رواية كاملة بقلم حنين عبد الرحيم حنون
كيف يا جدي أتجوز من هنا.......
يا ابني لازم تتجوز من هنا من الصعيد......
بس يا جدي انا مش رايد اتجوز من الصعيد.....
وه.... لع هتتجوز من هنا ولا انت عاجبك بنات البندر اللي انت حايم وراهم اللي لسانهم متبري منيهم
بنات هنا تقول حاضر ونعم وبس
وماتجدرش تفك خشمها بكلمه زياده....
مش كل بنات البندر يا جدي صدقني.....
انا جولت اللي عندي اخترتلك العروسه وهتكتب عليها بكره يا ولدي......
ايش اللي بتقوله يا جدي ده لا طبعا......
خلاص يا ولدي يا تتجوز اللي انا اخترتها يا اما اعتبرني مۏت ومالكش جد واصل....
لا يا جدي ما اقدرش عاد بعد مۏت ابوي وامي انت اللي فاضل لي يا جدي خلاص هعمل اللي انت رايده بس انا حتى ماشفتهاش يا جدي....
هتشوفها لما تبقي مرتك وتكتب عليها.....
طب هي موافقه من غير ما تشوفني....
وه جعدتك في بندر نسيتك عادتنا ولا ايه عاد
انت عارف الراي راي ابوها وهي ملهاش راي
البنت حدانا لو تفكر ترفض ونداوي خبرها.... جولت ايه عاد!!
رد بحزن خلاص يا جدي اللي يرضيك انا هاعمله....
عفارم عليك يا زين ما عملت.....
اللي بيتكلم ده هو دكتور آسر دكتور جراحه شغال في القاهره وبيشتغل دكتور في الجامعة كمان
ناجح والبنات كلها تقريبا بتجري وراه
بالنسبه لشكله فهو يهتم بصحته و تمارينه الرياضيه علشان كده جسمه رياضي وبشرته قمحية وعيناه بني عادي
أسر بيتصل بحبييته
أسر الو يا تارا....
تارا بخبث ايه يا روح تارا عامل ايه!
آسر الحمد لله انتي عامله ايه يا حبييتي..
تارا الحمد لله يا حبيبي ها كلمت جدك في موضوعنا
إسر بحزن جدي عايز يجوزنى من هنا وانا ما اقدرش ارفض له طلب انتي عارفه
تارا يعني ايه يا اسوري هتسيبني انت و تتجوز من الصعيد......
آسر لا يا حبيبتي جدي بيقول انها بتقول نعم و حاضر انا كده كده هطفشها وهخليها تطلب الطلاق يا روحي
انا بحبك انتي مش واثقه فيا.....
تارا بخبث لا يا روحي في حد ما يثقش في نفسه انت نفسي يا آسوري كنت عايزه اطلب منك طلب يا روحي.
آسر بحب قولي يا روحي......
تارا بخبث في سلسله ذهب عجباني قوي قوي يا أسوري وبصراحه عايزاها......
آسر بس كدة يا روحي ابعتيلي صورتها وهتبقى عندك يا قلبي.....
تارا حبيبي متحرمش منك يلا تاك كير يا بيبي....
آسر وانتي كمان يا روحي.....
وقفل معاها......
آسر يا رب اما نشوف اللي هيجوزها لي جدي دي هتبقى ايه!
المهم اسر نام وصحه ثاني يوم لبس ونزل راح مع جدو مع الماذون و كتب الكتاب وروح على البيت.......
الجد مبروك يا ولدي عشت وشفتك متجوز قبل ما اموت......
اسر ربنا يديك الصحه وطولة العمر يا جدي ما تقولش كده عاد انا اتجوزت علشانك اساسا.....
الجد لا يا ابني مرتك محترمة وبنت ناس وانا متاكد انك تحبها.......
اسر في نفسه انا مابحبش غير تارا ومحدش غيرها..
وبعدين رد ان شاء الله يا جدي.....
الجد طب يلا اطلع لعروستك يا ولدي......
اسر طلع غرفته فتح الباب وأتفاجئ
ايه ده انتي مين يا صاروخ ارض جو انتي !!
هي احم... انا المفروض مراتك يعني....
آسر بتهزري ياااا ربي.... انا مراتي كده لاده انا امي كانت راضية عني قبل ما ټموت....
وبعدين قال في نفسه لا اجمد كده يا اسر هي حلوه اه بتحبها.....
آسر تمام ممكن تيجي هنا تقعدي نتكلم شويه.....
هي اكيد....
