ماذا لو عاد نادما بقلم اماني سيد
البارت الاول
رأفت متأكد إنك عايز ترجع مصر
مالك أه متأكد لازم أصلح الغلطه اللى غلطها زمان
رأفت تفتكر هى هتسامحك
مالك هيبقى صعب بس مش مستحيل
رأفت لما أنت بتحبها اوى كده كنت سبتها ليه من البداية
مالك عشان للأسف مكنتش أعرف انى بحبها عرفت لما بعدت اما فات الأوان
رأفت وهى بتحبك
مالك كنت كل حياتها استحملتنى واستحملت ظروفى عمرها محسستنى انى مقصر معاها أبدا طول الوقت كنت شايف انها مفروضه عليا بسبب امى لما كانت تقولى اتجوز بنت خلتك دى يتيمه ومالهاش غيرنا اتجوزتها وانا مڠصوب عشان ارضى امى
رأفت خلاص هروح احجز اقرب معاد وأرجع ابلغك
مالك روح يارأفت مستنيك
الأم يا حبيبي عبير دلوقتي امها ماټت وهى بقت عايشه لوحدها اتجوزها ولم لحمنا
مالك أنا زنبى ايه اتجوز واحده مبحبهاش
الأم هى بتحبك وهتخليك تحبها من حبها ليك
مالك انا مش بحبها ومستحيل احبها
الأم ليه مالها عبير بنت حلوه واخلاقها عاليه وشيلانى اوعى تكون فاهم ان معزتك فى قلبى اكتر منها والله أبدا عبير دى معزتها فى قلبى زيك بالظبطت دى بنتى اللى مخلفتهاش
مالك بس انا بحب واحده تانيه
الأم بتحب نورا صح بنت محمود الجزار البت المايعه دى سبحان الله عمرى ماحبتها
مالك انتى مش هتحبيها عشان عبير وكلالك دماغك
الأم طيب بص بقى يا ابن بطنى لو متجوزتش عبير وبعدت عن البت الملزقه دى صدقنى هغضب عليه فكر يا مالك براحتك وشوف مين عندك اهم
مر اسبوع ووالده مالك متجنباه نهائيا وأوقات كثيره تذهب لعبير لتبيت معها
أحس مالك بذنب كبير تجاه أمه ورضخ لطلبها مؤقتا ولكن داخله يعزم النيه على ترك عبير غى اقرب وقت والزواج من نورا فتلك المدلله تفهمه جيدا وتعرف كيف تدلله
ذهب مالك لوالدته وابلغها إنه يريد الزواج من عبير وبالفعل تمت الخطبه وكان يعاملها بجفاء تام ولكن حب عبير له كان يعميها عن معاملته لها وحب والده مالك يعوضها عن حنان امها
بعد شهر تم عقد القران والزواج
يوم زفافهم تعامل معها بكل قسوه كان يريد أن تنفر منه ولكنها لا تفقه شئ فلم تعرف ماذا تفعل كانت تهتم بالمنزل ووالدته وبطعامه وحريصه أن تفعل كل ما بوسعها لمراضاته
عبير مالك اصحى يا حبيبي حضرتلك الفطار
مالك هو انتى مابتفهميش قلتلك مېت مره يوم اجازتى متصحنيش عشان اتزفت
عبير بدموع بس خالتو لازم تاكل عشان معاد العلاج بتاعها والاكل طازه وسخن وحبيت انك تشاركنا
مالك وانا عايز انام اكليها ولما اصحى ابقى جهزيلى اكلى مش صعبه هى امشى بقى وسبينى انام
عبير حاضر يا مالك
ذهبت عبير تجر أزيال الخيبه والالم لما يعاملها مالك دائما پعنف وجفاء
احست خالتها بها وندمت كثيرا انها ضغطت على ابنها من الزواج من عبير فهى تحبها كابنتها مالك لم يعطى نفسه فرصه ليحبها ودائما نظرات خيبه الامل في عينيه تجاه أمه ونظرات الرجاء فى عين امه أن يتقى الله فى تلك اليتيمه
