المتوفيه كل ما ينزل عليها مايه بتتحول لاسمنت

راح مكنش ليا غيرها بس هي كانت بتكرهني وكانت علطول بتقول عليا اني فاشلة مع اني كنت اشطر واحده في المدرسة المهم انا كنت في يوم
فلاش باك
الام
انتي يابت انتي مش عايزة تقعدي من الدراسة انا خلاص تعبت ومبقتش عارفه اجيب لك منين اصرف عليكي
شرين
انتي بتاخدي معاش بابا الله يرحمة عشان تعليمي ياماما وكمان انتي مش محتاجة حاجة عشان تقولي اقعد من الدراسة
الام
ايوه هتقعدي من الدراسة ومش هتكملي يابت انتي عشان انا خلاص مبقتش قادرة على مصاريفك وقرفك
شرين
حرام عليكي انتي عايزة تحرميني من التعليم ليه مش كفايه كنتي السبب في موت ابويا ايوه انتي السبب انا مش ناسية اليوم اللي دخل عليكي وكان عماد ابن عمك في حضنك
الام بعصبيه
اخرسي يا قليلة الادب ايه الكلام اللي انتي بتقوليه ده انتي اتجننتي ولا ايه
شرين
انا متجننتش يا ماما انا عارفه وفاهمة وواعيه لكل حاجة انتي عملتيها اي نعم انا وقتها كان عمري 8 سنين يعني كنت عارفه كل حاجة ومكنتش هبله ولا عيله صغيره اوي عشان تستعبطيني انتي وعماد ابن عمك
الام
اسكتي يا شرين متكمليش انا مش عايزة اسمع صوتك خالص
شرين
ماشي انا هسكت وانتي كمان تسكتي ومتفكريش في موضوع اني اطلع من التعليم دي اوعي تفكري تخرجيني انتي سامعه ولا لا
وبعدها كانت شرين بتروح المدرسة وكانت في الثانوية العامة وكانت اشطر واحده في أصحابها وفي يوم قابلها المدرس بتاعها وقال لها
عامله ايه ياشرين اسمعي انتي لو عايزاني اشرح لك اي حاجة قولي لي لو في حاجة واقفه قصادك وانا هشرح لك علطول اللي انتي عايزاه
شرين
شكرا يامستر خالد انا مش عارفه اقول لحضرتك ايه الصراحة والله ده انت كده كتر خيرك
خالد
انا تحت امرك يا شرين وبعدين انا بعزك جدا انتي متعرفيش غلاوتك عندي ولا ايه انتي غاليه اوي ياشرين اقولك على حاجة انتي اجمل بنت هنا في الدرس عشان كده انا عايزك اي حاجة تعوزيها تيجي تطلبيها مني علطول
شرين
حاضر يامستر خالد عن اذنك بقا عشان انا كده هتأخر على البيت وماما كده هتقلق عليا عن اذنك
خالد
طيب خلي بالك من نفسك ياشرين اوعي حد يعاكسك وانتي ماشية
وفضلت شرين تكلم خالد وتتصل بيه وهو كمان لحد لما اتعلقت بيه اوي وقال لها
اظن دلوقتي بقا اقدر اجي اتقدم لك ومامتك مش هترفض صح
شرين
مش عارفه ياخالد بس انا عايزة اعرفها الأول وبعدين اقولك تيجي تتقدم لها امتى
خالد
خلاص انا هستنا منك الرد بس بسرعه ياقلبي انتي عارفه انا مش قادر اصبر اد ايه على بعدك انا الصراحة محتاج لك اوي معايا
شرين
انا كمان محتاجة لك يا خالد انت متعرفش البنات بتحسدني عليك ازاى البنات بتقولي يابختك ان مستر خالد بجلاله قدرة بيحبك
خالد
انتي قولتي لهم ليه بس ياشرين انا مش عايز حد يتكلم عليكي نص كلمه
شرين
متقلقش ياحبيبي محدش هيقدر يتكلم عليا ويقول حاجة بالعكس دول بيتمنو انهم يبقو مكاني كده
خالد
بس انا مفيش واحده تملي عيوني غيرك انتي وبس
وعدت الايام وراح خالد عند ام شرين وقال لها
انا معجب بشريني وعايز اطلب ايديها انا عارف ان حضرتك ممكن تقولي انها لسه هتكمل علامها وكده وانا بصراحة مش مستعجل اننا نتجوز دلوقتي احنا ممكن نتخطب وبعدين نتجوز
الام بصت لخالد باعجاب وقالت له
بس مش شايف ان شرين صغيرة اوي عليك وبعدين دي بت هبلة مش عارفه حاجة دي مش بتعرف تسلق بيضة حتى
خالد