قعدت على الكنبه وهو جنبها.....
اسر احم.... قوليلي بقى اسمك ايه!!!
هي قمر اسمي قمر.....
اسر في نفسه اسم على مسمى.....
وبعدين رد عليها انا بقي يا ستي آسر.... وانا ابقي دكتور انتي مش متعلمة ولا متعلمة... !
قمر بحزن كان نفسي بس ابوي ما رضاش كان ممكن ېقتلني لو روحت المدرسه بس انا كنت باخد دروس اونلاين على النت ومعايا شهادات الكترونيه من جامعات عالميه امال......
آسر واو..... انتي حلوة قوي بجد انتي حتي مع رفض والدك برده قررتي تتعلمي بطريقه ثانيه....
انا بصراحه كده ما اعرفكيش ايه رايك نبقى اصحاب لحد مانعرف بعض...!
قمر بهدوء اللي تشوفه....
آسر في نفسه يخربيت هدوئك وجمالك يا شيخه
طب دي يهون عليا اطفشها ازاي !
وبعدين قال طب يلا قومي غيري هدومك وانا هروح اغير في الحمام اوكي....
قمر حاضر....
اسر خد هدوم وراح غير وطلع لقاها قاعدة لابسة بيجامة بنص وتركت لشعرها العنان.....
اسر بيكلم نفسه للمرة ال
يا رب انا ليه متجوزتش واحدة وحشة !...ليه !
ليه يقع حظي في واحدة حلوة وكيوت زي دي.....
اسر راح لها وبعدين اخد مخده وقال
انا هنام هنا على الكنبه وانتي على السرير اوكي يلا تصبحي على خير......
قمر وانت من اهله......
وبعدين طفي النور وحط دماغه على المخده ولسه عينيه بدات تروح في النوم سمع صوت شهقات وعياط قام من مكانه ۏلع النور.....
لقي قمر قاعده وضامة رجليها عليها وبتعيط....
اول ما شافها راح لها
آسر اششش.... مالك في ايه!
ايه اللي مزعلك يا قمري انتي في ايه!
قمر من
وسط شهاقتها قالت
انا بخاف من الظلمه ومابحبش الدنيا تبقى ضلمه واصل بحب النور يفضل شغال......
آسر طب اهدي اهدي ليه ماقلتليش طيب قبل ما اطفئ النور كنت سبته شغال.....
قمر بشهقات ودموع ما انا قولت انك ممكن تضايق وابوي جالي انتي ممنكيش فايدة اساسا ولو سمعت انك ضايقتي جوزك وفكرتي ترجعيلي هجتلك ھقتلك.....
علشان كده مارضيتش اقولك جايز تضايق وتزمقتزعل وترجعني لابوي تاني .....
آسر بحنان اشششش يا قمري خلاص ماتخافيش انتي مهما هتعملي انا عمري ما اتضايق منك ولا هزعل
وحتى لو زعلت او اتضايقت
والدك ملهوش دعوه دي حاجه بيننا اوكي...
اهدي وقعد يهدي فيها لحد
للكاتبة حنين عبدالرحيم حنون
بصلها وقال في نفسه طب اطلقها ازاي دي دي عامله زي الزجاج كده رقيقة جدا بتتكسر من اقل حاجه
ماينفعش اعمل معاها كده بس اعمل ايه برده انا بحب تارا وبس
يا ربي على الموقف الصعب اللي انا فيه ده......
وبعدين صعبت عليه ومارضاش يقوم ويتحرك علشان متصحاش ونام هو كمان.......
في الصباح
آسر صحي شاف قمر
آسر ياااا هو انا حظي حلو كده علشان اصحى على الجمال ده......
وبعدين سابها براحة علشان متصحاش
وقام اخد شاور ولبس ترينج
وحط برفيوم فواح جامد جدا.....
وقال اما اروح اصحيها هي كمان تفطر.....
راح عندها وفضل يتأمل ملامحها البريئة شوية وبعدين حط ايده على شعرها وقال
قمري....... اصحى يا قمري.......
قمر فتحت عينيها لقيت اسر جنبها قامت بهدوء.....
اسر بضحك ايه ده قومتي بسرعة من النوم.... انا بقعد ساعة عقبال ما حد يصحيني ......صباح العسل يا قمري....
قمر بهدوء صباح النور.....
اسر في نفسه يا بنتي بطلي هدوءك ده حرام عليك كده.....لا لا انا بحب تارا.... اجمد
آسر يلا قومي خذي شاور كده وغيري هدومك علشان ننزل اوكي......
