شوية بس
قمر قعدت ريان بدا يتكلم بوصي بقى يا ستي انا ريان عندي 25 سنه
وكنت باخد كورسات معاكي لانى خريج هندسه
وكنت باخد كورسات علشان ابدا اشتغل مع بابا في شركته
بس برده لسه مبداتش
بصراحه انا شوفتك من اول يوم شوفت انك قد ايه محترمه
ومش زي الباقي
وبصراحه دورت وراكي يعني عرفت انك متجوزه من دكتور اسر وباين عليكم علاقتكم كويسه انتي ليه بقى دلوقت و بټعيطي....
و شنطه هدومك!!!
ليه كل ده........
قمر سكتت.....
ريان بصي تقدري تعتبريني اخوكي وصديقك
وتحكيلي صدقيني انتي انسانه طيبه وانا معنديش اي نوايا وحشة تجاهك بس لو مش حابة تحكي خلاص اللي يريحك واسف على ازعاجك بكلامي.....
وقام ماشي....
قمر حست فعلا انه .....
ريان لو حابة تحكي جوازكم حصل ازاي وعايزة تقولي اي حاجة جواكي انا سامعك.....
قمر حكيت لريان كل حاجه من اول ما تجوزوا هي واسر
وازاي.... لحد ما تارا جاتلها بالصور ....
قمر و بس هو ده الموضوع....
ريان طب ليه مسمعتهوش يا قمر....
قمر مش قادره يا ريان انا تعبت حقيقي من كل حاجه علشان كده قررت خلاص هبدا صفحه جديده واعيش لوحدي من غير احد انا وشغلي وبس.....
ريان طب لو رجع يا قمر يعتذر هتفكري ترجعي...
قمر لا يا ريان مستحيل خلاص انا هقفل قلبي وخلاص..
ريان ايوه يا قمر بس....
قمر من غير بس ده قراري....
ريان تمام وانا معاكي هساعدك....
قمر من فضلك يا ريان مش عايزه مساعده من اي احد انا عايزه ابقى لوحدي.....
ريان تبقي لوحدك ازاي بس واخوكي موجود مستحيل يا قمر.....
قمر بابتسامة شكرا بجد يا ريان......
ريان لا انا كده ازعل واجيب قوم من الناس تزعل...
قمر بابتسامة خلاص خلاص.... بوص عايزه بس تشوف لي شقه كده صغيره جنب الشركة اللي بيشتغل فيها..
ريان بس كده من عيوني قوليلي فين موقع الشركه وانا هادورلك على شقه هناك.....
قمر تمام هي شركة في
ريان قاطعها بتهزري يا قمر شركة ده هي دي شركتنا وشركة والدي..... يعني هنشتغل مع بعض يا ست قمر.....
قمر ايه ده بجد....
ريان طب ايه رايك تيجي تباتي في فلتي النهارده
وماتخافيش في الفيلا بتاعتنا عايشين انا وبابا اللي هو اكيد تعرفيه ووالدتي
لحد الصبح وهلاقيلك شقه.....
قمر لا لا معلش مش هينفع.....
ريان طب خلاص اللي يريحك هاحجز لك في اوتال قريب من هنا تباتي فيه لحد الصبح
انتي تروحي الشركه وانا هادورلك على شقه اوكي.....
قمر تمام....
ريان طب يلا....
قمر يلا
وقمر ماسكة شنطة الهدوم وماشية.....
ريان هاتي يا اختي عنك انتي فيكي حيل....
قمر لا لا عادي هاقدر اشيلها هاتها......
ريان يا ستي انجزي يلا......
ووصلوا الاوتيل وبعدين ريان حجزلها فيه
وهي شكرته وطلعت على الاوضه
و اخذت شاور و غيرت هدومها
و حطت دماغها على المخده
ومجرد ماحطت دماغها علي المخدة كل الذكريات مع واسر جات في دماغها ودموعها نزلت ڠصبا عنها.....
قمر اه علي ۏجع قلبي بس لا خلاص يا قمر
خلاص....
وفضلت تفكر لحد ما غطست في النوم.....
على الجانب الآخر
اسر في البيت قاعد زي ما قمر سابته مابيردش علي حد لحد ما قام فضل رايح جاي في البيت.....
