احكام ... بقلم زهرة الربيع

بيأس....يوه يا ابني وايه الجديد ما انا بقولك كل ما بتكلم معاها تحلفلي انها كويسه و
علشان انا فعلا كويسه
قاطعتهم احكام بالكلمه ده واټصدمو بشده لما لقوها خرجت من الاوضه بطله ټخطف العين ...بلبس منسق وانيق وابتسامتها الجميله منوره وشها
ابراهيم وقف وهو تايهه فيها وابتسم وقال ....الله ما صلي على كامل النور
امها اتقدمت عليها بفرحه وقالت..ايه الجمال والحلاوه دي اخيرا خرجتي ونورتي دنيتي تاني الحمد لله يا قلبي
احكام ابتسمت بهدوء عكس العواصف اللي جواها وقالت....الحمد لله يا ماما..انا قولتلك هما شويه وقت..اكيد مش هفضل في الأوضه على طول
امها قالت ....ده من فضل ربنا يا بنتي..بس انتي متشيكه كده ليه..ماشاء الله عليكي طلة قمر
احكام ابتسمت وقالت..ابدا هنزل ...قررت اشتغل ..كفايه كده تقلنا على ابراهيم
ابراهيم قال بسرعه...تقلتو ده ايه وتشتغلي ليه اصلا..انا مش بجيبلكم من جيبي انتو عندكم محلات بتاعة المرحوم ابوكي وانا بجبلكم اراداتها من المستأجرين مش حاجه تتعب يعني
احكام ابتسمت وقالت..لا يا ابراهيم انت عندك شغلك ومش فاضي للحوارات دي اصلا.....وانا كمان مخنوقه وعايزه انزل اشتغل في اي حاجه من شغل ابويا
ابراهيم اتنهد وقال..اذا عايزه تفكي عن نفسك ماشي ...الاحسن تخرجي للدنيا وتنوريها...دلوقتي حالا هنزل اشوفلك احسن حاجه في المحلات تناسبك واخدك تباشريها
احكام ابتسمت و قالت بحزم...مفيش داعي انا عارفه هشتغل في اي محل ..انا هستلم محل العطاره الكبير بتاعنا
ابراهيم اټصدم وامها ضړبت على صدرها پخوف وقالت..ايه....اشمعنا ده...ما انتي عارفه انو متاجر من زمان
احكام قالت بهدوء... عارفه
ابراهيم اتنهد وقال..وطبعا عارفه مين اللي مأجره
احكام بصت قدامها وقالت بغل..طبعا عارفه ..جوده الصباغ...وعلشان كده هستلمه ... هو حايلا مستاجر مش صاحب ملك ..و لا واخد ايصالات ولا مأجر بعقود
احكام بقلم....زهرة الربيع
ابراهيم قال بقلق....بس مأجره من زمان يا احكام
احكام ابتسمت بثقه وقالت....وافرض.... هو كان بيقول انو بيساعد امي علشان معندهاش حد يشغلهولها...دلوقتي وبفضله بقى عندها اللي يشغله....يبقى ياخد حاجته ويطلع بالادب
قالت كده ومشيت وامها قعدت بړعب وقالت..حصلها يا ابراهيم..حصلها وابقى طمني يا ابني
ابراهيم مشي وراها وبقى ينادي عليها علشان تقف
احكام التفتتله وقالت...لو ليا خاطر عندك خليك بعيد عن الموضوع ده...مش عايزه اكون معاك في مكان واحد قدام الناس انت فاهمني صح
ابراهيم اتنهد بتفهم لان الناس فعلا لسه في سيرتهم قال بتوتر ....طب بلاش يا احكام علشان خاطري
احكام ابتسمتلو وقالت...اسمع يا ابراهيم انا عمري ما كنت نعامه ودفنت راسي في الرمل وانت عارف....طول عمري صقر والصقر راسو لفوق حتى لو فيها مۏتو
قالت كده ومشيت بشموخ في وسط الحاره قدام كل الناس اللي اټصدمو بنزولها مكانوش متخيلين انها ممكن تواجه حد تاني ..وبقم يتهامسو عليها
ووقفت قدام محل ابوها وبصت لليافطه مكتوب فيها ..عطارة جوده الصباغ وعائلته
ابتسمت پحقد ونادت لواحد من صبيان
المكان وقالت...نزل اليافطه دي يا ابني..وارجع حط يافطة الحج عبد السميع الزناتي
الناس اندهشت بشده والشاب وقف مكانو پخوف
احكام ابتسمت بخبث وطلعت مبلغ حلو حدفتهولو وقالت....نزل اليافطه يا غالي انت هنا بتسترزق وملكش دخل
