انا اسمي رحمة وعندي 25 سنة ومتربية في ملجأ
اعرفكم بنفسي انا اسمي رحمه وعندي 25 سنه كنت متربيه في ملجأ وفي يوم جات عندي المشرفه وقالت
المشرفه
يا رحمه تعالي عايزاكي في كلمتين لوحدنا
رحمه
حاضر يا ميس خيريه جايه اهوو
وقومت من جنب صحابي وروحت معاها مكتبها وهناك كانت في ست كبيره بس شكلها طيب اووي وقالتلي
خيريه
تعالي يا رحمه اقعدي ده مش حد غريب دي الحجه سعاد اطيب ست بتيجي هنا عندنا بتجيب تبرعات
قعدت قدامها وقولت
اهلا وسهلا بحضرتك يا حجه سعاد
سعاد
بسم الله ما شاء الله زي القمر يا خيريه وباين عليها متربيه كويس
خيريه
اومال طبعا يا حجه سعاد احنا هنا بناخد بالنا من البنات والولاد كأنهم ولادنا بالظبط
سعاد
ما هو باين يا حبيبتي المهم مش هتقولي للعروسه علي الخبر الحلو
خيريه
لا طبعا هقولها دي يا حجه سعاد بصي يا رحمه الست سعاد معاها ولد عنده 34 سنه مهندس ميكانيكا اد الدنيا وعنده توكيل عربيات وكانت بتدورله علي عروسه بنت حلال وانا مالقتش احسن منك ليها
رحمه بحزن
طيب وهو حضرتك يا حجه سعاد ليه عايزه تجوزي ابنك واحده زيي مالهاش اهل وانتي بتقولي انه مهندس ميكانيكا اد الدنيا
سعاد
لان الحال من بعضه وانتي اكتر واحده ظروفك زينا انا جوزي كان مقبوض عليه وقضي عمره كله لحد ما قابل وجه رب كريم مقبوض عليه وما فيش واحده متربيه وبنت اصول هترضي بابني وانا بحمد ربنا اني لقيتك انتي ادب واخلاق وجمال وكمان متعلمه وواخده كليه
خيريه
المهم يا رحمه احنا وافقنا والدار هنا هتجهزك من كل حاجه وربنا يتمملك علي خير يا حبيبتي
رحمه
ان شاء الله وحددو معاد عشان يجي العريس ده ويشوفني ورجعت اوضتي اللي قاعده فيها مع زمايلي
هبه
مبروك يا رحمه سمعنا ان جالك عريس لقطه
رحمه
ايوه جه والمشرفه ومديرة الدار وافقو عليه
هبه
طيب قوليلي شكله ايه ده البنات هنا اول ما يمعو وكلهم بيحسدوكي
رحمه
والله لسه ما شوفتوش بس من كلامهم عليه باين انه كويس ومحترم
هبه
طيب وما قالوش هيجو امتي تاني عشان تشوفي العريس
رحمه
لا قالو يوم الخميس الجاي ولو عجبته الخميس اللي بعده كتب الكتاب والفرح وهتكون كل حاجه علي الدايق
هبه
يعني ايه لو الموضوع تم مش هيعملولك فرح
رحمه
يعني هو هيفرق في ايه معايا لو اتعمل فرح هستفاد ايه وانا هكون في الفرح ده بطولي من غير اهل ولا حد يفرح بيا وافرح معاه
هبه بحزن
علي رئيك احنا اللي زينا يحمدو ربنا اووي انهم بيتعلمو وبيتجوزو ولاقين مكان يقعدو فيه بعد ما اهلنا رمونا هنا واتربينا واحنا يتامي
وعدي الاسبوع وجه اليوم اللي هيجي فيه العريس عشان يشوفني ولبست فستان بسيط من اللي الناس بتجيبهم لينا في التبرعات وطلعت في الجنينه بتاعت الدار ولقيت شاب شكله جميل وباين عليه انه رجل اعمال مش مهندس وبس جه سلم عليا وقال
طارق
ازيك يا رحمه انا طارق عز الدين
رحمه
اهلا وسهلا اتفضل حضرتك اقعد
ابتسم وقال
هههه حضرتي ما علينا تعالي طيب اقعدي انتي كمان خلينا نتعرف كويس
وقعدنا قصاد بعض وقال
زي ما امي وصفتك ليا بالظبط شكلك حلو وكمان محترمه باين عليكي
رحمه بتوتر
شكرا
طارق
