طلاق مع إيقاف التنفيذ ج 1 حكـايات مني السيد حصري

لمحة نيوز


إن فيه ناس حواليكي طمعانين فيكي، عشان كده وصاني إني ما أعلنش عن الوصية في العزا، وأسلمك نصيبك في السر الأول لحد ما تطمني على وضعك.
الأستاذة أمل فتحت نوتة قدامها وقالت بتركيز خلينا نرتب أوراقنا بالورقة والقلم. إحنا قدامنا أربع جرائم مكتملة الأركان، وكل چريمة فيهم توديهم ورا الشمس أولاً تزوير في محرر رسمي، وهو قسيمة الطلاق اللي تمت من ٨ شهور بتوقيع مزور ليكي، وشهادة زور من حسام جوز أختك، وتواطؤ موظف في السجل المدني أو مأذون. دي لوحدها جناية تزوير عقوبتها السچن المشدد! ثانياً الاستيلاء على أموالك في الحساب المشترك. صحيح الحساب مشترك، لكن القانون بيفرق بين الإدارة والاختلاس، خصوصاً لما يثبت إنه سحب الفلوس كلها وحولها لحساب طرف تالتاللي هو حسامبنية الإضرار بيكي بعد ما طلقك غيابياً! ثالثاً الڼصب والاحتيال، إنهم جايبينلك بكرة الصبح عقد تنازل عن حصتك في الفيلا مقابل مؤخر ونفقة طلاق، في حين إنك على الورق مطلقة من ٨ شهور وعدتك خلصت أصلاً! يعني العقد ده باطل ومبني على تدليس وغش. رابعاً وده الأهم... شركتك الجديدة!
بصيت للأستاذة أمل باستغراب شركتي الجديدة؟ تقصدي إيه؟
الأستاذ شريف ابتسم وفتح ملف أزرق قدامي شركة الحاج محمود للنقل والتجارة، اللي إنتِ ورثتي فيها الحصة الحاكمة والإدارة... طلع إن الشركة اللي حسام شغال فيها في العقارات والمقاولات، وشركة الأوراق المالية اللي كريم شغال فيها،
الاتنين مقدمين على مناقصة كبيرة جدًا لتطوير مخازن وموانئ برية، والممول الرئيسي والمالك للأرض اللي هيتعمل عليها المشروع هي... شركة جدك!
اتسعت عيني من المفاجأة! معقولة الصدفة توصل للدرجة دي؟ ولا دي مش صدفة، ده ترتيب ربنا عشان يقعوا في شړ أعمالهم؟
الأستاذ شريف كمل كلامه مش بس كده يا أستاذة نادين، كريم وحسام واخدين قرض بضمانات وهمية، وحاطين تحويشة عمرك اللي سحبوها النهاردة ك دفعة جدية تعاقد مع وسيط، على أمل إنهم لما ياخدوا المناقصة، يكسبوا ملايين. وميعاد توقيع العقود النهائية واعتماد الشركات المقبولة في المناقصة هو... يوم الخميس الجاي! يعني بعد ٣ أيام!
الأستاذة أمل خبطت بالقلم على المكتب وقالت بحماس يبقى الخطة اتحطت لوحدها! اسمعي يا نادين، بكرة الصبح لما يجيبولك ورق التنازل، إنتِ مش هترفضي... بالعكس، إنتِ هتمضي!
شهقت بخضة أمضي؟! إزاي يا أستاذة أمل؟ أتنازل عن نصيبي في الفيلا بإيدي؟
ضحكت الأستاذة أمل بهدوء إنتِ مهندسة شاطرة، بس في القانون اسمعي كلامي. التوقيع اللي هتمضيه بكرة مش هيكون توقيعك المعتاد في البنوك والشهر العقاري! إنتِ هتمضي قدامهم بتوقيع مختلف تمامًانفس التوقيع المزور اللي موجود على قسيمة الطلاق بتاعة من ٨ شهور!
تنحت لحظة، وبعدين عقلي استوعب العبقرية!
يا نهار أبيض! يعني لما يروحوا يسجلوا التنازل في الشهر العقاري، الموظف هيلاقي التوقيع غير مطابق لتوقيعي المعتمد في البطاقة وعقد الفيلا الأصلي! وفي نفس الوقت، لما أطعن بالتزوير على قسيمة الطلاق، هيبقى معانا دليل إن حسام وكريم هما اللي معاهم التوقيع المزور ده!
بالظبط كده! وكمان هنركب جهاز تسجيل صغير جدًا في الصالون قبل ما يقعدوا معاكي الصبح، عشان نسجل اعترافهم الكامل بإنهم لسه مطلقينك، وإنهم سحبوا الفلوس وحطوها مع حسام، وإنهم بيضغطوا عليكي تتنازلي عن الفيلا. كده هيبقى معانا صوت وصورة ومستندات تدينهم في النيابة العامة!
رجعت البيت الفجر، ودخلت أوضتي بنفس الهدوء اللي خرجت بيه. مكنش فيه حد صاحي، البيت كله نايم في سابع نومة، بيحلموا بالملايين والفيلا والحياة الجديدة.