كانت خلال تلك الفتره تقوم عبير بعمل جمعيات لزوجها كى تدخر له أمواله ولم تضغط عليه فى مصاريفها لم تطلب منه شئ فوق استطاعته
بعد مرور عامين اصبح لدى مالك مبلغ من المال ويرجع الفضل لعبير الذى اصبح يعاملها بشكل أفضل لحد ما ولكن تظل نورا حبه الوحيد الذى يخطط بالزواج منها
تحدث بالفعل مالك مع نورا وابلغها ان الشركه التى يعمل بها لها فرع فى بلد آخر وانه سوف يتزوجها ويسافر ويترك عبير هنا مع امه كى لا تبقى امه بمفردها
فرحت نورا كثيرا وضغطت على والدها ان يوافق عليه
فى تلك الأثناء ازداد تعب والدته وتوفاها الله واخر ما دعت به ان يلين الله قلب مالك لعبير
حزن مالك كثيرا على فراق والدته وعجل فى اجراءات سفره ولم يبلغ عبير عن ما ينوى فعله بقى على موعد السفر شهر سوف يجهز نفسه ويسافر وسيكتفى بكتب كتاب دون علم عبير
هو اتخذ قراره ولم يطلقها وسوف يرسل لها النقود لكنه لم يطلقها ستظل زوجته وسيزورها فتره الاجازات
جهز مالك حقيبته وابلغ عبير بسفره
صدمت عبير كثيرا لكنه اقنعها انها يجب أن تتقبل الامر فهو يطمح فى مستقبل أفضل ويجب ان تدعمه
وبالفعل وافقت عبير مكرهه على فراقه
اخذ حقيبته ورحل ولكنه قام بحجز فندق قبل السفر باسبوع
حتى يستمتع بشهر عسل مع زوجته قبل السفر والهائه في العمل
بعد اسبوع سافر مالك وبدأ فى العمل فى الشركه وأصبح الراتب كبير وتكفلت الشركه بالمسكن والمواصلات
علمت عبير بزواج مالك من نورا حبيبته القديمه وعلمت بأمر سفرها مع زوجها
بكت عبير بكاء شديد كمن فقد أمه للتو لما يفعل معها كل هذا واثناء بكاءها احست بۏجع شديد اسفل بطنها استنجدت بالجيران واخذوها للطبيب وبارك لها الطبيب على حملها
سعدت عبير كثيرا بهذا الحمل لانها لم تعد وحيده وسيكون هذا الطفل مصدر قوتها ستنسى مالك وستعيش من دونه هو اختار وقد حسم الامر
كان يرسل لها مالك كل شهر مبلغ مالى كبير مع أحد أصدقائه وكانت
عبير ترفض ان تأخذ منه اى نقود كان هذا يغضب مالك كثيرا خاصه انها اغلقت الهاتف الخاص بها ولم يستطيع الحديث معها وكان صاحبه يبلغه دائما باخبارها عندما علم صديقه حمل عبير ورفضها فى معرفة مالك ساعدها فى ذلك ورفض ان يصبح همزه الوصل بينهم وجلب لعبير عمل في إحدى عيادات النساء والتوليد حتى تستطيع متابعه حملها وولادتها والعمل دون عائق
فى تلك الأحيان بدأ مالك فى فتح شركته وأصبح مشغول عن نورا زوجته التى كان يظن انه يحبها لكنه اكتشف أن العشره الطيبه هى التى تصنع حزن
فاق من شروده على صوت رأفت مستعجب من الدموع المتعلقه فى عين صديقه
مالك خير يا رأفت حجزت خلاص
رأفت اه خلاص حجزت كمان يومين تكون جهزت حاجتك نورا تعرف انك مسافر