قمر حاضر.....
وقامت دخلت اخذت شاور ولبست جلابيه الصعيدي وخرجت.....
اسر كان ماسك الموبايل مستنيها علشان ينزلوا سوا.....
قمر احم.... يلا.....
اسړق رفع وشه من الموبايل وشافها اوباااا....ده اللبس الصعيدي طلع حلو قوي اهو ايه ده بجد !
قمر يا قمري........
قمر بكسوف وهدوء شكرا.....
اسر مسك ايديها ونزلوا علشان يفطروا
نزلوا تحت لقوا جدو.....
الجد صباحية مباركة يا ولادي يلا تعالوا علشان تفطروا......
وقعدوا يفطروا وبعد ماخلصوا طالعوا على غرفتهم
اسر ماسك الفون بيكلم تارا واتس وبيضحكوا في الشات
وهو عمال يبتسم و يبعث رسائل
وقمر كانت قاعده على السرير و بتتفرج على TV و لاحظت تعابير وشه......
وقالت بهدوء آسر.....
آسر ساب الفون وقال يخربيت جمال اسمي و انتي بتقوليه نعم يا قمري.....
قالت بتوتر احم.... هو.... هو انت كنت بتكلم مين !
آسر ساب الموبايل خالص وراح لها
عادي بكلم واحد صاحبي يا قمري....
وبعدين قال في نفسه
يعني هنبتديها من اولها كڈب كده بس معلش بقى على الاقل لحد ما تاخد عليا وبعدين احكيلها كل حاجه.....
قمر طب تمام .....
آسر صح يا قمري فين الفون بتاعك مش قاعده عليه....
قمر بحزن اصل بصراحه ابوي اخذوا مني وقال لي انتبهي لبيتك و جوزك بدل الحديت الماسخ بتاعك ده اللي انتي ماعتسيبهوش واصل.......
آسر خلاص يا قمري احلى موبايل هيبقى عندك اوكي .......
قمر بفرحة وقامت تتنطط زي الاطفال
بجد شكرا جدا جدا جدا.....
آسر بضحك عليها خلاص خلاص اهدى......
قمر بحرج وكسوف قعدت
آسر لا خلاص اتكسفتي ليه قومي يا ستي اتنططي براحتك ده بيتك اساسا يا قمري.....
قمر لا لا يعني بصراحه كنت فرحانه بس مش اكثر......
آسر لا عادي من النهارده انتي بقيتي مسئوليتي يعني اي حاجة عايزاها تجيلي وانا هجبهالك لان ده حقك....
وبلاش شكرا لان احنا بقينا صحاب ومفيش شكر بين الصحاب صح !
قمر صح....
آسر قوليلي يا قمري هو انتي ليه نصف كلامك مصري عادي والنصف الثاني صعيدي... !
قمر ما انا جولتلك ان كنت بتعلم اونلاين كنت بشوف كل المدرسين بيتكلموا مصري عشان كده اتعلمته.....
آسر اه يا قمري ماشي بوصي بقى احنا بكره نازلين القاهره علشان شغلي كله هناك وكدة اوكي يا قمري....
قمر حاضر اللي تشوفه.....
آسر مسك ايديها لا مش اللي انا اشوفه اللي انتي عايزاه يا قمري ايه رايك انتي حابة تروحي القاهرة !
للكاتبة حنين عبدالرحيم حنون
قمر اكيد طبعا حابة اروح.....
آسر طب يبقي خلاص على بركة الله هننزل بكرة القاهرة ايه رايك دلوقتي نتفرج على فيلم.....
قمر ماشي.....
آسر يلا......
آسر قعد جنب قمر وقعدوا اتفرجوا على فيلم طويل لحد ما سمعوا صوت طرقات على الباب....
آسر هقوم اشوف مين يا قمري.....
فتح الباب لقي واحد من الخدم اسر بيه جدك بيجولك تنزل انت والست قمر علشان الغدا.....
اسر ماشي انا نازل اهو...... وقفل الباب.....
اسر يلا يا قمر يا علشان الغدا......
قمر يلا.....
ونازلوا هم الاثنين اتغدوا وبعدين قاعدوا شويه مع جد اسر
آسر جدي انا هعاود بكره باذن الله......
الجد ليه كدة يا ولدي انت مجعدتش يومين على بعضيهم....
آسر معلش يا جدي الشغل في القاهره لازم اعاود علشان شغلي.....
الجد ماشي يا ولدي اللي انت رايده....
