طلاق مع إيقاف التنفيذ ج 1 حكـايات مني السيد حصري

لمحة نيوز


مصلحة حكومية بملاليم!
بصيت لأمي باستغراب حقيقي. دي أمي اللي المفروض تكون ضهري وسندي!
يعني إنتِ يا ماما موافقة على إن جوزي يخوني، ويجيب عشيقته الحامل بيتي، وكمان يسرق تحويشة عمري؟
أختي منة ضحكت ضحكة رنانة وقالت وهي بتلعب في ضوافرها
يسرق إيه يا نادين بس؟ ما تكبريش المواضيع! الفلوس دي كانت في حساب مشترك، وكريم حطها في مشروع مع حسام عشان يكبرها، وإنتِ ليكي نصيبك طبعًا لما المشروع يقوم على رجله. وبعدين خېانة إيه؟ كريم أصلاً...
سكتت منة فجأة لما حسام غمزها بعينه، وكريم كمل الكلام بسرعة وهو بيحاول يرسم على وشه ملامح الجدية والحسم
اسمعي يا نادين، عشان نكون واضحين ومن غير شوشرة. إحنا خلاص قررنا ننفصل بهدوء. ريهام حامل في ابني، وأنا مستحيل أسيب ابني يتولد من غير اسم، وفي نفس الوقت أنا مش عايز أظلمك.
وقفت قدامه وربعت إيدي، وأنا جوايا بركان بيغلي بس ملامحي جامدة زي التلج
مش عايز تظلمني؟ طب والله كتر خيرك! وناوي تعمل إيه بقى عشان ما تظلمنيش يا كريم؟
اتدخل حسام، جوز أختي، وهو بيفرك إيديه بابتسامة صفرا
بصي يا نودي، إحنا حسبناها صح. الفيلا دي باسمكم إنتوا الاتنين، وكريم مستعد يتنازلك عن نصيبه في عفش البيت ويديكي مبلغ محترم

كمؤخر ونفقة، في مقابل إنك تمضي على تنازل عن حصتك في الفيلا عشان كريم وريهام يستقروا فيها، وتسيبي المليون و٨٠٠ ألف في الشركة لحد ما الدورة المالية تخلص آخر السنة.
في اللحظة دي، كل قطع البازل ركبت في دماغي!
فهمت ليه زوروا ورق الطلاق من ٨ شهور!
لو الطلاق حصل رسمي دلوقتي وأنا على ذمته، هطالب بحقوقي الشرعية، وهفضح علاقته بريهام اللي حامل في الشهر الخامس، وممكن أرفع عليه قضية تبديد أو أطالبه بنصيبي في الفيلا فورًا، وساعتها هيعرفوا إن جدي سابلي ورث وممكن يطمعوا فيه أو يحاولوا يساوموني!
عشان كده طلقوني غيابي وبورق مزور من ٨ شهوريعني قبل ما ريهام تحمل حتىعشان يثبتوا إن علاقتهم بدأت بعد الطلاق! وفي نفس الوقت، استغلوا إني ماعرفش، ففضل كريم عايش معايا عادي جدًا لحد ما سحب كل فلوس الحساب المشترك، ودلوقتي جايين يمثلوا عليا تمثيلية الانفصال الودي عشان أمضي على التنازل عن نصيبي في الفيلا بإيدي، وأخرج من المولد بلا حمص!
بصيتلهم واحد واحد.
أمي اللي باعت بنتها عشان شوية هدايا ووعود بإن كريم ومنة هيفتحوا لها بوتيك في الزمالك.
أختي منة اللي طول عمرها بتغير مني ومن تفوقي، وشايفة إني ما أستاهلش الحياة المستقرة دي.
حسام النصاب اللي استغل شغله في الشهر العقاري والسجل المدني عشان يزور مستند رسمي ويدمر حياتي.
وكريم... الراجل اللي اديته ست سنين من عمري، ووقفت جنبه وهو لسه موظف صغير لحد ما كبر وبقى مدير، وفي الآخر طلع أرخص من التراب.
افتكرت كلام الأستاذة أمل المحامية الصبح ممنوع تواجهي أي حد دلوقتي. لازم الأول نأمّن حقك ونراجع كل المستندات ونجمع الأدلة.
كان نفسي أصرخ في وشهم وأرمي في وشهم نسخة قسيمة الطلاق المزورة، وأقولهم إنهم رايحين في داهية، وإن الفلوس اللي بيتكلموا عليها دي ملاليم جنب ال ٦ مليون جنيه والأراضي اللي ورثتها من جدي!
بس مسكت نفسي في آخر ثانية. لو عرفتهم إني كشفتهم دلوقتي، حسام هيحاول يداري على چريمة التزوير، وكريم هيهرب الفلوس اللي سحبها من البنك. لازم أخليهم يمشوا في الخطة بتاعتهم للآخر، لحد ما

