من ٧ سنين كنت حامل كتابة لميا شاهين
من 7 سنين كنت حامل في شهر و أسابيع لما حصل لي إجهاض.. الانقباضات الشديدة بدأت وأنا في الشغل.. وعلى ما وصلت المستشفى كنت متأكدة إن في حاجة غلط.. وفعلا بمجرد الفحص أكدوا إني خسرت الجنين..
جوزي مجاش المستشفى.. ولما بلغته باللي حصل بعت لي رسالة قال فيها أنا عندي مشكلة كبيرة في الشغل.. هشوفك في البيت
روحت البيت الساعة 2 الضهر.. كنت تعبانة ومرهقة وقلبي مكسور.. لقيت جوزي في البيت..
وجوزي قال احنا محتاجين نتكلم في اللي حصل ده زي الناس الكبيرة
مصرختش.. معيطتش.. طلعت تليفوني من شنطتي.... ومشيت..
قعدت في فندق اليوم ده.. تاني يوم الصبح كلمت محامي..
كان ردي عليهم انا عايزة اتطلق.. ومش عايزة أي حاجة منك.. لا البيت.. والا العربية.. والا أي حاجة من عفش البيت.. أنا بس عايزة أمشي
بعد أسبوعين أمي اتصلت بيا قفلت الخط في وشها..
أبويا وأمي فضلوا يحاولوا يتواصلوا معايا عشان أبقى منطقية..المفروض إن أنا أفكر في الأفضل للعيلة
رديت عليهم وقولت العيلة بالنسبالي ماتت
عرفت
لسنين طويلة أهلي كانوا بيبعتوا لي صور الأطفال.. بس أنا عمري ما فتحتهم.. كانوا بيعزموني على أعياد ميلاد الولاد والأعياد.. بس أنا عمري ما روحت..
نقلت من الولاية وسكنت على بعد ساعتين من بيت أهلي عشان أبدأ من جديد.. ومن 3 سنين بس قابلت واحد في كافيه..
كان طيب ودمه خفيف وعنده عيلة كبيرة بتحب بعضها.. اتجوزنا من سنتين.. وعيلته رحبت بيا كأني كنت معاهم من زمان..
أخته عندها 4 ولاد.. بيقولوا لي يا خالتو.. بنروح سوا الجنينه.. وناكل بسكوت.. ونتفرج على أفلام.. بحب الولاد دول أكتر من اللي كنت ممكن أتخيله.. وأخيرا حسيت إن عندي عيلة من تاني..
من 3 شهور بس.. أختي اتصلت بيا ف الشغل.. ماكنتش أعرف إنه ده رقمها.. ف رديت.. كانت بتعيط.. وبتقول أنا محتجاكي.. لو سمحتي أنا محتاجة أختي
قفلت في وشها.. وبعد ساعة واحدة لقيت رسالة من أمي كاتبه فيها أختك محتجاكي دلوقتي.. أرجوكي اتصلي بيها.. عملت بلوك
بعد يومين أبويا اتصل من رقم مختلف.. وقال اختك خسرت جنين.. وهي متدمرة.. وانت محتاجة تكوني جنبها
قولت له لا.. انا مش محتاجة وقفلت في وشه..
بعدها بأسبوع.. لقيت أمي على باب بيتي.. بدون ما تقولي من قبلها.. كانت بتعيط لما فتحت الباب.. أول ما فتحت قالت من فضلك.. اختك بتنهار.. انتي مجربة وعارفه يعني ايه تخسري جنين.. انت محتاجه تسامحيها..
فضلت باصه لها لمدة دقيقة طويلة وبعدها قولت لها ايوه فعلا.. عندك حق.. انا عارفه يعني أيه إن واحدة تخسر حمله
أمي وشها أصفر.. ف كملت كلامي وقولت لها وكمان عارفه يعني ايه أبويا وأمي يتحايلوا عليا إني اسامح الشخص اللي دمر حياتي.. عشان العيلة لازم تسامح بعضها.. وعارفه يعني ايه يتقال لي إني أنانيه عشان مش عايزة أبقى خالة الولاد
أمي حاولت تقاطعني عشان تقول حاجة.. بس أنا كملت أنا كنت الشخص الأكبر والأعقل.. من سبع سنين.. لما مشيت بهدوء.. وسيبتكم كلكم تدعوا إني أنا الشخص الشرير.. مقولتش لأي حد أيه اللي حصل.. مروحتش فرحها
مرتاحين..
أمي كانت بتترعش وهي بتقول بس دي اختك
وانتي مبقتيش أمي من اليوم اللي طلبتي مني أسامحها على اللي عملته
رجعت خطوة ورا ودخلت بيتي تاني وقفلت الباب.. أمي فضلت واقفة قدام الباب لمدة خمس دقايق بتعيط وبعدها مشيت..
كل ده من شهرين.. ومن ساعتها مسمعتش من أي حد فيهم أي حاجة..
الأسبوع اللي فات.. بنت أخت جوزي طلبت مني أروح مسرحية المدرسة بتاعتها.. قعدت في أول صف مع جوزي وعيلته.. ولما البنت طلعت على المسرح وشافتني.. كانت بتشاور بقوة وحماس لدرجة إني خوفت إنها تأذي دراعها..
بعد المسرحية ما خلصت جريت عليا وقالت انا مبسوطة أوي انك خالتو ساعتها جامد وأدركت حاجة مهمة اوي.. أنا بالفعل عندي عيلة.. وهما فعلا يستحقوا وجودي معاهم..
ساعات إنك تكون الشخص الأكبر والأعقل مش معناه إنك تسامح الكل.. معناه إنك تبقى عارف امتى تكون خفي في حياة حد وموجود بقوة في حياتك انت..
احاديث_
LamiaaShaheen