مالك لأ هقولها
رأفت ماتقلقش بس لما ترجع هتعيش فين
نظر له مالك مطولا هو حقا لا يعلم اين سيجلس هل ستقبل به عبير مره اخرى أن يجلس في منزلها ام ستطرده ولن تتقبل وجوده على كلا سيغامر
البارت الثاني
كانت عبير تجلس تنظر في وجهه ابنها الذى يشبه والده شكلا وفعلا والده إلى الآن لم يعرف أن له ابن من صلبه فصديقه ساعدها على إخفاء امر حملها ولم يعرف مالك أن زوجته كانت حامل عندما تركها هو يستحق ذلك مر ست سنوات لم يأتى يوما لزيارتها هل كان يخجل منها او من نفسه لما فعله معها هى ستنسى أمره وفى الوقت المناسب سوف تنفصل عنه عندما تعلم له عنوان هى لم تحاول معرفه أى أخبار خاصه به حتى لا تضعف تجاهه
مالك حب طفولتها التى كانت دائما خالتها تقوى احساسها بالحب تجاهه إلى أن وصل بهما الأمر بالضغط عليه للزواج منها هى لم تعارض خالتها فيما كانت تفعله وكانت تهون على نفسها أن العشره ستجعله يقع فى حبها لكن للأسف لم تستطع أن تجعله يقع في حبها هى من وضعت نفسها تحت قدميه اعطت بسخاء دون مقابل هو دائما كان يرى نفسه المظلوم كانت
تعطى
هى ليشعر هو بالرضا مر سنتين على زواجهم أحيانا يكون عطوف وأحيانا يكون جاف خلال الفترة التى قضيتها معه لم اكن افهم ما سر تلك المعامله الجافه حتى ابلغتنى خالتى سبب ذلك الجفاء لمتها كثيرا لانها قامت بفرضى عليه الرجل بطبعه لا يحب ان يفرض عليه شئ مبالك بزوجه حاولت تعويضه أكثر لعلى وعسى اتمكن من جزء صغير فى قلبه لكن للأسف تأتى الرياح بما لا تشتهي السفن ونفذ ما يسعى إليه دائما وتزوج من نورا حبيبته السابقة والحاليه حزنت كثيرا على تهميشه لى أنا من وقفت بجانبه تحملت ما لا تتحمله امرأة اخرى لما الغدر وتركى بمفردى وحيده بكيت ودعوت الله واستجاب الله دعائى وعلمت بحملى اخفيت الموضوع على مالك هو لا يستحق ان يكون أبا هو من تركنى بمفردى احمل وحدى واربى وحدى ساعدنى صديقه كثيرا فى وجود عمل لى وتضليل من يبعثهم مالك للسؤال عنى فأنا اصبحت اعمل واربى ابنى واعيش حياه الى حد ما ميسوره لا يحزننى غير سؤال ابنى على مالك وانا اخبره دائما انه يعمل بالخارج
اتمنى عندما يكبر ابنى يسامحنى على كذبتى وحرمانه من أبيه
فى الجهه الاخرى عند مالك كانت يتحدث من نورا
مالك نورا اعملى حسابك كمان يومين هننزل مصر انا حجزت التزاكر
نورا بس انا مش عايزه انزل
مصر حد يسيب دبى وينزل مصر
مالك اه وكمان هعمل فرع ليا فى مصر يعمى هناك هبقى اقامه كامله مش بس زياره
نورا انت مخدتش رأيى ليه
مالك انا لما جيت هنا مخدتش رأيك انا بلغتك انى مسافر وانتى قولتى هتيجى معايا وبرضه دلوقتي ببلغك انى مسافر هتيجى معايا ولا عايزه تفضلى هنا
نورا خلاص يا مالك هاجى معاك بس هنعيش فين
مالك هتقعدى عند أهلك فتره لحد مالاقى مكان
