فقدت طفليّ التوأم وظننت أن حياتي انتهت.. ثم عوضني الله بثلاثة أطفال في حمل واحد

"إيه ده؟"

قالت لي:

"جربيه."

فضلت أضحك، وركنته عندي حوالي أسبوع.

يمكن لأني كنت خايفة أفرح.

يمكن لأني كنت خايفة أجرب وأشوف نفس النتيجة اللي شفتها قبل كده.

ويمكن لأن جزء مني كان لسه بيخاف من الأمل.

لكن بعد حوالي أسبوع، لقيت نفسي عاوزة أجرب.

قلت أجرب من باب الأمل والفضول، من غير ما أتوقع حاجة.

دخلت الحمام وعملت الاختبار...

وفجأة لقيت إني حااامل!!!

في اللحظة دي مش عارفة حصل لي إيه.

خرجت أجري من الحمام.

كنت بعيط شوية وأضحك شوية، ومش عارفة أعمل إيه ولا أقول إيه.

قعدت على الأرض وسجدت لربنا وأنا ببكي.

كنت حاسة إن الكلام قليل على اللي جوايا.

حماتي وجوزي كانوا بيعيطوا على عياطي، وحماتي من غير ما أنطق قالت لجوزي:

"حامل."

كأنها كانت عارفة من نظرتي بس.

كنت بعيط وأضحك في نفس الوقت، ومش عارفة أتكلم.

كل اللي كان جوايا وقتها خوف وفرحة وأمل.

خوف أكون بحلم.

وخوف إن الفرحة دي تروح مني.

وبعد وقت طويل لما هديت، جوزي وقال لي:

"شفتي عوض ربنا؟"

وبعدين قال:

"يلا البسي نروح نكشف."

خرجت معاه وأنا خايفة جدًا.

كنت خايفة أكون فعلًا بحلم.

وخايفة إن الدكتور يقول لنا مفيش حمل.

وصلنا للدكتورة، وكشفت عليّ.

وبعدها قالت لنا إن فيه حمل من شهرين ونص تقريبًا...

وإن فيه ٣ أكياس.

يعني...

أنا حامل في ٣!!!

في اللحظة دي حسيت إن الدنيا كلها وقفت.

أنا اللي كنت فاكرة إن خلاص مفيش تاني.

أنا اللي كنت من فترة قريبة بدفن أول فرحة ليا.

أنا اللي كنت بقول لجوزي يتجوز واحدة غيري عشان يكون أب...

لقيت ربنا بيرزقني بثلاثة مرة واحدة.

جوزي فضل يضحك عليّ ويقول لي:

"مش زعلتي على ٢ راحوا؟ ربنا بيقولك خدي بقى."

ويضحك ويقول للدكتورة:

"مضيها معلش، هي اللي هتربي لوحدها."

والدكتورة فضلت تضحك.

أما أنا...

فكنت لسه مش مستوعبة.

كنت ببص له وببص للدكتورة، وأحاول أستوعب إن اللي سمعته حقيقي.

بعد كل الانتظار.

بعد كل العلاج.

بعد كل التعب.

بعد فقد الطفلين.

بعد السنة اللي عشتها وأنا مفوضة أمري لله...

ربنا كان بيجهز لي عوضًا أكبر من كل اللي كنت أتخيله.

وبحمد لله ربنا كرمني بيهم:

يوسف، وياسين، وياسمين.

ودلوقتي عندهم ٤ سنين.

أربع سنين وأنا ببص لهم أحيانًا وأفتكر كل اللي حصل، وأقول لنفسي:

سبحان الله...

إحنا ساعات بنفتكر إن الحكاية انتهت عند أصعب لحظة، ونكون مش عارفين إن ربنا لسه كاتب لنا فصل تاني أجمل بكتير.

أنا فقدت طفلين وكنت فاكرة إن قلبي مش هيقدر يفرح تاني.

لكن ربنا عوضني بثلاثة.

وعوض ربنا فعلًا بيفوق كل تخيلاتك.

وعوض ربنا ممكن ييجي بعد ما تكون فقدت الأمل تمامًا.

وممكن الحاجة اللي بتبكي عليها النهارده، تكون سبب إنك تعرف بعد سنين إن ربنا كان شايل لك حاجة ما كنتش تتخيلها.

عوض ربنا ينسيك ما قد فقدت.

فاللهم العوض الجميل لكل من فقد، ولكل قلب صبر ورضي وانتظر رحمة ربنا... 🤍♥️