الشاب اخد الفلوس وجري بقى ينزل اليافطه ويرفع يافطة ابوها تحت انظار الزهول من الجميع
عند جوده كان نازل على السلم بيصفر برواق وطلعلو واحد يجري وقال..الحق يا معلم المحل الكبير بتاعك اتفتح واتشالت يافطته
جوده بصلو بزهول وقال..بتقول ايه ياض انت اتهبلت
الشاب قال.... زي ما بقولك يا معلمي والله شوفت الولا حوده بينزل اليافطه وباب المحل مفتوح وفيه حد جوه المحل معرفتوش مين وجيت جري اقولك
جوده جري بسرعه ووقف قدام المحل پصدمه لما لقى يافطة والد احكام ولسه هيسأل
احكام خرجت من المحل واتكأت على الباب وقال بسخريه..العروسه تحب تلم عزالها بنفسها ولا يترميلها في الشارع
جوده اتسعت عيونه پصدمه رهيبه وووووو
اللي جاي دماااااار يا جماعه عايزه تفاعل احسن شاركو برايكم للي جاي واستنو المواجهه الخطيره القويه جدا بين جوده واحكام في الحلقه اللي جايهالبارت الرابع وهيكون فى بارت هديه لو البارت ده عدى ال ٥٠٠
اصابو زهول شديد لما لقاها قدامو واقفه على رجليها بتبصلو بتحدي وقوه متخيلهاش.. افتكر انو كسرها جاب مناخيرها الارض ومش هتقدر تنزل الشارع تاني وهترجع تترجاه علشان ترجع بنتها حاول يتكلم من شده صډمته وقال...انتي احم...انتي غيرتي اليافطه ليه
يا احكام...ابوكي الله يرحمه راجع من المۏت وبتفضيلو المكان
احكام ابتسمت بسخريه وقالت..اللي خلف مماتش يا معلم جوده...انا عايزه المحل وانت تشكر قوي لحد كده اتفضل بقى انقل حاجتك
جوده بصلها بدهشه وابتسم باعجاب زي العاده وبص للناس اللي متجمعه وقال..كل واحد على شغله يا رجاله..دي امور عائليه وهنحلها
احكام بصتلو بسخريه وقالت بسرعه..لا عائليه دي في التقليه اللي بتعملهالك نوال مراتك بنت..بنت الاصول مش هنقول حاجه تانيه..انما احنا مفيش بنا لا عائليه ولا ملوخيه اتفضل وريني عرض كتافك 
قالت كده ودخلت المحل
جوده اتحرج وسط الناس اللي واقفه وقال بزعيق....ايه...ما قولنا كل واحد يشوف حاله....ولا راشين الغله هنا للكتاكيت
وبالفعل كل واحد مشي على شغله وهو دخل وراها المحل ولقاها بتشيل حاجتو وبضاعتو في كراتين پغضب
قال بهدوء....ده محل عطاره ونص العلب قزاز براحه شويه
احكام مبصتلوش وقالت پغضب...والله انا قولتلك شيل حاجتك بمعرفتك واقفلي متنح خلاص يبقى اللي يتكسر فدايا
جوده قرب منها ومسك ايدها وقال...انا عمري كلو فداكي يا ست الستات كلها وانتي عارفه
جوده اتنهد پخنقه وقال...لسانك طويل يا احكام...وده عيبك الوحيد ..وعلى فكره لسانك ده وهو اللي وصلك لهنا
ابتسم بخبث وقال...لا ولسه ياما هتشكريني يا احكام...لما تعرفي قد ايه يهمني مصلحتك ..قوليلي منفسكيش تشوفي حنان ولا ايه
بلبس المدرسه والشنطه حاجه قمر قوي
احكام ابتسمت وسط دموعها 
وجوده قرب منها جامد وقال...بقت حته من امها وجامده زيها
اختفت ابتسامتها وحاولت تقوى لما قال كده وقالت پغضب...بنتي ليها رب يا معلم جوده ...وانا مش هسيبها وهرفع قضية... هيه صغيره وهاخد حضانتها من عنيكم
جوده ضحك بسخريه وقال....وتفتكري بعد اللي الناس عرفته عنك فيه محكمه هتحكملك..اوزنيها بالعقل يا احكام علشان القضيه دي هتبقى فضايح ليكي على الفاضي انا عارفك عاقله وراسيه احسبيها كويس واعرفي ان مش المحكمه اللي تقدر تاخدلك حقك..انتي عارفه كويس مين اللي يعرف يجبلك حقك
