رواية اين المأمن بقلم هاجر نور الدين

الطاقة السلبية وهو البحر روحت وقعدت علي الكرسي اللي كان محطوط وبدأت في العياط من غير ما أوقف عياط علي كل السنين اللي ضاعت من عمري وأنا فاكرة إن الست دي هي أمي وعلي كل السنين اللي شوفت فيها الأسي والمعاملة اللي مستحيل آي حد يستحملها وعلي حب عمري وقلبي اللي أتكسر بأبشع طريقة وعلي حاجات كتير جدا كنت قاعدة لسة مستمرة في العياط وأنا باصة للبحر لقيت حد قعد جنبي ومدلي إيده بمنديل وآيس كريم وهو باصص للبحر مش باصصلي وإتكلم وقال
مش لازم تعرفي أنا مين كملي عياط وإمسحي دموعك لما تخلصي ولو حبيبتي تحكي أنا موجود عشان أهون عليكي لو مش عايزة تحكي يبقي مش مشكلة أديني آنست وحدتك
إتكلمت بعصبية وطلعت كل الحزن اللي ف قلبي فيه وقولت
إنت مين أصلا ومين اللي سامحلك تقعد كدا وتتكلم معايا أصلا إتفضل قوم
بعد زعيقي وعصبيتي دي كلها مرمش حتي ولسة باصص للبحر ومش باصصلي ولما سكتت قال
إرتاحتي شوية لما زعقتي
إنت مچنون!
بصلي وكانت عيونه بلون البحر الهادي زيه بالظبط مش عارفة هو هادي ولا بارد أتكلمت وقولت بعصبية خفيفة
ممكن تقوم
أتكلم بهدوء وقال
ممكن بس ممكن تاخدي الآيس كريم اللي ساح دا وأنا هقوم
كنت لسة هتكلم وهعترض أتكلم هو وقال
مش هقوم غير لما تاخديه
خدته من إيده كا نوع من اللي هو يارب نخلص وهو قام فعلا بعدها بصيت للآيس كريم اللي ف إيدي وأنا مبتسمة وكلتها وروحت البيت بعدها وبابا كان قاعد مستنيني وحاطط وشه بين كفوفه ومكنش في اثر للي كنت فكراها ماما ولا ل صلاح قعدت جنبه بهدوء وأنا متقبلة إني أسمعه دلوقتي أول ما حس بوجودي قام بسرعة وحضنني وقال
حقك عليا ياحبيبتي والله عملت كل دا عشانك إنتي
بصيت له بهدوء عكس اللي جوايا وقولت
أنا سامعاك عشاني إزاي
أتكلم بحزن وعيونه بتلف في كل مكان في الشقة ما عادا أنا وإتنهد وقال
مامتك قټلت ياسمر
بصيت له پصدمة ف كمل وقال
كنت برا في يوم ولاقيت أمك بتكلمني وهي بټعيط ومړعوپة ولما سألتها عن السبب قالتلي إنها قټلت حد بالغلط عشان خطڤها جريت للمكان اللي هي فيه وكانت شقة في المهندسين طلعت وأنا مستغرب وأول ما وصلت للشقة اللي قالتلي عليها كان الباب مفتوح وكان في ضباط كتير علي الباب دخلت بسرعة وبخضة وقفني واحد من الضباط وقال
إنت مين وراح فين
أنا مراتي جوا
بصلي بإستغراب وقال
مراتك جوا أزاي!