يفتكر وهي كانت واقفه في المطبخ بتعمل الاكل وهو كان بيخضها....
بيفتكر من شهرين لما قالتله بحبك وكانوا بيخططوا لحياتهم سوا وبداو يعيشوا مع بعض
بيفتكر لما كانت بتعمل مقالب فيه وهو يرد عليها
بيفتكر وهما قاعدين مع بعض بيتفرجوا علي TV..
ومبسوطين وبيضحكوا
بيفتكر قلبه كان بيدق ازاي وهو معاها لحد ما فاق من كل ده على خبط على باب الشقة....
اسر بلهفة اكيد قمر حبيبتي راجعت قمر حبيبتي مستحيل تسبني انا كنت عارف
وراح فتح الباب بسرعة بس لقي لؤي.....
اسر ساب لؤي ودخل.......
لؤي في ايه يا اسر مالك !.... رنيت عليك كتير مش بترد قلقتني عليك يا اخي....
اسر ساكت ومبيقولش حاجة..
لؤي في ايه يا اسر مالك !..... في ايه يا صاحبي!!
انت شكلك مش هتقولي حاجة طب هنادي على قمر كدة.....مرات اخويا.... مرات اخويا.... هي مش بترد ليه نايمة ولا ايه !
اسر سكت....
للكاتبة حنين عبدالرحيم حنون
لؤي بقلق اسر متقلقنيش عليك اكتر من كدة في ايه يا اسر بس....
لؤي وهو بيتكلم لمح الصور على الارض
راح مسكها وهو مصډوم ويقول
ايه ده !!..... لا مش مصدق !!!.... ايه ده يا اسر....
وبعدين لؤي
قرب من اسر
اسر قولي طيب ايه اللي حصل
للكاتبة حنين عبدالرحيم حنون
اسر سابتني يا لؤي.... حتي هي سابتني زي ماما وبابا سابوني كلهم يا لؤي.... مش قادر يا لؤي.... قلبي واجعني اوي مش قادر....
لؤي اهدي كدة يا صاحبي اهدي بس وفهمني وكل حاجة هتتحل......
اسر حكي للؤي كل حاجه....
لؤي الزباله دي .....تارا دي عايزه تتربى.....
اسر مارضيتش تسمعني حتى يا لؤي
ماسمعتنيش وسابتني.....سابتني....
لؤي اهدي يا صاحبي.... اهدي كده وكل حاجه هتتحل.... طب هي راحت فين!
اسر معرفش حتى هي راحت فين بس كانت بتقول انها تاخذ شقه جنب شغلها مش عارف اعمل ايه يا لؤي مش عارف.....
لؤي طب اهدي كده يا صاحبي و كل حاجه هتتحل
ما تخافش هترجعلك يا اسر...
هترجعوا لبعض....
اسر ماعتقدش يا لؤي ماعتقدش دي حتى مابصيتش في عينيا قبل ما تمشي يا لؤي
حسيت انها كرهتني
وانا فعلا استحق كل ده لاني كان لازم من الاول واصارحها بس ما
وحبيبتي راحت مني
و مشيت وسابتني يا لؤي .....مشيت وسابتني.......
لؤي اهدا كده يا اسر ما تخافش يا صاحبي اهدا...
لؤي فضل يهدى فيه وبعدين لؤي مشي
واسر قعد شويه يفكر في قمر لحد ما غلبه النوم.....
جاء صباح يوم جديد
قمر صحيت اخذت شاور ولابست وجهزت
ولقت باب غرفتها بيخبط فتحت لقيت ريان.....
ريان بابتسامة صباح الخير يا قمر....
قمر صباح النور....
ريان انا قولت اجي اوصلك على الشركه وبعدين اروح ادورلك على شقه تكوني خلصتي الشغل....
قمر ما فيش داعي يا ريان انا هروح الشركه هي مش بعيده قوي يعني.....
ريان بهزار يا ستي يلا هي كيميا يعني هوصلك واروح يلا بقى يا اختي..... بلاش سهوكة البنات دي......
قمر بضحك حاضر ....
نزلت وركبت معاه ووصلها الشركه
وهو فعلا راح يدور على شقه
وهي بدات في الشغل..
