غراب كشفلي سر اللي بتعمله حماتي في شعر بنتي

من الغريب والخير يجيلما كلنا
فضل بغضب
انتي لولا انك امي انا كنت بلغت عنك انا مستحيل اسكت عن اللي بتعمليه في بنتي ده انتي فاهمه 
سميحه بدموع
اخص عليك ية ابني هتبهدل امك علي اخرة الزمن هتخليني اتحط في دار مسنين ولا اتحبس وانا في العمر ده 
فضل
يبقي تبطلي اللي انتي بتعمليه ده وبنتي وانا مش هخليها تنزل عندك خالص وعشان خاطر ربنا هخلي مراتي تنزل تعملك شغل البيت هنا وتطلع تاني بس ورحمة ابويا يا امي لو عرفت انك رجعتي تعمل الحاجات دي تاني اللي تغضب ربنا وقتها انا مش هسكت 
واخد هاجر وطلع عندي فوق وزعق فيها قدامي وقالها 
فضل
اوعي يا بت انتي تنزلي تحت تاني لوحدك وانتي يا منال البت ما تنزلش الشارع لوحدها 
منال
طيب فهمني يا اخويا عملت ايه البنت عشان تعاقبها كده
فضل
اهو انا قولت كده وخلاص يا منال وانزلي يلا عند امي شوفي هتعملي عندها ايه يلاا 
منال
حاضر بس بالراحه علي البت 
فضل
انزلي يا منال يلا واسمعي الكلام 
ونزلت فعلا وهو اخد البنت الحمام وبدأ يفك الحاجات اللي مربوطه في شعرها ويغسله ليها وقال وهو بيعيط 
فضل
حقك عليا يا حبيبتي انا مش هخليها تعملك حاجه تاني مش هسمح لحد يأذيكي انتي واخواتك تاني حتي لو كان التمن روحي وشالها ودخلها اوضتها 
فضل
ياارب احمي ولادي من اي شر انا بتعب وبيطلع عيني بس عمري ما هدخل عليهم قرش حرام بس احميهم ليا يااارب 
وعدي اليوم وانا كنت بحاول افهم من التلاته جوزي وبنتي وحماتي حصل ايه بس ما حدش قالي حاجه وتاني يوم الصبح نزلت عند حماتي وقولتلها 
منال
قوليلي يا ماما اللي انتي عايزاه عشان اعمله ليكي بسرعه قبل ما اطلع فوق 
سميحه بحزن
لا لا انا مش عايزه منكم حاجه اطلعي فوق وسبيني لوحدي يلاا 
منال
ليه كده بس يا ماما هو انا ولا فضل قصرنا معاكي في حاجه 
سميحه
ايوه انا بحب البت هاجر وعايزاها تفضل قااعده معايا وتونسني انتو ليه اخدتوها مني 
منال
ما انا مش عارفه يا ماما فضل عما كده ليه طيب انا عندي الحل ما تيجي انتي وتقعدي معانا فوق 
سميحه
لا لا انا مش عايزه اسيب شقتي انتي بس ابعتيلي هاجر تقعد معايا شويه بس ما تقوليش لفضل وقبل ما هو يرجع من الشغل انا هبعتهالك عشان خاطري يا بنتي 
منال
حاضر يا ماما بس ما تزعليش انتي وانا هنزلها ليكي كل يوم تقعد معاكي شويه 
وبقيت فعلا بنزلها تقعد مع حماتي من غير ما فضل جوزي يعرف وانا ما كنتش اعرف اللي بتعنله فيها حماتي وفي يوم قعدت مع جوزي بالليل وقولتله 
منال
بقولك ايه يا اخويا ما تخلي البت هاجر تنزل تقعد مع امك تحت شويه 
فضل بعصبيه
لا طبعا واياكي يا منال تخلي البنت تنزل عند امي تاني فاهمه ابقي خديها معاكي وانتي تحت والبت تطلع في ايدك وانتي طالعه 
منال
طيب وليه كل ده يا حبيبي هو انت خايف من امك علي البنت ولا ايه 
فضل بحده
بقولك ايه يا منال نامي انا مش ناقص رغي ومش عايز اسمع صوتك يلاااا
وعدي كام يوم وفي يوم كنت واقفه في المطبخ وسمعت صوت خبط جامد علي الباب روحت فتحت ولقيت واحد من سكان الحاره بيقولي 
الولد
الحقي يا ام اياااد بنتك في غراب نقر دماغها واتفتحت ومغمي عليها في الشارع تحت 
منال بصدمه
انت بتقول ايييه بنتي ياااالهوي بنتي 