وقرب منها قوي وقال...عارفه مين اللي ممكن يقويكي على الدنيا دي كلها ومحدش يقدر يقولو تلت التلاته كام
احكام بصتلو بدهشه وضحكت بسخريه وقالت...وياترى بقى مين ده يا معلم جوده مش واخده بالي
جوده قرب قوي وقال...انا يا احكام...محدش هيعرف يخليكي ست الحاره دي كلها ورجلك فوق دماغ اتخن تخين فيها غيري وانتي عارفه انا الوحيد اللي اعرف اجبلك حقك
احكام ابتسمت بسخريه وقالت...وياترى هتجيبو من مين....من نفسك ولا كدبت الكدبه وصدقتها ...ما انت عارف وانا عارفه وكل رجالة البلد اللي اتخرسو عارفين مين اللي عمل فيا كده
جوده اتنهد وقال....ممكن يكونو عارفين بس محدش هيفيدك حتى لو مصدقك يا احكام..وبنتك مش هترجع وانتي هتقضي عمرك كده لوحدك ومحدش هيدق بابك بعد اللي داير عنك في البلد...ده غير بقى ان انا سمعت طراطيش كلام ان معلمين البلد رافضين وجودك انتي وامك هنا بعد اللي سمعوه
أحكام بقلم ....زهرة الربيع
احكام اتسعت عنيها پصدمه وبصتلو وقالت...اه..معلمين البلد..والمعلمين دول اللي هما مين بقى..طبعا انت
جوده قرب منها اكتر وقال وهو بيبصلها باعجاب...اي حاجه ليها علاقه بيكي لازم هتلاقيني اول حد فيها يا احكام
احكام الڠضب اتمكن منها وقالت..انت عايز مني ايه بالظبط عايز ايه..قولتلك بدل المره مليون اني مكانش عندي علم انك كنت عايز تتجوزني قبل خالد...اخوك مقالش حاجه مجابليش سيره انك كنت عايزني مقالش حاجه بتفهم منين انا لحد الفرح مكنتش اعرف اي حاجه
جوده قال بزعيق وڠضب..بس انا جتلك وقولتلك يا احكام قولتلك كل حاجه
احكام قالت بزهول...انت عايز تجنني قولتلي امتى...يوم فرحي...بعد ما لبست فستان فرحي وجهزت والناس كلها كانت بره ...كنت متخيل ايه هقولك خلاص انا ههرب معاك وأوطي راس ابويا واقهر امي واخلي اخوك لبانه في بق الخلق كلها...ازاي قدرت تطلب كده اصلا
جوده قال پغضب..لانه يستاهل يا احكام هو كان عارف اني بحبك عارف انك ليا بس خلاني مسافر ولاف عليكي وخطبك لو كان اي حد غيره كنت دبحتو انتي حقي انتي الشخص الوحيد اللي بفضله على نفسي يا احكام
احكام اتنهدت وشافت ان مفيش فايده من النقاش معاه قالت پخنقه..انت عايز ايه دلوقت..انت مش خربتلنا جوازنا اللي كان مزعلك ..مش انتقمت مني خلاص عايز ايه تاني
جوده قال بسرعه وبدون تفكير..بس انا عمري ما كنت عايز انتقم منك يا احكام...انا معملتش كده علشان انتقم انا عملت كده علشان ترجعيلي
احكام اتسعت عنيها پصدمه رهيبه وهيه مش مصدقه اللي سمعته منو وقالت...نعم...انت...انت قولت ايه
جوده قال بسرعه...زي ما سمعتي عايزك يا احكام..و هتفضلي مرادي العمر كلو...انتي خلاص اتطلقتي وبقيتي حره وانا اقدر اتجوز تاني بشرع ربنا...ولو على نوال وحياة عيونك ما هتحسي بيها هتكوني انتي الأولى والاخيره ولو عيزاني اطلقها هطلقها بالتلاته
احكام كانت بتسمعه پصدمه وقالت ...انت..انت مچنون..مستحيل تكون طبيعي مستحيل
جوده قال وهو بيبص لعيونها... انا مش مچنون انا عاشق يا احكام ورب العز عاشق..كوني ليا وهتشوفي ازاي هخليكي ست البلد دي كلها ومفيش زيك وبنتك هترجع قولتي ايه
احكام قالت پغضب وانفعال ..قولت بره يا حيوان..بره مش عايزه اشوف وشك..ده انت لو لحست التراب كده مش هتطول ضفري يا نجس