نورا قامت وقفت وبصتله برفع حاجب
وانت بقى هتقعد فين
مالك احتمال بيت امى الله يرحمها
نورا اه قولتلى هى مش عبير عايشه فيه تقريبا
مالك وهى عبير دى مش مراتى
نورا وليه ماقعدش معاك أنا كمان
مالك وليه تقعدى معاها عندك بيت اهلك اقعدى معاهم كام يوم وبعدين أهلك ماوحشوكيش عشان تزوريهم
نورا بغيظ حاضر يا مالك وبنتك هتبقى مع مين
مالك معاكى يا نورا هسيبلك فلوس ليكى وليها ليه محسسانى انى رميكم فى الشارع
جهزى الشنط عندى مشاوير اليومين دول
نورا هقول للشغاله تجهزهم
مالك انا بقولك انتى جهزيهم مطلبتش منك تبلغى الشغاله والعاملات اللى هنا تديهم مرتب شهر كامل وتمشيهم فاهمه
نورا بضيق فاهمه فاهمه
خرج مالك من منزله واتجه لإحدى محلات المجوهرات واشترى طقم من الدهب كهدية لعبير وطلب من الصائغ عمل تصميم سلسال بها اسمها وان يرصعه بالماس وطلب منه ان ينهيه خلال يوم وسوف يدفه له اى مبلغ يريده رفض الصائغ فى البداية لضيق الوقت
ولكن مع إلحاح مالك وافق على تصميم السلسال الذى اعطاه مالك تصميمه
عند عبير قامت بعمل الغداء كروتين كل كل وقامت بإطعام ابنها وخدت له طعام فى علبه الغداء الخاصة به وتركته لجارتها وذهب بعد ذلك لعملها فى إحدى عيادات النساء والولاده
دخلت عليها دكتوره شيماء ووجدتها تراجع بعض الحسابات وتدون أسماء المرضى كما تفعل
شمياء عبير عامله ايه حبيبتي
عبير بخير يا دكتوره انا جهزت لحضرتك حسابات امبارح وكنت بظبط كشف باسماء الحوامل وخليت الكشف لواحده والاستشاره لوحدها زى مابعمل
شيماء بقولك يا عبير عندى ليكى خبر حلو أوى
عبير خير يا دكتوره اتفضلى
شمياء انتى عارفه من فتره انى هفتح مستشفى نسا وتوليد وأطفال صح
عبير اه حضرتك بلغتينى
شيماء انا لقيت المكان
ده صاحبه
جهزه
بس مش معاه السيولة عشان يكمل تجهيز انا من شهر عرضت عليه ادخل معاه كشريك واديله الفلوس اللى يكمل بيخا شراء الاجهزه وفعلا اشتراها ومضينا العقد وانا عايزاكى تمسكى الحسابات بتاعت المستشفى كلها بمعنى اصح تبقى مديره الحسابات انا مش هلاقى حد أأمنله اكتر منك يا عبير ها
وغير كده كمان شغلك هيكون بالنهار يعنى الوقت اللى ابنك هيكون فيه فى المدرسة او الحضانه بحيث لما تروحى تقضوا اليوم كله مع بعض ومرتبك هيبقى ضعفين هنا
ها قولت إيه
عبير بفرحه ودى فيها كلام طبعا موافقه
انا مش عارفه اشكرك ازاى
شيماء مافيش شكر انتى تستحقى ده بكره تجيبى ورقك وتيجى على المستشفى إسمها وهنا انا هدور على بنت تانيه تمسك العياده دى
عبير بكره باذن الله الصبح هتلاقينى هناك
اكملت عبير عملها وهى سعيده من داخلها فهى كثيرا كانت تشعر بالذنب من ترك ابنها بمفرده مع جارتها كانت تشعر بالتقصير اتجاهه ولكنها كانت تفعل ذلك لكى توفر له عيشه كريمه
فى اليوم التالى ذهب مالك لاستلام السلسال