على الجانب الثاني
اسر صحي من النوم ملامحه باهته وعينيه وارمه
من العياط بالليل لبس اي حاجه جاءت قدامه
ومافطرش
ونزل اول حاجه راح الجامعه علشان يشوف تارا.....
راح الجامعه وشافها واقفه مع صاحبتها راح لها
و شدها من ايديها لحد ما وصلوا لمكان يعني
مامفيهوش ناس بعض الشيء
وراح رازعها حتة قلم جاب اجلها..
اسر يا حيوانه...... يا حيوانه .....
مش قولت لك ماتقربيش من قمر قولت لك ولا لا وفضل يشد على شعرها......
تارا اه.... اه.... سابني بقي يا اسر....
بس ايه رايك اهم حاجه انكم مش مع بعض انا كده اخذت حقي يا اسوري.....
اسر ضربها قلم تاني.....
اسر انتي ايه والله ما هسيبك هوريكي النجوم في عز الظهر وافتكري كلامي كويس يا تارا. .....
وراح رماها على الارض وركب عربيته ومشي
ومش عارف يروح فين
ومش طايق نفسه اساسا
ولا طايق اي حاجه حواليه
ومش قادر يواجه
قمر مش قادر و مش عارف يقول لها ايه حتى مش عارف حاجه
بيلف بالعربيه وخلاص لحد ما نزل كده عند مقاعد كانت محطوطه في حديقه هاديه كده وراح قعد على مقعد منهم
وبيبص للسماء وسرحان وبس....
للكاتبة حنين عبدالرحيم حنون
بيفتكر هزارهم مع بعض ويضحك من غير سبب و يفتكر كل حاجه حصلت معاهم
وكل لحظه كانوا بيعشوها.....
استوب هنا...
المخرج قال اقسملي الشاشه نصين كده نص اسر وهو باصص للسماء و بيفتكرها
والنصف الثاني قمر وهي بتفكر في اسر بقلبها قبل عقلها ومش عارفة تركز في الشغل
وكل الكلام ده على اغنية ناسيني ليه معلش هقرفكم بتامر حسني بس ده قلبي ده
أنا مقدرش أبعد ثانية
أنا بعدك مليش في الدنيا
يا أول حب عاش قلبي معاه
الأيام بقت مش هي
ياريت ترجع وحشت عينيا
حياتي في بعدك انت مش حياة
ناسيني ليه
بتتعب قلبي وياك
ده ميهونش أبدا عليا أنساك آه
تعالى لومني ريح قلبي وارتاح
ناسيني ليه
بتتعب قلبي وياك
ده ميهونش أبدا عليا أنساك آه
تعالى لومني ريح قلبي وارتاح
أنا مقدرش أعيش مستني
ده مش بإيدي ڠصب عني
واحشني حبيبي
قولي أنا أعمل إيه
ماشوفتش حاجة ماللي حصلي
وبسمع ناس كتير بتقولي
زمانه نسيك وعاش
تفتكره ليه
ناسيني ليه
بتتعب قلبي وياك
ده ميهونش أبدا عليا أنساك آه
تعالى لومني ريح قلبي وارتاح
المهم المشهد اللذيذ ده خلص نرجع بقى لبطلنا ركب عربيته وفضل يلف بيها زي ما كان بيعمل لحد ما سمع صوت الاذان في المسجد قلبه ارتاح....
و راح يصلي دخل المسجد اتوضا وصلي
وبعد ما كل المصلين خلصوا ومشيوا هو فضل قاعد وبيعيط و بيدعي لربنا
جاء من وراه شيخ حط ايده على كتف وقال
مالك يا ابني ايه اللي مزعلك!!
اسر كل اللي بحبهم بيروحوا مني يا شيخنا حتي حبييتي ومراتي سابتني ومشيت.....
الشيخ اهدي يا
ابني واصبر وافتكر لو كان خيرا لبقي
احكيلي يا ابني ايه مشكلتك.. !!
اسر حكاله كل حاجة
ورفضت حتي تسمعني ....وانا اساسا مش قادر اروح اواجهها اخر كلمة قالتها لي كانت طلقني وانا مش هقدر استحمل يا شيخنا.....