مراتي في واحد خطڤها وجابها علي هنا وهي عرفت ټقاومه ودافعت عن نفسها وكلمتني
إتكلم الظابط وقال
اممم طيب تعالي معايا كدا
دخلنا جوا وكانت أمك واقفة وبتترعش ومړعوپة روحت عندها كنت خاېف عليها وهديتها وهي كل اللي بتعمله بټعيط بس بعدت عنها لما سمعت صوت الظابط بيقول
هناخدكم معانا عشان ناخد أقوال الأستاذة ونشوف هنعمل معاها أي
إتكلمت بعصبية خفيفة وأنا بقوله
تعملوا معاها إيه دا إي بقولك هي اللي كانت مخطۏفة وحاولت تدافع عن نفسها دا كان دفاع عن النفس يعني معملتش حاجة
بصلي بهدوء وقال
هنشوف لو كان دا صح ولا لأ
أتنهد وقال
أيام عدوا عليا وإتصنفوا ك أسوأ 5 أيام في حياتي ومكنتش باكل ولا بشرب مستني الوقت اللي هتخرجلي فيه بس عشان نرجع بيتنا ووكلتلها أشهر محامي برغم قلة فلوسي في الوقت دا ومكنتش بروح الشغل برغم تزمر المدير مني والخصومات بس مكنش هاممني غيرها هي خلصوا ال 5 أيام واللي أتضح بعدها أنوا قتل عمد أزاي مش عارف وكنت بزعق وبثور عليهم كلهم بسبب دا ولكن مفيش فايدة وأتحولت للنيابة سمعت أقوال الشهود واللي كان منهم بواب العمارة اللي فيها الشقة اللي روحتها وجيران الراجل اللي أتقتل واللي كلهم قالوا إن في بين الراجل اللي ماټ وبين أمك معرفة وإن هي بتروحله كتير طبعا مصدقتش الكلام دا ومسكتش والمحامي طلب تأجيل للحكم عشان يثبت براءة أمك واللي لما طلعنا من أوضة المحاكمة قالي إن كل الشهود والأدلة ضدها وإن نسبة أنقاذها من اللي هي فيه شبه منعدمة عرفت بعدها بيومين إن في فدية بتتدفع وبياخد حكم مخفف يعني شهرين مثلا وخلاص ولما المحامي
قالي أجمع فلوس الفدية من دلوقتي لإن مفيش حل قدامه فضلت أجمع في فلوس من هنا ومن هنا وأستلف من كل اللي أعرفهم ومعرفهومش وبرضوا مكنتش جمعت نص المبلغ أصلا لحد ما قابلت چيهان واللي كانت عايزة تبقي متجوزة وخلاص قدام الناس وكانت بتحبني أنا ف جت وعرضت عليا الجواز مقابل المبلغ كله رفضت طبعا ورجعت البيت وأنا مش بعمل حاجة غير الدمعة اللي علي خدي وجه يوم النطق بالحكم ومكنش في آي حاجة بإيد المحامي أو بإيدي أعملها ومكنتش أديت كلمة التأكيد للمحامي ف سكت ولما عرفنا إن القاضي هينطق يإما بإعدامها أو مؤبد قولت للمحامي يقوله أننا عايزين حكم مخفف وروحت علي طول علي چيهان ووافقت علي عرضها للأسف وإدتني كل الفلوس بعد ما تم كتب كتابنا واللي شرطت إنه يبقي في العلن حتي قدام أمك سكتت ومكنش قدامي حل تاني وإلا هخسر أمك واللي يارتني ماكنت عملت كل دا عشانها لإني إكتشفت بعدين إن كل اللي قالوه الشهود صح وشوفت بعيني بالصدفة صور ومكالمات ورسايل وهي لما عرفت إن أنا عرفت هربت ومعرفش راحت فين بس بعدها ب شهرين عرفت إنها عملت حاډثة بشعة وتوفت فيها ومكنتش اقدر اقولك كل دا او اخليكي تعرفي ان والدتك تبقي بالشكل دا ف قررت إني هكمل مع جيهان بس علي اساس إنها والدتك واللي فكرتها هتعاملك كويس ومكنتش اقدر اطلقها لما عرفت بمعاملتها معاكي لإنها ممضياني وصولات امانة بالمبلغ اللي خدته منها.
خلص بابا كلام وأنا قاعدة بعيط كل ما يحكي ومش متخيلة إن والدتي تبقي بالشكل دا أو إن بابا عاش كل دا ومع ذلك عمره ماحسسني بيه مكنتش عارفة أنا حاسة ب إي أو أزعل لإن أمي كدا أو أفرح بسبب أني عندي أب زي دا حضنته وكملت عياط في حضنه واللي هو كمان شاركني فيه.
عند كريم
إتكلم كريم بعصبية وهو بيقول
إنتي بتستهبلي ياناني
بصيت له ناني بملل وهي بتقلب في عينيها
هو إيه بتستهبلي دي إنت عايز إيه دلوقتي يعني
إتكلم بعصبية ونفاذ صبر وقال
عايز إيه!! بقي أروح أجيبك من شقة واحد صحابك الاقي الدنيا هايصة وأنتي ومفهماني إنك في حفلة تبع بنات لا وقاعدة بلبس البيت معاه دا عادي!!