ونزلت لقيت بنتي فعلا واقعه في الشارع وبسرعه نقلوها علي المستشفي وجه وانا هناك فضل اللي سالني وقال 
فضل بخوف
مالها البنت حصل ايه يا منال وايه اللي نزلها الشارع 
منال ببكاء
امك السبب فضل تعيط وقالت عايزاها تونسها وانا نزلتها وو والبت كان في راسها وسط شعرها عمل معمول بحاجات ريحتها وحشه خلت الغراب نزل من فوق واكل راس البنت 
فضل بدموع
عشان سكت علي الاذي امي كانت بتأذي الناس وانا سكت وربنا ابتلاني في بنتي 
منال ببكاء
انا مش فاهمه حاجه يا فضل فهمني ايه الموضوع 
فضل
الغراب هو اللي كشف سر اللي بتعمله امي في شعر بنتي الغراب احسن مني كشل تلحقيقه وانا كنت شيطان واخرس وسكت 
منال
في ايه يا فضل مالك ايه اللي بتقولو ده 
فضل
هفهمك انا امي بتعمل اعمال وبتأذي الناس وبتخرب حياتهم وكانت بتبعت الاعمال اللي بتعملها لبيت جابر وسعاد في شعر بنتك عشان ما حدش يشك فيهم وكانو بيستغلو شعر بنتك انهم يكملو الاعمال بتاعتهم دي وانا لما عرفت سكت والنتيجه بنتي اهي بتروح مني 
منال ببكاء
استغفر الله العظيم ياارب نجيني انا وولادي ياارب احنا ما بنعملش حاجه وحشه ياارب احميني واحمي بيتي من شرها 
وسابني فعلا فضل من قبل ما يطمن علي بنته راح وبلغ بكل حاجه وجم فتشو عند حماتي ولقيو عندها عضم وحاجات من بتاعت الاسحار وقبضو عليها وراحلها فضل القسم وقابلها وقال 
فضل
ليه عملتي كده يا امي 
سميحه
بلغت عن امك عملت كده في امك منك لله قلبي وربي غضبانين عليك 
فضل
هو انتب تعرفي ربنا اصلا ربنا يا امي قال اطيع ابويا وامي في كل حاجه الا الشرك بالله واللي انتي عملتيه ده شرك وكفر كمان وانا كنت لازم احمي الناس منك ومن شرك اللي طال بنتي 
سميحه
طيب امشي من هنا انا مش عايزه اشوفك 
الظابط
اتفضل يا استاذ فضل من هنا وهي هتاخد جزلءها هي وكل اللي كان بيساعدها 
فضل
همشي يا امي بس ارجعي لربنا وتوبي لله وانا هفضل ادعي ان ربنا يسامحك 
وطلع من عندها فضل وجه المستشفي وكانت بنتي فاقت وانا جنبيها وفضل قعد جنبيها وباس ايدها وقال 
فضل
الف سلامه عليكي يا اميرة ابوكي 
هاجر
بابا هي تيته زعلت مني عشان ما سمعتش كلامها 
فضل
لا يا حبيبتي هي اصلا سافرت ولما هترجع مش هكون زعلانه منم المهم انتي انسي كل اللي حصل وفكري بس في مدرستك ومذاكرتك 
منال
هو حصل ايه
يا فضى انا مش فاهمه حاجه 
فضل
الحمد لله علي كل حال يا حبيبتي المهم ان الواحد يريح ضميره ويعمل اللي يرضي ربنا وربنا بعد ما اظهرت الحق شفالي بنتي 
منال
الحمد لله يا فضل وربنا كبير يا اخويا المهم نحافظ علي ولادنا ونكبرهم بالحلال عشان ربنا يباركلنا فيهم 
فضل
تعرفي انا لقيت ان امي مخبيه فلوس كتير في بيتها وطلعت كلها بتاعت الاعمال انا مش فاهم ايه حبها في الفلوس ده 
منال
ده مرض وابتلاء من ربنا عدم رضا باللي ربنا كرمها بيه بالحلال ادعيلها بس والفلوس دي تبرع بيها لحاجه لوجه الله واحنا ربنا يغنينا بالحلال 
حضن فضل بنتن وقال
ياارب يا حبيبتي ياارب يلا بينا بقي نروح عشان الولاد اللي عند الجيران ما يقعدوش لوحدهم اكتر من كده 
ومشيت فعلا انا وهو ورجعنا بيتنا وحياتنا بقيت افضل وحماتي كملت باقي عمرها لحد ما قابلت وجه رب كريم في السجن 
وبكدا خلصت حكايتنا النهارده