ربنا يخليك لمرتك يا ولدي.... ويقويك.... ويبعد عنك ولاد الحړام.....
آسر ربنا يخليك لنا يا جدي يلا انا هطلع
انام نفوتك بعافية يا جدي.....
الجد فوتك بعافية يا حبيبي.....
اسر وقمر طلعوا غرفتهم وبدات قمر تلم هدومها واسر بيساعدها وبعدين اسر قال
بوصي يا قمري انا من رايي سيبي كل ده هنا
ولما نروح هناك انا هاجيبلك كل الهدوم اللي انتي عايزاه......
قمر ايوة يا اسر بس......
آسر من غير بس يلا كل حاجه هناك هتلاقي كل حاجة يا قمري ماشي.....
قمر ماشي اللي تشوفه......
آسر تمام.....
يلا بقي علشان تنامي علشان هنصحي الصبح بدري ......
قمر يلا.....
وراحت تنام وآسر عارف انها مش هتنام لو النور مطفي
قعد جنبها وفضل يملس على شعرها زي الاطفال لحد ما نامت.....
وبعدين طفي النور ولسه رايح ينام....
موبايله رن....
بيشوف مين لقي تارا......
اخد موبيله وراح على البلكونة يكلمها.....
تارا الو يا اسوري نستني ولا ايه يا روحي.....
آسر انا انسى نفسي بس انساكي مستحيل.....
تارا اوعي تكون العروسه اللي من الصعيد دي اخذتك مني......
اسر
اتعصب من طريقة كلامها على قمر بس رد وقال
اكيد لا يا روحي....
تارا تمام يا اسوري صح هي العروسه دي حلوه يعني......
آسر لا لا عادية يا روحي انتي احلي....
وفي عقله بيقول حلوة بس دي حلوة وحلوة وقمر دي اسم على مسمي دي حتة جاتو كدة.....
تارا طب يا حبيبي كدة اطمنت يا عقلي انت جاي امتي يا اسوري..... !
اسر بكرة يا تارا......
تارا طب يا حبى هتجيب معاك البت دي.....
آسر خلاص مقدرش يكتم عصبيته
تارا من فضلك اسمها قمر......
تارا و انت معصب نفسك كده ليه يا آسر.....
آسر ها لا عادي يا روحي بس هي طيبه جدا وماعملتش حاجه فنتكلم عنها بطريقه كويسه........
تارا. طيبه وعلى نياتها ما فيش حد طيب دلوقتي يا روحي بالعكس بقى اللي يبانوا طيبين وعلى نياتهم دول يبقوا خبيثين قوي يلا تاك كير يا بيبي.....
آسر وانتي كمان يا روحي.... جود نايت....
تارا جود نايت......
واقفل مع تارا وحط يده على دماغه وبص للسماء
يا ربي انا مش عارف اعمل ايه دلوقتي.....
هي بصراحة قمر كيوت كدة وحتة مولتن كيك كدة وبقت مراتي...
بس انا وعدت تارا بالجواز وقولتلها اني بحبها والمفروض اني بحبها ومينفعش اخذلها.....
اما اشوف الايام هتوديني لفين !
ودخل جوة لقي قمر بتنادي بدموع آسر....
آسر طلع يجري عليها وۏلع النور وۏلع النور....
آسر اهدي يا روحي انا هنا .... معلش انا طفيت النور بعد ما نمتي....تعالي معلش ...
جاء الصباح
اسر صحي وصحي قمر وقال
هادخل اخذ شاور و اغير هدومي تكوني انتي كمان غيرتي ماشي........
قمر ماشي....
دخل اخذ شاور ولابس بدله كحلي وقميص ابيض وخرج لقي قمر واقفه قدام الدولاب و لابسه جلابيه صعيدي.......
راح لها آسر وقال
ايه يا قمري مالبستيش ليه!
قمر بصراحه انا مش عارفه المفروض البس ايه وانا رايحه القاهره يعني زي اللي على النت وبشعري
بس انا ماعنديش زيهم ولا البس ايه !
اسر بعصبية شعرك لا طبعا هتلبسي حجاب عادي قال شعرك قال.....
قمر والدموع اتجمعت في عيناها
خلاص انا اسفه انا كنت بسالك بس.....
اسر ضړب ايده في الحيطه ومتعصب من نفسه لان
خلاص يا قمري انا اسف يا روحي
طب بوصي البسي دلوقتي اي حاجه ولما نروح هناك هتلاقي لبس كثير يا قمر وبعدين لمح فستان ابيض في اسود
وقال بصي ده حلو البسيه.....
