ابنها رفع غطا حلة الفول
المظلوم ساعات بيبقى مبدع في الانتقام وهو فاكر إنه بيجيب حقه. سيب مكان للحقيقة، بس بلاش الانتقام يا طارق.
بص لفوطة المواعين في إيده ثانية طويلة وقال بصوت واطي إنتي إزاي لسه بتحميني من إني أبقى قاسي؟ ابتسمتِ عشان إنت ابني.. وده مش هيبطل يبقى حقيقة حتى لو خذلتني في يوم. دموعه نزلت تاني، مسحها بسرعة وكمل تنشيف الأطباق.
الصبح كان الجو برد أوي.. طارق صحي بدري، وقعد على طبلية المطبخ ومعاه نوتة بيكتب فيها سخان جديد.. سقف الأوضة يتصلح.. طلبات البيت.. تنظيم الحسابات.. مواعيد الدكاترة.. محامي. كان بيكتب كأنه بيبني جسر كان مهدود.
بصيتِ له من قدام البوتاجاز وقلتِ متحولنيش ل مشروع يا طارق. بص لكِ بسرعة ده مش كدة خالص.
ممكن يبقى كدة.. الشعور بالذنب بيخلي الواحد كريم زيادة عن اللزوم في الأول، وبعدين بيزهق. أنا مش عاوزه شهر واحد من الإنقاذ الدرامي، وبعدها سنة تانية من السكوت.
الكلمة جت في مقتل.. حط القلم من إيده وقال طيب قولي لي إنتي عاوزه إيه؟ قعدتِ قدامه.. مش اللي محتاجاه، لا.. اللي عاوزاه. محدش سألك السؤال ده من زمان. فكرتِ كويس قبل ما تتكلمي أنا عاوزه الحقيقة.. مفيش رسايل تانية عن طريق مراتك. مفيش مساعدة تتبعت في الضلمة وتفترض إنها وصلت. عاوزه إنت اللي تكلمني.. مش وإنت في العربية، ولا بين الاجتماعات. عاوزه لما تسألني إزيك، تستنى تسمع الرد.
وشه اتملى بالخجل والمحبة في نفس الوقت. سألك بحذر والفلوس؟
أيوة، والفلوس كمان. التدفئة بفلوس، والدوا بفلوس. أنا مش همثّل الفقر عشان كرامتي كانت لخماني سنين. رفعتِ راسك بقوة بس لما تساعدني، ساعدني علني.. باسمي أنا، وحسابي أنا، وإيدي هي اللي تمضي .
تم يا أمي.. وحاجة تانية؟ بصيتِ للصالة حيث أحفادك نايمين ماتعلمش العيال دول إن الستات اللي زي شيرين هما بس اللي يستاهلوا الجواز عشان بيعرفوا يمسكوا الكاس ولا يتمنظروا باللبس.. وماتعلمهمش إن الجدات بيعيشوا بس عشان يشكروا ويمجدوا في غيرهم.
غمض عينه والوجع بان عليه مش هيحصل.
الأسابيع اللي بعد العيد كانت موسم حساب. حسابات.. محاميين.. قضايا حضانة.. كروت بنك اتجمدت. طارق جاب لك تليفون جديد عشان تكلميه مباشرة. المقاول جه صلح الشباك، والسخان، وسقف الأوضة اللي كنتِ مخبية الحتة اللي بتخر فيه ب جردل وإنكار.
المنطقة كلها عرفت طبعاً.. الحارة مبيستخبى فيها حاجة. العربية
إنتي محكيتيش كتير.. مش عشان مكسوفة، لا.. عشان الوجع لما بيتحكي بيتحول ل فرجة للناس، وإنتي مش عاوزه كدة. خليهم يخمنوا.. الحقيقة ملكك لوحدك.
شيرين من ناحيتها بدأت حرب الستات الشيك.. عياط قدام الصحاب.. إن طارق مابقاش متزن.. إنك مسيطرة عليه.. إن حماتي الكبيرة خرفت وقلبت سوء تفاهم لمأساة عشان وحيدة. كلام يضحك بس سمّ بجد. بس لما البنك كشف الحسابات التانية، والمشتريات والمصايف اللي اتصرفت من فلوس الرعاية.. مابقاش فيه حد بيدافع عنها.