الشيخ اهدي يا ابني روح لمراتك واتكلم معاها
وقول اللي عايزه
وكل اللي عندك
وسيبها وهي تقرر بس لازم تواجهها يا ابني
وربك غفور رحيم فما بالك العبد بقى
روحلها يا ابني قبل مايفوت الاوان
وتتمنى بس انك تقول لها كلمه واحده......
اسر مسح دموعه
بجد شكرا يا شيخنا على كلامك
وقام ومشي وقال
انا هروح لقمر ايوه هروح لحبيبتي
واقولها كل حاجه واحكيلها واخليها تسمعني ڠصبا عنها مش برضاها هخليها تسمع كل حاجه
انا بحبها ومستحيل اخليها تروح مني
لا ....
قمر مش هتسيبني ....
مستحيل تسيبني ...
لا .....
يلا ....
وراح ركب عربيته وهو بيسوق ........
لؤي اتصل به......
لؤي اسر انت مش في البيت ولا في الجامعة انت فين يا اسر
اسر انا رايح لقمر دلوقتي يا لؤي
رايح لحبيبتي.... لازم اقولها على كل حاجة....
لازم تسمع كل حاجة ڠصبا عنها.....
انا لازم اواجهها....
لؤي روح يا صاحبي ربنا معاك انا واثق انها هترجعلك يا اسر ماتخافش يا صاحبي....
اسر ايوه يا لؤي هترجع معايا ان شاء الله
يلا انا قربت اوصل باي انت بقى......
لؤي ايوه يا عم حبيبة القلب بقى......
اسر اقفل يا ولا
وقفل....
لؤي ربنا يسعد قلبك يا صاحبي.....
على الجانب الاخر.....
قمر خلصت شغلها بسرعه لانها مش قادره تركز استاذنت علشان تمشي
وجالها ريان
ريان ايه يا قمر مالك!
قمر مش قادره يا ريان مخنوقه شويه بس عايزه امشي.....
ريان طب خلاص انا لقيتلك شقه
وبعثت واحده تنقل حاجاتك من الاوتيل للشقه....
قمر بجد شكرا يا ريان مش عارفه اقولك ايه بجد انت حقيقي انسان كويس جدا......
ريان وبيحاول يهزر عشان يخرجها من مود الحزن.....
ريان عيب كده..... بقى يا وليه يا مفتريه في شكر بين الاخوات ها.....
قمر ضحكت لا طبعا....
ريان يبقى خلاص يا اسطا.....
قمر يا اسطا!!!
ريان بلاش يا اسطا
يا زميلي.....
قمر يا زميلي....
ريان انتي شكلك نارم و هتتعبيني معاكي.....
قمر بضحك لا خلاص يا اسطا....
ريان اوبا احنا بنقول يا اسطا اهو.....
قمر اومال.....
وقعدوا يضحكوا مع بعض شوية....
مين بقي اللي شاف ده !!
اسر اول ما وصل الشركة لقي قمر وريان واقفين قدام الشركه مع بعض.....
اسر بعصبية راحلها
بتعملي ايه يا هانم!
قمر بتفاجئ اسر.....
اسر بعصبية ايوه اسر
ما انتي بعد ما سبتيني ماشيه على حل شعرك...
قمر انت بتقول ايه يا اسر انت اټجننت ده ريان وده يبقى.....
اسر بعصبية هو ده بقى الاستاذ ريان اه انا فاكره مش ده بتاع الكورس
اتاريكي سبتيني علشانه صح يا قمر صح!
قمر انت مچنون ايه يا اسر ايه اللي انت بتقوله ده....
وفجاه اسر ضړب قمر بالقلم اسر ضړب كتير اوي النهاردة
قمر اتفاجئت وريان قال بعصبيه
انت مچنون يا جدع انت ازاي تعمل كده يا....
للكاتبة حنين عبدالرحيم حنون
قمر والدموع في عينيها مسكت ريان وقالت
خلاص يا ريان......
وبعدين وجهت نظرها لاسر
ايوه انا بحب ريان يا اسر و عمري ما حبيتك ولا هحبك حتى تمام كدة.....
اسر وكمان بتقوليها في وشي يا خائڼه بس انا مش هلوث ايدي باني اضرب واحده زيك.....
وبعدين غمض عيناه وقال
قمر انتي طالق......
