بعد ٦ شهور من الطلاق

لمحة نيوز


ما يقفل الباب، سمعنا صوت زعيق جاي من فوق، من بلكونة أوضتي
نزلوا تحت! في الجنينة الخلفية! اضربوا نار!
وابل من الرصاص نزل حوالينا، وكسر إزاز العربية اللي جنبنا.
كريم زقني لتحت عشان أستخبى في أرضية العربية، ونط هو في كرسي السواق، ودور العربية وطلع بيها بأقصى سرعة، كاسر بوابة الجنينة الحديدية.
العربية كانت بتجري في الشوارع الفاضية زي الصاروخ، وصوت المساحات وهي بتشيل المطر من على الإزاز كان هو الصوت الوحيد اللي مسموع، مع صوت نفسي المتقطع وعياط بنتي الخفيف.
بصيت لكريم في المراية اللي قدامه.
كان سايق بتركيز مرعب، ووشه متخشب، بس عينه كل ثانية كانت بتترفع للمراية عشان يطمن عليا وعلى البنت.
بعد نص ساعة من الجري، دخلنا طريق صحراوي ضلمة، وبعدها لف في طريق ترابي ضيق، لحد ما وقف قدام فيلا قديمة معزولة وسط مزرعة كبيرة، عليها حراسة مشددة.
أول ما العربية وقفت، رجالة كتير لابسين أسود جريوا ناحية العربية.
كريم نزل بسرعة، وشاورلهم يبعدوا، وفتح الباب الخلفي وشالني تاني.
دخل بيا جوه الفيلا، وطلع على أوضة نوم كبيرة في الدور التاني، ونزلني على السرير بالراحة جداً.
كان فيه ست كبيرة في السن واقفة مستنية في الأوضة، باين عليها إنها ممرضة أو دكتورة، ومعاها شنطة إسعافات.
كريم قالها بلهجة آمرة
دكتورة سعاد، شوفي جرحها حالاً، وغيريلها على العملية، وهاتي لبن صناعي أو أي حاجة للبيبي لو احتاجت، ومش عايز نفس في الفيلا دي!
الدكتورة هزت راسها، وقربت مني.
كريم كان لسه هيلف ويخرج عشان يسيبني أرتاح والدكتورة تفحصني
بس أنا مديت إيدي، ومسكت طرف قميصه المبلول.
وقف مكانه.
بص لإيدي اللي ماسكة قميصه، وبعدين بص في عيني.
قلتله بصوت ضعيف، بس كله إصرار
مش هتخرج قبل ما تحكيلي كل حاجة من البداية للنهاية. مين دول؟ وإيه الصفقة دي؟ وإنت أصلاً بتشتغل إيه يا كريم؟
كريم اتنهد بعمق، وبص للدكتورة سعاد
خمس دقايق بس يا دكتورة، وهدخلك.
الدكتورة خرجت وقفلت الباب وراها.
كريم قعد على طرف السرير جنبي، ووشه كان مليان إرهاق سنين.
مد إيده بالراحة، ولمس خد بنتي الصغير بطرف صباعه، وابتسم ابتسامة حزينة أوي، وبعدين بصلي وقال
أنا طول عمري كنت مفهمك إني رجل أعمال عادي، بشتغل في الاستيراد والتصدير بس الحقيقة يا يارا
سكت لحظة، كأنه بيستجمع شجاعته عشان يعترف بأكبر سر في حياته، وكمل
أنا مش رجل أعمال. أنا ظابط مخابرات، وكنت متخفي في شخصية رجل الأعمال ده بقالي خمس سنين عشان أوقع أكبر شبكة تهريب سلاح وغسيل أموال في الشرق الأوسط.
اتسعت عيني بصدمة.
الراجل اللي عشت معاه تلات سنين اللي كان بيصحى الصبح يلبس البدلة ويشرب قهوته ويقولي رايح الشركة طلع شخص تاني خالص!
واللي حصل قبل طلاقنا
كمل كريم وصوته بيتحول لنبرة كلها غضب وندم
إني قربت أوصل لرأس الأفعى الراجل الكبير اللي بيدير الشبكة دي كلها. ولما حسوا إني قربت أكشفهم، بعتولي الرسالة اللي وريتهالك في المستشفى. هددوني بيكي!
قالولي حرفياً إحنا عارفين إنك بتحبها، وعارفين إنك مش هتضحي بيها. لو ما انسحبتش من القضية دي، وطلقتها عشان نضمن إنك قطعت علاقتك بيها تماماً، هنصفيها قدام عينك.
دمعة نزلت من عين كريم وهو بيبصلي
مكنش قدامي حل تاني يا يارا! لو كنت قولتلك، كنتي هتخافي أو هتتمسكي بيا، وهما كانوا مراقبين كل نفس بتتنفسيه.
كان لازم أطلقك فعلاً، وأبين قدامهم إني بعتك، وإني رجعت لحياتي القديمة، عشان يبعدوا عيونهم عنك، وأقدر أنا أخلص عليهم في الضلمة!
وعشان كده

