وصيته ابويا بقلم هويدا زغلول

 

بالشكل دا احنا مش مصدقين ان كل دا يطلع منهم
الام
واكتر من كده يا ولاد انتم متعرفوش همه بيحبو العمي ولا يحبونو
انا كل الي انا عاوزاه انكم من النهار ملكوش دعوه بيهم كفايه الي عملوه لحد دلوقتي معايا
وساعتها احمد وقف وقال
احمد
اي الكلام الفريب الي انتي بتقوليه دا يا ماما لا طبعا انا مستحيل اسكت علي حاجه دي كده وانا هروح ليهم دلوقتي واخليهم عبره وانها مفكره انها ممكن توقع بنا بس هيه بتحلم
.وبيروح نازل
الام
يا احمد استني يا بني مينفغخش الي عاوز تعملو. دا
بالله عليكي يا هاله متسيبيش اخوكي
لا يعمل حاجه وساعتها نندم هو انتي مش شايفه شاكلو عامل الزاي
هاله
اهدي يا ماما وانا هعملك كل الي انتي عاوزاه وبروح نازله وراه وببص بلاقيه دخل البيت
بتفتح ليه سميه الي اول ما بتشوفو بتقول
سميه
احمد وهاله جايين في وقت زي دا ومع بعض في حاجه ولا اي
احمد بحده
انا عاوز افهم هو انتي عملتي كده ليه معقول بعد ما وقفنا معاكي في عزا عمي ودفناه في المقابر بتاعتنا يطلع منك كل دا واحنا الي وقفنا قدام امنا علشانك
سميه
اهدي بس يا احمد انا مش فاهمه من اي حاجه وانتي يا هاله فهميني اخوكي قصدو اي بالكلام دا
واول نا بتقول كده بيروح احمد مطلع الورقه وبيقول
احمد
انا مش فاهم هو انتي هتستفادي بايه لما عملتي كده وليه عاوزه نعمل مشكله مع ماما ليه
سميه
اي المكتوب في الورقه دي انا مش فاهمه حاجه يا بني والورقه فيها اي علشان تقول كده
احمد
الورقه مكتوب فيها ان لو ماما اتوفت متدفنش جنب بابا
وانا متاكد ان بابا مستحيل يكتب حاجه زي دي وبالذات هو كان بيحب ماما اد اي
سميه
اي