في اللحظة دي كل حاجه سكتت وحتى الزمن وقف
و القلوب دقاتها عليت
واللي بتتكلم بس نظرات عيونهم لبعض اللي جايز تبقى اخر مره تلتقي.........
ريان واقف مصډوم من اللي حصل واسر فضل باصص لقمر ودمعة من عيونه خانته ونزلت بصلها بصة عتاب ومشي وسابها.....
وقمر مقدرتش تمسك نفسها وهي كمان دموعها نزلت....
ريان واقف جنبها
اهدي يا قمر....اهدي طيب تعالي...
وركبها العربية وقعد يهدي فيها شوية....
ويشربها ماية....
للكاتبة حنين عبدالرحيم حنون
ريان اهدي يا قمر ارجوكي بلاش دموع من فضلك...
طب انتي ليه عملتي كده وقولتي كده يا قمر مع اني عارف كويس انك بتحبيه ليه كده يا قمر!!
قمر ماشفتهوش يا ريان كلمني ازاي ماعندهوش ثقة فيا يا ريان بيحاول يبرر غلطه ويعديه بانه يطلعني انا اللي غلطانه ده مد ايده عليا حتى قبل ما اتكلم انا صحيح جايز اكون بحبه بس كفايه ظلم واهانه فيا لحد كده هفضل لحد امتي كده
خلاص ...
اسر طلع خالص من حياتي
وكده كل حاجه بينا انتهت فعلا انا هبدا حياه جديده بدايه جديده وقمر جديده......
للكاتبة حنين عبدالرحيم حنون
ريان بس انا عايز اقولك حاجه يا قمر زي ما انتي زعلانه علشان هو ماسمعكيش انتي كمان ماحاولتيش تسمعيه لما كان هيقولك سبب الصور دي ايه ولا ايه!
قمر جايز عندك حق بس خلاص جايز علاقتنا من البدايه اساسا كانت غلط ودلوقتي كل شيء انتهي خلاص.....
ريان خلاص يا قمر اهدي وانا معاكي ومش هسيب اختي وصديقتي اوكي....
قمر مش عارفه اقولك ايه بجد يا ريان انت انسان كويس جدا انت ليه بتعمل معايا كل ده!
للكاتبة حنين عبدالرحيم حنون
ريان بهزار خلاص يا ستي هي سيره قولتلك علشان بعتبرك اختي وصديقتي مابحبش شغل العواطف ده علشان
بضعف قدامه...
قمر ابتسمت انت مبتعرفش تتكلم جد خالص...
ريان هي الضحكه دي هي اللي مخلياني ماعرفش اتكلم جد يلا بقى علشان اروح اوريكي شقتك بقى...
قمر يلا....
ريان في نفسه بدا يسوق العربيه
وقال في نفسه
باين عليها مكسوره جامد لانها حبت جامد وهي انسانه طيبه انا هفضل معها لحد ما تبقى قويه كده وتقدر تتجاوز كسرتها وما فيش حد هيعرف ۏجع الفراق قدي..
امي سابتني ومشيت وفارقتها فانا عارف احساس انك تفارق شخص انت بتحبه جامد....
ريان بيسوق وقمر طول الطريق سرحانه لحد ما وصلوا الشقه
ريان يلا بقى يا قمر وصلنا....
قمر يلا
وطلعها ڤرجها علي الشقه....
ريان ها ايه رايك!
قمر جميله جدا...
ريان بغرور مصطنع
عارف عارف علشان ذوقي بس...
قمر متواضع....
ريان جدا يا اسطا...
يلا اطير انا بقى علشان لسه هبدا الشغل مع بابا زي ما انتي عارفه هاروح اشوفه....
قمر ماشي يا ريان بالتوفيق....
ريان شكرا يا زميلي باي .....
قمر .باي ......
قمر دخلت اخذت شاور وكانها نفسها الميه
وهي بتنزل عليها تمحي معها كل حاجه حصلت
تمحي كل حبها لاسر .....كل الماضي ....
وكل حاجه
بس ازاى هي ماتعرفش ان قلبها هو اللي بيفكر مش عقلها
ايوه بس هاتحاول علشان نفسها بقى
هتحاول وهتقاوم شعور الاشتياق والحب مش سهل
بس هاتحاول تدوس عليه علشان حلمها وفضلت تفكر برضه.....