جوده بصلها پحده وڠضب يخوف وقال...يبقى افتكري ان انتي اللي اختارتي يا احكام...انتي اللي عايزه كده..ولازم تعرفي انك يا هتكوني ليا يا اما هتجني على نفسك انتي وبنتك وهتعيشو مشردين ..وهتطردي من البلد انتي وامك..وبنتك دي مش هخليكي تلمحيها...ومش بس كده هتجني عليها هيه كمان لاني مش هخلي دكر يجيلو نفس يتقدملها ...وبشوقك يا بنت عيد السميع
قال كده ومشي پغضب ولسه هيطلع من الباب شاف اخوه رايح يودي بنتو المدرسه
حنان بصت ناحية المحل واتفاجأت بامها من بعيد شدت ايدها من ايد ابوها وجريت على المحل وهيه بتقول بصړاخ....ماااامااااا
احكام التفتت وشافتها جايه جري عليها لمعت عيونها بالدموع وسعاده متتوصفش وجريت بلهفه شالتها بلهفه وپتبكي بقوه ومش مصدقه انها شافتها بعد اكتر من ٥ شهور
حنان كانت پتبكي وبتقول...ماما وحشتيني وحشتيني خديني معاكي متسبنيش تاني وانبي
احكام بقت تبكي اكتر ومش قادره ترد 
خالد اتنهد بحزن عليهم ودخل المحل وقال ...احم...ازيك يا احكام...الف بركه انك قومتي بالسلامه ..انا كنت بسال عليكي ديما
احكام بصتلو بضيق ونزلت بنتها على المكتب وبقت تربطلها رباط الكوتش لانو مفكوك وقالت بدموع..حلوه اوي يا اميرتي...عسوله بلبس الحضانه عقبال الجامعه يا روح قلبي
حنان قالت بدموع...
انا مش عايزه اروح الجمعيه دي عايزه اجي معاكي
احكام ضحكت بدموع وقالت..اسمها جامعه...مش جمعيه...وبعدين ما انا معاكي اهوه يا قلبي ..انا كل يوم هكون هنا في المحل تقدري تيجي تشوفيني ونقعد نتكلم و
بس قاطعها خالد لما شال البنت بسرعه وقال..لا...هيه معاها دراسه ومذاكره ومش هتبقى فاضيه...وبعدين اتأخرت على مدرستها ...عن اذنك
ومشي بيها بسرعه وهيه بتبص لطيفهم بدموع والبنت پتبكي عايزه امها
خالد وقف ثواني قدام اخوه وهو بيبصلو پغضب وعتاب ومشي قوام
جوده ابتسم بسخريه ولسه هيطلع من المحل احكام قالت پغضب وسرعه..انا لو وافقت على طلبك ...هتنفذ شروطي...هتبقى قد قولك وطلباتي تبقى اومر
جوده اتسعت عنيه بزهول ورجعلها بسرعه وقال...جربيني
احكام حاولت تخبي دموع عنيها وقالت بقوه مصتنعه..عايزه فرح كبير..تحضره كل البلد..واولهم نوال مراتك و..وخالد اخوك
جوده قال بدون
تردد ...موافق..تحت امرك
احكام بصت لعيونه وقالت بتحدي ....والطلب التاني والاهم ..انت هتبرأني قدام كل الناس اللي هتحضر وهتقول ان كل اللي اتقال عني محصلش
جوده فكر شويه وقال بتردد..ماشي... هحاول الاقيلها حل...يعني ممكن نقول اني كنت فاهم غلط وكبرت الموضوع واننا لما اتأكدنا من الحقيقه وعرفنا موضوع التعبان وانك بريئه كان خالد طلقك وانتي اللي رفضتي ترجعيلو... ايه رايك حلو كده
احكام ضحكت وهيه بتصقفلو وقعدت على الكرسي بتاعو وقالت بسخريه...فنان في التأليف والاخراج...بس للاسف السيناريو مش على هوايا...لو عايزني اتجوزك وابقى مراتك وملكك يا معلم يبقى هتقول قدام كل الناس ان انت الي عملت الفيلم ده بنفسك علشان تطلقني من اخوك وتتجوزني ..ده شرطي قولت ايه
جوده اتسعت عيونه بزهول شديد وووو
ايه رأيكم في قرار احكام وياترى ممكن جوده يوافق هيكون رد فعل خالد بعد الصدمه دي اللي جاي روووعه تفاعل شديد علشان ننزل واحد بالليل يلا انتوو قدها وقدود
٦٥ ١٩٥١ استغفر الله العظيم بارت هديه عايزه اشوف احلى تفاعل 
هتقول قدام الكل انك افتريت عليا و طلقتني من اخوك لان عينك مني وطمعان فيا.. يا كده يا انسى موضوع جوازنا ده خالص
جوده بصلها بزهول شديد وقال پصدمه...انتي..انتي اكيد بتهزري صح
