المتوفيه كل ما ينزل عليها مايه بتتحول لاسمنت

المغسلة
انا ام احمد المغسلة طبعا عارفني كويس انا النهاردة جايبه لكم حكاية غريبة جدا بس قبل ما نبدأ الحكاية تعالو اقولكم على اللي حصل لما كانو بيدفنو الدجال اللي كان ساكن في المنطقة اللي جنبنا
شيماء
سمعتي اللي حصل ياخالتي ام احمد ده الناس ملهاش سيرة غير اللي حصل للدجال الله يرحمة اللي اسمه عطية
ام احمد
ايه اللي حصل يابت يا شيماء قولي لي في حاجة جامده يعني ولا ايه
شيماء
اومال ايه ده بيقول انهم كل ما يروحو عند القبر بتاعه بيلاقوه عليه تعابين اللهم احفظنا وقال ايه بيطلع منه ريحة وحشة اوي
ام احمد
ياساتر يارب لا حول ولا قوة الا بالله العلي العظيم ربنا يحسن ختامنا جميعا يارب
شيماء
هو من اعماله المنيلة وهو جرا له اللى جرا ده يلا متجوزش علية غير الرحمة بقا
ام احمد
بقولك ايه سيبك من الكلام ده وجهزي نفسك الصبح عشان رايحين المشرحة عندنا شغل غسل هناك
شيماء
ليه ياخالتي لم احمد هو احنا هنرجع تاني للمشرحة ماكان كفايه علينا الشغل بتاعنا وخلاص ايه اللي هيودينا المشرحة
ام احمد
يابنتي وماله اهو ينوبنا ثواب في الشغل ده ياشيماء انتي يابت شكلك كده مش عايزة تشتغلي اصلا راجعة من الاجازة بتاعتك دي مكسلة صح
شيماء
هو في احلى من الراحة ياخالتي ام احمد طب ده انا نفسي أفضل طول عمري قاعده كدة معملش حاجة خالص بس لوما الظروف بقا
ام احمد
معلش ياحبيبتي بكرة ربنا يعوضك بالي يسعدك ويخليكي ترتاحي ومتحاجيش لحد ابدا
شيماء
لا والنبي يا خالتي ام احمد انا كفايه عليا كده تجربة واحده مش عايزة اجري تاني واتجوز تاني هو انا يعني هلاقي صحتي فين انا لا انا كده عايشة حياتي
ام احمد
يابنتي هي

الواحده ليها انها تلاقي واحد يحن عليها ويخليها مش محتاجة حاجة ربنا يرزقك ياشيماء
شيماء
بقولك ايه هو انتي مش جعانة انا هاقوم اعمل اكل ماشي هعمل حسابك معايا
ودخلت شيماء المطبخ وانا قولت لنفسي
ربنا يكرمك ويسعدك ويعوضك خير عم اللي شوفتيه يارب العالمين
وعدت الايام وانا بقيت اشتغل انا وشيماء ونروح ونرجع ورحنا المشرحة وفي يوم نمت بالليل وشوفت واحده شكلها غريب جايه بتقولي
الحقيني انتي لازم تساعدني خلصيني من اللي انا فيه
ام احمد
بسم الله الرحمن الرحيم انتي مين وجايه هنا ليه وعايزة مني ايه
هي
انا عايزاكي تعرفي مكاني وتخلصيني من اللي انا فيه تعرفيها اني مسمحاها
ام احمد
هي مين دي اللي انتي مسمحاها تطلع مين يعني
هي
متستعجليش هتعرفيها انا بس عايزاكي توصلي لها الرساله دي وتقولي لها امك مش زعلانة منك هي عارفه ان اللي حصل كان غصب عنك ولازم تقولي مكاني فين عشان ندفن انا وهي مع بعض
ام احمدانا مش فاهمة منك ولا عارفاكي انتي مين عشان اعرف انفذ لك طلبك اللي انتي عايزاه ده
هي
قولت لك هتعرفي كل حاجة متستعجليش يا ام احمد انا مش عايزاكي تستعجلي ابدا انا همشي بقا
ولقيت شيماء بتصحيني وبتقولي
خالتي ام احمد يا خالتي اصحى انتي بتحلمي ولا ايه يا خالتي ام احمد
ام حمد بخضة
بسم الله الرحمن الرحيم ايه يابت في ايه انتي بتصحيني كده ليه يا شيماء عايزة ايه يابت انتي
شيماء
الله جرا ايه ياخالتي ام احمد انا يعني الحق عليا اني صحيتك وانتي عماله بتزعقي وتقولي انتي مين وعايزة مني ايه انتي مين انتي مين
ام احمد
انا قولت كده يابت
شيماء
ايوه والله انتي كنتي عماله تعملي كده
ام احمد