الساعة ٩ الصبح، سمعت خبط خفيف على باب أوضتي. فتحت لقيت أمي واقفة، ولابسة طقم جديد وشيك، وحاطة ميكب كامل كأنها رايحة فرح.
صباح الخير يا نادين، يلا يا حبيبتي اغسلي وشك وانزلي، حسام وكريم مستنيينك تحت عشان نخلص الورق ونرتاح.
هزيت راسي پانكسار مصطنع حاضر يا ماما، خمس دقايق ونازلة.
دخلت الحمام، غسلت وشي بمية ساقعة، وبصيت في المراية. حطيت دبوس صغير على شكل بروش فضي في ياقة البلوزة بتاعتيجهاز التسجيل الدقيق اللي ادتهولي الأستاذة أمل، واللي بيلقط الصوت من على بعد ٥ أمتار بوضوح تام.
نزلت الصالون، لقيتهم الأربعة قاعدين، ومعاهم ريهام كمان! قاعدة حاطة رجل على رجل وبتشرب عصير فريش، وبتبصلي بنظرة كلها شماتة وانتصار.
كريم قام أول ما شافني، وحاول يرسم على وشه ملامح الحزن والندم صباح الخير يا نادين... عارف إن الليلة اللي فاتت كانت صعبة عليكي، بس صدقيني ده أحسن حل لينا كلنا.
قعدت بهدوء وبصيت لحسام، اللي كان فارش قدامه مجموعة أوراق على الترابيزة.
فين الورق اللي همضي عليه؟
حسام ابتسم ابتسامة عريضة، ومد إيده بقلم وورقتين اتفضلي يا ست الكل. الورقة الأولى دي عقد اتفاق ودي بينك وبين كريم، بيقر فيه إنه هيديكي شيك بمبلغ ٣٠٠ ألف جنيه كمؤخر ونفقة، وهيسيبلك عفش الفيلا بالكامل. والورقة التانية دي إقرار بالتنازل عن حصتك في الفيلا لصالح كريم، وبتفويضه في إدارة نصيبك في الشركة الاستثمارية لحد آخر السنة.
بصيت للأوراق كويس. شفت الطمع في عينيهم،
وشفت اللهفة على وش أمي وهي بتراقب إيدي وأنا بمسك القلم.
رفعت عيني وبصيت لكريم يعني خلاص يا كريم؟ مفيش أي رجوع في القرار ده؟ ست سنين عشرة هانوا عليك بالسهولة دي؟
ريهام اتدخلت بلهجة مستفزة يا نادين يا حبيبتي، الحب مش بالعافية! كريم بيحبني وأنا حامل في ابنه، ياريت تتحلي بالروح الرياضية وتخلصي الموضوع بشياكة.
بصيتلها ببرود، ورجعت بصيت لكريم والفلوس اللي في البنك يا كريم؟ المليون و٨٠٠ ألف جنيه... دول شقا عمري، إزاي تسحبهم من غير ما تستأذني؟
كريم اتوتر ثواني، وبعدين رد بنبرة فيها عصبية خفيفة ما قلنا الفلوس في أمان يا نادين! حسام حطها في صفقة أرض ومقاولات مضمونة مية في المية، وأول ما نكسب المناقصة يوم الخميس الجاي، هتاخدي فلوسك وفوقيها نصيبك من الأرباح. يلا بقى امضي عشان عندي اجتماع مهم في الشركة.
سكت لحظة، وبصيت لأمي وإنتِ يا ماما؟ راضية بالظلم ده؟
أمي لوت بوزها وقالت يا بنتي ما تقرفيناش بقى! إنتِ طول عمرك نكدية وعاملة فيها شهيدة! امضي وروحي شوفي حياتك، وأنا هبقى أجيلك أزورك في شقتك الجديدة لما تجيبيها!
في اللحظة دي، كل ذرة تردد أو حزن جوايا اختفت للأبد. مسكت القلم، وبكل هدوء وثقة، مضيت على الورقتين... بنفس التوقيع الغريب اللي شفته امبارح في السجل المدني!
أول ما الحبر نشف على الورق، حسام خطڤ الورقتين بسرعة كأنه خاېف أرجع في كلامي، وبص لكريم بغمزة انتصار!
كريم طلع من جيبه شيك وقعه قدامي واداهولي اتفضلي، ده شيك ال ٣٠٠ ألف جنيه، تقدري تصرفيه من البنك دلوقتي. وياريت يا نادين، عشان خاطر نفسيتك، تشوفي شقة مفروشة تقعدي فيها الكام يوم دول لحد ما تلاقي مكان مناسب، أصل ريهام تعبانة من الحمل ومحتاجة ترتاح هنا.
يعني مش بس سرقوا فلوسي وزوروا طلاقي، دول كمان بيطردوني من بيتي اللي دافعة فيه ډم قلبي في نفس الدقيقة!
قمت وقفت، وخدت الشيك حطيته في شنطتي بهدوء، وبصيتلهم واحد واحد. ابتسمت ابتسامة خلت الابتسامة اللي على وش حسام وكريم تختفي تدريجيًا ويحل مكانها استغراب.
عندك حق يا كريم... فعلاً البيت ده بقى
 

تم نسخ الرابط