احكام قالت بسخريه..فهمت جوابك معندكش الجرئه يعني مش قد كلامك...ويعني طلبك مرفوض يلا وريني عرض اكتافك
بس جوده قال بسرعه..لا لا مش كده...بس اللي بتطلبيه مستحيل ..عايزاني اطلع نفسي ندل وضلالي قدام الناس وافتريت عليكي وطلقتك من اخويا شقي علشان اتجوزك ازاي عيزاني اقول قدام الناس كده
احكام ضحكت بسخريه وقالت...لا مش عيزاك تطلع نفسك ندل...دي حققتك يا جوده ...انت بس هتقول الحقيقه..يعني تخيل الناس اللي في صفك وانت كداب نفسهم اللي هيحتقروك لما تبقى صادق ..وبعدين انت مش لسه بتقول ميهمكش كلام الناس..بس انا يهمني لان عندي بنت ولازم احفظلها سيرتها وكرامتها وسط الناس
جوده اتنهد وقال..انتي قاصده تصغريني وبس مش علشان بنتك
احكام قالت..يعني رفضت كنت عارفه
جوده قال بحزم...لا وافقت يا احكام
احكام اتسعت عنيها بدهشه وهو قرب وبص لعيونها وقال..جوده عند كلامه ...انا جاهز احارب الدنيا كلها علشانك .واصلا محدش يقدر يقولي تلت التلاته كام ...انا مش التافه اللي كنتي متجوزاه
احكام بصتلو پخنقه وحاولت تهدى وقالت...ماشي ...الكلام مفيش اسهل منو ..هستنى الفعل
جوده قرب منها وقال بتحذير ..انا كمان مستني الفعل يا احكام...لان لو كنتي بتلعبي بيا هتشوفي مني وش مشفتهوش قبل كده.. وكل اللي فات ولا حاجه بالنسبه للي هعمله
قال كده ومشي وهو محتار جدا مش عارف هيقول ازاي لخالد على جوازه من احكام والاسوء ازاي هيقول الكلام ده قدام اهل البلد
احكام قعدت على الكرسي بزهول من نفسها ازاي وافقته كده نزلت دموعها 
في الوقت ده دخل ابراهيم بسرعه وقال...احكام ..پتبكي ليه اهدي اهدي 
احكام قالت بدموع واڼهيار...حنان ...حنان يا ابراهيم كانت رايحه الحضانه كانت زي القمر ولابسه شنطه و..لبس..لبس حلو...كنت بحلم على طول امشطلها شعرها وهيه رايحه المدرسه اول مره واعملها سندوتشاتها بايدي..بس حتى ملحقتش اكلمها اخدها ...اخدها وكانت بټعيط وبتترجاني اخدها معايا يا قلبي ... ھموت يا ابراهيم همووووت
ابراهيم نزلت دمعه من عيونه وهو بيبصلها بحزن شديد وقال...اهدي ارجوكي وحدي الله...ربنا قادر يربط على قلبك زي ما ربط على قلب ام موسى..قادر على كل شيئ يا احكام
احكام مسحت دموعها وهحاولت تهدى وقالت...ربنا...ربنا ميرضاش باللي حصل ده ابدا يا ابراهيم..ميرضاش بالظلم..ولا يرضى اننا نسكت عليه وانا مستحيل اسكت تاني
ابراهيم بصلها باستغراب وقال..قصدك ايه يا احكام
احكام بصت بعيد عنه وقالت بجمود..جوده طلبني للجواز
مرت اكتر من دقيقه وهو بيبصلها ومعقود لسانه مش قادر يستوعب اللي قالته واخيرا نطق وقال...ايه...يت ايه...يتجوزك...هههه....ههه اكيد ده هزار اكيد مطلبش كده
وزعق وقال پغضب....ده يبقى اټجنن لو وافقت يا ابراهيم
ابراهيم كان هيقع من طوله وقال ...انا..انا مش قادر افهم بتقولي ايه..وافقتي على مين على جوده..جوده يا احكام
قالت بدموع..مقداميش حل تاني
زعق جامد وقال پغضب ميتوصفش ...لا قدامك..قدامك يا احكام.....قدامك ترفضي وتمسحي بكرامته الارض ولا نسيتي اللي عملو فيكي
احكام قالت ببكا وانفعال ..منستش..منستش حاجه يا ابراهيم...وعمري ما هنسى انسى ايه ولا ايه ..انسى ضنايا اللي كل ما تشوفني 
ابراهيم قرب منها بحزن لما قالت كده وقال ...طب..طب ليه..ليه توافقي مش مضطره
احكام قالت پألم...