الكلام الغريب الي انت بتقولو دا يا بني والله انا ما اعرفش اي حاجه من الكلام الي انت بتقولو دا
هاله
يعني الكلام دا لو مش انتي هيكون مين الي عمل حاجه زي دي انا مبقتش فاهمه اي حاجه خالص
وبروح واخده احمد وبننزل
احمد
انا حاسس ان في حاجه غلط وان ماما مخبيه عننا حاجه بس اي هيه معرفش
هاله
وانا كمان بس لازم نفهم مين الي حط الورقه دي عند بابا احنا لازم نفهم اي الي بيحصل بالظبط
احمد
مفيش الا حل واحد هو التربي هو الي هيفهمنا كل حاجه
هاله
خلي الحوار ده لبكره ولو كده هنروح ولو كده نفهم كل حاجه قولت اي
احمد
عندك حق ولو كده انا هروح واشوف اي الي هيحصل وساعتها كل واحد بيروح علي بيتو
واول ما بوصل البيت عندي بلاقي صوت همس في اوضه النوم واول ما بقرب بسمع صوت شريف الي كان بيتكلم في الفوت وبيقول
شريف
انا موافق علي ان اتبرع بالكليه بس بالله عليك انا عاوز الفلوس في اقرب وقت انت عارف انا هعمل كده ليه
واول ما بسمع كده بدخل الاوضه بسرعه واول ما شريف بيشوفني الموبايل بيقع من ايدو
شريف
اي دا يا هاله هو انتي جيتي أمتي انا قولت ان انتي هتباتي عند مامتك النهارده مالك عامله تبصي ليا قووي كده ليه انتي كويسه
هاله
انا عاوزه افهم اي الي انا لسه سمعاه من شويه دا معقول انت يا شريف عاوز تعمل كده وعاوز تبيع كليتك اي الي حصل علشان توصل لكده
واول ما بقول كده بلاقي شريف انهار وقال
شريف
انا بعمل كل دا علشانك يا هاله.
هاله
هو انت هتجبها فيا ولا اي انا مطلبتش منك اي حاجه ولا انا بقا الشماعه الي كل حاجه ما تحصل ليك هتعلقها عليا
شريف
لا انا مش بعمل كده انتي عارفه كده كويس
وانا كنت عاوز اعمل كده من غير ما تعرفي بس الصدفه جيتي وانا بتكلم في الموبايل
انا بعمل كده علشان اغطي تكاليف الحقن انا عاوز افرحك وعاوز اخليكي تبقي ام
واول ما بسمع كده بلاقي دموعي نزلت وقولت
هاله
معقول انا كنت قاسيه معاك كده انا اسفه بس والله كان غصب عني مشاعر الامومه هيه الي كانت بتحركني
شريف
اهدي بالله عليكي انا مش عاوزك تشيلي نفسك ذنب الي حصل حصل متشغليش بالك وانا مش هرتاح الا لما تعملي الحقن اشوفك مبسوطه
هاله
لا طبعا انا مستحيل اعمل حاجه زي دي ولا اجي عليك علشان خاطر صحتك وانا مكبرتش يعني علشان ابقي مستعجله
واول ما نظير الفلوس ساعتها ابقي اعملها
بس كل الي انا عاوزاه تشيل فكره الكلي دي خالص لو انت فعلا بتحبني
واول ما بقول كده بلاقيه قعد يعيط
وفي الوقت دا في بيت ماما بتلاقي جرس الباب بيرن
الام
انا عارفه ان انا مش هخلص منهم النهارده الله يسامحك يا عباس علي الي عملتو معايا ومرمطط ولادك معاك كده
واول ما بتفتح بتتصدم وبتقول
الام
الله بخربيتك يا محروس انت جاي هنا تهبب اي في وقت زي دا هو مش الي بنا خلص عاوز مني اي
محروس
مالك يا هانم عملتي كده ليه اول ما شوفتيني وانا الي قولت اول ما هتشوفني مش هتصدق ان انا قدامها
الام
هو انت هتفضل تتكلم علي الباب كده ادخل بدل ما حد يشوفك ويروح يقول للولاد وساعتها هتبقي مشكله معايا
وبتروح مدخلاه
محروس
مالك يا روح الروح عامله كده ليه وانا الي قولت بعد ما المرحوم ما راح السكه فضيت لينا ونعمل الي احنا عاوزينو ومحدش هيقف ليما في الزور زي زمان
الام
محروس
معقول يكون سلفك هو الي قالو بس هو انتي مش عملتي ليه فضيحه وخليتي جوزك يقطعو
ويدات هانم تفتكر الي حصل
فلاش باااك
عباس واقف ولسه جاي مسافر راح قايل
عباس
انا كل الي عاوزو تخلي بالك من هاله واحمد ولو احتاجتي اي حاجه قولي ليا ولا لمحمد اخويا وهو يتصرف
هانم
ماشي يا حبيبي روح انت ومتشغلش بالك من حاجه احنا هنا كويسين متقلقش علينا
وبيروح سايبها عباس وبينزل وساعتها بيجي محروس
محروس
متعرفيش انتي كنتي وحشاني اد اي اخيرا الزفت الي انتي متجوزاه سافر بجد كنت مخنوق منو بشكل
هانم
كويس ان هو نزل لما كلمتو بدل ما كان الموضوع اتفقس
.وساعتها بتتصدم لما بتلاقي محمد وراها بيقول
محمد
معقول الي انا سمعتو منك دا انا هكلم اخويا واخليه يعرف حقيقتك وان هو متجوز واحده قليلة الاصل زيك
واول ما محروس بيسمع كده بيروح جاري بسرعه وساعتها هانم بتروح مصوته وبتقطع في هدومها
محمد
انتي اتجننتي اي الي انتي بتهببيه دا
هانم
هو انت لسه شوفت جنان انت بقا الي جبتو لنفسك وبتفضل تصرخ لحد ما الجيران بتطلع
معقول انت يا محمد عاوز تعمل معايا كده بقا دي الامانه الي اخوك سايبها ليك قبل ما يروح
حسبي الله ونعم الوكيل
محمد
هو انتي مفكره نفسك ان انتي لما تعملي كده مش هقول لاخويا علي الي سمعتو تبقي بتحلمي
هانم
هو انت مفكر جوزي الي بيحبني هيصدق واحد زيك برضو
وكويس ان قي ناس كتير شاهده علي الي عملتو
وانا لا انت يا محمد ان ما خليت عباس يقاطعك
ما ابقاش هانم واول ما محمد بيلاقي كده بيبص ليها بقرف وبيروح سايبها وبينزل
وبعدها بتكلم عباس وبتقول ليه الي حصل
عباس
بقا محمد يطلع
منو كل دا انا مش مصدق والله وبدل ما يرد غبتي يعمل كده
هانم بخبث
تصور شوفت بجاحه اكتر من كده
عباس
اهدي يا حبيبتي انا واثق ان انتي مستحيل تعملي كده