بقولك إيه يا كريم إحنا أصلا حياتنا هتمشي كدا ودا كان أتفاقنا ولا نسيت ثم إن هي فعلا كانت حفلة بس كلهم مشيوا وأنا تعبت ونمت هناك في البيت مش فاهمة فيها ايه دي
لأ معلش أنا مديكي حريتك أه ودي الحياة اللي أتفاقنا عليها وإننا مش هنخنق بعض وهنعيش كأننا لسة حرين أه بس مش تباتي برا وبلبس البيت وقاقلة تليفونك من إمبارح معرفش إنتي فين لأ أنا مش
بصيت له ناني بقرف وقالت
إيه والألفاظ القڈرة دي أنت
تقريبا قعدتك مع البت دي كرفت عليك
كملت بملل وهي بتقوم
أنا داخلة أنام تصبح علي خير
وسابته ودخلت تنام وهو قاعد متدايق وبيفكر في أيام ما كانت سمر معاه وكان بالنسبالها أقصي حاجة غلط مستحيل تعملها هي إنها تلمس إيد واحد غريب إستغرب من نفسه إنه بيفكر فيها ولام نفسه علي دا وقام ينام هو كمان
تانى يوم
قومت وأنا مقررة إني هبدأ حياة جديدة أشتغل وألاقي نفسي وأسعد بابا اللي كان مخلي حياته كلها عشاني وعشان يفرحني قومت حضرت فطار وشغلت أغنيه لأم كلثوم علي الراديو وبابا قام وأنا بحط الأكل علي السفرة وبغني معاها بصلي بإبتسامة حنونة زيه وقال
ياسيدي علي الروقان يارب دايما مبسوطة كدا
بصيت له بإبتسامة وقولت
طول ما إنت كويس ومبسوط أنا مبسوطة تعالي بقي عشان حضرت لنا حتة فطار مش هتاكل زيه كنت لسة داخلة أصحيك
أنا شامم الريحة من علي السرير أصلا
قعدنا كلنا وبعد ما خلصنا قومت عملت شاي بالنعناع ليا انا وهو وإتكلمت بتذكر وأنا بسأل
عملت إيه صح يابابا مع كريم لما روحتله
بصلي بابا بشوية حزن وقال
معملتش حاجة الظاهر أنه كان بيخدعنا كلنا مش بيخدعك إنتي بس
بصيت له بأستغراب وقولت
أزاي?!
لما روحت له غلط فيا وطردني ومسمعنيش أصلا بس أنا مش هسيبه والله ماهسيبه
بصيت ل بابا بحزن وقولت
خلاص يا بابا دا كويس إن خلصت منه أنا قررت إني هبدأ من جديد وهنزل شغل ف شركة بالشهادة اللي معايا
أنا لازم أخدلك حقك منه ودا ميمنعش أنك تنزلي وتشوفي نفسك ياحبيبتي إنتي خريجة هندسة ديكور يعني هتبقي أجمل مهندسة في الدنيا
بصيت له بإبتسامة وقولت
إن شاء الله يابابا يلا بقي أنا هقوم ألبس عشان أنزل أدور علي شغل وأتمشي شوية وأشم شوية هوا
بصلي بإبتسامة وقال
إعملي كل اللي تشوفيه هيبسطك أنا واثق فيكي
بصيت له بإبتسامة وبوست راسه وقومت لبست ونزلت دورت في كذا شركة وقدمت فبهم ومستنيه مكالمة منهم روحت بعدها أقعد شوية علي البحر وف وسط تفكيري وأنا مغمضة عيني وشامة ريحة البحر وسامعه صوت الموج حسيت بحج قعد جنبي فتحت عيني وبصيت وقولت بإستغراب وإبتسامة
إنت تاني
إتكلم من غير مايبوصلي ك عادته من ساعة ماعرفته وقال
شايفك بقيتي أحسن عن إمبارح
الإنسان ساعات بيبقي محتاج يطلع اللي جواه من كبت وأنا أكتر مكان بحب أفضي فيه الكبت بتاعي هو البحر ودايما باجي هنا وحاسة لما عيطت إمبارح وطلعت اللي جوايا إني أحسن بكتير عن إمبارح الحمدلله
الحمدلله والنهاردة جاية عشان تشوفيني
بصيت له بإستغراب من ثقته في نفسه وقولت بسخرية
وأشوفك ليه إنت مين أصلا
بصلي وأتكلم وهو بيبتسم أبتسامة جانبية
شاب وسيم خطفت قلبك ونظرك وجاية تشوفيني تاني
قولت بإستفزاز من طريقته وبإبتسانة سخرية
شايف نفسك علي إيه مش فاهمة
عشان مفيش مني إتنين
مغرور بس علي نفسك بقي وعلي الفاضي كمان
ياسلام!
رديت بثقة وقولت
أيوا طبعا
أتكلم بسخرية وغرور أكتر وبصلي وقال وهو مبتسم
طب بصي في عيني