طارق بقى بيكلمك كل يوم الساعة 7 ونص بليل. ساعات المكالمة بتبقى قصيرة، 10 دقايق، بس المكالمة بقت عادة حقيقية. في الأول الكلام كان تقيل.. بيسألك أكلتِ؟ ركبك عامله إيه؟ بيحكي لك عن العيال ومين فيهم رافض يلبس الشرابات اللي زي بعضها. إنتي بتسأليه بتنام كويس؟ بيكدب عليكي.. بتسيبيه يكدب، ساعات الحقيقة محتاجة وقت عشان تتقال بنضافة.
في ليلة من ليالي يناير، قال لك أنا مش عارف إزاي بعدت عن هنا كدة. فهمتِ قصده من غير شرح.. بعد عن الأصل، عن البساطة، عن إنه يشوف بجد بدل ما يفترض. بعد عن الحياة اللي الجوع فيها بيبان لأن الكل بياكل من طبق واحد. قلتِ له الجملة اللي تلخص كل حاجة شوية بشوية يا ابني.. دي الطريقة اللي الناس بتفقد فيها روحها.. مبيحصلش مرة واحدة.
سكت كتير.. لدرجة إنك افتكرتِ الخط قطع.
طارق بص لي وسأل بوجع يعني أنا ضيعت روحي يا أمي؟ بصيت حوليا في المطبخ.. الحيطان متبيّضة ونضيفة، الدفاية الجديدة بتزن بهدوء في الركن، مفرش التربيزة القديم لسه موجود لأني بحبه، بس المرة دي مفروش على تربيزة مستوية بعد ما النجار صلح خشبها. في الصالة، العيال بيضحكوا وصوتهم مالي البيت.
قلت له بهدوء لأ يا ابني.. إنت بس أجرت روحك ل الراحة شوية، ونسيت إن الراحة بفلوس بس السكينة بالأصل. ضحك ضحكة فيها تعب وامتنان، وسمعت فيها صوت طارق الصغير اللي كان بيجري ورايا زمان.
على الربيع، كان الطلاق بقى رسمي، وشيرين نقلت لشقة مودرن في التجمع وبدأت حياتها من جديد بطريقتها.. مكياج مثالي، كلام موزون، ومحاولات دايمة لتبديل السرقة بمصطلح
طارق فتح لي حساب جديد وحط فيه كل الفلوس اللي رجعت. أخدته معايا البنك، وخليته يقعد جنبي والمدير بيشرح لي كل ورقة وكل رقم سري. لما الموظفة الصغيرة بدأت توجه الكلام لطارق بحكم العادة، خبطت على المكتب وقلت لها يا بنتي، الفلوس دي بتاعتي أنا.. بصي لي وأنا بكلمك. طارق ابتسم وهو بيشرب قهوته، وعرف إن الدرس أخيراً جاب نتيجة بقلم الكاتبه نرمين عادل همام
الأحفاد بدأوا يجوا لوحدهم من غير أمهم.. وده غير كل حاجة. إبراهيم اتعلم يلعب كوتشينة مع الشيخ عبد الحميد، وبقى يغش بمنتهى البجاحة ويضحك. ياسين الصغير قرر إن قِدرة الفول بتاعتي بتعمل أحسن فول في مصر، وبقى يعلن ده كأنه قاضي بيصدر حكم. بقوا يساعدوني في البيت، ويسألوا عن جدهم الله يرحمه.
وفي يوم مطير، لقوا علبة سمنة قديمة فيها صور زمان. المطبخ اتقلب متحف لتاريخ أبوهم.
بابا كان فقير؟ إبراهيم سأل بصدمة حقيقية وهو شايف صورة طارق وعنده 9 سنين، هدومه قديمة بس ضحكته مالية وشه قدام تورته معمولة في البيت. طارق كان قاعد على الأرض وساند ضهره على الكنبة، رد قبل ما أتكلم فقير جداً يا إبراهيم.
ياسين بص في صورة تانية وسأل طيب ليه ماما كانت دايماً بتمثل إن الفقراء ناس مش نضاف؟ السؤال نزل كأنه حجر في ترعة هادية. طارق مكدبش ولا زوق الكلام، قال لهم بصدق عشان فيه ناس بيخافوا يبقوا زي الحاجة اللي بيحكموا عليها.. وساعات لما الناس بيبقى معاها فلوس، بيستخدموها غلط عشان يداروا خوفهم. العيال هزوا راسهم، وقبلوا الحقيقة بحتت صغيرة لحد ما يكبروا ويفهموها كلها.
