كيف تسرق قلبا بقلم زهرة الربيع

بجد انا ما اقدرش العب بقلبك زي ما انت بتعمل انا بحبك بجد وعلشان كده وقفت
يزن اتوتر وهو بيبصلها وقال اوعي تكوني بتضحكي عليا لان اللي عملتيه في
الحمام كفايه انا اعصابي باظت
جنات ابتسمت وقالت بدموع كل حاجه بعملها معاك بتبقى من قلبي حتى لو كنت قاصده بها حاجه تانيه
يزن بلع ريقه وبعد عنها وقال بارتباك بصي احم انا مش عايزك تزعلي مني في اللي هقوله بس انا وانت مستحيل يكون
في بنا حاجه اكتر من فهماني طبعا انا حاجه وانت حاجه احلامي وطموحاتي مختلفه انا غير وحيد اخويا هو معندوش مشكله يتجوز من اي مكان بس انا ليا افكار معينه و بص لها وقال بصدق صدقيني انتي جنه اتمنى اعيشها العمر كله بس بيني وبينك بس فهماني
جنات نزلت دموعها وهي بتبتسم بحسره وقالت فهماك انا عايشه نفس الوضع مع خطيبي وعارفه كده اللي زيي بالنسبه للي زيكم عشيقه في الضلمه وبس انا مش بقول لك عايزه منك حاجه هما شويه مشاعر في قلبي وقلتهم وخلاص انما انامخطوبه وهتجوز وانت ان شاء الله تلاقي بنت الحلال اللي هي من عيله ولها مركز يليق بيك
يزن قرب منها وبصل لعيونها بحزن وقال انا اسف اسف قوي سامحيني يمكن انا السبب في كده انا اللي لعبت بمشاعرك وخليتك تحسي اصلا بالمشاعر دي
جنات ابتسمت وهزت راسها بسرعه وقالت ابدا انت ما لكش دخل من اول ليله قابلتك ما قدرتش انساك حسيت انك حد مميز حد يدخل القلب من اول دقيقه اتمنيت اشوفك تاني مع اني كنت خاېفه وبعدين انا مبسوطه ما تقلقش نفسك انا مبسوطه قوي
كانت دموعها بس بتنزل وهي بتتكلم پألم ويزن اتملت 
بعدت عنه وهي بتمسح دموعها وقالت

ممكن لو تسمح اطلع اقعد على البحر
يزن اتنهد وقال انا كده كده هروحك ما فيش داعي تحاولي تمشي تاني
جنات ابتسمت وقالت انا مش عايزه اهرب بس عجبني الهوا وعايزه اقعد فيه شويه مخنوقه ممكن
يزن ابتسم وقال تمام وادها المفتاح وقال ا تفضلي
جنات طلعت وقعدت على الشط ونزلت رجليها في البحر وبقت ترسم على الرمل بحزن
يزن اتنهد وهو بيبص عليها من اطلالة البيت واتصل على محل لانهم من امبارح ما اكلوش حاجه طلب دليفري وطلع يقعد جنبها وقال طلبت لنا اكل
جنات ابتسمت وقالت انا اوقعه من الجوع يا سلام بقى لو يزود كاتشب بمۏت فيه
ضحك وبص لها باستغراب وقال انا بستغرب عليكي قوي كل حاجه معاكي ببساطه يعني ازاي تقدري علشان اختك تطلعي وتغامري وتدخلي مكان زي ده وسوري يعني تسرقي
جنات قالت وسوري ليه ما انا سرقتك
يزن ضحك وقال ايوه يعني ازاي تعملي كل ده وبعد كده يبقى الموضوع عادي و دلوقتي برده واحده مكانك المفروض تبقى زعلانه
جنات بصت له ورفعت حاجبها وقالت وابقى زعلانه ليه يمكن عليك شوف يا يزن احنا الستات ما عندناش مخ خالص لو عندنا مخ وبنفكر ولا نحب ولا نرتبط اصلا بصراحه ما تزعلش مني انتوا الغم والنكد بذاته بالذات لو انا ارتبطت بواحد زيك يا لهوي انا ممكن
اموت فيها
بقلم زهرة الربيع
يزن بصلها بزهول وقال ليه بقى ان شاء الله لكون