بصي بقي انا عايز اتجوز واحده تقعد في البيت يعني اتفقنا من دلوقتي انك مش هتقوليلي اشتغل ولا اخرج ولا اتفسح والكلام ده انا لما هكون فاضي من نفسي هخرجك تمام
رحمه بضيق
تمام
طارق
حلو
رحمه
حاضر
طارق
واخر حاجه بقي انا عايز اخلف بسرعه بدل العيل اتنين وتلاته واربعه يعني ما فيش حاجه اسمها كفايه كده عيل او اتنين لا انا ربنا مديني صحه وفلوس واقدر اربي عشرين عيل كمان
رحمه بهدوء
حاضر
طارق
شكلك هاديه وعاقله ومش هتتعبيني يا رحمه كده اتفقنا
وبعد ما هو مشي روحت للمشرفه وقولتلها اللي حصل منه وقولتلها كمان
رحمه
انا مش
عايزااه مش موافقه ومش مرتاحه خالص يا ماما خيريه
خيريه
ما فيش حاجه اسمها الكلام ده يا رحمه احنا خلاص وافقنا وبعدين هو معاه حق
رحمه
بس انا مش مرتاحه وبعدين هو انا تعبت في تعليمي ليه عشان اقعد في البيت
خيريه
لا احنا علمناكي عشان تتجوزي واحد زي طارق كده وبعدين انتي تعرفي طارق ومامته بيدفعو كام كل شهر للدار انتي لازم تضحي وتقدمي للدار زي ما كبرتك وعلمتك وبعدين دي جوازه الف مين تتمناها هنا في البنات بس انا عشان بحبك اختارتك انتي للعريس ده
وما كانش قدامي غير اني اسكت واوافق اتجوزو وبعد جوازي منه بسنه كنت في يوم بمسح في الشقه وطلعت حماتي من اوضتها وقالت
الحما
يا بنتي حرام عليكي نفسك انتي من لما تصحي لحد ما بتنامي مش بتعملي حاجه غير انك بتعملي شغل البيت
رحمه
اهو بتسلي يا ماما سعاد انا مش معايا حاجه اعملها وبزهق من القعده
سعاد
طيب استني انا هاجي اساعدك
رحمه
لا لا طبعا انتي تقعدي زي الملكه وانا اعملك كل حاجه
سعاد
تسلمي يا حبيبتي والله انا لو عندي بنت ما كانتش هتبقي بحنيتك دي عليا يا بنتي
رحمه
ما انا بنتك برضو يا ماما دقيقه واحده والكيك والشاي يكونو عندك
ودخلت المطبخ وعملت لحماتي الشاي واخدت كيك من التلاجه وطلعت قعدت معاها
رحمه
برضو يا ماما حضرتك مسحتي الصاله
سعاد
وفيها ايه اهو حركت نفسي كمان شويه بدل القعده دي وكمان النهارده انا اللي هعمل الغدا وهعملك شوية مكرونه هتاكلي صوابعك وراهم
رحمه
موافقه عشان نفسي اكل حاجه من ايدك بس بشرط اساعدك فيها
سعاد بحزن
طيب ما تكلمي طارق يجي يتغدي معانا ده بقاله يومين بايت بره
رحمه بدموع
هو انا اقدر اكلمه من غير هو ما يكلمني انا حتي ما اعرفش هو فين
سعاد
طيب جربي كده تكلميه وما تقوليلوش انت فين انتي بس قوليلو انه وحشك وعايزه تشوفيه
سعاد بحزن
ربنا يهديه يا بنتي ويصلح حاله مسيره يرجع لعقله وليكي ولبيته
وتاني يوم انا كنت عند هايدي جارتي اللي ساكنه قداامي هي ومامتها وكنت بشتكيلها من تصرفات طارق وقالتلي
هايدي
انا عايزه افهم ليه ساكته ما تطلقي منه
رحمه
حاولت والله بس هو بيقولي اني لو اطلقت منه مش هلاقي مكان اشتغل فيه وهو بمعارفه يقدر يعمل كده ده غير اني هترمي في الشارع انا ماليش حد
هايدي
خلاص يبقي لازم تشوفي حل معاه انا مش عارفه اقولك ايه
رحمه
خلاص بقي يا هايدي ارجوكي لما تشوفي حاجه زي كده ما تقوليش عليها انا عارفه هو بيعمل ايه كويس
هايدي
طيب ما تزعليش وان شاء الله كل حاجه هتتعدل تعالي اوريكي جيبت شوية فساتين جديده تحفه وجيبتلك معايا واحد
ادايقت من
كلامها بس ما عرفتش ارد عليها وسكت
