الافعى حكايات زهرة حصري
عشان أرجع لبنتي، مديت إيدي اليمين بال بالعافية، ومسكت حتة القزاز دي...
وبدون تردد، غرزتها بكل قوتي في جسم الأفعى!
الأفعى انتفضت انتفاضة جنونية من الألم، وصدر منها صوت حفيف عالي جداً، وضغطها عليا فك في ثانية من الصدمة. أستغليت الفرصة دي، وزقيتها عني بكل ما أملك من قوة، وقمت أزحف وأجري على باب الأوضة، فتحته وخرجت برة ورزعته ورايا وقفلته بالمفتاح!
طحت على الأرض برة الأوضة، باخد نفسي بالعافية، وصدري بيطلع وينزل زي الفراخ المذبوحة، والدم نازل من رجلي وضهري وإيديا مغرق السيراميك.
فريدة كانت قاعدة في زاوية الطرقة، لامة رجليها لصدرها وبتعيط بانهيار. زحفت لحد عندها، وشدتها لحضني، وقعدنا نعيط إحنا الاثنين ونرتعش زي أوراق الشجر في العاصفة.
بعد حوالي عشر دقائق من الرعب والاستيرية، سمعت صوت مفتاح الباب الخارجي بيلف.
أول ما أحمد فتح باب الشقة ودخل، شاف المشهد اللي يوقف العقل
الطرقة كلها دم... أنا وبنته قاعدين على الأرض غرقانين في الدم وبتنهمر دموعنا، والأوضة الفاضية بيخرج منها صوت تخبيط ورزع مرعب على الباب من جوه!
أحمد رمى المفاتيح والأكياس من إيده، وجري علينا وهو مصدوم ومذهول
هدى!! فريدة!! إيه ده؟! إيه اللي حصل؟! الدم ده كله منين؟!
أنا ما قدرتش أرد، كنت بس بصرخ وبشاور على الأوضة وبتنفس بصعوبة. أحمد جري على باب الأوضة وفتحه حتة صغيرة، وشاف الأفعى هيجانة في الأوضة، والدم مغرق القزاز والأرض.
أحمد وشه اصفرّ وبقى زي الجثة، وأدرك المصيبة اللي تسبب فيها بجهله وعاطفته العبيطة مع صاحبه. قفل الباب فوراً ونزل على ركبه قدامنا، وهو بيبكي بانهيار ويقول
سامحيني يا هدى... سامحيني يا بنتي... أنا السبب، أنا اللي
أحمد طلب الإسعاف فوراً، وجت الإسعاف ونقلتني أنا وفريدة للمستشفى. الحمد لله، فريدة ما كانش فيها أي كسور أو جروح خطيرة، مجرد كدمات خفيفة في جسمها من عصرة الأفعى، مع صدمة نفسية شديدة.
أما أنا، فجسمي كان مليان قطوع وغرز بسبب القزاز المتكسر، وأخذت أكسجين وعلاج لعصرة الرقبة والظهر، بس الحمد لله... ربنا نجانا إحنا الاثنين بمعجزة حقيقية.
وأحنا في المستشفى، أحمد اتصل بسامح. أحمد كان بيصرخ في التليفون بصوت يهز المستشفى كلها، وقال لسامح كلام سم زي العمى، وبلّغه إن شرطة البيئة والشرطة العامة جاية تاخد الأفعى بتاعته وتتصرف معاها، وإنه لو قرب من بيتنا أو حاول يتصل بينا تاني، هيقتله بإيده!
سامح لما عرف اللي حصل، نزل مصر في نفس اليوم، وجري على المستشفى وهو بيتأسف وبيعيط ومصدموم، بس أحمد ما سمحلوش
بعد ما خرجنا من المستشفى، أحمد رفض تماماً إننا نرجع الشقة دي تاني قبل ما تتقلب رأس على عقب. جاب شركة تنظيف متخصصة، وجاب ناس غيروا العفش والأرضيات بتاعة الأوضة دي بالكامل، وبخر الشقة كلها، بس أمانة ربنا... البيت عمره ما رجع زي زمان بالنسبة لي.
من اليوم ده، عقدة الخوف ما فارقتنيش. أي صوت صغير في البيت بيخليني أقوم مفزوعة. فريدة بقت تخاف تنام لوحدها، ولازم تنام في أحضاني ماسكة فيا بقوة.
الدرس اللي اتعلمته في اليوم ده كان قاسي جداً ومدفوع تمنه من دمنا وعصابنا
أحياناً، المجاملة الزايدة والخجل من الصحاب ممكن يكلفك أغلى حاجة تملكها في حياتك... بيتك وعيلتك! الأمان مش مجرد أربعة حيطان وسقف، الأمان هو إنك تكون واعي وبتحمي بيتك من أي خطر، حتى لو الخطر ده جاي على