مش عاجبك
جنات قالت بضحك لا ما هو المشكله انك عاجبني يعني اللي زيك محتاج واحد يفضل يراقبه 24 ساعه لانك قمر ومزه كده في نفسك واي واحده هتشوفك هتيجي تدلق عليك على طول وطبعا بالغريزه انت هتدلق عليها زي ما حصل معانا البار كده
يزن ضحك جامد وقال يعني انتي اتدلقتي عليا
جنات بعدت شعرها
ورا ودنها وقالت بصراحه اه امال ايه اللي يخليني انقيك من وسط الرجاله اللي قاعده كلهم
يزن ابتسم وقال وايه بقى اللي عجبك فيا
جنات ضحكت وقالت قول ايه اللي معجبكش يعني انت مش شايف نفسك عيون اصفى من ميه النيل وملامح زي القمر وطول بعرض وجنتل حليوه قوي
يزن ابتسم بسعاده من كلامها بس اټصدم لما قالت من بره بس من جوه بقى يا ساتر يا رب
قاطعها بزهول وقال بس بس ايه ده ايه كل ده هو انتي تقولي حاجتين حلوين وتكري شريط سيئات خلاص جاتك نيله في لسانك
جنات ابتسمت وضړبت كتفها بكتفه وقالت ده ميمنعش انك قمور يعني
يزن ضحك على حركاتها وابتسم وقال هتوحشيني يا جنات كانو اجمل يومين عدو عليا
جنات لسه هترد جيه عامل التوصيل وجنات قالت انا بالنسبالي هشوف اذا كانوا اجمل يومين ولا لا على حسب حشو البيتزا
يزن ضحك واخذوا الاكل وبقوم ياكلو ويزن ضحكته ما فارقتش وشه من كلامها رغم الالم اللي جواها لاكن كانت مرحه جدا زي العاده وبتحاول تخبي اوجاعها ومش بتبينها ابدا
بعد شويه كانوا بيجهزوا وركبوا في العربيه هيمشوا وووو
يلااااا اقوى تفاااعل علشان نخلصها يا حلوااااات
بعد شويه كانوا بيجهزوا وركبوا في العربيه هيمشوا قالت بارتباك انت هتنزلني على اول الشارع عشان ما يشوفكش معايا وانا هتصرف بقى هقول لهم اي حاجه
يزن اتنهد بحزن وقال لو عايزاني اجي معاكي واقول لهم
جنات قالت بسرعه لا تقول لهم ايه انت متدخلش خالص عشان جوازه اختي تكمل على خير لو سمحت
يزن اتنهد وقال حاضر زي ما انت عايزه
اول ما وصلوا عند اول الشارع ابتسمت وقالت اشوفك في الفرح بقى
ولسه هتنزل مسك ايدها وقال هتوحشيني قوي اصلا حاسس انك وحشتيني من دلوقتي
جنات ارتبكت من كلامه ونظراته وقالت انا مش بحب لحظات الوادع دي مش بحب اعيط اصلا
يزن ابتسم وقال معاكي حق اصلا الدموع مش بتليق لعيونك العيون دي المفروض تضحك على طول
جنات ابتسمت وقالت اشوف وشك على خير
جنات نزلت ويزن حس بحزن شديد وهي بتمشي حس بقبضه في قلبه زي ما يكون عمره ما هيشوفها تاني واتفاجئ بدمعه نزلت على خدوده
مسحها باستغراب قد ما عرف بنات عمره ما نزلت دمعه منه اتمني لو يرجع 
جنات كمان قالت انها نزلت علشان ترمي الزباله وفيه جماعه خطڤوها فاكرينها واحده ثانيه ولما عرفوا انها مش هي سابوها كانوا اهلها مبسوطين جدا برجعتها ومهتموش اذا كان الكلام ده صحيح و لا لا 
بقلم زهرة الربيع
مر اسبوع وكانت جنات اتغيرت 180 درجه دايما قاعده في اوضتها لا بتهزر ولا بتتكلم حاسه بحزن شديد ودموعها ما بتنشفش ابدا على حظها اللي بيحرمها من اي حاجه حلوه بتتمناها
حتى يزن الجميع لاحظوا عليه شروده وقعدوا لوحده كان ديما يفكر فيها وكل شويه يفتكرها و يبتسم ويرجع يفتكر الكلام اللي قاله لها ويحس بالم شديد في قلبه
كان ياخد كل يوم عربيته ويطلع عند بيتها يقف بعيد علشان شوفها طالعه او نازله من بعيد بس ما كانتش

تنزل الفتره دي كلها
وجيه ميعاد الفرح وكان وحيد عريس زي القمر وبسمه كمان وكانو مبسوطين جدا عكس جنات اللي كانت لبست وجهزت وكانت عروسه زي القمر كمان بس ينقصها الضحكه كانت زعلانه جدا
مرات عمها قربت منها وقالت بدموع انا عارفه انكم ما بتحبونيش لاني عمري ما هكون ام ليكم ولا عرفت اعوضكم