قمر حاضر.....
آسر بحنان طب يلا يا قمري البسي وانا هنزل قدامك تحت
للكاتبة حنين عبدالرحيم حنون
آسر لبس ساعته ونزل......
قمر لابست الفستان ولبست عليه طرحه سوداء وشوز ابيض ونزلت واسر كان مستنيها تحت شافها وهي نازله على السلم سرح في جمالها
وبعدين قال عسل يا قمري
قمر بكسوف شكرا
وبعدين ودع جدو وراح ركب عربيته وهي ركبت جنبه وسافروا....
بعد مرور وقت ليس بقليل وصلوا قدام عماره كبيره جدا........
اسر فتح العربيه ونزل فتح الباب لقمر
وقال انزلي يا قمري......
وقمر نزلت وركبوا الاسانسير
ووصلوا قدام شقه كبيره جدا
اسر فتح الباب وقال ادخلي يا قمر
قمر دخلت و لفت نظرها في المكان وقالت حلوه اوي....
اسر عجبتك يا قمري.....
قمر جدا.....
آسر ده بيتك يا روحي...... تعالى اما افرجك عليه.....
و وراها البيت كله....
آسر بس يا ستي ودي بقى تبقى اوضه النوم ايه رايك بقى في الشقه!!!
قمر جميله جدا....
آسر طب يا قمري يلا افتحي الدولاب هتلاقي بيجامات واطقم كثير
البسي اللي عايزاه
ولو مش عاجبينك هاجيبلك غيرهم........
قمر راحت ناحيه الدولاب فتحته وقالت
انت جبت كل ده امتى!!!
آسر امبارح بالليل لما قلت لك انا هاجيبلك هدوم طلبت هدوم اون لاين كثير وقولت لهم العنوان وقولت للست اللي بتيجي تنظف تحطهم في الدولاب......
قمر شكرا.........
آسر شكرا كده ما فيش ضحكه حلوه كده ولا حاجه.!!!!!
قمر بابتسامة شكرا.....
آسر ايوه هو ده........
قمر ضحكت
آسر لا لا مش هقدر على الضحكه الحلوة دي
يلا انا اخرج بره غيري هدومك انتي واطلعي ....
قمر غيرت هدومها و لبست بجامه من اللي في الدولاب وخرجت
قمر احم.... آسر......
آسر بصلها يا بنتي قلتلك بلاش تنطقي اسمك اموت كده....
قمر انا بس كنت عايزة اقولك يعني... احضرلك الغدا......
آسر ماشي
يا قمري.....
آسر بمشاكسة بتعرفي تطبخي بقى.......
قمر شكلك ما تعرفش اني الشيف قمر......
آسر الشيف قمر!!!...... طب هنشوف.....
قمر بتحدي لا مش هتشوف هتدوق وانت هتعرف
الشيف الشربيني اساسا بيتعلم مني....
آسر بضحك الشربيني بيتعلم منك....
اخيرا بدأتي تتكلمي معايا .....
قمر بكسوف وهدوء احم.... يعني انا بس كنت....
آسر خلاص خلاص بلاش هدوء تاني اتكلمي براحتك يا ستي اعتبريني مش موجود اساسا......
قمر مشيت راحت المطبخ واسر قعد بيضحك على هدوئها وتصرفاتها
وبعدين قعد على الفون بتاعه
لقي الباب بيخبط قام وفتح ........
للكاتبة حنين عبدالرحيم حنون
هالو يا مان ايه فينك !!!
آسر يا ابني ما انا هنا اهو لسه راجع من الصعيد......
بقى هونت عليك يا بيبي تسيبني.....!
آسر بيبي في عينك غور يالا من هنا.....
خلاص يا اسر في ايه يا صاحبي....
آسر ايوه كده اتعدل يا لؤى عايزه احكيلك حاجه!
لؤي احكي يا...... وفجأة لقي قمر جاية.....
وبتقول اسر الاكل خلاص هيجهز....
اتفاجأت بوجود لؤي طلعت تجري لجوه....
لؤي اوباااااا.... بقى بتجيب ستات البيت يا اسر وانا اللي كنت بقول عليك محترم وان انا اللي باد بوي و انت محترم اتاريك مقضيها وبعدين قال بس حلوه البطل دي جبتها منين........
وهوبا لقي
لؤي بقى بتضربني علشان البنت يا اسر بس تستاهل....
وهوبا لقي بوكس ثاني نزل عليه......