في يوم سبت من شهر مايو، طارق جه لوحده. لابس جينز وقميص عادي، وشايل شنط الخضار والفاكهة في إيده، وباين عليه إنه بدأ يسيب المنظرة بعيد وهو جاي. عملت القهوة، وقعدنا نفصص بسلة سوا زي ما كنا بنفصص الفول زمان. قال لي فجأة يا أمي.. أنا قررت أسيب الشركة الكبيرة.
ده فاجئني أكتر من أي حاجة تانية.
ليه يا ابني؟ بص للبسلة في إيده وقال لأني قضيت سنين بعمل فلوس وسط ناس بيتكلموا عن قيم العيلة وهما سايبين أمهاتهم للمساعدين والسكرتارية. بعد اللي حصل هنا، بقيت بشوف حاجات كنت بسميها
المطبخ سكت.. وقلت له وهتعمل إيه؟ ابتسم جالي عرض من شركة أصغر في المنصورة. فلوس أقل، بس وقت أكتر.. وهنقل السكن هناك، هبقى قريب منك ومن العيال. مردتش عليه فوراً لأن عيني دمعت.. والحياة علمتني إن دموع الفرح مش ضعف. هزيت راسي وقلت دي اللي تتسمى حياة يا ابني.
العيد اللي بعده كان مختلف.. مش مثالي، لأن الحياة مش فيلم سينما، والوجع مش بيتمسح بكلمتين. لسه فيه قضايا، ولسه فيه أوقات طارق بيبص لي ب ذنب بيوجعني. ولسه فيه أيام ركبي بتوجعني وبقول يا ريت أبوه كان عايش يشوف ابنه وهو بيرجع لأصله.
لكن.. الشبابيك مابقتش تزيق بالليل من البرد. المخزن مليان. الدفاية جنمب السرير. الحساب فيه فلوس بتدخل باسمي وبمعرفتي. إبراهيم وياسين زينوا الشجرة الكبيرة ومنوروها. الشيخ عبد الحميد جه اتعشى معانا وجاب الكحك تاني، بس المرة دي ك تحلية مش ك نجدة.
ولما طارق رفع غطا حلة الفول ، ابتسم بطريقة
تانية خالص.
إنتي اللي عملتيه؟
أمال مين يعني؟
وبالسجق كمان؟
جرا إيه يا ابني.. ما أنا بقى عندي خيارات دلوقتي! العيال هيصوا كأنهم بياكلوا ديك رومي.. والحقيقة إن طعم الرضا أحلى بكتير.
شيرين مكنتش موجودة.. الغياب ده وجعنا عشان العيال، بس الغياب ساعات بيبقى أنضف من السم اللي بيتحط على التربية. وإحنا قاعدين بنشرب القهوة، طارق مسك إيدي وقال أنا لسه مش قادر أسامح نفسي إني مكنتش عارف.
بصيت له كتير.. برا، الهوا كان بيخبط في الشبابيك المتصلحة.. وجوا، الدفا كان حقيقي. الدفا مش ديكور، الدفا كرامة وستر. قلت له مش لازم تقضي بقيت عمرك بتعاقب نفسك.. اقضيه وإنت واخد بالك.
هز راسه كأنه بيجمع دروس مش أعذار، وقال أنا كنت هخسرك وأنا فاكر إني برعاكي. ضغطت على إيده لأ يا حبيبي.. إنت كنت هتخسر نفسك.. والحمد لله إنك رجعت لها من باب مطبخي.
عرفت وقتها إن أسوأ حاجة شيرين سرقتها مكنتش الفلوس.. كانت الوهم إن الحب اللي بيتبعت من بعيد بيوصل لوحده. الحب مبيوصلش لوحده.. لازم حد يشيله بإيده ويوصله. القصة مكنتش عن طبق فول ولا عن 100 ألف جنيه.. القصة كانت عن اللحظة اللي الابن بص فيها لتربيزة أمه، وحيطانها، وشتاها.. وشاف الحقيقة.
كل حاجة اتغيرت في اللحظة دي.. مش عشان بقى غني.. عشان لأول مرة من سنين..
الكاتبة نرمين عادل همام
تمت