وضع جميع ما اشتراه فى شنط سفر ووضعها فى سيارته حتى لا تراها نورا وتقوم بفتحها او تأخذ شيئا منه
لم يستطع مالك النوم من القلق لا يعلم كيف سيواجهها تلك المقابله لم يجرؤ عليها منذ أن سافر دائما يؤجل عودته لمصر بسبب خوفه من أن يقابلها ولكن عليه أن يعلم انها لم تاخذه وانه سيعانى كثيرا معها سيتحمل اى شئ ستفعله معه كما تحملته هى فى الماضى
مر يوم اخر وأتى وقت السفر الجميع استعد للسفر واستغربت نورا كثيرا من الشنط التى يحملها مالك ومن خوفه وحرصه الشديد عليها ذهبوا للمطار وكان فى انتظاره صاحبه
القديم عمر الذى كان يبعثه بالمال لزوجته تفاجئ عمر بقدوم مالك وذهب لاستقباله ولم يبلغ عبير لانه لم يتواصل معها منذ زمن منذ ان عملت فى عيادته شيماء إبنه خالته
استقبل عنر مالم بإشتياق فهو حقا اشتاق له وقاموا بإيصال نورا لمنزل اهلها ثم ذهبوا لمنزل عبير منذ ان ركب مالك الطياره وقلبه يقرع كالطبل لا يعلم لما ذلك الدق العڼيف داخله من القلق
توقف مالك مترددا فى الصعود لمنزله ولكنه اتخذ قراره أخيرا بالصعود لمنزله صعد مالك واصوات قلبه تزداد في الخفقان وخلفه عمر بباقى الشنط
دق مالك جرس الباب وسمع صوت طفل صغير من خلف الباب يسأل من بالخارج
صدم مالك من صوت الطفل واذداد خفقات قلبه ثم نظر لعمر ونظر عمر فى الارض استعجب مالك من تصرف عمر ولكنه دق الباب مره اخرى ففتحت له عبير نظرت عبير للطارق وجدته مالك ومعه عمر
البارت الثالث
عندما دق مالك الباب وسمع صوت الطفل نظر باستغراب لعمر ونظر عمر للأرض فصديقه سيعلم ما كان يخبئه عليه
دق مالك الباب مره اخرى ففتحت عبير الباب وهى ترتدى اسدال الصلاة
نظره عبير لمالك باستغراب وسالته مين حضرتك
نظر مالك لعبير بدهشه كبيره هى حقا لم تعد تعرفه لا لا مستحيل أن تنساه ثم نظرت عبير خلف مالك وجدت عمر يقف خلف مالك نظرت لعمر بابتسامه
عبير ازيك يا عمر عامل ايه مين ده صاحبك
عمر ازيك انتى يا عبير عامله
ايه
ده مالك يا عبير
جوزك
عبير أه مالك بس مالك ابن خالتى مش جوزى
مالك كان ينظر للطفل والشبه الكبير بينهم وتأكد ان هذا الطفل إبنه قام مالك بالدخول للمنزل ودلف عمر خلفه بالشنط هذا التصرف جعل عبير غاضبه جدا كيف له اقټحام منزلها بهذا الشكل
عبير انت فاكر نفسك مين عشان تدخل بالشكل ده
مالك ده بيتنا يا عبير وده ابنى اللى انتى خبتيه عنى ٦ سنين
عبير ضحكت بعلو صوتها وابنك بأماره ايه وايش عرفك أصلا أنه ابنك مايمكن ابن حد تانى
مالك بعصبيه عبير لو سمحت ماتقوليش كده
عبير نظرت لابنها ادخل جوه دلوقتي يا أنس
استجاب الطفل لوالدته ودخل
غرفته
عبير كنت بتقولى ايه بقى كده ابنك اه
بص يا ابن خالتى أنت مالكش اى ولاد عندى اللى بينك وبينه انه شايل اسمك لولا إنه حرام كنت اديته اسمى بدل اسمك