على الجانب الاخر....
اسر تايه عن العالم سايق عربيته لحد ما وصل البيت
وصل لقي لؤي هناك قدام البيت......
لؤي ايه يا زميكس فين قمر مرات اخويا انا مستنيكم علشان اعملكم استقبال بقى....
اسر من غير ما يرد فتح باب الشقه ودخل
لؤي دخل وراه وقفل الباب........
لؤي اسر فهمني ايه اللي حصل....
اسر طلقتها....
لؤي پصدمة نعم!!!!! انت اكيد بتهزر....
اسر لا مش بهزر دي انا طلقتها خلاص خلصنا.....
لؤي انت بتقول ايه اكيد قمر مش كده انت مچنون يا اسر.....
اسر لا مش مچنون وهي قالتها بنفسها انا مش بحبك وبتحب ريان...
وحكي للؤي اللي حصل.....
لؤي وانت بقى صدقتها ممكن تكون عملت كده وقالت كده لما شافتك ما عندكش ثقه فيها.....
اسر عملت او ما عملتش انا خلاص طلقتها
وطلعت من حياتى يلا بقى يا لؤي علشان هدخل اخد شاور واشوف كده شغلي بقى اللي انا سايبه ده و ارجع لحياتي بقي.....
للكاتبة حنين عبدالرحيم حنون
لؤي اسر انت مچنون انت طلقت قمر و بالنسبه لك عادي كده......
اسر ببرود ايوه يعني اعمل ايه يعني واحده مش بتحبني وكمان كده كده جوازنا كان غلط من البدايه....
لؤي اسر بطل هبل بقى اسر صوت او عيط اعمل اي حاجه اسر ما تقلقنيش عليك ماتفضلش كاتم كل حاجه جواك كده.....
اسر وانا هكتم ليه جوايا ما فيش حاجه...
لؤي بزعيق اسر انت شكلك اټجننت....
اسر بعصبية اټجننت ولا لأ حاجه متخصكش يا لؤي يلا بقى اتفضل امشي علشان اخذ شاور و اشوف شغلي
للكاتبة حنين عبدالرحيم حنون
لؤي بزعيق مش ماشي يا اسر مش ماشي.....
.
اسر بعصبية لؤي امشي قبل ما افقد عصابي....
لؤي بزعيق افقدها يا اسر يلا....ولؤي ضړب اسر في كتفه وقال تعال اضربني يلا تعال يا اسر....
اسر فقد اعصابه وراح ضړب لؤي بوكس
ولؤي هو كمان ردلوا البوكس
وفضلوا يضربوا في بعض
ولؤي بالزعيق بيقول
اعمل اي رد فعل يا ابني ما تقلقنيش عليك....
لحد ما هما الاثنين سابوا بعض بعد ما تعبوا
واسر قعد على ركبتيه على الارض وقال بدموع و كسره
بحبها يا لؤي اعمل ايه يعني ۏجع قلبي اللي انا حاسس به دلوقتي ماحدش هيحس بيه ابدا...........
لما اللي انا بحبها تقولي بحب حد غيرك لما مراتي تبقي مش بتحبني....... مش قادر يا لؤي مش قادر...
وقال
اهدي كدة يا صاحبي اهدي.....
اسر اعمل ايه طيب بس هحاول
قمر خلاص هنساه واركز في شغلي وبس.......
قمر اجتهدت جدا فى شغلها
وفي سنه واحده بس بقت سيده اعمال
والحمد لله ناجحه و بقى
عندها شركه خاصه بها.....
في شركة قمر اللي هي اسمها KM ....
قمر مديرة الشركة قاعدة في مكتبها وبتشوف الاوراق...
دخل ريان...
صح صح ريان وقمر بقوا اصحاب اوي
ريان مسا مسا على اجمل سيده اعمال في المجرة....
قمر مسا مسا يا زميلي....
ريان اوعى بقى انا خليتك تبقى منحرفه وتقولي
يا زميلي و يا اسطا ومسا مسا ...
انا جامد بقى....
قمر بضحك يا عم هو ده الحاجه الوحيده اللي انت علمتهالي....