لؤي بۏجع اه ه ه..... خلاص خلاص انا ماشي و هاسيبك خلاص انا عايز اعيش......
آسر بعصبية تعالي يا متخلف انت دي تبقى مراتي........
لؤي بتفاجئ مراتك!
مراتك ازاي امال مش كنت هتتجوز البنت الل.....
واسر حط ايده على بوق فم لؤي قبل ما يكمل واخذه وراح على البلكونه وقفلها......
لؤي مراتك ازاي يا برو امال البنت الملزقه اللي اسمها تارا دي ايه !
اسر اتكلم عن تارا بطريقه كويسه يا لؤي......المهم هقولك كل حاجة هو ده اصلا الموضوع اللي كنت
هقولهولك ......اصل جدي........
وحكا للؤي اللي حصل ...........
لؤي اه علشان كده طب وتارا قبلت الموضوع عادي كده!
آسر اه ما انا مفهمها كل حاجه.......
لؤي بضحك بسخرية انا قلتهالك قبل كده يا صاحبي و هاقولهالك ثاني تارا مش بتحبك صدقني عمر ما واحده هتحب واحد وعادي تشوفه مع غيرها.....
آسر لا يا لؤي الحكايه مش حكايه كده تارا انسانه متحضرة وتفكيرها راقي وبتفكر بعقلها ايه الصح........ !!
لؤي لو انت مفكر الحب كده يبقى انت مش بتحب
يا آسر.......
الحب مش بالتفكير الحب تلاقي نفسك بتعمل تصرفات من غير ما تفكر ممكن حتى تبقى غلط بس ما بتفكرش حتى عارف زي ايه زي اللي انت عملته بره كده لما اتكلمت على قمر مراتك ما فكرتش حتى تفهمني ولا فكرت تعمل ايه...
ضړبتني بمجرد اني جبت سيرتها
امال اللي انت بتقول عليه ده مش حب ولا عمره هيكون حب يا آسر..........
آسر بس يا لؤي انا لسه عارف قمر من يومين بس
ومش عارف ليه من ساعتها كل حاجه فيا متلخبطه
حتى مشاعري ......
تعرف يا لؤي انا خليتها تيجي بالحجاب
و مجرد بس ما جابت سيره انها تنزل بشعرها
اتعصبت من الفكره جامد وزعقت
علي عكس تارا اللي دائما بشعرها وبتحايل عليها بس حتى انها تطول لبسها
بس مش بترضي وتقولي بلاش تخلف وخلي تفكيرك متحضر يا آسر.....
للكاتبة حنين عبدالرحيم حنون
لؤي لا لا حرام هي مش بتقولك كده وبعدين اكمل بدلع وهو بيقلد تارا
بتقولك يا اسوري......
آسر ضحك وقال يعني انت سبت كل الكلام وجيت على اسوري......
لؤي بضحك امال.... وبعدين اكمل بجدية
الايام هتثبت لك يا صاحبي .... ان تارا مش بتحبك صدقني...... ولينا كلام تاني في الموضوع ده علشان انت دلوقتي بقيت متجوز......
يلا اسيبك انت تعيش حياتك يا عريس و اطير انا بقى
لؤي وبيحاول يستفز آسر
يلا سلملي على مرات اخويا......
آسر بعصبية غور يا لا من هنا بدل ما اقلبلك وشك واخليك عامل زي القرد دلوقتي.....
لؤي خلاص خلاص انت قفوش كده ليه انا ماشي سلام.......
ومشي لؤي واسر دخل يدور على قمر لاقيها في الاوضه قاعده وضامة رجليها ليها وباين عليها انها خاېفة ....
أسر بقلق عليها مالك يا قمري!!
قمر پخوف انت هتزعقلي صح بس والله العظيم
ماكنتش اعرف ان في حد بره والله صدقني يا اسر.....
اسر اشششش..... خلاص يا روحي ومين قالك اني هزعقلك يا قمري......
قمر ما انت كنت متعصب........
آسر وحتى لو متعصب يا روحي متعصبش عليك تعالى .....
آسر بمشاكسة ها عملتي الاكل بقى ولا انت بتضحكي عليا و مابتعرفيش تعملي اكل!!
قمر لا عملت وخلصت كمان يلا هقوم احط الاكل...
صح يا اسر
ماعندكش مانع .....
آسر اسالي يا روحي من غير مقدمات.......
قمر هو مين ده اللي كان معاك بره......
آسر بغيرة اشمعنى!
قمر لا عادي بسال.....
آسر ده يا قمري يبقى لؤي اقرب صديق ليا ماشي .....