مالك ومش حرام إنك تخفى عنى حملك وان ليا طفل من صلبى
عبير انا ماخفتش إن ليك ابن انت اللى مسألتش انت اللى مهتمتش وسالت بالشكل الكافى انا كل الحى كان يعرف بحملى ويوم ولادتى الجيران كلهم وقفوا جمبى انا ماأخفتش حاجه حتى اهل مراتك كانوا عارفين ماتحسبنيش على نسيانك لينا وتقصيرك انت سامع انت روحت وعشت حيانك هناك واتجوزت قبل ماتسافر وعملت كل اللى انت عايزه ماتجيش تحملنى نتيجه اخطاءك
نظر مالك لعمر پغضب انت كنت تعرف
لم تنتظر عبير رد عمر واجابت بدلا منه
عبير لأ مايعرفش هو هيعرف منين الراجل كتر خيره جه كام مره بالملاليم بتاعتك وانا رجعته بيها هتحاسبه هو على تقصيرك انت ليه
مالك عبير انا حاولت اوصلك كتير انتى اللى رافضه اى وسيله اتصال بينا
عبير بدموع ست سنين يا مالك مهانش عليك فيهم تسيب شغلك وتنزل تشوفنى عايشه ولا مېته ست سنين يا بن خالتى مكنتش تعرف فيهم حاجه عنى ده مخلكش تقلق عليا وانت مش عارف توصل لاخبارى
مالك خلاص يا عبير أنا آسف انا جاى وعايز نكون أسره وهعوضك عن كل السنين اللى فاتت وهعوض ابنى كمان
عبير بص يا مالك انا الحمد عايشه عيشه كويسه وبشتغل شغل محترم يعنى مش محتجالك فى حاجة عايز تشوف ابنك مش هحرمك منه بس فى حاله واحده بس انك تطلقنى لانى كده كده مش معتبره نفسى متجوزه انما بقى لو مطلقتنيش اديك رجعت اهو هرفع عليه قضيه خلع وهكسبها على فكره بأقل مجهود ووقتها مش هخليك تشوف ابنك
مالك بس انا مش هطلقك يا عبير وهرجعك ليا تانى
عبير فوق يابن خالتى فوق لو انت مش واخد بالك فأنا مش عبير بنت خالتك الطيبه اللى زمان وقفت جمبك وكانت بتستحمل معملتك وتقول معلش عبير بنت خالتك دى ماټت يوم ما وفاء
جت وقالتلى جوزك طفش منك مع اختى ومش عايز يعرفك ويشوفك تانى جوزك طول عمره بيحب نورا وسايبك على زمته عشان خاطر وعده لامه اللى اجبرته عليكى وقتها انا بكيت عليك بس كان بكى على المېت يعنى انت بالنسبالى مېت والمېت مابيصحاش انت فاهم يعنى ايه يعنى من وانت بتقضى شهر عسلك هنا قبل ماتسافر انا كنت باخد عزاك فى قلبى
مالك پصدمه للدرجادى
عبير اه يا مالك للدرجادى واكتر لو تعرف كرهى ليك اد ايه مكنش هيبقى ليك عين تيجى تقف هنا قدامى تانى انا اهو بحلك من واعد امك وبقولك طلقنى عشان هخلعك
مالك بس انا مش هطلقك يا عبير وهفضل وراكى لحد ماترجعى
عبير يبقى انت اللى اخترت تبقى مخلوع اتفضل اطلع بره انا مش فاضيه
مالك دى شقتى يا عبير وهعيش معاكى فيها
عبير ابقى قولى شقتى بعد فتره الحضانه يلا اطلع بره
عبير من
خرج مالك من منزل عبير وهو يشعر بالتيه وكانت الدموع مجمده بعينيه نظر له عمر بشفقه ووضع يده على كتفه
مالك انا كويس
فتحت عبير بابها مره اخرى وقامت بالقاء الحقائب فى وجهه