ريان والله يا اختي طب والله انتي زي القطط تاكلي جمبري وتنكري ... هتقوليلي اشمعني جمبري هقولك هو ده جاء في دماغي وخلاص....
طب بذمتك ماعلمتكيش ازاي تلعبي بابجي قولي اعترفي...
قمر بضحك لا الواحد يقول اللي ليه و يقول اللي عليه برده....لا علمتني....
ريان ما تيجي
نتغدى بره النهارده في مطعم فتح جديد بس ايه حاجه اخر فخامه تيجي نجربه النهاردة
قمر ودي حاجه تفوتنا برده احنا اي مطعم جديد راشقين فيه يلا....
ريان بقى في سيده اعمال تقول راشقين
ايوه بقى تربيتي.....
للكاتبة حنين عبدالرحيم حنون
قمر اومال.....
ريان طب يلا يا اختي انا في عصافير في بطني بتسوسو من الجوع.....
قمر يلا....
وخرجوا من الشركه يتغدوا في المطعم......
على الجانب الآخر....
اسر كل يوم بيخلص شغل في المستشفى وبعدين بيروح للؤي
اسر لؤي....
لؤي ايه يا صاحبي!!!
اسر يلا علشان نسهر النهاردة.....
لؤي اسر يا صاحبي انت بقالك سنة علي الحال ده
انت عمرك ما كنت بتسهر ولا بتعمل الكلام ده يا اسر....
بس دلوقتي بقي لازم كل يوم سهر وشرب....
اسر يا صاحبي كدة مينفعش....
اسر لؤي فكك بقي من البوقين دول ويلا....
للكاتبة حنين عبدالرحيم حنون
لؤي في نفسه
امتي ترجع زي ما كنت يا صاحبي امتي
وراحوا هما الاثنين.....
لؤي خلاص يا اسر كفاية كدة بقي....
اسر بتوهان وعدم وعي
ملكش دعوة انت يا لؤي...
يلا يا ابني هات واحد تاني....
لؤي يا اسر خلاص بقي انت كل يوم بتشرب كدة لحد ما بتقدرش حتي تروح....
اسر بتوهان سيبني بقي يا لؤي انت مش حاسس بحاجة انا كل يوم يا لؤي كل يوم لازم افكر فيها قبل ما انام مبعرفش مبقدرش استحمل الذكريات
مبقدرش مش عايز افتكر...
مش عايز....
لؤي طب خلاص كده بقى انت كترت قوي كفايه كده علشان تعرف على الاقل تطلع شقتك.....
اسر بتوهان وانت مفكرني اني سكرت ولا ايه
لا تبقى غلطان انا اقدر اقف اهو واسر بيحاول يقف ولكن بيقع اللي هو كل ما اجي اقف اقع اقف اقع اقف اقع
وكالعادة لؤي بيوصله لشقته وهو ينظر نظرة شفقة وحزن على حال صديقه
مش عارف اعملك ايه يا صاحبي مش عارف
مش قادر اشوفك في الحالة دي...
محدش هيقدر يرجعك غير قمر....
بس هعمل ايه...
وهترجع ازاي بس....
وبعدين مشي.......
جاء صباح يوم جديد و كالعاده قمر صحيت اخذت شاور ولبست بدله فورمال لونها ازرق وشميز ابيض وطرحة زرقا وهيلز بيضا وكانت من الاخر سيدة اعمال جامدة يعني ...متاخدوش في بالكم بعاكس قمر
ونزلت ركبت عربيتها علشان تروح الشركة وصلت الشركة ودخلت بهيبة وسط كل موظفينها اللي بيشتغلوا عندها ودخلت مكتبها وقعدت على الكرسي بتاعها بكل فخامة كدة وبعدين اتصلت على السكرتيرة.....
قمر الو. .....
ايوة استاذة قمر
قمر قهوة بسرعة من فصلك وهاتي ملف الثفقة مع شركة علشان عايزين نناقشه اوكي
تحت امرك استاذة قمر.... وقمر قفلت
ولقت ريان بيرن....
قمر صباح الخير....
ريان صباح النور يا قمر.... قمر في حاجة كده وعايزه اتكلم معاكي فيها....
للكاتبة حنين عبدالرحيم حنون
قمر بقلق في ايه يا ريان انت كويس
ريان اه بس محتاج اتكلم معاكي....
