انا ام احمد المغسلة طبعا عارفني كويس انا النهاردة جايبه لكم حكاية غريبة جدا
ادعي عليكي قلبي مش مطاوعني اني ادعي عليكي واقولك تشوفي اللي انا شيفاه ده
وبعدها فضلت فاتن تعمل في امها كده وتسيبها وبعدها باعوا البيت وسامح قال لفاتن
سامح
الوليه دي مش هينفع تيجي معانا مصر هنعمل ايه دلوقتي
فاتن
انا هسيبها في الشارع وامشي وهي ونصيبها بقا يا حبيبي ومتحملش هم اكيد اي حد ياخدها عنده المهم اننا نمشي من هنا ونروح المكان اللي انت هتعمل فيه مشروعك ده
سامح
يلا بينا يا حبيبتي
وفعلا رمت امها في الشارع ومشيت والناس الجيران لاقوها وحطوها في اوضة وواحده جارتها قالت لها
سمية
انا مش عارفه اقولك ايه بس يا ام فاتن على اللي بنتك عملته فيكي ده الله يسامحها بقا الصراحة دي لا يمكن تكون بنت بطنك دي
الام
اعمل ايه في الجحود بس يا سمية يابنتي الله يسامحها بقا ومتشوفش اللي انا شوفته
وفي مصر سامح وفاتن اجوروا اوضة في فندق وتاني يوم فاتن صحية لاقت سامح سايب لها ورقة طلاق وورقه مكتوب فيها متدوريش عليا يا تونة سلام يا قلبي وسرق الفلوس كلها
فاتن
. اه يابن الكلب انت سرقتني وخدت فلوسي وطلقتني والله لوديك في ستين داهيه اعمل ايه ياربي
وبعدها راحت القيم وعملت فيه بلاغ انه سرقها وهرب وقالوا انهم هيدو وا عليه ويبلغوها وفضلت فاتن ماشية في الشوارع لحد لما عماد لاقها قدام بيتهم وقال لها
عماد.
انتي مين وايه اللي مقعدك هنا وبتعملي ايه
فاتن
ابوس سبني انام هنا انا تعبانة اوي ومش لاقيه مكان اروحة الله يخليك انا نفسي انام اوي
عماد
لا حول ولا قوة الا بالله العلي العظيم طيب تعالي احنا عندنا اوضة فوق السطوح اقعدي فيها وانا هبعت لك اكل
وفعلا عمل كده وحكي لامه اللي قالت
الام
وانت ازاى يا عماد تعمل كده ازاى تجيب واحده من الشارع وتحطها لنا في البيت
عماد
ياماما دي باين عليها بنت ناس والدنيا جات عليها اوي انا الصبح هعرف منها هي ايه اللي حصل معاها بالظبط
الام
والله انت قلبك الحنين ده هو اللي جايبك هنا لما
وبعدها عماد سمع من فاتن حكايتها وقالت له على اللي عملته في امها وهو قال لها
عماد
على فكرة انتي كنتي غلطانة في حق مامتك يا فاتن مكنش ينفع اللي انتي عملتيه فيها ده بس انتي لازم تعرفي انك غلطتي
فاتن
انا عارفه والله اني غلطت بس مش هينفع ارجع لها تاني غير لما ارجع لها فلوسها كلها من النصاب الحرامي وارجوك خليني عايشة هنا والله انا مش هعمل اي مشاكل مع أي حد
عماد
خلاص خليكي هنا وانا هاشوف كل طلباتك انا مش عايزك تحملي هم حاجة ابدا يلا تصبحي على خير
وسابها عماد وبعد شهور العده ما خلصت عماد عرض عليها الجواز وقال
عماد.
ها قولتي ايه يا فاتن على فكرة انا كنت متجوز ومطلق يعني احنا الاتنين في الهوا سوا
فاتن
والله يا عماد انازمش عارفه ارد اقولك ايه يعني بعد اللي حكيتوا عني واللي انا عملته انت عايز تتجوزني
عماد
بصي يا فاتن كل واحد فينا بيغلط احنا مش ملايكة على فكرة واحنا عايشين عشان نغلط ونتعلم من غلطنا وانا حاسس انك اتعلمتي من غلطك وخلاص مكتوب علينا اننا نتجوز انا وانتي قولتي ايه
فاتن
خلاص انا موافقه يا عماد اللي تشوفه انا هعمله
ونزلت تحت عاشت مع أمه في الشقه وامه قالت لها
الحما.
اسمعي بقا يا حلوه انتي هنا هتعيشي في بيتي يعني تحت أمري انا واللي انا اقول عليه يتنفذ كله انتي سامعه
فاتن
اكيد طبعا يا حماتي اللي انتي عايزاه كله انا هعمله وهسمع كلامك حاضر
الحما
طيب يلا ادخلي على المطبخ وورينا شاطرتك قبل جوزك ما يرجع من الشغل يلا ياختي
ودخلت فاتن المطبخ وفضلت تعمل وصفات من على النت وفي يوم عماد كان قاعد مع امه قبل ما يروح الشغل وقالت له
الام.