يقعوا في الفخ بيديهم.
اتنهدت بعمق، ورسمت على وشي ملامح الانكسار والصدمة، وخليت صوتي يترعش وأنا بقول
أنا... أنا مش مصدقة اللي بسمعه ده! إنتوا بتعملوا فيا كده ليه؟ أنا عملتلكم إيه؟
أمي قربت مني وحطت إيدها على كتفي ببرود
ما تعمليش دراما يا نادين، ده نصيب. وبدل ما ټعيطي، فكري في مصلحتك. إحنا بنعرض عليكي حل يحفظ كرامتك قدام الناس، بدل ما تتطلقي على كبر وتبقي سيرة على كل لسان.
بصيت لكريم ودمعة حقيقية نزلت من عينيدمعة قهر على السنين اللي ضاعت مع ناس ما تستاهلش
يعني خلاص يا كريم؟ مفيش أي أمل نرجع؟
كريم هز راسه بأسف مصطنع
آسف يا نادين، قلبي مبقاش ملكي، وريهام محتاجاني جنبها الفترة دي. خدي وقتك النهاردة، وبكرة الصبح حسام هيجيبلك ورق التنازل والاتفاق عشان نخلص كل حاجة بهدوء.
هزيت راسي بهدوء، وقلت بصوت مكسور
تمام... أنا محتاجة أطلع أوضتي أرتاح شوية، دماغي بتلف ومش قادرة أستوعب حاجة.
طلعت على السلم بخطوات تقيلة قدامهم، وأنا سامعة همسهم وضحكهم الخاڤت تحت، فاكرين إنهم انتصروا وإن الفريسة استسلمت خلاص!
أول ما دخلت أوضتي وقفلت الباب بالمفتاح، مسحت الدمعة اللي نزلت من عيني، وملامح الضعف اختفت تمامًا من على وشي، وحل مكانها نظرة كلها إصرار وتحدي.
طلعت موبايلي من شنطتي، وبعت رسالة سريعة للأستاذة أمل يا أستاذة أمل، الفخ بدأ، وبكرة الصبح جايبينلي ورق التنازل عشان أمضي عليه. محتاجة أقابلك النهاردة ضروري جدًا... اللعبة هتبدأ على طريقتي أنا.
قفلت الموبايل، وبصيت من شباك الأوضة على الجنينة اللي تحت، وأنا عارفة إن الليلة دي هي آخر ليلة هيناموا فيها وهما مطمنين.
حكايات مني السيد حصري 
أول ما قفلت الموبايل، رن في إيدي بعد ثواني معدودة. كانت الأستاذة أمل.
أيوة يا نادين، إيه اللي حصل عندك؟ طمنيني إنتِ كويسة؟
حكيتلها كل اللي حصل تحت بالتفصيل، من أول سحب المليون و٨٠٠ ألف جنيه من الحساب المشترك، لحد دخول ريهام وهي حامل في الشهر الخامس، وخطتهم عشان يخلوني أتنازل عن نصيبي في الفيلا بكرة الصبح.
الأستاذة أمل سكتت ثواني، وبعدين سمعت صوتها الرزين اللي كله خبرة سنين في المحاكم
اسمعيني يا بنتي، ربنا بيحبك إنك رحتي السجل المدني والبنك النهاردة، وإنك قدرتي تمسكي أعصابك قدامهم. دول مش مجرد ڼصابين، دول عصابة عائلية متكاملة الأركان! بصي بقى، إحنا مش هنستنى لبكرة الصبح. إنتِ دلوقتي حالا هتلبسي عباية أو أي حاجة بسيطة، وتنزلي من باب المطبخ الخلفي من غير ما حد يحس بيكي، وهتلاقي عربيتي واقفة على أول الشارع.
حاضر يا أستاذة أمل، مسافة السكة.
بصيت في المراية، شفت وش واحدة تانية غير نادين اللي دخلت البيت ده من ساعة. نادين الطيبة اللي كانت بتيجي على نفسها عشان ترضي أمها وأختها، وتوفر من مصروفها الشخصي عشان تساعد جوزها، ماټت النهاردة في الصالون تحت. اللي واقفة قدام المراية دلوقتي واحدة جاية تاخد حقها تالت ومتلت.
اخدت شنطتي الصغيرة، وحطيت فيها ورق ملكية الفيلا الأصلي اللي كنت شايلاه في درج سري في الدولاب، مع كشوفات الحساب البنكي القديمة، واتسحبت بهدوء على السلم الخلفي.
تحت في الصالون، كان صوت الضحك والمزيكا لسه عالي. سمعت صوت أمي وهي بتقول لريهام ما تشيليش هم حاجة يا حبيبتي، نادين دي طول عمرها غلبانة ومکسورة الجناح، بكرة هتمضي وهي ساكتة، ونفضى إحنا بقى للسبوع والفيلا!
ابتسمت بسخرية في سري، وخرجت من باب الجنينة بهدوء، وركبت مع الأستاذة أمل اللي كانت مستنياني في عربيتها.
طلعنا على مكتبها في وسط البلد، وهناك لقيت الأستاذ شريف، مدير أملاك جدي، مستنينا ومعاه ملفات كتير.
الأستاذ شريف بصلي بأسف وقال البقاء لله مرة تانية يا بنتي، الحاج محمود الله يرحمه كان حاسس
 

تم نسخ الرابط