هزات ارضية وعواصف واحداث طبيعية مرعبة

وخلى الظواهر الطبيعية المتطرفة تبقى عشوائية وغير متوقعة وتحصل بشكل أكتر بكتير!
بس المرعب بقى هو مش كل ده
المرعب فعلا هو ان من كام ساعة كده ظهر فيديو لقبطان بحري شاب مسجله من فوق سفينة موجودة في البحر المتوسط وبيقول ان الساعات اللي جاية في خطر ضخم ومخيف بيهدد السواحل المصرية على البحر المتوسط بسبب تدخلات صناعية على حد تعبيره وسلاح أو جهاز سري بيتم استخدامه حاليا لتسخين البحر وخلق اهتزازات أرضية في قاعه هتؤدي لحدوث موجات تسونامي تضر ب سواحل المدن المصرية!
طب أيه بقى الكلام ده وهل ممكن يكون صحيح فعلا!
الحقيقة يا صديقي ان الكلام ده مش حقيقي وخاطيء تماما وده لأكتر من سبب
أول حاجة الهيئة القومية للبحوث الفلكية في مصر أكدت إنه مفيش أي نشاط زلزالي غير طبيعي وآخر زلزال كبير في المتوسط اللي هو كان زلزال كريت اللي حصل الشهر اللي فات كان بعيد جدا عن مصر وما سببش تسونامي وفرص حدوث تسونامي في بحر زي البحر المتوسط أصلا ضعيفة جدا ونادرة وصعب توصل الأمور للدرجة دي
طيب واللي بيقولوا إن دي كوارث صناعية أو بفعل البشر
بعض الناس بدأت تربط اللي بيحصل بحاجات زي مشروع هارب HAARP اللي هو المفروض بيتحكم بشكل صناعي في الطقس حسب نظريات المؤامرة المشهورة عن الموضوع
بس الحقيقة ان مفيش أي تقنية حالية تقدر تخلق زلازل أو أعاصير بالشكل ده دي نظريات مؤامرة مش مدعومة بأي دليل علمي حقيقي وأنا كنت اتكلمت عنها في مقال طويل قبل كده من البداية للنهاية بالتفاصيل العلمية هسيبهو
في زمن بقت فيه المعلومات بتنتشر أسرع من البرق وناس كتير بتتكلم بدون علم أو مرجعية بيكون دورنا إننا نرجع البوصلة للحقيقة ونفرق بين اللي بيحصل فعلا واللي بيتقال عليه إنه بيحصل 
ما يحدث في البحر المتوسط في الوقت الحالي يعد أمرا مقلقا من الناحية البيئية والمناخية لكن أسبابه ترتبط بالتغيرات المناخية العالمية والاحتباس الحراري وليس له علاقة بأي تدخلات بشرية غير مثبتة أو مزاعم غير علمية 
إنما هو تحذير واضح وصريح من الكوكب نفسه إننا كمجتمعات بشرية أهملنا البيئة وأسرفنا في استنزاف الموارد وغفلنا عن تأثيرات التغير المناخي اللي بدأ يحصد أول نتائجه قدام عنينا 
درجات حرارة البحر المرتفعة والأسماك النافقة والأنظمة البيئية المنهارة وزيادة الأعاصير والعواصف دي مش مجرد أرقام وتقارير دي ناقوس خطر بيقول لنا إن القادم أصعب وإن الحل مش في الرعب لكن في الفعل في التوعية في تخفيض الانبعاثات في دعم الأبحاث وفي إن كل واحد فينا يتحمل مسؤوليته تجاه الكوكب اللي عايش عليه 
أما بالنسبة للإشاعات عن التسونامي أو التسخين الصناعي للبحر فخلي بالك دايما
العلم مش بيكدب لكن الكذب ممكن يلبس لبس العلم!
اسمع اقرا اتأكد وبعدين احكم 
لأن الخوف الحقيقي مش من البحر ولا من الزلازل
الخوف الحقيقي إننا نستمر نعيش في جهل ونصدق كل فيديو وخبر بدون ما نرجع للحقائق