قلتله وصوتي بيترعش
طلعت إشاعة فرحك؟
هز راسه بالإيجاب
أيوه. لما حسيت إنهم بدأوا يشكوا فيا تاني، كان لازم أوهمهم إني خلاص نسيتك وهتجوز واحدة تانية عشان يطمنوا إنك مبقيتيش نقطة ضعفي.
سكتنا إحنا الاتنين.
الكلام كان تقيل أوي على قلبي.
كل الكره اللي كنت شايلاه جوايا ليه طول الست شهور اللي فاتوا، بدأ يدوب، ويحل محله خوف خوف مرعب عليه، وعلى بنتنا.
بصيتله وقلت بقلق
طب وهما عرفوا إزاي إني كنت حامل وولدت النهارده؟
وش كريم اتغير، وملامحه اسودت من الغضب، وقال بصوت كله وعيد
ده السؤال اللي هيخليني أقلب الدنيا النهارده لأن مفيش حد في الدنيا كان يعرف مكانك غيري أنا وشخص واحد تاني بس هو اللي كان عارف إني بدور عليكي.
مين؟!
سألته بلهفة وخوف.
كريم بص ناحية الشباك المقفول، وقال اسم وقع عليا زي الصاعقة
طارق صاحبي وشريكي في العملية، وأقرب إنسان ليا في الدنيا!
في اللحظة دي
موبايل كريم رن.
بص للشاشة، ووشه اتجمد.
المتصل كان طارق.
كريم فتح السبيكر، ورد ببرود مخيف
أيوه يا طارق.
جالنا صوت طارق من الناحية التانية، بس ماكنش صوته العادي كان صوته بيضحك ضحكة باردة، ووراه صوت زعيق وحركة
مبروك البنوتة يا كريم بس للأسف، إنت اخترت المكان الغلط اللي تستخبى فيه لأن المزرعة اللي إنت فيها دي، ملك للراجل الكبير شخصياً!
بصينا لبعض برعب، وفي نفس الثانية
صوت انفجار ضخم هز أركان الفيلا كلها، والإزاز اتكسر علينا من كل حتة!
صوت الانفجار كان كفيل إنه يصم الودان.
الحيطان اتهزت، والنجفة الكبيرة اللي في سقف الأوضة وقعت واتحطمت على الأرض.
كريم ما استناش ثانية.
رمى بجسمه كله فوقي وفوق بنتنا عشان يحمينا من شظايا الإزاز المتطايرة، وإيده ضغطت على راسي يداريها في صدره.
الدخان الأسود الكثيف بدأ يملى الأوضة، وريحة البارود والحريق خانقتنا.
بنتي صرخت من الخوف، وصوت عياطها قطع قلبي.
كريم رفع راسه بسرعة، وشه كان متغطي بالتراب، وفيه جرح صغير فوق حاجبه بينزف، بس ما حسش بيه.
بصلي وعينيه بتدور في كل ركن في الأوضة زي الرادار
إنتِ كويسة؟ البنت كويسة؟
إحنا بخير بس إيه اللي بيحصل بره؟
صوت ضرب نار كثيف بدأ يدوي في الدور الأرضي، وصريخ الحرس اللي بره اختلط بأصوات رشاشات آلية.
كريم قفل المكالمة اللي كانت لسه شغالة مع طارق، وحدف الموبايل في الأرض وكسره برجله عشان ما يتتبعوش إشارته.
قال بلهجة سريعة وحاسمة
طارق باعنا وهو اللي خطط لكل ده!
هنعمل إيه دلوقتي؟! إحنا محاصرين!
كريم بص ناحية الدولاب الضخم اللي في ركن الأوضة، وجري عليه وفتح ضلفته بقوة.
شد الهدوم اللي جواه ورماها على الأرض، وظهر قدامنا باب حديدي سري مموه في خشب الضهرية!
بصيتله بذهول
إيه ده؟!
المزرعة دي فعلاً كانت تبعهم، بس أنا اللي كشفتها وصادرتها لحساب الجهاز من شهرين، وجهزتها كملجأ طوارئ من غير ما حتى طارق يعرف تفاصيله الداخلية!
دخل الرقم السري بسرعة على لوحة صغيرة جنب الباب الحديدي.
الباب اتفتح، وكشف عن سلم ضيق نازل لتحت الأرض، منور بإضاءة خفيفة.
كريم رجع بسرعة ناحية السرير، وشالني تاني بكل حذر رغم إن صوت خطوات المسلحين بقى على السلم بره الأوضة!
افتحوا الباب! فتشوا كل الأوض!
صوت زعيق رجالة طارق بقى ورا الباب مباشرة.
كريم دخل بيا جوه الدولاب، وقفل الباب الحديدي من جوه في نفس اللحظة اللي باب الأوضة الخشب اتفجر فيها بالرصاص!
سمعنا صوت خطواتهم جوه الأوضة، وصوت تكسير وتفتيش، بس الباب الحديدي كان معزول تماماً.
كريم نزل بيا السلم بسرعة وهو حاضني، لحد ما وصلنا لنفق طويل تحت الأرض، في آخره باب بيطلع على الطريق الزراعي الخلفي، وهناك كانت مستنية عربية
 

تم نسخ الرابط