عزيز النفس لا يشترى بالمال يا مالك واغلقت الباب مره اخرى خلفهم
مالك عمر انا عايز فندق اقعد فيه كام يوم لحد مالاقى شقه للبيع
عمر حاضر يا مالك طيب الشنط دى هتعمل فيها ايه اديها لمراتك بقى
مالك دى شنط عبير محدش هياخدها غيرها حتى لو الحاجه فضلت فيها عمرى كله ما هخرج حاجه لحد غيرها
عمر انت حر يا مالك بس هى طالبه الطلاق هتعمل ايه معاها
مالك مستحيل اطلقها
عمر ماهى هتخلعك كده
مالك هحاول امنعها لكن مش هقدر اطلقها يا عمر مستحيل
اخذ عمر مالك لفندق وجلس معه بعض الوقت ثم تركه وذهب لمنزله
جلس مالك يفكر هل سيأتى اليوم لتسامحه عبير ام هو حقا خسرها من قابلها لم تكن هى عبير التى تركها عبير كانت لا تناقشه او تجادله كانت تسانده دائما
تذكر مالك حديث عبير عندما قالت له ان وفاء هى من ابلغتها وتذكر حديث وفاء لها وبكى بكى من قلب ټحطم من خساره حبيب هو اكد عليهم قبل سفره ان لا يخبر احد عبير بشأن زواجه إذا لماذا ذهبت لها وفاء وقالت لها هذا الحديث
ست سنوات ست سنوات جعلتها امرأة اخرى نعم أنا استحق ما تفعله بى ولكن سأتحمل من اجلها كل شئ وتلك الوفاء سأحاسبها على مافعلته
فى الجهه الاخرى عند عبير ذهبت الى محامى يقطن معها فى نفس الحى وطلب منه رفه دعوى خلع من زوجها مالك
اخذ منها المحامى كافه التفاصيل وتركت عنوان أهل نورا
كى تذهب الدعوه إليه هى ستتركه وكفى ستذيقه مما أذاقها ستجعله يبكى كل يوم
لن اسامحك ابدا لن اشفع لك لن انظر لك كما نظرت لك سابقا فانت من جعلتني اقسى حيث كنت انا الارق لن اسامحك على كل هامش تركته بداخلي وإن اتيتني بثقل الارض ندما لن اسامح فهذا شخص انت من صنعته فلك مني ما رايته منك منقوله
فى اليوم التالى اتصلت نورا بمالك كثيرا ولكنه لم يجيب عليها ظنت نورا ان مالك يبيت عن عبير فقررت الذهاب لها واخذ ابنتها معها كى تكيدها
فى اخر اليوم ذهبت نورا لمنزل عبير وطرقت الباب فتحت عبير الباب فوجدت نورا ومعها ابنتها الصغيره التى تبلغ خمس سنوات
نظرت نورا لعبير باستحقار
نورا فين مالك روحى قوليله انى جيت
عايزه اعرف رايكم هل الصح ان عبير تبعد وتربى ابنها عن عز ابوه ولا تقف لنورا ند بند وتاخد حقها
البارت الجديد مكتوب نصه بس عايزه اعرف تخمينكم يهمنى ومدى ثقتكم فيا
البارت الرابع
ارتدت نورا اجمل الثياب واغلاها واقيم المجوهرات التى اقتنتها من دبى والبست ابنتها افخم الثياب وقررت
الذهاب لعبير ضرتها حتى تريها الفرق كيف هى اصبحت وكيف عبير اصبحت فتحت
عبير الباب وجدت نورا
امامها ومعها ابنتها نظرت نورا لعبير بتكبر واستحقار ونظرت للمنزل بتعالى واضح
فى تلك الأثناء قرر مالك الذهاب لمنزل نورا واهلها ومواجهتها لكن عندما ذهب اخبرته امها انها ذهبت لتراه فى منزل عبير لكى تطمئن عليه عندما وجدته لا