هو انت يا عماد جايب لي واحده مش بتعرف تعمل اي حاجة خالص البت كل لما اقولها اطبخي تفتح لي النت وتجيب الوصفة من عليه هي ايه مكنتش بتعرف تعمل حاجة في بيت امها ولا ايه
عماد
لا يا أمي للأسف فاتن كانت دلوعة امها على الآخر بقولك ايه مش
الام
يعني مسمى العك اللي احنا بناكلة ده حلو وقمر وانبي انت غلبان وعلى نياتك يا حبيبي مراتك دي عايزة تتعلم كل حاجة من اول وجديد وانا بقا اللي هعملها كل حاجة
عماد
. براحة عليها يا امي ارجوكي عشان خاطري ماشي الله يخليكي انا مش عايز مشاكل يلا انا هاروح بقا اشوف شغلي مع السلامة
ومشي عماد وامه قالت لفاتن
الحما
انتي يابت انتي يازفتة هو انتي ياختي لسه نايمة لحد دلوقتي ماتصحي يا هانم تشوفي الشقة دي
فاتن
هو ايه يا حماتي انا بس كنت نايمة متأخرة اوي عشان كده مش قادرة اصحى
الحما
وانا مليش دعوة بالكلام ده ياعنيا يلا اصحى خليكي اعملي البيت واعمليه الشقه عايزة تتنضف جامد يلا ياختي
فاتن
ما أنا هعملها وهعملك كل حاجة بس ينفع افطر الأول
الحما
مفيش فطار ولا طفح غير لما تخلصي كل اللي وراكي يلا عشان انا نص ساعة وعايزة اشوف الدنيا دي بتلمع
وبعدها فضلت تشتغل فاتن في البيت عند حماتها ولما رجع عماد بالليل ودخل الاوضة مع فاتن قال لها
عماد.
انا عارف ان امي جايه عليكي اوي يا فاتن عشان كده مش عايزك تزعلي منها ابدا
فاتن
وانا مقدرش ازعل منها يا عماد عشان خاطرك انا اعمل اي حاجة في الدنيا انت متعرفش اصلا الجميل اللي انت عملته ليا ده في رقبتي
عماد.
متقوليش كده انا حبيتك يا فاتن وكنت مستعد اعمل اي حاجة عشانك وكمان عشان ارتاحت معاكي جدا عشان كده انا نفسي اخليكي اسعد واحده في الدنيا كلها
فاتن
ربنا يخليك ليا ياعماد
وفي الوقت ده لقت البوليس بيكلموها انهم لقوا سامح وهي قالت لعماد
فاتن
يااه بعد الفترة دي كلها لاقوه انا لازم اروح اجيب منه فلوسي
وراحوا القسم والظابط قالها
الظابط
للأسف ملقناش معاه اي فلوس خالص وبعدين احنا قبضنا عليه متلبس بمخدرات يعني مش معاه حاجة
فاتن
حسبي الله ونعم الوكيل فيه يعني ضيع فلوسي اعمل ايه هاروح لأمي ازاى انا مش هينفع ارجع لها تاني
ورجعوا البيت وامه قالت له
الام
انت كنت فين يا عماد انت والسنيورة دي ومالها شكلها عامل كده ليه
عماد
مفيش يا امي دي فاتن تعبانة شوية ارجوكي سبيها
الام
تعبانة ايه يا حبيبي حتى لو بتروح وروحها هتطلع لازم تعمل البين ده كله
عماد
ارجوكي يا امي سبيها في حالها هي مش ناقصة كفايه اللي هي فيه
الام
لا بقولك ايه البت دي لازم تعمل كل حاجة انت سامع ولا لا يلا يا حلوه ادخلي على المطبخ
وفي اللحظة دي فاتن وقعت وعماد وداها المستشفى والدكتور قاله
الدكتور
دي عندها جلطة وشلل نصفي
عماد
لا حول ولا قوة الا بالله العلي العظيم الف سلامة عليكي يافاتن
فاتن
نفس الكلمة دي سمعتها لما كانت أمي تعبت كده والدكتور قالها لي انا الزمن بيتعاد فيا يا عماد ده انتقام ربنا
عماد
معلش يا فاتن كل شئ مقدر ومكتوب وان شاء الله ربنا يشفيكي ويعافيكي يا حبيبتي
وفاتن فضلت تعمل حمام على
نفسها وقالت لحماتها
فاتن
انا عايزة اغير يا حماتي انا عملت على نفسي حمام ومش عارفه اعمل ايه
الام
نعم نعم وانا مالي ياختي بالموضوع ده انا مليش فيه ياختي لما ابني يرجع يبقا يشوف لك واحدة تنضف لك ولا اقولك خودي بالكوباية دي اعملي فيها
وفاتن حست ان كل اللي عملته بيترد فيها وكتبت ورقة لعماد لو جرا لها حاجة تتدفن عند امها وتجيب ام احمد تغسلها وبعدها راحت وفعلا عماد عمل اللي هي قالت عليه
باااااك
المغسلة
بقا انتي تعملي كل اللي عملتيه ده في امك ده ومش عايزة ربنا يردهولك الله يسامحك يابنتي
فاتن
وخلي امي تسامحني احكي لها اللي حصل معايا كله وخليها تسامحني
وبعدها وصلنا البلد اللي فيها ام فاتن ولما عرفت اللي جرا لفاتن انا قولت لها على كل حاجة والام قالت
الام
مسامحها ياست ام احمد عشان وشك اللي فيه القبول ده وكمان انتي جيتي مخصوص انا سامحتها
المغسلة
ربنا يسامحها ويسامحنا كلنا يا ام فاتن بنتك كانت جواها طيب بس الشيطان بقا هتقولي ايه بس
وبعدها رجعت
وبكده تكون خلصت حكايتنا النهاردة
