مغمي عليا
لما وقعت على السلم، قررت أعمل نفسي مغمى عليّ علشان أختبر المربية الجديدة لابني.
أنا اسمي أحمد، عندي 38 سنة، وشغال مدير تنفيذي في واحدة من أكبر شركات الاستثمار في البلد. بعد ما مراتي ندى توفت من 3 سنين، بقيت إنسان بارد جدًا كأن جزء جوايا مات. غرقت في الشغل لدرجة إني كنت بنسى إن عندي ابن وحيد اسمه ياسين، عنده دلوقتي خمس سنين.
وبسبب غيابي المستمر، جبت مربية اسمها الحاجة أمينة، ست أرملة عندها 55 سنة، جاية من بلد بسيطة. كنت دايمًا قاسي معاها؛ أزعق لها على أتفه الأسباب، لو شفت تراب أو سمعت ياسين بيعيط. وهي كانت دايمًا ترد بهدوء وتعتذر. وبحكم إني راجل أعمال وغني، ماكنتش بثق في حد وكنت فاكر إنها قاعدة بس علشان المرتب الكبير، ومستنية فرصة تاخد حاجة وتمشي.
في ليلة، رجعت البيت حوالي الساعة 2 الفجر، تعبان ومش في وعيي كويس بعد يوم شغل طويل. وأنا طالع السلم الرخام في الفيلا، ماخدتش بالي من لعبة صغيرة عربية كان ياسين سايبها على درجة من السلم. دوست عليها واتزحلقت، ووقعت جامد واتدحرجت حوالي عشر درجات، وكتفي وظهري خبطوا في الأرض بقوة. وأثناء الوقوع، المحفظة بتاعتي وقعت من جيبي وكانت مليانة فلوس وكروت بنكية مهمة.
كنت حاسس بوجع شديد، بس ما فقدتش الوعي. كنت لسه هقوم، لكن فجأة نور المطبخ اتفتح، وخرجت الحاجة أمينة بسرعة. في اللحظة دي جاتلي
قولت أشوف هتتصرف إزاي. قفلت عيني وثبت جسمي وعملت نفسي مغمى عليّ خالص.
سمعتها بتصرخ بخضة
يا نهار أبيض! يا أستاذ أحمد!
جريت عليّ بسرعة، وحسيت بإيدها بترتعش وهي بتشوف النبض والتنفس. كنت متوقع إنها تلاحظ المحفظة وتقرب منها يمكن تاخد فلوس أو حتى تهرب.
بس اللي حصل كان عكس كل توقعاتي.
قلعت الشال بتاعها وحطته تحت راسي بالراحة علشان تريحني. وبعدها صرخت بأعلى صوتها
يا رجالة! حد يلحقنا! اتصلوا بالإسعاف! الأستاذ أحمد وقع!
جريت على الباب تصحي الحراس، وبعد ما طلبت منهم يكلموا الإسعاف، رجعت بسرعة وقعدت جنبي. ما بصتش للمحفظة خالص، ولا لمست أي حاجة من حاجتي. مسكت إيدي وكانت بتدفّيها بإيديها.
وساعتها سمعت صوت عياطها.
كانت بتعيط بجد د موعها بتنزل على إيدي، وبتقول بصوت مكسور
يا أستاذ أحمد قوم بالله عليك قوم
في سر كان لازم تعرفه.
كملت ثابت في مكاني بس جوايا كان في حاجة بتتكسر لأول مرة من سنين.
صوتها وهي بتعيط ماكانش تمثيل كان وجع حقيقي.
الست دي اللي أنا طول عمري شايفها مربية جاية عشان الفلوس كانت خايفة عليّ كأني ابنها.
وفجأة سمعت جملة خلت قلبي يقف
أنا وعدت أمك قبل ما تم . وت إني أخلي بالي منك ماتخلّنيش أخلف وعدي يا ابني
عيوني اتفتحت لوحدها.
مش بإرادتي الكلمة دي كسرت كل تمثيلي.
بصتلها وأنا مصدوم إنتي قولتي إيه؟!