قمر ماشي هقوم اجهز السفره.......
آسر وانا معاكي اساعدك
ودخل معها المطبخ......
آسر ايه الروايح دي شكلك كده بتعرفي تطبخي وانا هخسر........
قمر قولتلك.......
بدؤا يرتبوا السفره وحطوا الاطباق وقاعدوا بيتغدوا......
آسر يااااااااا يا قمري ماكلتش اكل بالطعامه دي
في حياتي كلها........
للكاتبة حنين عبدالرحيم حنون
قمر بابتسامة شكرا......
آسر دي حقيقه يا روحي وعلشان الاكل الحلو ده جايب لك هديه!
قمر بفرحة بجد !!!
آسر اكيد يا قمري ناكل وهجبهالك......
قمر ماشي....
واكلوا وخلصوا اكل.......
وقمر في المطبخ وبتلم الاطباق اسر جاء من وراها وقال قمري....
قمر اتخضت.....
اسر بضحك اټخضيتي.....
قمر اخص عليك يا اسر....
اسر خلاص خلاص معلش....
وبعدين مسك ايديها ولبسها خاتم........
وقال ها ايه رايك يا قمري!
قمر جميل خالص.... شكرا
آسر بمشاكسة يا دي شكرا مش عايز اسمعها ثاني ممكن تبدليها بكلمه ثانيه يعني......
قمر اتوترت انا هروح اكمل لم الاطباق
آسر ده حقها اني اجبلها كل ده.....
علشان هي بقت مراتي ومسؤليتي ايوة علشان كدة بس....
بس ضحكتها سكر بنت الايه ....
بس ليه وانا معاها بنسي كل حاجة.....
مش عارف اعمل ايه يا ربي....
مش عارف !!
وبعدين خرج و قمر لمت بقيت الاطباق ودخلت المطبخ.......
آسر شغل ال لقي الباب بيخبط........
آسر يا دي اليوم اللي مش فايت ده.....
انا طول عمري عايش هنا محدش معبرني حبكت يعني كله يجي النهاردة....
ولا يمكن لؤي علشان انا عارفه بارد ويحب يرذل......
آسر فتح الباب لقي تارا......
تارا ايه يا اسوري...بقى كده ما تكلمنيش يا روحي لما توصل !
آسر اول ما شافها مش عارف ليه حس بضيق كده جايز علشان افتكر مشاعره المتلخبطة تاني بين تارا وقمر وقال
انتي ايه اللي جابك هنا يا تارا !!!
تارا بقى دي طريقه تقابلني بها يا اسوري
وانا جاية اقول لك حمد لله على سلامتك.......
آسر من فضلك امشي دلوقتي يا تارا ونبقي نتكلم بعدين.......
تارا امشي ليه يا اسوري اوع تكون خاېف من الصعيديه دي......
آسر بعصبية تارا احترمي نفسك......
تارا انت بقى بتزعقلي علشانها يا آسر......
آسر تارا انا مازعقتلكيش بس قلتلك قبل كده اتكلمي بطريقه احسن من كده.......
وجاه صوت من
وراهم في ايه ! مين دي يا آسر. !!
آسر بيبص وراه على قمر.......
تارا وجهت نظرها لقمر وكانت واقفة جنب اسر قالت بصوت واطي مسمعهوش غير آسر
بقي دي بتقول عليها وحشة يا اسر ......ماشي بتضحك عليا........
قمر لسه واقفة......
أسر دي يا قمر تبقي.....
تارا انا ابقي تارا يا قمر وانا بقي ابقي.............
اسر بصلها برجاء وقاطعها وقال تبقى اختي و اقرب صديقه ليا وطالبه عندي في الجامعه.....
تارا بصتله اختك !..... اه يا حبيبتي اسر ده يبقى صديقي القريب واخويا....
وبعدين تارا قربت من قمر وقالت بس انتي طلعتي حلوه اهو يا قمر اسم على مسمى الصراحه......
قمر شكرا لك تعالى اتفضلى ادخلى....
تارا ليه هو انا مستنيه اذنك
وبعدين غيرت كلامها بابتسامه وقالت اقصد يعني احنا خلاص بقينا اخوات يا قمر يعني ده بيت اختي فمش محتاجه عزومه علشان ادخل عليه ولا ايه!!
قمر اكيد طبعا ده بيتك اتفضلي.......
تارا لا هامشي انا علشان ورايا حاجات لازم اخلصها وبعدين راحت بصت لآسر وقالت
يلا تاك كير يا بيبي سلام ....ونبقى نتكلم بقى ....