يجيب على هاتفه
خرج مالك
مسرعا من منزل أهل نورا متوجها لمنزل عبير
فى منزل عبير طرقت نورا الباب وقامت عبير بفتح الباب دلفت نورا للمنزل بتكبر
نورا روحى اندهى مالك
عبير ببرود روحى دورى عليه فى مكان تانى غلطتى في العنوان
نورا أوعى تفتكرى إنك ممكن تخبيه منى وأنى مش هعرف اوصله تبقى لسه هبله زى زمان
عبير مش محتاجه اخبيه لانى رميته وأنا لما برمى حاجه استحاله اوطى واجبها
اثناء حديثهم وصل مالك ووقف عند باب المنزل ليستمع لباقى حديثهم
نورا هههههههههههه ده الكلام اللى بتصبرى بيه نفسك يا حرام انا لو مكانك هقول لنفسى كده
الحقيقة إن مالك عمره ما حبك ولا هيحبك هو سايبك على زمته بس عشان خاطر ده طلب مامته حتى إبنه اللى من صلبه رفضوا عشان منك انتى بصى انا عامله ازاى وبنتى شكلها ايه ولابسه ايه غير الفيلا اللى كنا قاعدين فيها فى دبى كل ده وتقوليلى انتى اللى رمتيه معلش بقى يا عبير وسعت منك دى ولو انتى اللى رمتيه فعلا مااطلقتيش غيابى واتجوزتى غيره ليه عارفه ليه عشان يا حرام لسه شاغل قلبك بس
انتى مش فى بالوا أصلا بس يلا صدقه منى
هسيبهولك يومين يمكن يتقبل فيهم ابنه
عبير عارفه يا نورا أنا مش محتاجه ابررلك ولا حتى اقولك انا هحارب عشان ارجع مالك تانى لانه مايستهلش وانتى ماتستهليش أصلا انى اضيع وقتى فى الكلام معاكى خليكى عايشه في اوهامك وتخيلاتك بس انا مكنتش عارفه انى حراقه أوى كده عشان تكلفى نفسك وتلبسى وتجرى بنتك وراكى عشان بس تثبتيلى حب مالك ليكى ولما انتى واثقه اوى كده فى حبه جايه تحكيلى أد إيه حياتك كانت حلوه معاه
اديكى حكتيلى وادينى عرفت ها عايزانى بقى أعمل ايه
نورا عايزه يبقى عندك كرامة وتطلبى الطلاق منه وتسبيه خالص
هنا تدخل سريعا مالك يكفى ما سمعه ليتأكد من ظنونه وانهم هم من أبلغوا عبير بزواجه وانهم حقا كانوا يعلمون بحملها وانجابها واخفوا عنه ليست هى من اخفت عن الجميع كما ظنها حتى وإن اخفت ذلك هو يعطيها عذرها ويسامحها وتتمنى أن تعطيه الفرصة وتسمعه وتعلم ماحدث معه بالكامل
مالك نورا اخرصى خالص ولا كلمه زيادة
عبير لا بقولك ايه انت وهى انا مش عايزه الشو بتاعكم ده يبقى هنا فى بيتى ابنى نايم جوه ومش عايزاه يعرفكم كفايا اسئلته بتاعت امبارح اتفضلوا اطلعوا بره وكملوا كلامكم فى اى مكان تانى
مالك عبير أنا آسف عن كلام نورا
نورا بتتأسف على ايه المفروض هى اللى تتأسف هى اللى اخدتك منى زمان هى وأمك واجبروك عليها يا تتجوزها يا إما امك تغضب عليك فكروا بأنانيه ومش مهم قلبى وقلبك
عبير ياستى ربنا جمعكم اهو سبونى وامشوا بقى معنديش أى اهتمام اسمع اد ايه كنتوا بتحبوا بعض وقصت كفاحكم عشان تحافظوا على حبكم
ده مش فارق معايا
ڠضب مالك كثيرا من تصرف نورا لانها بهذا الشكل قامت بقطع