شهقت
واتراجعت لورا،
قعدت ببطء، وكتفي بيوجعني، بس الألم الحقيقي كان جوا صدري قوليلي إنتي تعرفي أمي منين؟
سكتت وبعدين مسحت د موعها بطرف الشال، وقالت بصوت مهزوز أنا أنا كنت شغالة عند والدتك زمان قبل ما حضرتك تتجوز بسنين.
اتسمرت مكاني.
أمي الله يرحمها كانت ست بسيطة وطيبة، بس عمرها ما حكيتلي عن حد بالاسم ده.
كملت أمينة لما تعبت قبل وفاتها طلبت مني أجيلك. قالتلي أحمد هيبقى لوحده وما بيحبش يبان ضعيف خلي بالك منه ومن ابنه لو حصل حاجة.
حسيت كأن الأرض بتتهز تحت رجلي.
أنا اللي كنت فاكر نفسي قوي ومتحكم في كل حاجة طلع في حد شايف ضعفي من زمان.
قلت بصوت واطي وليه ما قولتيش؟
ابتسمت ابتسامة فيها وجع لو كنت قولت كنت هتصدق؟ ولا كنت هتفتكرني بلف وأدور عشان أفضل في الشغل؟
سكت.
ماكانش عندي رد.
في اللحظة دي، دخل الحراس والإسعاف، والدنيا اتلخبطت. اتنقلت المستشفى، وكان مجرد كد مة قوية في الكتف والحمد لله.
لكن اللي حصل جوايا ماكانش بسيط.
بعد يومين
رجعت البيت.
أول حاجة عملتها إني سألت على ياسين.
قالولي إنه في أوضته.
طلعت له لقيته قاعد في ركن، ماسك لعبته العربية اللي وقعتني.
أول ما شافني، قام جري عليّ، بس وقف فجأة كأنه مش متأكد.
يمكن لأنه متعود يشوفني دايمًا مشغول أو متعصب.
نزلت على ركبتي رغم الألم، وفتحت دراعي تعالى يا ياسين.
اتردد
ح . ضن صغير بس حسيت فيه بكل حاجة كنت فاقدها.
شد عليّ وقال أنا خفت عليك يا بابا ماما أمينة كانت بتعيط جامد
ابتسمت لأول مرة من قلبي من سنين وأنا كمان خفت بس دلوقتي أنا كويس.
في نفس اليوم بالليل
طلبت من أمينة تقعد معايا.
دخلت وهي متوترة كعادتها تؤمر يا أستاذ أحمد؟
بصيت لها شوية وبعدين قلت اقعدي يا أمينة.
استغربت بس قعدت.
طلعت المحفظة من على الترابيزة، وحطيتها قدامها دي وقعت يوم الح .ادثة وإنتي ما لمستيهاش.
قالت بسرعة ده واجبي
قاطعتها بهدوء لا ده مش واجب. ده ضمير.
سكتت.
كملت أنا ظل . متك.
رفعت عينيها ليا بدهشة كأنها أول مرة تسمع الكلام ده.
طول الوقت كنت فاكرك موجودة عشان الفلوس بس إنتي الوحيدة اللي كنتي موجودة عشاننا بجد.
صوتها كان مكسور بس صادق.
دموعها لمعت في عينيها بس المرة دي ما نزلتش بسرعة زي كل مرة.
كأنها بتقاوم إنها تنهار أو يمكن بتحاول تستوعب.
وقفت قدامها شوية وبصّيتلها كويس.
شفت تعب سنين.
شفت حد عاش عمره كله بيخدم غيره من غير ما حد يسأله هو محتاج إيه.
قلت بهدوء ومن غير لف ولا دوران
من النهارده إنتي مش مربية.
اتجمدت في مكانها.
وشها شحب شوية وعينيها وسعت.
اتوترت وهي بترد
يعني همشي؟
السؤال خرج منها بسرعة كأنه خوف متخزن جواها من زمان.
الخوف من إنها تتشال في أي لحظة من غير ما يكون ليها مكان.
ابتسمت ابتسامة هادية مطمّنة
بالعكس إنتي هتفضلي.
سكتت لحظة وخدت نفس.
وكملت
بس