ومشيت..........
اسر قفل الباب وراها......
قمر راح لآسر وقالت بصوت بس مش هادي زي ما بتتكلم على طول قالت بصوت فيه نبره عصبيه
بعد اذنك يا اسر حتى لو صديقتك المقربة و زي اختك ازاي تقول لك يا بيبي!!
اسر استغرب لانه اول مره يشوفها بتتكلم كده وفرح في نفس الوقت وعايز يجريها في الكلام علشان تتكلم معه وتبدا تتعود عليه وقال
عادي يعني يا قمر هي طريقه كلامها كده......
قمر ايوه بس ماينفعش كده برضه......
آسر ببرود ماينفعش ليه بقى ان شاء الله
انتي معصبة نفسك ليه!!!
قمر انت بتسال انا معصبه نفسي ليه دي حتى محترمتش اني مراتك واقفه ولازم تكلمك بحدود......
وانتي بتبقى حلوه قوي كده وانتي اسد كده وبيزعق ووشك احمر من العصبيه......
قمر بتوتر ها.... انا بس كنت......
آسر تعالي .....
و شدها من ايديها وهمس جنب ودنها
خلاصة الكلام والعصبيه دي كلها انتي بتغيري صح!
قمر بغير وهغير ليه !........
مش انت بالنسبه لك الموضوع عادي انا كمان الموضوع هيبقى بالنسبه لي عادي......
للكاتبة حنين عبدالرحيم حنون
آسر بهدوء يعني انتي شايفه كده وانك مش بتغيري....!
قمر ايوة.....
آسر بمشاكسة وبيحاول يستفزها طب تمام اما اروح اكلم تارا بقى.....
قمر سابت ايده وراحت على اوضتها بعصبيه......
اسر قعد يضحك عليها
طب والله انا متجوز مجنونه و عاقله و هادية في نفس الوقت......... ماشي يا قمري بقى بتغيري ماشي....
واليوم عدي من غير اي احداث جديده
وجاء الليل
اسر كان قاعد على الموبايل وقمر قاعده على TV...
آسر قمر يلا بقى عشان تنامي الوقت اتاخر.....
قمر من غير ما ترد طفت ال .... وسابته و دخلت تنام.....
آسر مالها دي لسه مضايقة !
وبعدين دخل على اساس انه زي الاطفال لحد ما تنام زي كل يوم
وبعدين يطفي النور......
بس هي قالت لا انا مخصماك يلا طفي النور ونام.....
آسر متاكده مش هتخافى هسيبك وانام على الكنبه....
قمر عادي انا مابخافش.....
آسر خلاص براحتك
وراح اطفئ النور و نام على الكنبه
وكان متاكد انها هتخاف وتنادي عليه......
قمر آسر.....
اسر
عمل نفسه نائم وماردش......
قمر آسر ارجوك......
اسر ببرود نعم يا قمر عايز انام.....
قمر معلش ۏلع النور......
اسر ما انتي عارفه اني ما بحبش انام في النور
وكمان مش انتي مخصماني وقلتلي طفي النور براحتك انا مابخافش......
قمر پخوف ارجوك معلش.....
آسر عايز يشاكسها بس صعبت عليه قام ۏلع النور
وهو كمان نام......
جاء الصباح
اسر صحي وساب قمر نايمه ...
اسر اخذ شاور ولبس بدله رصاصي وقميص ابيض
مبين تقسيمة جسمه الرياضي و لايق مع لون بشرته ولبس ساعه وحط برفيوم جامد جدا وبعدين قال
اما اصحى قمر اقولها اني ماشي.......
راح عندها قمر.... يا قمري....
قمر بنوم فتحت عينيها ايوه.....
آسر صباح العسل يا قمري.......
قمر بابتسامة صباح النور......
اسر يالهوي على الضحكه القمر دي اللي زي صاحبتها...
بوصي يا روحي انا دلوقتي
قمر طب مصحتنيش ليه من بدري كنت حضرتلك الفطار يا اسر...
هتنزل من غير فطار
استني هقوم احضر الفطار بسرعه......
آسر خليكي يا قمري نائمه
انا قلت اصحيكي علشان اقولك اني ماشي
انا هفطر النهارده اي حاجه من بره ونبقى نعوضها بكره يلا يا روحي عايزه حاجه.......
قمر لا استني مش هتمشي غير لما تاكل حاجه حتى لو بسيطه......
آسر بس يا قمري.....
وقاطعته قبل ما