قمر طب تعالى حالا على الشركه وانت رايح على شغلك عدي على الشركه نتكلم وانت روح على شغلك...
ريان ماشي يا روري انا جاي...
قمر طب بذمتك ده منظر دلع....
ريان ايوة والله حلو.....
قمر اقفل يا ريان يلا اقفل....
وقفل...
وبعد شوية وصل الشركة عند قمر......
ريان هالو....
قمر هالو يا اخويا تعالي اقعد.... وقعد...
قمر ها قولي في ايه !
ريان بضيق مخڼوق اوي اوي يا قمر فاكره البنت اللي كنت قايلك اني معجب بها....
قمر ايوه!
ريان بحزن خطوبتها النهارده!
قمر ايه!!!!! ازاي ده حصل!!!!! مش كنت بتقول انها بتحبك هي كمان وخلاص رايح تتقدم.....
ريان ايوه بس مش عارف ايه اللي حصل!!!
ومخڼوق جامد
للكاتبة حنين عبدالرحيم حنون
قمر خلاص يا ريان صدقني لو كان خيرا لبقى
اكيد هي مش من نصيبك....
ريان بس دي هي كانت قايلالي انها بتحبني انا خاېف مثلا تكون مغصوبه او حاجه.....
قمر طب انت سألتها....
ريان لا مسألتهاش وهي بترن عليا بس انا مابردش مش عايز اسمعها دي.....
قمر بحزن لا اسمعها يا ريان اسمع اسبابها جايز فعلا تكون مغصوبه لازم تسمعها
لو كل حد في الدنيا دي سمع الانسان اللي بيحبه جايز يكون عنده اسباب قويه بجد ما كانش حصل فراق كثير في حياتنا.....
ريان حس بحزنهاو انها رجعت ثاني لذكرياتها القديمه لسه برده يا قمر بتحبيه...
قمر اكدب يا ريان لو قولت لا....
بحاول اشغل نفسي بالشغل يا ريان بس مش عارفه مهما بشتغل مجرد ما احط دماغي على المخده بالليل بفتكر كل حاجه و كانها لسه امبارح.....
للكاتبة حنين عبدالرحيم حنون
ريان ومين قالك انك مطلوب منك تنسى اللي بيحب بجد بيحب بقلبه اللي عمره ما بينسي يا قمر
وده دليل على انك حبتيه بجد....
حبتيه بروحك وقلبك قبل عقلك....
وانا هقوم ارن عليها واشوفها واسمعها زي ما قولتي لي....
قمر بابتسامة يلا.....
وقام رن عليها وسمعها واتكلم معها وبعدين رجع لقمر
ريان بفرحة قمر الحمد لله اني سمعت كلامك بجد وكلمتها.... رحمة فعلا مڠصوبة والدها بيحب الفلوس
جامد زي ما قولتلك والدتها مټوفية....
والعريس اللي جاه ده عطاله فلوس وباع بنته
وغصبها على الجوازة دي بس انا مش هسمحله يعمل كدة انا هروحلها يا قمر....
ياااااا لو مكنتش سمعت كلامك كان زمانها ضاعت مني لبقية عمري....
انا هروحلها.....
قمر روح يا ريان يلا الحق
حبك....
ريان بفرحة بجد شكرا يا قمر شكرا انتي احلى صديقه واخت دخلت حياتي....
وراح مشي قمر ابتسمت لفرحته
ربنا يسعد قلبك يا ريان
انت وقفت جنبي كثير اوي ودايما
بتساعدني ربنا يسعدك انت وحبيبتك يا رب
وكملت شغلها......
على الجانب الآخر.....
اسر صحي مصدع جدا طبعا دخل عمل كوبايه قهوه واخذ شاور ومافطرش و لبس بدله سوداء ونزل راح الجامعه وبعدين اتجه للمستشفى يشوف شغله
وبعدين كالعاده راح يشوف لؤي علشان يسهروا......
على الجانب الآخر
قمر بتتصل بريان....
قمر ها يا ريان عملت ايه
ريان خلاص يا قمر روحت لها وكمان كلمت بابا راح معايا وحددنا الخطوبه بكره....
قمر پصدمة بكرة !!!
