واما بعد الفراق حياه اخرى لاسما السيد
حاجة.. .شيرين حاولت تلملم نفسها قربت خطوة وبصت ليوسف من فوق لتحت..
النظرة اللي دايما بتقيس بيها البشر.. مش بتشوف غير نفسها..
أهلا.. يوسف هز راسه باحترام.. رجع عينه عليا
ولا كأنها موجودة..
وفي اللحظة دي.. المربية قربت.. واحدة شايلة طفل والتانية ماسكة إيد طفل تاني.. ولد وبنت.. ملامحهم نسخة مصغرة من يوسف.. نفس العين الهادية..
الولد كان بيعيط.. والبنت بتشد في فستاني.
ماما..
الكلمة خرجت عفوية.
بصوت صغير..
بس وقعها كان مدوي.
شيرين شهقت.
شهقة خرجت غصب عنها.
حطت إيدها على بقها.
وعاصم بص ليهم بحزن مخفي.. يمكن هو نفسيته اهدي من شيرين عمره ما يأذي طفل.. وبعدين بص ليوسف.. وبعدين رجع بصلي.
.. ولادكم
يوسف انحنى لمستوى الطفل مسح على شعره اها ولادنا..مياسين..ومازن.. خلاص يا بطل بابا هنا.
وبعدين رفع عينه ليا بابتسامة صغيرة
معلش.. العزا طول عليهم.
أنا نزلت على ركبي ت البنت ومسحت دموع الولد.
الناس حوالي كانت بتبص.. بس أنا كنت في حتة تانية خالص.
شيرين كانت بتغلي.. مش من الغيرة العادية.. من الإهانة الكاملة.
إزاي
الكلمة طلعت
صوتها عالي شوية.. نبرة مكسورة.
يوسف لف لها بهدوء إزاي إيه
سكتت.. .بلعت ريقها.. وبعدين هتفت و كأنها بتدور على أي حاجة تمسكهاانتوا.. متجوزين
يوسف بصلي الأول.. دايما يعمل كده.. كأنه بيأكد إن الإجابة مشتركة.
من أربع سنين.. و٤شهور..خمس ايام
تفاصيله الصغيره بتبهرني..هو العوض الجميل ليا في الدنيا..بحبه ..حب جنون..
أربع سنين.. أربع سنين هدوء.. .أربع سنين تعويض.
أربع سنين أنا فيها مش بستخبى.. شيرين ضحكت ضحكة قصيرة.
عصبية.. .مصطنعة.
بس.. بس.. انت كنتي لوحدك! دائما في المناسبات
ابتسمت.. مش ابتسامة شما تة.. .ابتسامة سلام.
لا. أنا بس ما كنتش محتاجة أفرج الناس علي حياتي الخاصه.. دول ممتلكاتي لوحدي..
الكلمة نزلت تقيلة. زي حجر في مية راكدة.
عاصم كان ساكت.. وعينيه بتتنقل بين يوسف والأطفال وبيني.
ولأول مرة.. شفت فيه حاجة شبه الخسارة.
شيرين ما استحملتش.. قربت خطوة.. نبرة صوتها اتغيرت.
طلع منها الحقد القديم.
انت شايفه نفسك لسه ملاك بعد السنين دي كلها يا ساندي.
انتي اتحوزتي ابن عم جوزي عشان تغيظيني.. أكيد
جبتيه بيها.. سحر.. مثلا.. شعوذة..
ما هو مستحيل!.. قبل ما تكمل.. يوسف شدني ناحيته.
مش عشان يحميني.. .عشان يوقفها.
صوته بقى حاد لأول مرة
احترمي نفسك.. .إنتي في عزاء.. ايه القرف اللي بتقوليه ده.. انتي فاكره أن كل الناس ليها في السكك دي زيك..
في الحقيقة بدايه معرفتي بيوسف كان غريب .. لما جه يدور علي والدتي علشان يلحق عاصم اللي بسبب شيرين خسر عيلته كلها..وأنه شاكك أنها جابته بالسحر والشعوذه وأنها مش بس اذته واتجوزته.. لا اذت أمه اللي كرهها وبعد عنها وحالها اختلف..كان فاكر أن احنا نعرف الشيخ اللي هي وتعاملت معاه..قعدنا..اتكلمنا..عرف الحكايه الغامضه..وعالجنا سوا ام عاصم اللي ما تت من سنه كامله..حبيته واتجوزته وبقي لينا حياه خاصه
مسكت ايد يوسف منعته يتكلم.. عاصم يستاهل يعيش مغيب
شيرين كانت خرجت عن السيطرة.. انت مج نون..انت بتقول ايه..
وبعدين أصل مفيش تفسير!
إزاي أنا..
أنا اللي معايا فلوس وقصر..
أبقى فاضية معنديش ولاد..وهي معاها ده كله
سكت.. صدمه..معقول الغل دا كله..
وبعدين يوسف اتكلم بهدوء قاتل عشان
ما بيكملش صح.. .الناس بدأت تقرب.
همسات.. نظرات.. عاصم حاول يسحبها
شيرين.. كفاية.
فلتت إيدها.
لا!
قولي.. قولي الحقيقة!قول إنك سحرتيه!
ضحكت.. ضحكة خفيفة.
مش مستفزة.. .موجوعة شوية.
أنا ما سحرتش حد.
أنا تعبت.. .اتعالجت.
اختارت اللي يستاهلني يا شيرين..يوسف حط إيده على كتفي
وانتي اختارت صح يا روح يوسف..باس دماغي..ي بقوه ومشينا..
الصمت نزل تقيل.. شيرين عينيها لمعت..
مش دموع.. .نا ر.
همست بغل.. مش ههنيكي
بصتلها بهدوء ربنا عدل..ومش بياخد صف حد ظالم.
المربية كانت بتهدي الأطفال.
يوسف انحنى شالهم.. ولد على دراع وبنت على دراع.
قبل ما يمشي.. بص لعاصم.
علي فكره..امك ما تت..دعيالك ياابن عمي.. تفوق من وهمك وعماك.. سلام.. .وخليك فاكر..
مش كل حاجة بتلمع تبقى دهب.
ومشي.. عاصم أنصدم..أمه ما تت وهو ميعرفش ..حاسس بوجع رهيب .. أغمي عليه والكل اتجمع حواليه..
يوسف شدني وكان بيمحي اي رابط بينا للابد..وهو بيقولي ميستاهلوش يا عمري..
بصيت ل
قبر أمي..ودعتها بدموع عيني همساتوعدتك يا ماما..
لقيت السلام..
وفي وسط الحزن.
تمت.. حكايات اسما السيد حصري