طيب يلا بينا على الشغل ياختي يلا بينا وربنا يستر انا مش مرتاحة النهاردة مش عارفه مالي كده
شيماء
ياخالتي هو انتي اللي يشوف وشك السمح ده يقلق من ايه حاجة في الدنيا طب والنبي انتي زي العسل ياخالتي ام احمد وانا بحبك اوي هاتي بوسة بقا
ام احمد
يووه كاتك ايه ياشيماء انتي بت مشكلة والله الله يخربيت عقلك ههههه
وفي الوقت ده جالي تليفون برقم نبوية المغسلة اللي بتشتغل زينا وقالت لي
ازيك يا ام احمد بالله عليكي انا عايزاكي تنجديني ياختي
ام احمد
في ايه يانبوية مالك يا بنتي صوتك قلقني كده انتي في حاجة حصلت معاكي ولا ايه
نبوية
ايوه يا ام احمد انا مش عارفه اغسل الجثة اللي معايا دي انا مش عارف كل لما اجي استخدم المايه يحصل لها ايه انا تعبت من الشغلانة دي
ام احمد
استهدي بالله كده واشرحي لي في ايه
نبوية بتتكلم وهي خايفه وقالت
الست اللي انا بغسلها دي شابه صغيرة مش صغيرة اوي يعني بس شابه ياختي لسه متجوزتش انا كل لما اجي اجيب مايه عشان اغسلها المايه تتحول لاسمنت
ام احمد باستغراب
اسمنت ازاى يعني يا نبوية قول كلام غير ده يابنتي انتي بتخرفي ولا ايه
نبوية
والله ياست ام احمد زي ما بقولك كده بالظبط حتى هاتي بعضك وتعالي على هنا انشالله يخليكي ياحجة ام احمد عشان مفيش حد هيعرف سرها ايه غيرك انتي
ام احمد
طيب يا نبوية انا هاقوم اجي لك ابعتي لي العنوان بالظبط اللي انتي موجودة فيه
وبعدها قفلت معاها وشيماء قالت لي
هو في ايه ياخالتي ام احمد هو احنا مش هنروح المشرحة ولا ايه مش احنا عندنا شغل هناك
ام احمد
لا مش هنروح المشرحة وهنروح مكان تاني البت نبوية بتقول في حاجة غريبة بتحصل عايزاني اروح عشان اشوف ايه الحكايه دي واعرف في ايه يلا بينا
ومشيت روحت المكان اللي قالت لي عليه نبوية وهناك قابلتها وقالت لي
تعالي يا حجة ام احمد شوفي المصيبة دي ياختي انا مش عارفه ده اللي بيحصل لنا ده بس
ام احمد
طيب هي محدش قالك هي عملت ايه او كانت بتعمل ايه يابنتي هي معقوله تكون عملت حاجة وحشة
لقيت نبوية بتتكلم بصوت واطي وقالت
البت دي اصلا رمت نفسها من البلكونة ومحدش عارف هي عملت كده ليه وبعدين الناس بتقول انها كانت بتنضف السجاد ووقعت
ام احمد
لا حول ولا قوة الا بالله العلي العظيم طيب وانتي عرفتي منين انها انتحرت يا نبوية
نبوية
ماهي خالتها هي اللي قالت لي بس قالت لي مقولش لحد انها انتحرت عشان مايدخلوش في سين وجيم وانتي عارفه بقا اللي فيها
ام احمد
طيب دخليني عندها يا نبوية خليني اشوف في ايه وحكايتها ايه دي يابنتي يلا
ودخلت عند المتوفيه وقولت لها
سلام عليكم ورحمة الله وبركاته انتي ايه حكايتك بقا يابنتي بالظبط
لقيتها قامت وفضلت تعيط جامد وتقولي
امي امي الحقيها امي
ام احمد
مالها امك يابنتي بس هو في ايه وبعدين هي اسمها عشان اشوفها لك وهي فين اصلا
هي
امي راحت اصلا من زمان انا اللي عايشة على ذكراها بس مكنتش اعرف انها هترجع وتنتقم مني كده
ام احمد
تنتقم منك ازاى يابنتي
هي
ما هي اللي زقتني ووقعتني من البلكونة ايوه هي انا شوفتها بعنيا دول
ام احمد
يعني امك هتزقك ليه يا بنتي بس هو انتي عملتي ايه عشان هي تزقك
هي
انا حكي لك كل حاجة عشان تعرفي مكانها وكمان عشان تخلصيها من اللي هي فيه كفايه اللي حصل واللي انا عملتة فيها اللي مش عارفة ربنا هيغفرلي ازاى
ام احمد
انتي ايه حكايتك يابنتي انتي احكي لي
هي اتكلمت وقالت انا أسمي شرين عندي 24 سنه ولسه متجوزتش كنت عايشة مع امي بعد ابويا ما