ههههه خلاص انا هعملها الطبخ وبعدين هي مين يعني اللي كانت متعلمة الطبخ ما اكيد كلكم اتجوزتو وانتو مش بتعرفو تعملو حاجة
الام
فشررر طب ده انا عليا اكل محدش يعرف يعمله ابدا تحب تدوق يامستر
خالد
ههههه انا متشكر لحضرتك جدا والله احم دلوقتي بقا حضرتك رايك فيا ايه يامدام سوسن
سوسن
والله يا استاذ خالد انا مش شايفه فيك اي عيب خالص واكيد اي واحدة تتمناك انا بقا عايزة اعرف بنتي هتعيش فين عشان انا كان نفسي يعني يبقا ليها مكان كويس
خالد
إن شاء الله انا عندي بيت ملكي هي هتعيش معايا فيه متقلقيش عليها انا هحط شرين دي جوه عنيا ايه رأيك نقرا الفاتحة بقا
وبعدها قروا فاتحة شرين وهي كانت فرحانة بعكس امها اللي كانت متغاظة اوي ومكنتش مبسوطة خالص بالجوازة دي وفضلت على كده لحد في يوم ما بعتت لخالد وقالت له
تعالي ياخالد الحقني انا تعبانة اوي ومحتاجة لحد جنبي
خالد
في ايه يا طنط سوسن مالك بس ايه اللي حصل لك وهي شرين مش عندك ولا ايه
سوسن
لا شرين مش موجوده دي خرجت من بدري يامستر معرفش راحت فين والفون بتاعها مقفول الحقني ارجوك ياخالد
وراح خالد بسرعه وكانت سوسن لبسه لبس ضيق عليها ودخل خالد وقالت له
تعالي ادخل انا حاسة بدوخة ومش عارفة مالي كده
خالد بس لجسمها وقال لها
احم هو حضرتك تعبتي من ايه هو في حد زعلك ولا ايه اوعي تكون شرين مزعلاكي
سوسن
شرين دي هي اللي تعباني ومعاليه عليا الضغط اوي وبتخليني دايما تعبانة ياخالد
خالد
ليه ياطنط هي عملت لك ايه
سوسن
مابلاش طنط وخليها سوسن بس هو انا يعني كبير ولا انا كبيرة قولي ياسوسن بس انا بحيةب اسم سوسن بس اقولك قولي يا سوسو
خالد
ههههه كمان اقولك يا سوسو بس كده شرين تزعل مني على فكرة لو انا قولت لك ياسوسو دي
سوسن
وهو انت يهمك زعلها اوي على فكرة انا مش عارفه انت عجبك فيها ايه البت المعصعصة دي انا الصراحة مستخسراك فيها انت ايه رايك 
خالد
احم اااا انا لازم امشي دلوقتي حالا عن اذن
وجه يمشي خالد وسوسن قالت له
استني ياخالد رايح فين استني بس هاقولك على حاجة وراحت اترمت عليه وفي الوقت ده دخلت شرين وقالت لها
ايه اللي بيحصل ده في ايه
خالد
والله ياشرين مافي حاجة حصلت اصل مامتك كانت ااا.
وقبل ما يكمل كلامه شرين قالت له
كانت ايه ها مش كده برضو منك لله انت وهي وانتي حرام عليكي مش كفايه اللي عملتيه في ابويا عايزة ايه من خطيبي انتي كمان طمعانة فيه
سوسن
اخرسي يا قليلة الادب انتي انتي هاتطولي لسانك عليا تاني انا مش هسكت لك تاني انتي سامعه ولا لا
شرين
هتعملي ايه يعني هاا عايزة تعملي فيا ايه تاني ابعدي عني انا بكرهك ومش عايزة اشوف وشك تاني وانت يا استاذ يامحترم انا مش عايزة اتجوزك انت خاين
قالت كلامها ليهم ودخلت اوضتها وخالد قال لها
استني بس ياشرين ارجوكي اسمعيني انا معملتش حاجة والله ياشرين ارجوكي اسمعيني
سوسن
سيبك منها يا خالد دي بت وش فقر انا عايزاك ليا انا ياخالد انا وانت نتجوز وهخليك تعيش ملك زمانك بس انت وافق بس
خالد فضل يبص عليها لأنها حلوه واحلى من شرين وبدأ يفكر وقال لها
طيب وشرين دي كده ممكن تجرسنا في كل مكان
سوسن
ولا تقدر تعمل اي حاجة دي بت بوق على الفاضي انا هطردها من هنا واخليها تمشي خالص اقولك انا هبعتها تقعد فوق السطوح في اوضة فوق
خالد
وتفتكري يعني هي هترضي بكده يا سوسن انا ماظنش انها هتسكت لا لا بلاش ياما نتجوز بعيد عنها خالص
سوسن
لا